މިރޭގެ މީޑިއާ ބްރީފިންގައި ޑރ. އަފްޒަލް ވާހަކަ ދައްކަވަނީ.
18 ޖޫން 2020 - 00:24
49 comments
ކޮވިޑް-19 ގެ ޕޮޒިޓިވް ކޭސްތައް އެއް ކޭސް އަނެއް ކޭސްއާ ގުޅުމެއް ނެތި ފެންނަ މިންވަރު އިތުރުވެފައިވާ ކަމަށާއި އެއީ ކޮމިއުނިޓީ ސްޕްރެޑް އިތުރުވާ ކަމުގެ އަލާމާތެއް ކަމަށް ހެލްތު ޕްރޮޮޓެކްޝަން އެޖެންސީ (އެޗްޕީއޭ) އިން މިރޭ ބުނެފި އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުގައި މިރޭ ބޭއްވި މީޑިއާ ބްރީފިންގައި އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް ވިދާޅުވީ އެކަމަކު ކޭސްތަކުގެ ޖުމްލަ އަދަދު އެއާ އެކު އިތުރު ނުވާތީ އަދި އެއީ މާބޮޑު ކަންބޮޑުވުމެއް ނޫން ކަމަށެވެ. އޭނާ ވިދާޅުވި ގޮތުގައި މިހާރު ދީފައިވާ ލުއިތަކާ މެދު ދެވަނަ ވިސްނުމަކަށް ދާން ޖެހޭނީ މި ޓްރެންޑް މިހެން ހުރުމާ އެކު ޖުމްލަކޮށް ކޭސްތަކުގެ އަދަދު އިތުރުވާ ނަމަ ކަމަށެވެ.
"އިންޑިޕެންޑެންޓް ކޭސްތައް ގިނަވާ ކަމަށްވާ ނަމަ އެއީ ކޮމިއުނިޓީ ސްޕްރެޑް އިތުރުވާ ކަމުގެ އަލާމާތެއް. އެހެން ނަމަވެސް މީގައި ދެކަމަކަށް ބަލަން ޖެހޭނެ. އެއީ ޕަސެންޓޭޖް އޮފް ނޮން ލިންކްޑް ކޭސަސް އިތުރުވުމާ އަދި އެއާ އެކުގައި ފެންނަ ކޭސްތަކުގެ ޖުމްލަ އަދަދުވެސް އިތުރުވުން،" އަފްޒަލް ވިދާޅުވި އެވެ.
އޭނާ ވިދާޅުވީ ރާއްޖޭގައި އާއްމުންގެ ތެރޭގައި ކޮވިޑް ފެތުރެން ފުރަތަމަ ފެށި އިރު އެއް ކޭސް އަނެއް ކޭހާ ގުޅުމެއް ނެތް ކޭސްތަކުގެ ނިސްބަތަކީ 10 ޕަސެންޓް ކަމަށާއި އެހެން ނަމަވެސް މިހާރު އެ ނިސްބަތް ގާތްގަނޑަަކަށް 30 ޕަސެންޓަށް އަރައިފި ކަމަށެވެ. އޭނާ މިރޭ ދެއްކެވި ގްރާފުން ފެންނަ ގޮތުގައި ގުޅުމެއް ނެތް ކޭސްތައް އިތުރުވާން ފެށީ މި މަހު އެވެ. ލޮކްޑައުން އަށް ލުއިދޭން ފުރަތަމަ ފެށީ މެއި މަހުގެ ފަހު ހަފްތާގަ އެވެ.
ގުޅުމެއް ނެތް ކޭސްތަކުގެ ނިސްބަތް ދައްކައިދޭ ގްރާފެއް
ތަފާސް ހިސާބުތަކުން ތައްޔާރުކޮށްފައިވާ ގްރާފްތަކާ އެކު މައުލޫމާތު ދެއްވަމުން އަފްޒަލް ވިދާޅުވީ ކޮވިޑްގެ ޕީކެއް އައުމަށް ފަހު ދަށަށް ދާކަން މިހާރު އެބަ ފެންނަ ކަަމަށެވެ.
"ލުއި ދިނަސް ފަރުވާތެރިވޭ"
އަފްޒަލް ވިދާޅުވީ މިހާރު ވެސް އެޗްޕީއޭގެ އިރުޝާދަކީ ޒަރޫރީ ބޭނުންތަކުގައި ނޫނީ ބޭރަށް ނުކުމެ ނޫޅުން ކަމަށާއި ނުކުންނަ އިރު ވެސް ރައްކާތެރިކަމުގެ ފިޔަވަޅުތައް އަޅަން ޖެހޭ ކަމަށެވެ. އެ ގޮތުން ހޭންޑް ސެނިޓައިޒާ ބޭނުން ކުރުމާއި، މީހުންގެ މެދުގައި ބަހައްޓަން ޖެހޭ ދުރުމިން ބަހައްޓަން އޭނާ އިރުޝާދު ދެއްވި އެވެ.
