ކާށިދޫގެ ދަނޑެއްގައި ހައްދާފައި ހުރި ކޮޕީ ފަތް ގަސްތަކަކަށް މީހަކު ފެންދެނީ-- ފޮޓޯ: ކާށިދޫބްލޮގް
14 ޖޫން 2020 - 10:56
50 comments
ފުޅާދާއިރާއެއްގައި ދަނޑުވެރިކަން ކުރަމުން އަންނަ ކ. ކާށިދޫގެ ދަނޑުވެރިންނަށް ވަގުންގެ އުނދަގޫ އަނެއްކާ ވެސް ބޮޑުވެއްޖެ އެވެ. އެ މީހުން ބުނާގޮތުން ދަނޑުގައި ހައްދާ މިރުހާއި ދޮންކޭލާއި ކަރައެއް ވެސް މި ފަހަކުން ނުލިބެ އެވެ.
"އެ ތަކެތި ހަމަ ދޮންވޭތޯ ބަލަން ތިބެނީ. ކިރިޔާ ހަރުވެލާއިރަށް އެބަ ކަނޑައިގެން ވިއްކާ،" ކާށިދޫގެ ދަނޑުވެރިއަކު ބުންޏެވެ.
ދަނޑުގައި ހައްދާ ބާވަތްތައް ވަގަށް ނަގާ ކަމަށް އެ މީހުން ތުހުމަތު ކުރަނީ ކާށިދޫގައި އުޅޭ މަސްތުވާތަކެތި ބޭނުން ކުރާ ޒުވާނުންނެވެ. އެއީ ވަރަށް ގިނަ ފަހަރު އެ މީހުން އެތަކެތި ވަގަށް ނަގައިގެން ވިއްކަން އުޅެނިކޮށް އަތުލައިގަނެފައިވާތީ އެވެ.
ކާށިދޫ ކައުންސިލްގެ ރައީސް އަލީ ސުލްތާން މިއަދު ވިދާޅުވީ، ދަނޑުތަކުން ވައްކަން ކުރާ މައްސަލަ މިހާރު ވަރަށް ބޮޑުވެފައިވާ ކަމަށާއި ކުރިއާ ހިލާފަށް ހުރިހާ ބާވަތަކުން މިހާރު ވައްކަން ކުރާ ކަމަށެވެ. މީގެ ކުރިން ބަނބުކެޔޮ ފަދަ ތަކެތީގައި ވަގުން އަތް ނުލި ނަމަވެސް، މިހާރު ވަލުތެރޭގައި ހުންނަ ގަސްތަކުން ކެޔޮކަނޑައިގެން ވިއްކާ ކަމަށް އޭނާ ވިދާޅުވި އެވެ.
ކާށިދޫ ދަނޑެއްގައި ކޮޕީ ފަތް ހައްދާފައި
ސުލްތާން ވިދާޅުވި ގޮތުގައި ވަގަށް ނަގާތަކެތި ވިއްކަނީ އެ ރަށުން މާލެއަށް ތަކެތި ސަޕްލައި ކުރާ މީހުންނަށެވެ.
"މީހުން ފަތްކެޔޮ ހައްދާއިރު ވެސް ދޮންކޭލުގެ ދަޅިގަނޑުގައި ހުންނާނީ އެކި ކުލައިން ދަވާދުލާފައި. އެއީ ވަގަށް ނަގައިގެން ވިއްކަން އުޅޭއިރު އެ ތަކެތި ފާހަގަ ކުރަން ވެގެން،" އޭނާ ވިދާޅުވި އެވެ.
"އެކަމަކު އެވަރުން ވެސް އެބަ ވަގަށް ނަގާ. މިރުސް، ކިއުކަމްބާ، ފަތް ފަދަ ތަކެތި ހަމަ ގޯނިތަކަށް އަޅާލައިގެން ގެންދާނީ."
ސުލްތާން ވިދާޅުވީ މަސައްކަތް ނިންމާފައި މެންދުރު ދަނޑުވެރިން ގެއަށް ދާ ވަގުތާއި ރޭގަނޑުގައި ވެސް ދަނޑުތަކުން ވަގަށް ނަގާ ތަކެތި ގިނައިން ވިއްކަނީ އެ ރެއެއްގައި ފުރާ ސަޕްލައި ދޯނިތަކަށް ކަމަށެވެ. އެއީ ހެނދުނު ދަނޑުތަކަށް ދާއިރު ވައްކަން ކޮށްފައިވާކަން އެނގި، އެ ތަކެތި ހޯދަން ދަނޑުވެރިން މަސައްކަތް ކުރިޔަ ނުދިނުމަށެވެ.
