ރިޕޯޓުތައް ދައްކާ ގޮތުން، މިދިޔަ ތިން އަހަރާ އަޅާބަލާއިރު ގައިންގަޔަށް އަރާ ބަލިތައް މި އަހަރުގެ މިހާތަނަށް ރިޕޯޓު ކޮށްފައިވާ މިންވަރު ވަރަށް ބޮޑުތަން ދަށް. އެކި ކަހަލަ ރޯގާތަކާއި އެ ނޫން ވެސް ބަލިތައް ފެނުނަސް އެ ބަލިތައް ރިޕޯޓުކުރި އަދަދު ވަރަށް މަދު ކަމަށް ޑރ. އަފްޒަލް ވިދާޅުވި.
20 މެއި 2020 - 03:06
10 comments
ކޮވިޑް-19 އިން ރައްކާތެރިވުމަށް ލޮކްޑައުން ފަދަ ވަރުގަދަ ފިޔަވަޅުތައް އެޅުމުގެ ނަތީޖާ އަކީ ގައިންގަޔަށް އަރާ އެހެން ބަލިތައް ވެސް މި އަހަރުގެ މިހާތަނަށް ރިޕޯޓު ކޮށްފައިވާ މިންވަރު ރިކޯޑު އަދަދަކަށް ދަށްވުން ކަމަށް އެޗްޕީއޭ އިން ރޭ ބުނެފި އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ބޭއްވި މީޑިއާ ބްރީފިންގައި އެޗްޕީއޭގެ އެޕިޑެމިލޮޖިސްޓް ޑރ. އިބްރާހިމް އަފްޒަލް، ގައިންގަޔަށް އަރާ އެކި ބަލިތައް މި އަހަރުގެ މިހާތަނަށް ރިޕޯޓު ކޮށްފައިވާ މިންވަރާއި އެހެން އަހަރުތަކާ އަޅާބަލާއިރު ހުރި ފަރަގުތައް ހިއްސާ ކުރެއްވި އެވެ.
އެ ރިޕޯޓުތައް ދައްކާ ގޮތުން، މިދިޔަ ތިން އަހަރާ އަޅާބަލާއިރު ގައިންގަޔަށް އަރާ ބަލިތައް މި އަހަރުގެ މިހާތަނަށް ރިޕޯޓު ކޮށްފައިވާ މިންވަރު ވަރަށް ބޮޑުތަން ދަށެވެ. އެކި ކަހަލަ ރޯގާތަކާއި އެ ނޫން ވެސް ބަލިތައް ފެނުނަސް އެ ބަލިތައް ރިޕޯޓުކުރި އަދަދު ވަރަށް މަދު ކަމަށް ޑރ. އަފްޒަލް ވިދާޅުވި އެވެ.
"އަޅުގަނޑުމެން އާންމުކޮށް މި ކިޔާ ބޭސްލައިން ނުވަތަ ނޯމަލީ ގައުމެއްގައި ހުންނަ މިންވަރަށް ވުރެ ވެސް ބޮޑަށް، ވޭތުވެދިޔަ ތިން އަހަރަށް ބަލާއިރު ވެސް ދަށްކޮށް މި ފެންނަނީ،" އޭނާ ވިދާޅުވި އެވެ.
ޑރ. އަފްޒަލް ވިދާޅުވި ގޮތުގައި، މިއީ ރޯދަމަސް ކަމަށް ވުމުން، ބޭރަށް ހިންގުން ފަދަ ބަލިތައް ކޮންމެ އަހަރެއްގެ ވެސް މި ދުވަސްވަރު އާންމެވެ.
އޭނާ ވިދާޅުވީ މަދިރީގެ ސަބަބުން ފެތުރޭ ޑެންގޫ ފަދަ ބަލިތައް ވެސް މި ދުވަސްވަރު ވަރަށް ބޮޑަށް މަދު ކަަމަށެވެ.
މިފަދަ ނަތީޖާތައް ދައްކަނީ ސޯޝަލް ޑިސްޓެންސިން އާއި ބޭރުން ކެއުން މަދުކުރުމާއި ބޭރުތެރޭގައި ނޫޅުމުގެ އިތުރަށް، ސާފުތާހިރުކަމަށް އިސްކަން ދިނުމުން ކަމަށް ޑރ. އަފްޒަލް ވިދާޅުވި އެވެ. އެކަމަކު، މި ނަތީޖާތައް ލިބުމުން އެ ކަންކަމަށް ފަރުވާކުޑަ ނުކުރުމަށް އޭނާ އިލްތިމާސް ކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަޓް ބްރޯ
20 May 2020
ހީވާގޮތުން މިދުވަސްވަރު ޑޮކްޓަރ އަށް ދައްކަން ހޮސްޕިޓަލަށްދާ މީހުންވެސް ވަރަށް މަދުވާނެ. އެކަމަކު އެއީ ބަލިމީހުން މަދުވުމެެއްނޫން.
