މާލޭގައި ދޯންޏެއް ޖެޓީއާ ކައިރިކުރަނީ: ކޮވިޑުން ރައްކާތެރިވާން ބައެއް ރަށްރަށުގައި އެޅި ފިޔަވަޅުތަކަށް ލުޔެއް ދޭން މަސައްކަތް ކުރަމުން އަންނަ ކަމަށް މިނިސްޓަރު ވިދާޅުވި. --ފޮޓޯ: ނިޝާން އަލީ/މިހާރު
19 މެއި 2020 - 00:44
15 comments
ކޮވިޑް-19 އިން ރައްކާތެރިވުމުގެ ސިއްހީ އިރުޝާދުތަކަށް ފުރިހަމަ އަށް އަމަލުކޮށް، ބަލި ފެތުރުމުގެ ނުރައްކާ ކުޑަކުރި ބައެއް ރަށްތަކަށް ލުއިތަކެއް ދޭން މަސައްކަތް ކުރަމުން އަންނަ ކަމަށް ހެލްތު މިނިސްޓަރު އަބްދުﷲ އަމީން މިރޭ ވިދާޅުވެއްޖެ އެވެ.
ބަލިން ރައްކާތެރިވުމަށް ސިއްހީ ކުއްލި ނުރައްކަލުގެ ހާލަތު އިއުލާންކޮށް، މާލެ އާއި ރަށްރަށުގައި ވަނީ ހަރުކަށި ފިޔަވަޅުތަކެއް އަޅައިފަ އެވެ. އޭގެ ތެރޭގައި ސަރުކާރުގެ އޮފީސްތަކާއި ސްކޫލްތަކާއި ޕާކުތައް ބަންދުކޮށް ޒަރޫރީ ބޭނުންތަކުގައި ފިޔަވައި އެއް ރަށުން އަނެއް ރަށަށް ދަތުރުފަތުރާއި ޖަމާއަތުގައި ނަމާދުކުރުން ވެސް އޮތީ ވަގުތީ ގޮތުން ހުއްޓުވައިފަ އެވެ.
ބަލި ފެތުރުމުގެ ނުރައްކާ ކުޑަ ނުވަތަ ދަތުރުފަތުރު ހުއްޓުވިތާ 14 ދުވަހަށް ވުރެން ގިނަ ދުވަސްވިއިރު މީހުން އަރައި ނުފައިބާ ރަށްތަކެއް އެބަހުއްޓެވެ. އޭގެ ތެރެއިން ބައެއް ރަށްރަށުން އަންނަނީ ޖަމާއަތުގައި ނަމާދު ކުރުމުގެ ހުއްދަ ދޭން އެދެމުންނެވެ.
ބަލި ފެތުރުން ހުއްޓުވަން މިހާރު އަޅަމުން އަންނަ ފިޔަަވަޅުތަކާ ގުޅޭ ގޮތުން ޕީއެސްއެމްގައި މިނިސްޓަރު އަމީން ވިދާޅުވީ ބޭރުން އެއްވެސް މީހަކު ރަށަށް ނާރާތާ މަސް ދުވަސްވީ ރަށްތައް ވެސް އެބަހުރި ކަމަށެވެ. މިފަދަ ރަށްތަކަށް ލުޔެއް ދެވިދާނެ ކަމަށް މިނިސްޓަރު ވިދާޅުވި އެވެ.
"މި ކަމަށްޓަކައި އަޅުގަނޑުމެން މިހާރު ވެސް އަންނަނީ ވާހަކަ ދައްކަމުން. ކޮންކަމެއްގައިތޯ އެ ރަށެއްގައި ލުއި ދޭވޭނީ،" މިނިސްޓަރު ވިދާޅުވި އެވެ.
މިނިސްޓަރު އަމީން: ކަމާބެހޭ އިދާރާތަކުގެ އިރުޝާދަށް ފުރިހަމަ އަށް އަމަލުކުރި އަދި ބަލީގެ ނުަރައްކާ ކުޑަ ރަށްތަކަށް ލުއި ދޭން މަސައްކަތް ކުރަމުން އަންނަ ކަމަށް ވިދާޅުވި.
މިކަމުގައި ލަސްވުންތަކެއް އުޅެނީ، މިނިސްޓަރު ވިދާޅުވި ގޮތުގައި، މި ދެ ހަފުތާއަކީ ޕޮޒިޓިވް ކޭސްތައް އިތުރުވެ ޕީކަށް އަރާނެ ކަމަށް ލަފާކުރެވިފައި އޮތް ދުވަސްވަރު ކަމަށް ވާތީ އެވެ. ރާއްޖޭގެ ޕްރޮޖެކްޝަންސްތަކުން ދެއްކީ ބަލި ޖެހިފައި ތިބި 6،000 މީހުންނާ އެކު ޕީކަށް އަރާނީ މި މަހުގެ 31 ގައި ކަމަށެވެ. އެކަމަކު މިހާރުގެ ލަފާކުރުންތަކަކީ މި އަދަދަށް މީހުން ޕޮޒިޓިވް ނުވެ ހިނގައިދާނެ އެވެ.
