ޕޮޒިޓިވްވި ކޭސްތައް މަދުވެ، ގިނަ ބަޔަކު ރަނގަޅުވި ދުވަހެއް

ކޮވިޑް-19 އަށް ޓެސްޓްކުރަން ރޭންޑަމް ސާމްޕަލް ނަގަނީ. މިއަދަކީ ތިން ހަފްތާ ތެރޭގައި އެންމެ މަދުން ކޭސްތައް ފެނުނު ދުވަސް

މުހައްމަދު ނަސީމް، މިހާރު

02 ޖޫން 2020 - 23:38

24 comments

މާލެތެރޭގައި ކޮވިޑް-19 ފެތުރެެން ފެށި ފަހުން މިއަދަކީ ޕޮޒިޓިވް ކޭސްތައް އެންމެ މަދު އެހެންމެ އެ ބަލިން އެންމެ ގިނަ މީހުން ރަނގަޅުވިކަން އިއުލާނުކުރި އެއް ދުވަހަށް ވެއްޖެ އެވެ.

ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން މިރޭ ބޭއްވި މީޑިއާ ބްރީފިންގައި އެ ސެންޓަރުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ އިއްޔެ ހަވީރު 6:00 އިން ފެށިގެން މިއަދު ހަވީރު 6:00 އާ ހަމައަށް ކޮވިޑަށް ޕޮޒިޓިވް ކޭސްތަކުގެ އަދަދަކީ 12 ކަމަށާއި 120 މީހަކު ޑަބަލް ނެގެޓިވްވެ، ބަލިން ރަނގަޅުވި ކަމުގެ ނަތީޖާ ވެސް އެ ވަގުތުގެ ތެރޭގައި ލިބިފައިވާ ކަމަށެވެ.

ކޮވިޑް-19 އަށް މިއަދު ޕޮޒިޓިވްވި 12 މީހުންގެ ތެރެއިން 11 މީހުންނަކީ ދިވެހިންނެވެ. ދެން ހިމެނެނީ އިންޑިއާ މީހެކެވެ.

މިރޭގެ ޕްރެސް ބްރީފިންގައި ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް ވިދާޅުވީ މިހާރު ހުރި ކޭސްތަކަށް ބަލާއިރު ރާއްޖޭގައި ކޮވިޑް ޖެހުނު މީހުންގެ 27 ޕަސެންޓް ވަނީ ރަނގަޅުވެފައި ކަމަށެވެ.

އޭނާ ވިދާޅުވީ މިހާރުގެ އެކްޓިވް ކޭސްތަކުގެ ތެރޭގައި ކުރިން ފެނުނު ކްލަސްޓާތަކާ އެއްވެސް ގުޅުމެއް ނެތް 82 މީހަކު ހިމެނޭ ކަަމަށެވެ. އަފްޒަލް ވިދާޅުވި ގޮތުގައި. ވަކިވަކި ކޭސްތަކާ ގުޅޭ ކޮންޓެކްޓްތައް ހޯދަން ތިން ދުވަސް ވަންދެން ވަރަށް ބުރަކޮށް މަސައްކަތް ކުރި އެވެ.

މިރޭގެ މީޑިއާ ބްރީފިންގައި ޑރ. އަފްޒަލް ވާހަކަ ދައްކަވަނީ.

"އެހެން ނަމަވެސް ކޮންމެ ދުވަހަކީ ވެސް އަަލަށް ކޭސްތަކެއް ފެންނަ ދުވަހަކަށް ވާތީ ވަކި ހިސާބަކަަށް ބެލުމަށް ފަހު، ދެން އޭރަކު އެންމެ ފަހުން އައިސް ހުރި ކޭސްތަކަށް ހުރިހާ ސަމާލުކަމެއް ދެވިގެން މިދަނީ،" އަފްޒަލް ވިދާޅުވި އެވެ.

އެ އަދަދަށް ބަލާއިރު މިއީ ފާއިތުވި ތިން ހަފުތާގެ ތެރޭގައި އެންމެ މަދު ކޭސްތައް ފެނުނު ދުވަހެވެ. މި ތިން ހަފުތާގެ ތެރޭގައި ދެން އެންމެ މަދު ކޭސްތައް ފެނުނީ އިއްޔެ އެވެ. އެއީ އިއްޔެ ނޫން އިހަށް ދުވަހުގެ ހަވީރު 6:00 އިން ފެށިގެން އިއްޔެގެ ހަވީރު 6:00 އާ ހަމައަށް 14 ކޭސް އެވެ. ދެން އެންމެ މަދުން ފެނުނު ދުވަހު 19 ކޭސް ފެނިފައިވެ އެވެ.

މި ތިން ހަފުތާގެ ތެރޭގައި އެއް ދުވަހެއްގައި އެންމެ ގިނަ މީހުން ކޮވިޑް-19 އަށް ޕޮޒިޓިވްވީ ދުވަހުގެ އަދަދަކީ 127 އެވެ. އެކަމަކު އެއީ ސާމްޕަލްތައް ޕްރޮސެސްކުރުމުގައި އައި ލަސްކަމެއްގެ ސަބަބުން އެއްވި އަދަދެކެވެ. ދެން އެންމެ ގިނަ ކޭސްތައް އައި ދުވަހު ފެނިފައި ވަނީ 90 ކޭސް އެވެ.

