އެމްއެންޔޫގެ ރިސާޗް ސެންޓަރުގެ ޑީން ޑރ. ރަހީމާ އަބްދުއް ރަހީމް. --ފޮޓޯ:އެންއީއޯސީ
18 ޖޫން 2020 - 01:15
19 comments
ކޮވިޑް-19 ފެތުރުން ކޮންޓްރޯލް ކުރުމަށް ޓަކައި ރާއްޖޭގައި އެޅި ފިޔަވަޅުތައް ލުއިކުރުމުން މުޖުތަމައުގެ ތެރޭގައި އެ ބަލި ފެތުރޭ މިންވަރު ބަލަަން ކުރާ ދިރާސާއެއްގެ މަސައްކަތް މޯލްޑިވްސް ނެޝަނަލް ޔުނިވާސިޓީ (އެމްއެންޔޫ) އިން ފަށައިފި އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުގައި މިރޭ ބޭއްވި މީޑިއާ ބްރީފިންގައި އެމްއެންޔޫގެ ރިސާޗް ސެންޓަރުގެ ޑީން ޑރ. ރަހީމާ އަބްދުއް ރަހީމް ވިދާޅުވީ ބަލިފެތުރިފައިވާ މިންވަރު ބަލަން ކުރާ ދިރާސާގައި ސާމްޕަލް ނަގާނީ ހައި ރިސްކް ގްރޫޕްތަކުންނާއި އެންމެ ފަސޭ އިން ބަލި އަރާނެ ކަމަށް ބެލެވޭ ގްރޫޕްްތަކުގެ މީހުންގެ ގައިން ކަމަށެވެ. އެގޮތުން ފްރޮންޓްލައިންގައި މަސައްކަތް ކުރާ މީހުންނާއި އާއްމުންގެ ތެރެއަށް ގިނައިން ނުުކުމެ މަސައްކަތް ކުރަން ޖެހޭ މީހުންގެ ސާމްޕަލްތައް ދިރާސާގެ ބޭނުމަށް ނަގާނެ ކަމަށްް އޭނާ ވިދާޅުވި އެވެ.
ކޮވިޑަށް ޓެސްޓްކުރުމަށް ސާމްޕަލް ނެގުމުގައި ހަރަކާތްތެރިވާ ރެޕިޑް ރެސްޕޮންސް ޓީމް (އާރްއާރްޓީ) ގެ ކްލަސްޓާ ހެޑް އަބްދުލް ހަމީދު ވިދާޅުވީ ދިރާސާ އަށް ބޭނުންވާ ސާމްޕަލްތައް މިހާރު ވެސް ނަގަމުން އަންނަ ކަމަށެވެ. އޭނާ ވިދާޅުވީ ދިރާސާގެ ބޭނުމަށް ފުރަތަމަ ހަފްތާފައި ނަގަން ޖެހޭ ސާމްޕަލްތަކުގެ 50 ޕަސެންޓް މިހާރު ނެގިފައިވާ ކަމަށެވެ.
ރަހީމާ ވިދާޅުވީ ދިރާސާގެ ބޭނުމަށް ދުވާލަކު 261 ސާމްޕަލް ނަގަން ކަނޑައަޅާފައިވާ ކަމަށާއި އެގޮތުން ނަގާނީ ފްރޮންޓްލައިންގައި މަސައްކަތްކުރާ މީހުންނާއި ޖަލުތަކާއި ޑިޓެންޝަން ސެންޓަރުތަކުގައި އުޅޭ މީހުން، އުމުރުން ދުވަސްވީ މީހުން އަދި ޒުވާނުން ހިމެނޭ ގޮތުން ކަމަށެވެ.
"މި މީހުންގެ ސާމަޕްލަތައް ނެގެމުން، އޭގެ ނަތީޖާ ލިބެމުންދާ ވަރަކުން އަޅުގަނޑުމެން އޭގެ ޕްރިވެލެންސް ބަލަމުން ދާނީ. އޭގެ ނަތީޖާ ލިބެން ފެށީމާ އަޅުގަނޑުމެންނަށް އެނގޭނެ މިހާރު ކޮވިޑްގެ އަދަދުތައް ބަލައިލީމާ، ކިހާވަރަކަށްތޯ ފެތުރެމުން ދަނީ،" ރަހީމާ ވިދާޅުވި އެވެ.
