ވިލިވަރު އައިސޮލޭޝަން ފެސިލިޓީގެ މަސައްކަތްތައް ޑިފެންސް މިނިސްޓަރު މާރިޔާ އާއި ޓޫރިޒަމް މިނިސްޓަރު އަލީ ވަހީދުގެ ބައްލަވައިލައްވަނީ: މިއީ 250 މީހުންގެ ޖާގައިގެ ފެސިލިޓީއެއް-- ފޮޓޯ: ޑިފެންސް މިނިސްޓްރީ
18 މެއި 2020 - 15:22
16 comments
ކޮވިޑް-19 އަށް ޕޮޒިޓިވްވާ ބިދޭސީން ބައިތިއްބަން ޚާއްސަ ކުރަން ސަރުކާރުން ނިންމި ކ. ވިލިވަރު އަލުން ތަރައްގީކޮށް، އިއްޔެ ސަރުކާރާ ހަވާލުކޮށްފި އެވެ.
ކޮވިޑް-19 އަށް ހާއްސަ ކޮށްގެން ކަރަންޓީން ފެސިލިޓީއެއްގެ ގޮތުގައި ރާއްޖޭގައި އެންމެ ފުރަތަމަ ބޭނުން ކުރަން ފެށީ ހުޅުމާލޭ ދެވަނަ ފޭސްގެ ބައެއް ކަމަށްވާ ފަރުކޮޅުފުއްޓެވެ. އެ އަށް ފަހު މާޗް މަހުގެ ކުރީކޮޅު ވަނީ ވިލިވަރު ވެސް ކަރަންޓީން ފެސިލިޓީއެއްގެ ގޮތުގައި ހަމަޖައްސައި، އެތަނުގައި 30 ކޮޓަރި ހަދައިފަ އެވެ.
ބިދޭސީނަށް ހާއްސަކޮށް، ކުރީގެ ރިސޯޓެއް ކަމަށްވާ ވިލިވަރު ތަރައްގީ ކޮށްފައިވާއިރު މިހާރު އެއީ 250 މީހުންގެ ޖާގައިގެ އައިސޮލޭޝަން ފެސިލިޓީއެއް ކަމަށް އެ މަސައްކަތުގައި އިސްކޮށް ހަރަކާތްތެރިވި ޓޫރިޒަމް މިނިސްޓްރީން ބުންޏެވެ.
ވިލިވަރު އައިސޮލޭޝަން ފެސިލިޓީ:އެތަނުގައި މީހުން ބެއިތިއްބުމަށް ތިން ޓެންޓް ހަދާފައިވޭ-- ފޮޓޯ: ޓޫރިޒަމް
އެ ފެސިލިޓީގައި ފުރަތަމަ ހެދި 30 ކޮޓަރި ހާއްސަ ކޮށްފައި ވަނީ ސިފައިންނާއި ފުލުހުންގެ އިތުރުން ސިއްހީ ހިދުމަތް ދޭ މީހުންނަށެވެ.
އެއާ ކޮންޑިޝަން ތިން ޓެންޓް ހުރިއިރު އެއިން ކޮންމެ ޓެންޓެއްގައި ގިނަ އަދަދަކަށް އެނދު ބަހައްޓާފައިވެ އެވެ. ކޮންމެ އެނދެއް ކައިރީގައި މެޑިކަލް އިކުއިޕްމަންޓް ގުޅަން ޖެހިއްޖެ ހާލަތެއްގައި އެކަން ކުރެވޭނެހެން ކަރަންޓު ސޮކެޓް ވަނީ ހަރުކޮށްފަ އެވެ.
ފެސިލިޓީގައި 20 ފާހާނާ ހަދާފައިވާއިރު ފެންވަރާ ތަންތަން ހަދާފައިވަނީ ވަކިންނެވެ.
ޓޫރިޒަމް މިނިސްޓްރީން ބުނީ އެ ފެސިލިޓީއަށް ބޭނުންވާ ތަކެތި އެސްޓީއޯ މެދުވެރިކޮށް ހޯދިއިރު، ތަން ހެދުމުގެ މަސައްކަތް ފެނަކަ ކޯޕަރޭޝަންނާއި ޑަބްލިއު ކޮންސްޓްރަކްޝަން އަދި ރޯޑް ޑެވެލޮޕްމަންޓް ކޯޕަރޭޝަނުން ކޮށްދިނީ ހިލޭ ކަމަށެވެ.
