ރައީސް އަބްދުﷲ ޔާމީނާއި ރައީސް މައުމޫން ސަލާމް ކުރައްވަނީ. ދެ ބޭފުޅުން އިސްވެ ތިއްބަވައި ދެ ފެކްޝަނެއްގެ ގޮތުގައި ޕީޕީއެމް ވަނީ ހިންގަން ފަށާފައި. ---ފޮޓޯ: ރައީސް އޮފީސް
17 އޮކްޓޯބަރ 2016 - 10:46
21 comments
ވެރިކަންކުރާ ޕީޕީއެމް ދެ ފަޅިވެ، ދެ ފެކްޝަނެއްގެ ގޮތުގައި ހިންގަން ފަށާފައިވާ އިރު އޭގެ ތެރެއިން ރަނގަޅީ ކޮން ބައެއްކަމާ މެދު ގޮތެއް ނިންމޭނީ ދެ ފަރާތުން ފޮނުވާ ލިއުންތައް ލިބުމުން ކަމަށް އިލެކްޝަންސް ކޮމިޝަނުން މިއަދު ބުނެފި އެވެ.
ލޯކަލް ކައުންސިލް އިންތިހާބާ ދިމާކޮށް ޕީޕީއެމްގެ އެތެރޭގެ ކޯޅުން ބޮޑުވެ، ޕާޓީގެ ރައީސް މައުމޫން އަބްދުލްގައްޔޫމާއި ރައީސް އަބްދުﷲ ޔާމީން ވަނީ ޕާޓީ ދެ ފަޅިކޮށްލައްވައިފަ އެވެ. މި ދެ ފެކްޝަނުން ވެސް އަންނަނީ ކައުންސިލް އިންތިހާބަށް ކެންޑިޑޭޓުން ނެރެން ތައްޔާރުވަމުންނެވެ. ދެ ފެކްޝަނުން ވެސް ފޯމުތައް ބަލައިގަނެ އެވެ. އެކަމަކު މީގެ ތެރެއިން ރަނގަޅު ފެކްޝަނަކީ ކޮބައިތޯ އާއްމު މެމްބަރުން ވެސް ސުވާލު އުފައްދަ އެވެ.
އިލެކްޝަންސް ކޮމިޝަންގެ މެމްބަރު އަހްމަދު އަކްރަމް ވިދާޅުވީ ދެ ފެކްޝަނުން ނިންމާ ނިންމުތަކުގެ އެއްވެސް ލިޔެކިޔުމެއް އެ ކޮމިޝަނަށް މިހާތަނަށް ލިބިފައި ނުވާ ކަމަށެވެ. އެހެންވެ، ލޯކަލް ކައުންސިލް އިންތިހާބުގައި ފޯމު ހުށަހަޅަންވީ ކޮން ފެކްޝަނަކަށްތޯ އަދި ނުނިންމާ ކަމަށް އޭނާ ވިދާޅުވި އެވެ.
"ލިޔެކިޔުންތައް ލިބުނީމަ އިލެކްޝަނުން ގޮތެއް ނިންމާނީ ގާނޫނުތަކާއި ސިޔާސީ ޕާޓީތަކުގެ ގާނޫނާއި ޕީޕީއެމްގެ އަސާސީ ގަވާއިދާ އެއްގޮތަށް،" އަކްރަމް ވިދާޅުވި އެވެ
ރައީސް ޔާމީނާއި މައުމޫނާ ދެމެދު އުފެދުނު ހިޔާލުތަފާތުވުންތައް ބޮޑުވެ ސިވިލް ކޯޓު މެދުވެރިކޮށް ރައީސް ޔާމީނަށް ވަނީ ޕާޓީގެ ބާރުތައް ދީފަ އެވެ. އެމަނިކުފާނަކީ އަސްލު ޕީޕީއެމްގެ މުސްތަޝާރެވެ.