ދަނޑުތަކުން ވައްކަން ކުރާ މައްސަލަ ބޮޑުވެގެން މިދިޔަ ރޯދަ މަހުގެ ތެރޭގައި ސަޕްލައި ދޯނިތަކަށް މުދާ އަރުވަނީ ފުލުހުން ބައިތިއްބައިގެން، ކޮން ބައެއްގެ އެއްޗެހިތޯ ބަލަމުންނެވެ. އެކަމަކު ފަހުން އެކަން ނުކުރެވޭތީ އަނެއްކާ ވެސް ވައްކަންތައް އިތުރުވީ ކަމަށް ކައުންސިލްގެ ރައީސް ވިދާޅުވި އެވެ.
ކާށިދޫގެ ދަނޑެއްގައި ބަކަރިތަކެއް: ވަގުންގެ މައްސަލަ އެ ރަށުގެ ދަނޑުވެރިންނަށް ބޮޑު
ސުލްތާން ވިދާޅުވިގޮތުގައި ވައްކަންތަކާއި މަސްތުވާތަކެއްޗާ ގުޅިފައި ވުމުން، އެ ކަންކަން ހުއްޓުވަން ވަރަށް އުނދަގުލެވެ. ވައްކަން ކޮށްގެން އަތުލައިގަތަސް، ބަންދުކޮށްފައި ގިނަ ދުވަހު ނުބަހައްޓައި އަނެއްކާ ވެސް ރަށުތެރެއަށް ދޫވާ ކަމަށް އޭނާ ވިދާޅުވި އެވެ.
މި މައްސަލަ އަށް ހައްލު ހޯދުމަށް ކައުންސިލުން ވަނީ ދަނޑުވެރިކަމުގެ ބާވަތްތައް މާލެއަށް ސަޕްލައިި ކުރާ މީހުންނާ ވާހަކަ ދައްކައި، ސީދާ ދަނޑުވެރިންގެ އަތުން ނޫނީ ތަކެތި ނުގަތުމަށް އިރުޝާދު ދީފަ އެވެ. އެކަމަކު "ބައެއް މީހުންނަށް ނޭނގި ތަކެތި ގަނެވޭ"ކަން ކައުންސިލުން ފާހަގަ ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ މަނިކު އީސާ
15 June 2020
މީކާށިދޫ ކައުންސިލާއި ކާށިދޫ ޕޮލިހުންގެ އަޅާލުން ކުޑަކުރުމުން ވާކަމެއް ވައްކަންކުރަނިކޮން ފެނިގެން ހިފާފަ ފެނުނުމީހުނާއި ވައްކަންކުރި މިހުންގެ ނަންބުނެގެންވެސް އެއްވެސް ފިޔަވަޅެއްނާޅަ، އެކަންކުރާ މީހުނާ އެތަކެތި ރަށުންގަންނަމީހުން ކާށިދޫގެ ގިނަބަޔަކަށްއެގޭ.
ރުބެލް މިއާ
15 June 2020
ކާށިދޫއަކީ އާރުން ގައުމުގެ ރަށެއްނަމަ ޕާޓޭންނަށް ނޫޅެވޭނެ. ރަށުން ބޭރުކޮށްލާނަން
މޮނީޓަރިން ނިޒާމު
14 June 2020
ވިއްކާއިރު ލިޔެކިއުން ގެންގުޅެން ޖެހޭގޮތް ހަދަން ފެނޭ. ވައްކަން ހުއްޓުމުގެ އިތުރުން އަދި އެހެން ފައިދާއެއް ވެސް ވާނެ. ހެއްދި މިންވަރާއި ވިކުނު މިންވަރު އެނގި ދަނޑުވެރިކަމަށް އަންނަ ބަދަލު ކަމާއި ބެހޭ ފަރާތްތަކަށް އެނގި ކަންކަން ރަނގަޅު ކުރަން އެނގޭނެ.
ވަހީދުއްދީން
14 June 2020
ވަގަށް ނަގައިގެން ވިއްކާ ތަކެތި އަހު ހެޔޮވުމުން އެތަކެތި ގަންނަން ބައެއް މީހުން ވަރަށް ފޯރި ހުރޭ. އެހެންވެ ވަގުންނަށް ވައްކަން ކުރަން ހިއްވަރު ލިބޭ. ވަގުންނާއި އެކު ވައްކަން ކުރުވާ މީހުން ވެސް ހުއްޓުވަން ޖެހޭ.