މިހާރުގެ ތަފާސްހިސާބުތައް ދައްކާ ގޮތުން ރާއްޖޭގައި ކޮވިޑް ޖެހުނު މީހުންގެ ތެރެއިން މިހާރު ރަނގަޅު ނުވެ ތިބީ 1،226 މީހެކެވެ. އެ ބަލީގައި ހަތް މީހަކު މަރުވި އިރު ރަނގަޅުވި މީހުންގެ އަދަދަކީ 608 އެވެ.

ސިއްހަތު ހެލްތު ޕްރޮޓެކްޝަން އެޖެންސީ ސިއްހީ ކުއްލި ނުރައްކަލުގެ ހާލަތު ލޮކްޑައުން ބަލިތައް ޑރ. އިބްރާހިމް އަފްޒަލް (އެޗްޕީއޭ)

24 ކޮމެންޓް, 97 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެދުގެކޮޅު

03 June 2020

އަލާމާތް ނުހުންނަ މީހުން އާއްމުކޮށް އުޅެނީ 40%ގަ އެކި ގައުމުތަކުގަ. އެމީހުން ޓެސްޓެއް ނުކުރޭ އަލާމާތް ނެތީމަ. އެކަމު ވައިރަސް ބަހާ އެމީހުން ނޭނގި. ފޯލްސް ނެގެޓިވް އާ ޓްރޭސިންގއިން އެތައް ބަޔަކު ދޫވެގެން އެބަދޭ. ވައިރަސްގެ ބާރު ކުޑަވާ ގޮތެއް އަދިނުވޭ. ވެކްސިނެއް ލިބޭނެ ދުވަހެއް އަދި ނޭނގޭ. ކަންކަމުގަ ތަޅުއަޅުވައިގެން ތިބެންވީ މުއްދަތެއް ބުނަންނޭގޭއިރު ބައްޔެއްޖެހިދާނެ ކަމުގެ ބިރަށް ހުރިހާ ކަމެއް ހުއްޓައި ތިބެ އެހެން ކަމަކުން މަރުވުންބާ ރަގަޅީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގޯސް ވެލާނާ ނާސިރު

03 June 2020

މިތަނުން ޓެސްޓުކޮއްފަ ނައްސިޔޯ އެމީހުންގެ ގައުމައް ގޮއްސަ ޓެސްޓުކުރީމަ އައްސިޔޯ މިވަނީ ކިހިނެތް ރާއްޖޭގެ ތިޔަޓެސްޓު ކުރުމުގަ މައްސަލަ ތަކެއްއެބަދިމާވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރީފް1

03 June 2020

ޤައުމުގައި ތިބި ވެރިންނަށް އެތަށް ދުވަހެއް ވަންދެން ރައްޔިތުންނަށް އޮޅުވީ ކަމަކާ ޖެހުނު އިރު ސިއްޙީ ނިޒާމު އޮތީ ބޮޑުތަނުން ފެއިލް ވެފައި ހެއްކަކީ 2މަސް 3ންމަސް ވިއިރު ޓެސްޓު ކުރުމުގެ ޤާބިލުކްން އަަމިއްލަ ޔަށް ހޯދިފަ ނެތް ދުވާލެއްގެ މައްޗަށް 200 މީހުން ޓެސްޓު ނުކުރެވޭ ކުރެވޭޓެސްޓާމެދުވެސް ޝައްކު އަހަރުމެންގެ ނިކަމެތިކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު

03 June 2020

މާދަން ގިނަވާނެ އަނެއްކާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްރު

03 June 2020

އަލްހަމްދުލިއްﷲ. ހިވާގި ހިންގުންތެރި ހެލްތު މިނިސްޓަރާއި، ޑީޖީ މައިމޫނާއާއި، ޓީމުގައި ހިމެނިވަޑައިގަންނަވާ މިނިސްޓްރީ މުވައްޒަފުން، އެޗްޕީއޭ މުވައްޒަފުން، ޑޮކްޓަރުން، ނަރުހުން، ލެބް ޓެކްނީޝަނުން، ޕަބްލިކް ހެލްތު ވޯކަރުން، ވޮލަންޓިއަރުން އަދި މީގެ އިތުރުންވެސް އެކި ގޮތް ގޮތަށް މިކަމުގައި ޝާމިލުވާ އެންމެހައި ފަރާތްތަކަށް ފަށް ފަށުން ޝުކުރިއްޔާ. ތިބޭފުޅުން ތި ކުރައްވާ ބުރަ މަސައްކަތުގައި ﷲ ހެޔޮ ރަހްމަތް ލައްވައި ކާމިޔާބު މިންވަރު ކުރައްވާށި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްް

03 June 2020

ކުރެވޭނީ ފޯނުންނޭ ހަމަ އެކަނި މިދުވަސްވަރު ރޮމޭންސް،. ކައިރިން ބައްދަލުކޮށްލަން ލޯބިވެރިއާ ބުނީ ނެތޭ ޗާންސް، ޗައިނާގެ ސޫޕް އަސްތާ އެހެނަސް ވަރަށް ޓޭސްޓް،. ޗައިނާއިން އައުމުން އެންމެން ކުރާށެވީ ޓެސްޓް.