ޕީޕީއެމްގެ އަސާސީ ގަވާއިދުގައި، ހިންގުމުގެ އެއްވެސް ދައުރެއް ނޯންނަ، ރަމްޒީ މަގާމެއްގައި ހުންނަވާ ބޭފުޅަކާ ޕާޓީގެ ހިންގުން ހަވާލުނުކުރެވޭނެ ކަމަށް ވިދާޅުވެ މައުމޫން ވެސް ހުންނެވީ ދޫދެއްވަން ތައްޔާރަކަށް ނޫނެވެ.
ޕާޓީގެ މައްސަލަ ހައްލުނުވެ، ޝަރީއަތަށް ދިޔައިރު، އިލެކްޝަނުން ހައްލު ހޯދައިނުދިނީ ކީއްވެތޯ އެހުމުން އަކްރަމް ވިދާޅުވީ ޕާޓީގެ އަސާސީ ގަވާއިދާ އެއްގޮތަށް އަމަލުކުރަން އެކި ފަހަރު މަތިން ޕީޕީއެމަށް ނަސޭހަތްތެރިވެފައިވާނެ ކަމަށެވެ. ދައުލަތުގެ ބަޖެޓުން ސިޔާސީ ޕާޓީތަކަށް ކަނޑައަޅާފައިވާ ފައިސާ ވެސް ދޫކުރުން ލަސްކޮށްފައި ވަނީ ޕާޓީތަކުގެ އެތެރޭގެ މައްސަލަތައް ބޮޑުވެ ހައްލުކުރަން ޖެހޭ ގިނަ ކަންކަން ހުރުމުން ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަނީރު
17 October 2016
ލިޔުންތަކޭ ތިކިޔަނީ އިއްޔެ އިއްވި ހުކުމަކަށްނު. އެހުށަހަޅާނީ ކޮންފެކްޝަނަކުންކަމާ އެހުށަހެޅީމަ ތިތަނުންދޭނެޖަވާބު ހޯދުމަކީ ރޮކެޓްސައިސްއެއްނޫން. އިލެކްޝަނަށް އޭގެ ޖަވާބުދޭން ނޭގުނަސް މިގައުމުގަ އެޖަވާަބުނޭގޭ މީހަކުނެތް.
އިޙްސާންތެރިޔާ
17 October 2016
މަމެން ކަނޑުކޮހެއްނުވޭ.. އިލެކްޝަނުން ބަލައިގަންނާނީ ރައީސް ޔާމީނުގެ ފަޅި. އެހެނީ ސިވިލް ކޯޓުގެ ހުކުމް ހައިކޯޓުން ބާތިލް ނުކުރާހާ ހިނދަކު އެގޮތަށް ޢަމަލުކުރަންޖެހޭނެ. އަނެއްކާ ނުރުހޭ ގޮތަށް އިލެކްޝަން ކޮމިޝަން މެމްބަރުން މަސައްކަތް ކުރަންޏާ މެމްބަރުކަމުން ވަކިކުރުމުގެ ބައިވެސް އޮންނާނެކަން އެބޭފުޅުންނަށް ވެސް އެނގޭ..
ޔޯލަ
17 October 2016
ތިކަން އޮންނާނީ މިހާރު ނިމިފަ ޔަމީން ބޭނުންވާގޮތް އެއީ ގާނޫނީ ގޮތް އަދި ރަގަޅުގޮތް އެހެންގޮތަކަށް ނިންމައިފިނަމަ ތިބޭފުޅުންގެ ވަޒީފާ އެހީސާބުން އެގެއްލުނީ
މުހަންމަދު
17 October 2016
ޤާނޫނާއި ޤަވާޢިދުން ސިވިލްކޯޓަށް ފެނުނުގޮތްނޫންގޮތެއް ތިކޮމިޝަނަށް ފެނިދާނެކަމާމެދު ޝައްކު! ޕާޓީގެ އަސާސީޤަވާޢިދުގައި މުޝްތަޝާރަކީ ހިންގުމުގެ އެއްވެސްދާއިރާއެއްގައި ބައިވެރިވާމީހެއްކަމުގަނުވާކަމުގަ ބުނާއިރުވެސް ކޯޓުންއެއޮތީ އެފަރާތާ ހިންގުން ޙަވާލުކުރަން އަމުރުކޮށްފަ!