"އަޅުގަނޑުމެން މިހާރު މީހުންނާ ބައްދަލުކުރުމުގައި ވެސް އަޅުގަނޑުމެން ގެންގުޅޭ ގްރޫޕަކާ އެކީގައޭ ގިނަ ވަގުތު ހޭދަކުރަން ވާނީ، އޭގެ މާނައަކީ އިތުރު ގްރޫޕްތަކާ އަލަށް ބައްދަލުވުންތައް ފުޅާކޮށްގެން ނުގެންދާށޭ،" އަފްޒަލް ވިދާޅުވި އެވެ.
ކޮވިޑް-19 ގެ ހާލަތު ރާއްޖޭގައި އޮތް ގޮތް ދައްކައިދޭ ގްރާފްތަކެއް
ލޮކްޑައުންއަަށް ލުއި ދިން އިރު އެކި ފަރާތްތަކަށް ހާއްސަކޮށްފައިވާ ގަޑިތަކަށް އިހުތިރާމް ކުރަން ވެސް އޭނާ އިލްތިމާސް ކުރެއްވި އެވެ. އެގޮތުން އުމުރުން ދުވަސްވީ މީހުންނާއި ކުޑަކުދިން ނުކުންނަން ހާއްސަ ކޮށްފައިވާ ގަޑިތަކުގައި އެހެން މީހުން ނުކުންނަ މިންވަރު މަދުކުރުން ވަރަށް މުހިއްމު ކަމަށް އޭނާ ވިދާޅުވި އެވެ.
ކޮވިޑަށް މިއަދު ރާއްޖެ އިން ޕޮޒިޓިވްވީ 26 މީހުންނެވެ. އެއީ 1048 ސާމްޕަލެއްގެ ތެރެއިންނެވެ. އެ ބަލިން މިއަދު ރަނގަޅުވީ މީހުންގެ އަދަދަކީ ހަތެކެވެ. އެއާ އެކު ރާއްޖޭގެ އެކްޓިވް ކޭސްތަކުގެ އަދަދަކީ މިހާރު 433 އެވެ. ރާއްޖެ އިން އެބަލި ޖެހުނު މީހުންގެ ޖުމްލައަކީ މިއަދާ ހަމައަށް 2،120 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
19 June 2020
ގިނަވާސަބަބު މަގުމަތިންދަނީފެންނަމުން މާސްކުނާޅާ މީހުންދަނީގިނަވަމުން ފަރުވާލެއްނުބަހައްޓަ ސިނގިރޭޓްބުއިމާ ކުޅުޖެހުމާ ކެފޭތަކުގެބުޑަށް އެއްވުމާ މިހެންގޮސް ކިޔާނެކަމެއްނެތް ހިޔެއްނުވޭ ބައްޔެއްއުޅޭ ޤައުމެއްހެންވެސް ދޫދިނީ ވަކިވަރަކަށްނޫން މިކަންކަން ހުއްޓުވަންޖެހޭ އެހެންނޫނީ އަނެއްކާވެސް އޮބިނޯންނަވަރު ވެދާނެ ކުރިޔާލާ ފިޔަވަޅު އަޅަންޖެހޭ
ރަދުން999
18 June 2020
ކަމެއް ނެތިގެނ ފޫހިވީތޯ؟ އަދަދަު ގުނާލަ ގުނާލަ ތިއިންނަވަނީ.
ައަހުމަދު
18 June 2020
ދިވެހިންގެ ދެގުނަ ބަންގާޅިން އެބަ ޕޮޒިތިވްވޭ މިޤައުމު ބޮޑުމުސިބާތަކާ ކުރިމަތިލުން ދުރެއްނޫން ޤަވާއިދާޚިލާފަށް ތިއުލޭ ބަންގާޅީންނާހުރެ އެމީހުންގެ ކިބައިން ގައިދުރުކުރުމެއް ބެލުމެއް ކަމެއް ނެތް ދެންމިކަހަލަ ބައެއްގެތެރޭގައި މިބަލިފެތުރުން އިތުރުނުވިއްޔާމުން ދެރަ ސަރުކާރުން މިކަމަށް ހައްލެއް ނުގެނެސްއިއްޔާ މިކަންދާނީ ގޯހުންގޯހަށް ސަރުކާރުން ޖެހޭނެ ރައްޔިތުންނާއި މިޤައުމަށް ދިމާވާގެއްލުމުގެ ފުރިހަމަ ޒިންމާނަގަން މީވަރަށްވަހަކަ.