ޙުސްނާ
14 June 2020
ޖާބިރަށް އަންގާ. ވަގުތުން ހެލިކޮޕްޓަރ ފޮނުވާނެ.
ފަސިމްބބެ
14 June 2020
ކޮންމެ ކޮންމެ މީހެއްގެ އަތުން ތިޔަ ތަކެތި ގަންނަނީ ކަޑަ އެޅިގެން ވަގަށްނަގާފައި ހުރި އެއްޗެހިކަން ދެނެތިބެ. ދެން މަށަށް މަގޭ މުދާ ވިއްކަން މީހަކު އައިމަ ރުޅި މިއަންނަނީ. އަނެކެއްގެ މުދާ ވަގަށް ނަގައިގެން ނުއަގުގަ ވިއްކަން އައިމަ ހެވި ދިލިފަ ގަންނަނީ. ތި އުސޫލު ތިމާމެން އަމިއްލައިން ހުއްޓައިލި ދުވަހަކުން ވައްކަން ހުއްޓޭނީ.
އަހުމަދުބޭ
14 June 2020
މިއީ އަހަރެން ދައްކާ ވާހަކަ، ގާނޫނުތަށް ހަދަނީ ކުއްވެރިންނަށޭ، ހިއުމަންރައިޓުވެސް އޮންނަންވީ ކުއްވެރިންނަށޭ؟ ގަދައަޅައި ބުރަމަސައްކަތް ކުރާބައެއްގެ އެއްވެސް ހައްގެއް އޮންނަ ކަމަކަށްނުވޭ، ފުލުހުނަންވެސް ވާވަރަކީ ކުށުގެ ވެށިން ހައްޔަރު ކުރަނީ އެތަނަށް ވައްދައިފައި ބަޔާނުގައި ސޮއިނުކޮއްގެން ތިންދުވަސް ފަހުން މިދޫކޮއްލަނީ މިހެން ގާނޫނު އޮވެގެން ދުވަހަކުވެސް މިގައުމެއް ސަލާމަތެއް ނުކުރެވޭނެ، މިއީ ދެރަކަންކަން ހިތާމަ ހުރި ކަންކަން
ހަނުހުންނަ މީހާ1
14 June 2020
ދީނުގައި އޮންނަނީ އަތްކެޑުން އަހަރެމެން ކިޔަނީ އެމީހުންގެ ފަރާތުންވެސް ފައިދާއެއް ގައުމްށް ފައިދާ އެއް ވެދާނޭ އަދަބު ނުދީ ރަގަޅުކުރާށޭ . 1000 ކުން އެކަކުވެސް ރަގަޅުނުވޭ އެކަމަކު އެމީހުންގެ ސަބަބުން އެތަށްހާސްބައެއްގެ ހައްގު ގެއްލި ނެގި ލޯނުތަށް ނުދެއްކި މަގުމަތިވެ ބަގުރޫޓް ވެގެންދޭ. ވަގުންނަށް ހަރުކަށި އަދަބުނުދެވި ގައުމު އިގުތިޞާދީގޮތުންވެސް އަދި ފަންނީ ގޮތުން ވެސް ކުރިޔަކަށް ނާރާނެ. ޢެންމެންގެ ސަލާމަތަށްޓަކައި ވަގުން މުޖުތަމައުން އެކަހެރިކުރޭ.
ޙިނި
14 June 2020
ކީއްވެބާ ރަށުގަ ކޮމިއުނިޓީ ލެވަލުގަ ފިޔަވަޅެއް ނޭޅެނީ....މުވައްސަސާ ތަކުގަ ބޮޑު މުސާރަ ނަގައިގެން ގަޑި ފުރަން ތިއްބަވާ ފޭފުޅުންނަކައް އެއްކަމެއްވެސް ނުވާނެ. އަމިއްލަޔައް ރައްކާރެރިކަން ހޯދާމާބަހީ.
ކައުންސެލަރު
14 June 2020
1. އޯގާތެރި ސަރުކާރު 2. ހައްގުމިންވަރު ސަރުކާރު 3. ވަގުންގެ ސަރުކާރު 4. އޮޅުން އަރާ ސަރުކާރު
ލަމްހާގެބީއެފް
14 June 2020
ލޯންޑުރީ ހަދަން މަޑުން އޮވެބަލަ!