އެމްއެންޔޫ އާއި އެޗްޕީއޭން ކުރިއަށް ގެންދާ އެ ދިރާސާ ކުރިއަށް އޮތް ދެމަހެއްހާ ދުވަހަށް ދެމިގެންދާނެ އެވެ.
ރަހީމާ ވިދާޅުވީ ކޮވިޑް-19 ފެތުރެން ފެށި ފަހުން އެމްއެންޔޫ އިން ގިނަ ދިރާސާތަކެއް މިހާރުވެސް ކުރަމުން އަންްނަ ކަމަށާއި އޭގެ ތެރޭގައި އެ ބައްޔާ ހެދި އިޖުތިމާއީ އިގުތިސާދީ ގޮތުން އަންނަ ބަދަލުތަކާއި ނަފްސާނީ ގޮތުން އަންނަ ބަދަލުތައް ދެނެގަތުމަށް ކުރާ ދިރާސާތައް ހިމެނޭ ކަމަށެވެ. އޭގެ އިތުރުން ރާއްޖޭގެ ޓޫރިޒަމަށް ކޮވިޑްގެ އަސަރު ކުރި މިންވަރާ ބެހޭ ދިރާސާއެއް ވެސް ކުރަމުން އަންނަ ކަމަށް އޭނާ ވިދާޅުވި އެވެ. އެ ދިރާސާ އަކީ ރައްޔިތުންގެ މަޖިލީހުން އެދިގެން ކުރާ ދިރާސާ އެކެވެ.
ދިރާސާތައް ކުރުމުގެ އިތުރުން ވެސް އެމްއެންޔޫ އިން އަންނަނީ އެންއީއޯސީ އަށް ބޮޑު އެހީތެރިކަމެއް ދެމުންނެވެ. އެގޮތުން ޓްރޭނިން ދިނުމާއި ސާމްޕަލް ނެގުމާއި ކޮންޓެކްޓް ޓްރޭސިންް ހެދުން ފަދަ ކަންކަމުގައި ޔުނިވާސިޓީގެ 1،200 ދަރިވަރުންނާއި 300 އަށް ވުރެ ގިނަ ސްްޓާފުން ބައިވެރިވެފައިވާ ކަމަށް ރަހީމާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޫޖި
18 June 2020
ތިޔަ ދިރާސާ ގަބޫލުކުރާނެ މީހުން މަދުވާނެ. ސަބަބަކީ އެކްޓިވިސްޓުން ހަދާނީ ލީޑަރުން އެދޭ ނަތީޖާ ނެރެން.
ރަދުން999
18 June 2020
ތިޔަ ދިރާސާ ކުރުމުގެ ކުރިން ކޮވިޑް ތަޢާރަފް ކުރި ވިޔަފާރިވެރިންތަކާ ޑަބްލިޔޫއެޗްއޯ އިން ކުރިން ދެއްކި ވާހަކަ ތަކާއި ކޮވިޑް ގައި ރާއްޖޭއިން ޖުމްލަ މަރުވި މީހުންގެ ނިސްބަތް ސިކުޑީގައި ބަހައްޓައިގެން ދިރާސާ ކުރާތި. ޜާއްޖެ ހިމެނޭގޮތަށް ގިނަ ގަަުމުތަކުގައި ކޮވިޑްގައި ނޫންގޮތަށް މަރުވި މީހުންވެސް ގުނީ ކޮބިޑް ގެ ގޮތުގައިކަން އެގޭތޯ. ތިޔައީ މީހުން ބިރުގެންނެވުމެއް. ތިކަން ހުއްޓާލާ.
އަހުމަދުއަލޯ
18 June 2020
ލޮކްޑައުން ނުކޮށް ގިނަ މީހުން މަރުވިނަމަ ބުނާނީ ސަރުކާރު ގޯހޭ. ލޮކުޑައުންކޮށްގެން އެތައްބައެއްގެ ފުރާނަ ސަލާމަތްވީމަ ބުނާނީ ނުރައްކާތެރި ބައްޔެއް ނޫނޭ، ލޮކުޑައުން ބޭކާރޭ. ސަލާމަތެއް ނެތެއްނު. ދުނިޔޭގަ އާރާއިބާރު ހުރި ގައުމުތަކުންވެސް ދޮގުދޯ އެހަދަނީ..