ފުނާ
18 June 2020
ބަނގާޅިން އަށް އީދެއް އައިސްގެން އުޅޭހެން ހީވަނީ އެންމެ ދިވެއްސެއް މަގުމަތިން ފެނިއްޖިއްޔާ 4 ބަންގާޅީން ފެންނާނެ ، މިމީހުން ބޭރުނުކޮށް މިކަމުން ސަލާމަތެއް ނުވާނެ
އަސްލު ދިވެހިން
18 June 2020
ނިމެން ކައިރިވި ކަމުގެ ޢަލާމާތްތައް މީ. ދެންވެސް ހެޔޮ ޢަމަލު ގިނަކުރޭ!
ދިވެހިން ގެ ފަރާތުން
18 June 2020
ދުވަހަކު ނިމުމެއްނެތް ކަމެއް ދޯ ، ެކިފަހަރު އެކިވާހަކަ ، ތިޔަކުޅޭ ގޭމް މިހާރުވެއްޖެ އެއްނު ހުއްޓާލަން
މާނަފުން
18 June 2020
ވެކްސިނެއް ލިބެންދެން މުޅި ދުނިޔެވެސް އޮތީ މިހެން.. ކެތްތެރިވޭ.. ﷲ ވޮޑިގެންވަނީ ކެތްތެރިންނާއެކީ!
ދަރަނި ދަންތުރަ
18 June 2020
ރައްކާވެ ތިބިއްޔާ ދަތުރު ، ﷲ އަޅަމެންނަށް ރަހުމަތްލައްވާށި
ފޫހި
18 June 2020
މާލެ ލޮކްޑައުންގައި އޮށްވައި ޓޭކަވޭއަށް ފުރުސަތު ނުދިނުން ވަރަށް ބުއްދިވެރި. ކޮވިޑާހެދި ރެސްޓޯރެންޓްތައްހުރީ ބަންދުވެފަ ގައިގޯޅި ވާނެތީވެ. ޢެކަމަކު ޓޭކަވޭ ކަންޓަރުތައް ތޮށްޖެހިފަ. ގައިދުރުކޮށް ތިބޭނެ ގޮތަށް މަގުގައި ކުރަހާފައެއް ނުހުރޭ. ދެން ރެސްޓޯރެންޓު ބަންދުކޮށްފަ ޖޫގޯ ކަންޓަރުތަކަށް ހަބޭހަށް ވިޔަފާރި. މިކޮންގޮތެއް.
ސަމޭދާން
18 June 2020
ބަޔަކުއެދަނީ ހިތައްއެކައްޗެއްވެސް ނާރާ ހިތުހުރިހާ ކަމެއް ކުރަމުން ޖަލްސާތައްބާވާ ކަނަމްމަތީބަދަލްބުންތަކާ ޕާޓީތަކާމަސް ދަތުރުތައް ގައުމުގެ ފުލުންނާ ސިފައިން އެދަނަނީ އަންބިދަ ރިން ލޮލައްނުފެނި އެތައްގުރުބާނީއެއްވަމުން ސިއްހީ ހިދުމަތް ތެރިން އެދަނީ ފުރާނައަތްމައްޗައްލައިގެން މަރާ ހަންގުރާމަ ކުރާ ބަލިމީހުނައް އެހީވަމުން އެމީހުނައް ދެރަގޮތް ހަދައި ބަދުބަސްތައް މިސަރުކާރާ މަޖިލީހުން އެދަނީ ކުރަމުން
ރީތި މޫސަ
19 June 2020
ސަމޭދާން ތިދެއްކީ ސީދާކަންވަމުންދާގޮތުގެ ވާހަކަ
ލޫދު
18 June 2020
ދުނިޔެއަކީ ގުދުރަތީ ޤާނޫނުގެ ތެރެއިން އިވޯލްވްވަމުން ދާ ތަނެއް. މީހުން ވެސް އަދި ވައިރަސްތައް ވެސް ދާނީ އިވޯލްވްވަމުން. ގޭގައި ފިލައިތިބުން އެއީ އޮޕްޝަނެއް ނޫން. އަހަރުމެން މަސައްކަތް ކުރަންވީ. ބިދޭސީން ލައްވާ ކުރުވާ ހުރިހާ މަސައްކަތެއް އަހަރުމެނަށް ކުރެވޭނެ އެކަމަކު ކަންނެތް ވެފައި ބޮޑާ ކޮށްތިބެން ބޯތައް ދޮވެފައިވައިވާތީ އެގޮތަށް އަހަރުމެންގެ އުޅުން ކުރިއަށްދަނީ. ނިއު ނޯމަލްއަކަށްވާންވީ މަސައްކަތް ކުރާ ބަޔަކަށް އަހަރުމެން ބަދަލުވުން.