ވިލިވަރު އައިސޮލޭޝަން ފެސިލިޓީގެ ޓެންޓްގައި އެނދުތައް ބަހައްޓާފައި: މިއީ 250 މީހުންގެ ޖާގައިގެ ފެސިލިޓީއެއް-- ފޮޓޯ: ޑިފެންސް މިނިސްޓްރީ
ޓޫރިޒަމް މިނިސްޓަރު އަލީ ވަހީދާއި ޑިފެންސް މިނިސްޓަރު މާރިޔާ އަހުމަދު ދީދީ އިއްޔެ ވަނީ އެ ފެސިލިޓީއަށް ވަޑައިގެން އެތަން ބައްލަވައިލައްވައި ފަ އެވެ. އެތަނަށް މީހުން ގެންދަން ފަށާ ދުވަހެއް އަދި ނޭނގެ އެވެ.
ކޮވިޑް-19 އަށް ރާއްޖޭން މިހާތަނަށް 1,094 މީހުން ޕޮޒިޓިވް ވެފައިވާއިރު އޭގެ ތެރޭގައި ގިނައީ ބިދޭސީންނެވެ. ސަރުކާރުން ވަނީ ތޮއްޖެހިގެން މާލޭގައި ދިރިއުޅޭ އެތައް ސަތޭކަ ބިދޭސީންނެއް އެކިއެކި ލޭބާ ކުއާޓާތަކަށް ބަދަލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިތާމަކުރަން
19 May 2020
ފެން ބިލް ކަރަންޓް ބިލް ހިލޭ މިދުވަސް ކޮޅު ދޭންޖެހޭނެ. ކޮންމެ ރައްޔިތަކައް ހަނޑޫ ހަކުރު ފުށް ގޭސް ފުޅި ރޯމަސް ދޭންޖެހޭނެ. ތިކުރާ މަކަރު ހަރަދު ނުކޮށް މިކަންކަމަށް ކޮށްދިނުމަކީ ރައްޔިތުންނަށް ކޮށްދޭން ޖެހޭ ކަންތައް. ސީއެންއެން ބަލާލިޔަސް ދުނިޔޭގަ ކަންކުރާ ރީވެތިކަން ހެޔޮކަން ފެނި ލަދުގަނޭ. ޗައިނާގަ 8 މިލިއަން މީހުން 10 ދުވަހުން ޓެސްޓްކުރަން ފަށަނީ. މިތަނުގަ 350000 2 މަހުންވެސް ނުވޭ. ދިވެހިން ވިސްނާ ފިކުރު ކުރޭ، އެޅިހާ ބަތަކަށް ރިހަނުވޭ. ލަދުވެތި
ކޮރަލް
18 May 2020
ތިޔަ ތަނައް ޖުމްލަ ހަރަދު ވި ވަރެއް ނޭގުނެވެ. އެއްބަޔަކު ނިމޭ އިރައް އާބަޔަކު ފަށަނީ އެވެ.
ގުޑުގުޑާ
18 May 2020
ތައްހެދުމައްދިޔަ ކޮއްމެރުފިޔާއަކައް ކިތެއްރުފިޔާތޯ ވަގައްނެއްގެވީ
ހިތާމަކުރަން
18 May 2020
ފޮޓޯ ތައް ފެނިފަ ދެރަވޭ ގިނަ ހަބަރުން ހިތާމަކުރަން... 1000 މިލިއަން (1 ބިލިއަން އެއީ ވަރަށް ފައިސާ) ކިތައް މީހުނަށް ބާ އެއްފަހަރާ 1 މިލިއަން ފެނުނީ...؟ އޭގެ 1000 ގުނަ ހުސްވިއިރު ކޮންކަމެއްތޯވީ ރައްޔިތުންނަށް... ތަންތަން އިމާރާތް ކޮށް އުޅުނު މިހެއްގެ ހައިސިއްޔަތުން މި ބުނީ... ވެލްޑިންގް ކޮށް ސަތަރި ދަމާ ސިިންގަލް އެދު އަދި 1 ކަރަންޓު ކޮޅަށް ހަރަދުވާނެ ވަރު ތައް ކުޑަ ދަރިފުޅުވެސް ލަދުން ހުރެ ކިޔާ ދޭނެ... ރައްޔިތުންނަށް އަޅާލާ ވަރަށް ހާލުގަ މިތިބީ!