ހިސާބު ކިތާބު
18 June 2020
ހިސާބު ދިމާނުވެއޭ ބުނާ މީހުންނަށް ހަމަ ވާނުވާ ނޭނގެނީބާ؟ ހިސާބު ދިމާ ނުކުރަން އިނގޭތޯ ހުރިހާ މސައްކަތެއް ކުރީ. ހިސާބު ދިމާވެއްޖެ ނަމަ އޭގެ މާނައަކީ އެ އޮތީ ވޯސްޓް ކޭސް ސިނާރިއޯ އައިސްފައޭ. އެހެންވީމަ ﷲއަށް ހަމްދުކުރޭ ރާއްޖޭގައި ހިސާބުތަށް ދިމާނުވީތީ. އެމެރިކާގައި މަރުވި މީހުންގެ އަދަދުތަށް ދެވަނަ ބޮޑު ހަނގުރާމައިގައި މީހުން މަރުވި އަދަދަށްވުރެވެސް މިހާރު ގިނަވެއްޖެ. މިއީ ހިސާބުތަށް ފާލުން ނެއްޓީމަ ވާ ގޮތް.
ތަފާސްދ
18 June 2020
އެއްގޮތަކައްވެސް ދެއްކިވާހަކަ ހަ މަނުޖެހުނީ މަވެސް މޮޅުއެއްޗެއް ބުނެލީދޯ.
އަހުމަދުއަލޯ
18 June 2020
މައުލޫމާތުގަ ލައްކަ ގިނަ ކުށް އެބަހުރި. ދެވަނަ ބޮޑުހަނގުރާމައިން އެމެރިކާ މީހުން މަރުވިވަރެއް ނޫން. ވިއެޓްނާމް ހަނގުރާމައިގަ މަރުވިވަރު. ވޯސްޓްކޭސް ސިނާރިއޯ އެއީ އަންދާޒާއެެއް. ދިމާވާކަށް ނުޖެހޭ. މިސާލަކަށް ޔެލޯ އެލާޓު ނެރުނީމަ ނުޖެހޭ ކޮންމެހެން ވާރޭވެހެން ފަށާކަށް. ހަމްދުހުރީ ﷲއަށް.
އަމީނު
18 June 2020
ޔެލޯ އެލާޓު ނެރެފިއްޔާ އޭގައި ކަނޑައަޅާފައި ހުރި ބައެއް ކަންޑިޝަންތައް ޢެ އެލާޓު ނެރުނު ސަރަހައްދަކުން ފާހަގަ ވާނެ، ގަބޫލު ކުރަންޖެހޭ ކަމަކީ އެޗުޕީއޭގެ އެއްވެސް މޮޑެލެއް އަދި އަދަދެއްވެސް ދިމާ ނުވާކަން
ބޮލުރޮދިކެނޑިފަ
18 June 2020
ކީއްވެބާ އެތާއުޅޭ ހުރިހައިއެއްޗެއް ދަންނަ ބޭފުޅާ ތިތަނަށް ނުދިޔައީ، މަޖިލީހުގެކޮ މިޓީގަވެސް އޮތީ މޮޅު ވާހަކަތަކެއް ދައްކައި ހުރިހައި ޑޮކުޓަރުންވެސް ހައިރާންކޮއްލާފަ.
އާރީ
18 June 2020
ތިކަހަލަ ދިރާސާ ނުކުރިއްޔާ ރަގަޅީ. ކުރިންވެސް ބަޔަކު ދިރާސާތަކެއް ހަދާފަ އެތަށްހާސް ބަޔަކު މަރުވާ ވާހަކަ އާއި އައިސީޔޫގަ ޔާއި ހޮސްފިޓަލު ތަކުގަ އެޑްމިޓް ކުރާވާހަކަ ދެށްކީ ބަޔަކު ފިންކަޑާގެންދާހާ ބިރުވެރި ކަންމަތީ.
އަހުމަދުއަލޯ
18 June 2020
ލޮކްޑައުން ކޮއްގެން، ފެތުރުން މައިތިރިކޮށް މީހުން ފުރާނަ ސަލާމަތްވީމަ ތިޔަ ބުނަނީ ބިރުގެންނެވީއޭ. ކުޑަކޮށް ބޭރުގައުމުތަކުގެ ވާހަކަތައްވެސް ކިޔާލަބަލަ.
މޯޑް
18 June 2020
ވެކުސިނެއް އުފެންދޭވަރު ގާބިލުކަމެއް އެބަހުރިތަ?