އަމީން ވިދާޅުވީ ބައެއް ރަށްތަކަށް ލުއި ދިނުމުގައި މާ ލަސްތަކެއް ދެން ނުވާނެ ކަމަށެވެ. އެކަމަކު މިގޮތަށް ލުއި ދިނުމަކީ ކުރިއެކޭ އެއްގޮތަށް ރަށުގެ އާއްމު ހާލަތު ބަދަލުކުރެވޭނެ ކަމެއް ނޫން ކަން މިނިސްޓަރު ފާހަގަކުރެއްވި އެވެ.
ބަލި ފެތުރުން ހުއްޓުވަން މިހާރު އަޅަމުން އަންނަ ފިޔަަވަޅުތަކާ ގުޅޭ ގޮތުން ޕީއެސްއެމްގައި މިނިސްޓަރު އަމީން ވިދާޅުވީ ބޭރުން އެއްވެސް މީހަކު ރަށަށް ނާރާތާ މަސް ދުވަސްވީ ރަށްތައް ވެސް އެބަހުރި ކަމަށެވެ. މިފަދަ ރަށްތަކަށް ލުޔެއް ދެވިދާނެ ކަމަށް މިނިސްޓަރު ވިދާޅުވި އެވެ.
"ލުއިތައް ދޭ އިރު އެންމެން ވިސްނަން ޖެހޭ އަދި އަމަލުކުރަން ޖެހޭ ކަންތައްތަކެއް ވެސް އެބަހުރި. އެއް ރަށުން އަނެއް ރަށަށް ދަތުރުކުރުމާއި މުދާ އެއްތަނުން އަނެއް ތަނަށް ގެންދިއުން ފަދަ ކަންކަމުގައި އަޅުގަނޑުމެން ހިފަހައްޓަން ޖެހޭ ހަމަތަކެއް އެބަހުރި،" އަމީން ވިދާޅުވި އެވެ.
މާލެ އިން އެޕްރީލް 15 ގައި ބައްޔަށް ޕޮޒިޓިވް މީހަކު ފެނުނީ ބަލި ފެތުރުނަ ނުދޭން ހަރުކަށި ފިޔަވަޅުތަކެއް އަޅާފައި ވަނިކޮށް ކަން މިނިސްޓަރު ފާހަގަކުރެއްވި އެވެ. އެހެންކަމުން ރަށްތަކުގައި ލުއި ދޭ އިރު ވެސް އިތުރަށް އަޅަން ޖެހޭ ފިޔަވަޅުތައް އަޅައި ތައްޔާރުވާނެ ކަމަށް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢޭންޖަލް
19 May 2020
ޕްރެޝަރ ބޮޑުވެގެން އެެއްވެސް ކަމެއް ނުކުރެއްވުން އެދެން. ބަލި ފެތުރިއްޖެއްޔާ އެންމެނަށްވެސް ދެރަވާނެ. ރަށްރަށުގަ މުސްކުޅިން ނިކުމެއުޅޭލެއްވެސް ގިނަ ވާނެ. ސައުދީގަވެސް މިފަހަރު އީދުނަމާދު ކުރަނީ ގޭގައި. ޝޭހުން، އިސްލާމިކް މިނިސްޓްރީން މީހުން ހޭލުތެރި ކޮށްދޭންވީނު
ނަން
19 May 2020
މާލޭ ގަ މީހުން ޕޮސިޓިވް ވިއޭ ކިޔާފަ ރާއްޖެތެރޭ މީހުންނަށް ކޮން ތުރާލެއް ތޯ
މަނިކްފާން
19 May 2020
އުފާވެރި ހަބަރެެއް. އިންޝާﷲ ރާއްޖޭގެ މިސްކިތް ތަކުގައިި އީދު ނަމާދުގެ ޖަމާތް ބޭއްވޭނެ
ހިތާމަކުރަން
19 May 2020
އަށް ހަފުތާގެ މުއްދަތަށް ފަހު ތައިލެންޑުގެ ޝޮޕިން މޯލްތައް ހުޅުވައިފި.، އަންނަ މަހު 3 އިން ފެށިގެން އިޓަލީ ހުޅުވާލަން ނިންމައިފި..ސްރީ ލަންކާގެ ރައީސް ގޯޓާބޭ ތިން މަހުގެ މުސާރަ ކޮވިޑް-19...ކޮރޯނާވައިރަސް ފެތުރުން ސްރީ ލަންކާގައި ކޮންޓްރޯލް..ޗައިނާގެ ވޫހާން ސިޓީގެ 11 މިލިއަން މީހުން ޓެސްޓް 10 ދުވަސްތެރޭ ޓެސްޓްކޮށް ނިންމަނި..ކުލި ނުދެއްކުނަސް ގެއިން ނުނެރެވޭ ނިއު ޔޯކުގައި،. ދިވެހިން ބަންދުވެފައި ތިބޭތާ މަހަކަށް ވުރެ ގިނަ ދުވަސްވީ ކޮބާވީކަމެއް؟
ބާރު
19 May 2020
ތި އުސޫލު ރަނގަޅު. އެކަމަކު މައްސަލައަކީ ބައެއް ކައުންސިލްތަކުން އެޗްޕީއޭއަށް ވުރެވެސް ހަރުކަށި ފިޔަވަޅު ގެންގުޅޭތީ. އައްޑޫ ކައުންސިލްވެސް ހީވަނީ ވަކި ސަރުކާރެއްހެން. ކޮންމެ ބަޔަކަށް ކިރިޔާ ބާރެއް ލިބޭއިރަށް ފުއްޕައިގަންނާނެ. އިންސާނުންގެ ނިކަމެތި ކަން ހުންނަ މިންވަރަކީ މިއީ.