ދިވެހިން ގެ ފަރާތުން
18 May 2020
ބަނގްލަދޭސް ބޭފުޅުން ނައް ދެއްތޯ ، ދިވެހި ނިކަމެތިންނައް ވުރެ އަރާމުގަ ، އިމިގްރޭސަން އަސްރާ ޒިންމާނަގަންޖެހޭނެ
އިޔެ1
18 May 2020
އަހަރެމެން ގުދާރު ބިންދައިގެން ގަދައަވީގައި މަސައްކަތްކޮށްގެން ޕެންޝަން ފަންޑަށް ޖަމާކުރި ލާރި އިންވެސްޓު ކުރާގޮތް އެހެރީ ފެންނަން. ދަގަނޑު ހޮޅިތަކެއްގައި ސަތަރި ހަރުކޮށް، ލަކުޑި ކޮޅެއްގައި ސޮކެޓެއް ހަރުކޮށްލަން މިލިޔަނުން ލާރި ތަޅާލީ. ކެވުނު ވަރަކަށް ކައިފަބަހައްޓާ، ދައުރު ނިމުނީމަ ރިޔާސީ ކޮމިޝަނެއް ހަދައިގެން ތަހުޤީގު ކުރެވޭނެ. ކޮވިޑު ޖެހުނު 1000 މީހުން އަދި ނިޔާވި 4 މީހުންގެ ހައްޤުގައި އިހުމާލުވި އެންމެން ޖަވާބުދާރީ ކުރުވާނެ.
އަންނިބެ
18 May 2020
ތިޔަ ބުނާ ވިލިވަރަކަށް އަހަރެމެން އަތުން ހާދަ ލާރިއެއް ޚަރަދުކޮށްފިޔޭ.. އިރާދާ ކުރެވިއްޔާ ކަލޭމެން މިކަމަށް ޖަވާބުދާރިވާންޖެހޭ ދުވަސް ވަރަށް ގާތުގައި އެބައޮތް... ކޮވިޑޭ ކިޔައިގެން ... ކަމެއް ނުކުރޭ..މިއީ ހެޔޮވެރިކަމޯ..ދިވެހިންގެ ހައްގު މިންވަރު
ތޫ
18 May 2020
ރެފިއުޖީ ކޭންފްތަކެއް ހެން ބިދޭސީން ބައިތިންބާ ތަންތަންހަދާ އެމީހުން ދިގުމުށްދަތަކަށް ތިތަންތާ ބައިތިންބަށް ނުހަދާތި . ތި ތަންނުން އެއާރފޯޓަށް ގެން ގޮސް ފުރުވާލާ. މާލެ ގެންނަށް ދެން ނުހަދާތި.
ދޮންކޮ
18 May 2020
ދިވެހި ރަށްއިތުންނަށް ޓެކްސްފައިސާއިން ބިދޭސީންނަށް ތިހާ ބޮނޑެތި ހަރަދު ކުރުމަކީ ކަންބޮނޑްވާކަމެއް. ޔަގީން އެމީހުން ފުލައިޓެއް ޗާޓަރކޮށްފަ ފޮނުވާލަށް ނުދާ ހަރަދު ތި ތަންތަނަށް ކޮށްފް ހުންނާނެ ކަން.
އާރީ
18 May 2020
ބިދޭސީންގެ ކިބައިން ދިވެހި ރަށްއިތުން ސަލާމާތް ކޮށްދީދީގެން ނޫނީ ދެން ދިވެހިރަށްއިތުން ނަށް ފާގަތި މުސްތަގްބަލެއް ނެތް. ގަވާއިދާ ހިލާފަށް އުޅޭ 80000 ވަރަށް ބިދޭންސީން މި ދައުރު ނިމެންވާއިރަށް ފޮނުވާލިޔަސް މިސަރުކާރަށް އަހަރަމެން 100 ފަސެންޓް ދީ. ސެލިއުޓް ކުރާނަށް.