އައްޔު
20 May 2020
ބަލިތަކުން ދުރުވަނީ އެއަރޕޯޜޓް ބަންދުކުރުމުން. އެންމެ ގިނައިން ވައިރަސް އެތެރެވަނީ ގިނަ ޢަދަދަކަށް އަހަރުގެ ހުރިހާ އިރެއްގައި ކުރާ އުމްރާ ދަތުރުތަކުން.
މިވަރެއްނެތް
20 May 2020
ހަމަތިނޭވާއިން ލޮކްޑައުންގެ ސަބަބުން ދުނިޔޭގައި ޑިޕްރެޝަނެއްގެ ވަބާއެއް ފެތުރޭކަމަށް ޑަބްލިއުއެޗްއޯ އިން އިންޒާރުދޭކަމާއި އަދި 60 މިލިޔަން ފަޤީރުންގެ ގޮތުގައި ވެއްޖެކަމަށް ވޯލްޑު ބޭންކުން ރިޕޯޓުކުރިކަމާއި، ގެވެށިއަނިޔާ އިންތިހާއަށް މައްޗަށް ގޮސްފައިވާ ކަމާއި ޑައިބެޓިކް، ހިތުގެ އަދި ދަތުގެ ބަލި ފަދަ ބަލިތަކަށް ފަރުވާނުލިބުމުގެ ސަބަބުން ބަލީގެ ހާލަތުގެ ގޯސްވެ އިތުރު ބަލިތައްވެސްޖެހޭ ވާހަކަވެސް ބުނެލިމަދޯ؟ މިހާރު ފެންނަނީ ޝެލޯ، ވަންސައިޑެޑް ކޮށް
ޖޯކަރ
20 May 2020
ތީ ގަރުނުގެ ބޮޑު ޖޯކް. ކޮވިޑް ފިޔަވާ އިތުރު ބައްޔެއް މީހުންނަށް މިހާރު ޖެހޭކަމަކަށް ނުވެ. ގައުމުގެ ހުރިހާ ހޮސްޕިޓަލެއް ޑޮކްޓަރުން ނަރުހުން އެކަމަށް ހުސްކޮށްފަ. އިތުރު އެހެން ބައްްޔެއް ރިޕޯޓް ކުރެވޭނެ ޑޮކްޓަރަށް ދެއްކޭނެ ހުރިހާ މަގެއް ބަންދުކޮށްފަ ބަހަށްޓައިގެން ތިކިޔަނީ ކީކޭ؟ ތިކަން ހަމަވީ އެންމެން ގަބޫލުކުރަންތަ؟ މާބަނޑުމީހަކު ޑޮކްޓަރަކަށް ނުދެއްކެ! ކުޑަކުއްޖަކު މުސްކިޅިއަކު ކެންސަރު ބަލިމީހެއް ޑޮކްޓަރަކަށް ނުދެއްކެވެ.
އަދުރަމެޓިކްސް
20 May 2020
ހުސް ހޮޅި ވާހަކަ.
މުސަޅު
20 May 2020
ތި ވެދާނު މިހާރު ގިނަ މީހުން ބަލި ވިޔަސް ހޮސްޕިޓަލައް ނުދާތީކަ މަށް. ދެން ބަލި މަދުވާނޭކިޔާފާ އު މުރުދުވަހު ސޯސަލް ޑިސްޓަންސް ކުރަންވީތަ؟
ޢަލީިި
20 May 2020
ބިރުން ވެސް ރިޕޯޓު ނުކުރާނެ ދެއްތޯ. ކިރިޔާ ވެސް ގޭގައި ކެއްވާނަމަ ކާކުތޯ މިހާރު ހޮސްޕިޓަލަށް ޑަކްޓަރަށް ދައްކަން ދާނީ. ޔަގީން ގިނަ މީހުން ނުދާނެ.
ހޯރަބޭ
20 May 2020
ކޮންމެ އަހަރަކު މި ދުވަސް ކޮޅާ ދިމާކޮށް ލޮކުޑައުން ކޮށްލަށް ވަރަށް ފެނޭ.
އަޅުކަލޭގެ
20 May 2020
ކަލެއަށް މީ ވަރަށް މަޖާކަމެއް ދޯ؟
ހިކުމަތުގެ އަލި
20 May 2020
ކޮންމެ ކަމެއް މެދުވެރިކުރުމުގައި ﷲ ހިކްމަތްތަކެއް ލައްވާފައިވެއެވެ. ސޯޝަލް ޑިސްޓެންސިން އާއި ބޭރުން ކެއުން މަދުކުރުމާއި ބޭރުތެރޭގައި ނޫޅުމުގެ އިތުރަށް، ސާފުތާހިރުކަމަށް އިސްކަން ދިނުމުން ގައިން ގަޔަށް އަރާ ބަލި މަދުވުމަކީ ކުރިއަށް އޮތް ތަނުގައިވެސް ނިއު ނޯމަލްއަށް މިކަންތަށްވާން ޖެހޭ ސަބަބެެކެވެ. ހިކުމަތްތެރިންނަށް މިވަރު ފުދޭނެއެެވެ. ފަހެ، ކޮންމެ ދަތިކަމަކާއެކީ ފަސޭހަކަމެއްވެއެވެ.