ވިދުވަރުދޯނީގެ އަލިގަދަ ދުރުމިން
19 May 2020
ބަވަނަ ކުރަނަިވި ދުނިޔޭގައި ބަލިޖެހުމުގެ ނުރައްކާ ކުަޑަރަށެއް ބޮޑު ރަށެއް ނޯންނާނެއެވެ ހުރިހާރަށަކަކަށް މިފުރުޞަތު އޮންނާނެއެވެ ދިވެހިން ކޮންމެ ގޮތެއް ވަރިހަމަ އޭގެތެތޭން އެއްތަނަކީ އެޗްޕީއޭއެވެ ރާއްޖޭގައި އާއްމު ޞިއްހަތަށް ވުޒާރާއިން ދޭ ސަމާލުކަން ކުޑައެވެ ސަރުކާރުން ރަށްރަށުގަ ހިންގާ ޕްރޮޖެކްޓްތަކުގަ ވެރިންގެ އިޚްލާޞްތެރިކަންނެތްވަރު ފެނެއެވެ ކާނުހަދާނީ ފެން ހިންދޭނެ ގޮތެއް ނުހަދައޭ ދެން މުޅިރަށުގަ މާލެއެކޭ އެއގޮތަށް ހުސް މަދިރިއެވެ ކަނޑޫފާ
މިޔަރު 123
19 May 2020
ލުއިދޭ ރަށް ތަކުގެ ތެރޭގައި އައްޑޫގެ ރަށްތައް ހިމަނަން ޖެހޭ. އެތައް ހާސް ބަޔަކު ސަބަބަކާއި ނުލާ ގޭ ބަންދު ވެފާ ތިބޭތާ ކިހާ ދުވަހެއް މިހާރު.
އޮނަރަބްލް އަފީފު ދީދީ
19 May 2020
ތޮއްޖެހިފައިވާ ސްލަމް ފިޔަވާ ރާއްޖޭގެ އެހެން ހުރިހާ ރަށް ތަކެއް ހުޅުވާލާ ކ.އަތޮޅު މާލެއެކޭ އެއްގޮތަށް ކުޅުދުއްފުއްޓާއި، ޑރ ސަމަދު ހޮސްޕިޓަލް، ފުވައްމުލަކާއި އިކްއިޓޯރިއަލް ހޮސްޕިޓަލުންވެސް ކޮވިޑް ޓެސްޓް ހެދޭގޮތް ހަމަޖައްސަވާ. # ޢަދި މިބަންދުގެ ތެރޭގައި ތުރާކުނާއި އައްޑުއަށް ހިމެނޭ ހުރިހާ ރަށެއްގައިތިބި އިމިޤްރޭޝަން ޤާނޫނާއި ޙިލާފް ބިދޭސިން މާލެއަށް ޖަމާކުރައްވާ އެމީހުން ހިފަހައްޓާ.
ފަށު މީދާ
19 May 2020
ލުއިތަށް ދޭއިރު ވަރަށް ވިސްނަންޖެހޭ. އައްޑޫ އަތޮޅު ކެނެރީފު ކަރަންޓީނުން މީހުން ފިލައިގެން ދިޔައީ، ލ. އަތޮޅުގައި އެއް ރަށުން އަނެއް ރަށަށް އެރުން މަނާކޮށްފައި އޮތްވާ ފިލައިގެން ދިޔައީ، ނަރުދޫގައި ކަރަންޓީނު ކުރި މީހުން ރަށު ތެރޭގައި އުޅެން މަނާކޮށްފައި އޮތްވާ ރަށު ތެރޭގައި އުޅުނު ކަމަށް އެ ރަށު މީހުން ބުނި. އެހެންވީމަ މިއީ ހުސް ވިސްނަންޖެހޭ ކަންތައް. އެކެއްގެ ރައްކާތެރިކަމަކީ އެންމެންގެ ރައްކާތެރިކަން. ހެލްތުން ނިންމަވާނީ ހުރިހާ ރައްޔިތުންނާމެދު ވިސްނާފައި.
ޢިހްސާސް
19 May 2020
މާލެއިން މީހަކު ފުރަތަ މަ ޕޮސިޓިވްވީ ހަރުކަށި ފިޔަވަޅެއް އަޅާފަ އޮއްވައެއްނޫން.