ކަލޯބެ
17 October 2016
ވަކަރުގަނޑު މާވަޑިޔާ ހިތެއް.
ތަމް
17 October 2016
ކަމިޝަނުގެ ނިންމުން އަހަރެމެންނަށް މިހާރުވެސް އެނގޭ... ޔާމީނާ ދެކޮޅަށް ބަސްބުނަންކެރޭ ކޮމެޓީއެއްނެތް.
ތަކުރު
17 October 2016
ދިވެހި އީސީ އަކީ ހާދަހާވާ އިންސާފުން ކަންތައް ކުރާ މުއައްސަސާއެކޭ ހަމަ ބުނެލާހިތްވަނީ.
ގގ
17 October 2016
މިއީ ހަމަ ޕީޕީއެމްގެ ދެ ގޮފި ނުންތޯ؟ މައުމޫނު އެއީ އެއްގޮފި ޔާމީނު އެއީ އަނެއްގޮފި!
ގެންޓު
17 October 2016
އީސީ އެއީ އަނެއްގޮފި
މަގޭގައުމު
17 October 2016
ހާދަދެރައޭ! ގިނަކޮމެންޓުތަކުގަ މިނިވަން މުއައްސަސާއެއްކަމަށްވާ އިލެކްޝަން ކޮމިޝަނަށް އިތުބާރެއްނެތް ކަމަށް ދޭހަވާގޮތަށް ލިޔެފަ މިހިރީ. އިލެކްޝަން ކޮމިޝަނުގެ މެންބަރުން މިކަމަށް ވިސްނާ! މިނިވަން މުއައްސަސާއެއްގަ ތިބެންވާނީ ނުފޫޒުތަކުން އެއްކިބާވެފަތިބޭ މިނިވަންނުން. އެެހެންނޫނިއްޔާ އިސްތިޢުފާދެއްވާ!
ޏ އައިކު
17 October 2016
ކޮން ގޮތެއް؟ ނިއްމާނީ ޕޕމ ޔާމީނަށް. ރައީސް މައުމޫނު ގެއަށް. އަދި މިވެރިކަމުގަ ރައީސް މައުމޫނަކަށް އެހެން ޕާޓީއެއްވެސް ނުހެދޭނެ. ޔާމީނަށް ހީވިކަހަލަ ނިހާނުއާއި، އަދުރޭއާއި، ހަލީލުމެން ނުކުތީމަ ރައްޔިތުންގެ ތާއީދު ލިބޭނެކަމަށް. އެކަމަކު ބުނެލަން ބޭނުންވަނީ ޔާމީނުއާއި ތި ޕީޖީ އެއްމެނަށްވުރެ ރައީސް މައުމޫނަށް ތާއީދުކުރާ މީހުން މިގައުމުގަ މާގިނައޭ. އެކަނި ނެގޭނީ ބޯވާ.
ީޕަޕެޓް ޕައްޓީ
17 October 2016
ދައުލަތުގެ ބަޖެޓުން ސިޔާސީ ޕާޓީތަކަށް ކަނޑައަޅާފައިވާ ފައިސާ ވެސް ދޫކުރުން ލަސްކޮށްފައި ވަނީ ޕާޓީތަކުގެ އެތެރޭގެ މައްސަލަތައް ބޮޑުވެ ހައްލުކުރަން ޖެހޭ ގިނަ ކަންކަން ހުރުމުން ކަމަށް ވެސް އޭނާ ވިދާޅުވި އެވެ.