ކަޓޭ
18 June 2020
އަހަރެންވެސް ތި ދިރާސާތަކަށް މިހާރު އިތުބާރެއް ނުކުރަން. ފުރަތަމަ ބުނީ ރާއްޖެއިން 1 ލައްކަ މީހުންނަށް ކޮވިޑް ޖެހޭނެއޭ . ދެން ބުނީ ރައްކާތެރިކަމުގެ ފިޔަވަޅު އެޅިއަސް 75000 މީހުންނަށް ބަލިޖެހޭނެއޭ. މޭ 31 ގައި ޕީކަށް ގޮސް 1500 މީހުންނަށް ޖެހޭނެއޭ. ނަމަވެސް ކަލާނގެ ރަހުމަތްފުޅުންނާއި ސިއްހީ ދާއިރާގެ ބުރަ މަސައްކަތުން ބަލިވަނީ ވަރަށް ބޮޑަށް ކޮންޓްރޯލްކޮށްފައި. އަހަރެެންގެ ދުއާ އަކީ އަވަސް މުސްތަގުބަލެއްގައި މިވަބާއިން މިގައުމު ސަލާމަތްވުން .
މަޓޭ
18 June 2020
ދުނިޔޭގެ ހުރިހާ ގައުމެއްގައިވެސް މަސައްކަތް ކުރީ ހިސާބުތަށް ޖަހައިގެން. ހިސާބުތަށް ޖަހައިގެން މަސައްކަތް ކުރަނީ އެ އަދަދުތަކުން ސަލާމަތްވެ ރާއްޖެ އަމާން ބަނދަރަކަށް ގެންދެވޭތޯ. މޮޅު ސައިންސްވެރިޔާ އުގެއިލު ޖެހި ހިސާބުތަށް ބަލާފައިވެސް ފިއްކަނޑައިގެން ދޭ. އެކަމަކު އެ ހިސާބުތަށް ދިމާނުވީ ފާއިތުވި 5 މަހު ސިއްހީ ދާއިރާގެ ބޭފުޅުން ރެއާ ދުވާލު ކުރި މަސައްކަތުން. ވޯސްޓް ކޭސް ސިނާރިއޯ އެވޮއިޑް ކުރެވިއްޖެ. ﷲއަށް ހަމްދުކުރޭ.
އަހުމަދުއަލޯ
18 June 2020
ބުރޯ އެއީ އަންދާޒާ. ނުޖެހޭ ކޮންމެހެން ދިމާވާކަށް. އޭގެއިން ބަލާލޭވޭނެ ކިހާ ވަސީލަތެއް ބޭނުންތޯ އެންމެ ހާލުދެރަވާ ވަގުތުގައިވެސް.
ރާއްޖެ
18 June 2020
ޑރ ޝީނާ ޖެހި އެއްވެސް ހިސާބެއް އަދި ނެތް ދިމާވެފަ އެއް. ޢެ ކަމަނާ ވެސް މަސައްކަތް ކުރަނީ އެމް އެން ޔޫގަ ދެއްތޮ؟
އަހުމަދުއަލޯ
18 June 2020
ޑރ. ޝިނާ މެން ޖެހި ހިސާބުން ގައުމު މިހާތަނަށް ސަލާމަތްވެފަ މިއޮތީ. ދޫކޮށްލިނަމަ ކިހިނެއްވާނީ...
ރާއިފް
18 June 2020
ޑރ ޝީނާ މެން ހަލާކު ކޮށްލި އިގްތިސާދު ކޮޅަށް ނަގާނީ ތިބޭފުޅާތޯ
ބޮއްޅަބެސިންގް
18 June 2020
ޔުނިވަރުސިޓީވެސް މަޖިލީހުގެ މަޅީގަ ޖެހުނީދޯ.....އެ މްޑީޕީ ގެ އެކުޓިވިސްޓުން ތަކެއް މަތިފަޑިޔައްލައިގެން ގުއިރޯނުގަ ޔުނިވަރުސިޓީ ޖައްސާ މަންޒަރު ފެންނަނީ.
ނައީމް
18 June 2020
ދިރާސާގެ އަލީގައި ކަންކަން ނިންމަންވާނީ. މިއީ މުޅިން އާ ބައްޔެއް ވީމަ އެކި ގައުމުތަކުގެ ސްޓެޓިސްޓިކްސް ތަފާތު. ރާއްޖެ މީހުން ކަނޑުމަސް ކައިގެން އުޅޭތީ ދިފާއީ ނިޒާމު ވަރުގަދަވެސް ވެދާނެ، ނަތީޖާ ތަފާތުވެސް ވެދާނެ.