މެމްބަރު ސުޖާއު (ކ) އަދި ވަހީދު: ދެ ބޭފުޅުން ވެސް ތާއީދުކުރައްވަނީ ކުރީގެ ރައީސް މައުމޫނަށް.
19 އޮކްޓޯބަރ 2016 - 22:17
10 comments
ޕީޕީއެމްގެ ރައީސް މައުމޫނަށް ތާއީދުކުރައްވާ ރައްޔިތުންގެ މަޖިލީހުގެ ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމާއި ބާރަށު ދާއިރާގެ ޕީޕީއެމް މެމްބަރު އިބްރާހިމް ސުޖާއު ޕީޕީއެމްގެ ޕާލިމެންޓްރީ ގްރޫޕުގެ ވައިބަ ގްރޫޕުން މިރޭ ބޭރުކޮށްލައިފި އެވެ.
އެކަން ޕީޕީއެމްގެ އިސް ބޭފުޅަކު "މިހާރު" އަށް ކަށަވަރުކޮށްދެއްވި އެވެ.
ވަހީދާއި ސުޖާއު ވައިބަ ގްރޫޕުން ބޭރުކޮށްފައި މި ވަނީ ކޮމަންވެލްތުން ރާއްޖެ ވަކިވާން މަޖިލީހުގައި މިއަދު ނެގި ވޯޓުގައި ސަރުކާރާ ދެކޮޅަށް ވޯޓު ދެއްވާފައި ވަނިކޮށެވެ. އެ ދެ ބޭފުޅުން ހިމެނިވަޑައިގަންނަވާ ގޮތަށް ސަރުކާރު ކޯލިޝަންގެ ހަ މެމްބަރަކު ވަނީ އެ ވޯޓުގައި ޕީޕީއެމް ކޯލިޝަނުން ނެރުނު ތްރީ ލައިން ވިޕާ ހިލާފަށް ވޯޓު ދެއްވާފަ އެވެ.
ޕީޕީއެމް ތެރޭގައި އުފެދުނު ހިޔާލު ތަފާތުވުންތަކުގައި ޕާޓީ ދެ ބައިވެ، މައުމޫންގެ ފެކްޝަނަކާއި ރައީސް އަބްދުﷲ ޔާމީންގެ ފެކްޝަނެއް އުފެދިފައި ވާއިރު، ކޮންމެ ފެކްޝަނަކުން ވެސް ދަނީ ކައުންސިލް ބައްދަލުވުންތައް ބާއްވައި އެކިއެކި ފިޔަވަޅުތައް އަޅަމުންނެވެ. އެ ގޮތުން، މައުމޫންގެ ފެކްޝަނުން ވަނީ ވަހީދު ޕާޓީގެ ނައިބު ރައީސް ކަމަށް އަދި ސުޖާއު ތަރުޖަމާނުގެ މަގާމަށް ރޭ އައްޔަންކޮށްފަ އެވެ.
އެކަމަކު، ރައީސް ޔާމީންގެ ފެކްޝަނުން އެކަން ބަލައެއް ނުގަނެ އެވެ.
ސަރުކާރަށް ފާޑު ވިދާޅުވާ އަދި ދެކޮޅަށް މަޖިލީހުގައި ވޯޓު ދެއްވާ މެމްބަރުންނާ ދެކޮޅަށް މީގެ ކުރިން ވެސް އެކި ފިޔަވަޅުތައް އަޅާފަ އެވެ. އޭގެ ތެރޭގައި، ވައިބަ ގްރޫޕުން ބޭރު ކުރުމުގެ އިތުރަށް، މުހިއްމު ކޮމިޓީތަކުން އާދައިގެ ކޮމިޓީތަކަށް ބަދަލުކުރުމާއި ޕާޓީން ވަކިކުރުން ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޭފަރު މީހާ
23 October 2016
ޗަހެން އުޅެ އުޅެފޭ ނަމަނަމަ އެއްޗެއް ނޮޅޭނުލާތި...
ދަންޑެހެލު
20 October 2016
ރައްޔިތުންގެ ވައިބަ ގުރޫޕުން ރައީސް ޔާމީނު ބޭރު ކޮއްލައިފިން. ސުކުރިޔާ.
ފިޔާތޮށި ރީދޫ އަސުރުމާ
20 October 2016
ތި ގްރޫޕް ލިބޭ އިނާޔަތްތައް ކިޔާދީބަލަ
ނިހާން އަބްދުއްރަހީމް
20 October 2016
ވައިބަރ އިންތަ ޕާޓީ ހިންގަނީ. ބޯހަލާކު
ޢަލީ
20 October 2016
ތިކަމާ ދެރަވެގެން ދެން ތިޔަ ދެ މެންބަރުންނަށް ކާއެތިކޮޅެއްވެސް ނުދިރޭނެތާ، ހާދަވަރުގަދަ ޕީޖީ ވައިބާ ގުރޫޕެއްތާތީ، ހައުސޭޑް، ޕްލީޒް ޕްލީޒް ޑޯން ޑޫދަޓް!
އައްޑޫ ރަދުން
19 October 2016
މިއާޓިކަލްގެ ހެޑިން ރަނގަޅެއްނޫން...ރަނގަޅު ގޮތަކީ..."ޕީޕީއެމްގެ ޕީޖީ ގްރޫޕުގެ ވައިބަރ ގްރޫޕުން ދެމީހަކު މަދުވެއްޖެ..."ސަބަބަކީ މިގްރޫޕުން މީހުން މަދުވުމަކީ މިގުރޫޕް ލިބޭ ކުރިއެރުމަކަށް ވުރެ ލިބޭ އުނިކަމެއް ވީމާ މީގެ ސަބްޖެކްޓަކީ މިމީހުން މަދުވާމަދުވުން....
މޫސާ
19 October 2016
މެމްބަރު ވަހީދާއި ސުޖާއު ޕީޕީއެމް ޕީޖީގެ ވައިބަ ގްރޫޕުން ބޭރުކޮށްފި ކަމަށް ޞުރުޙީގައި އެވަނީ ރަނަގަޅަކަށް ނޫނެވެ. ރަނަގަޅު ގޮތަކީ މެމްބަރު ވަހީދާއި ސުޖާއު ޔާމިން ފެކްޝަން ޕީޕީއެމް ޕީޖީގެ ވައިބަ ގްރޫޕުން ބޭރުކޮށްފި މިގޮތެވެ. އަވަހަށް މައުމޫންވެސް ޕީޕީއެމްގެ ޕީޖީ ވައިބަރ ގްރޫޕެއް އުފައްދަންވީއެވެ. އެއީ ވަރަށް ފަސޭހަ ކަމެކެވެ. މައުމޫނަށް ނުކެރެންޏާ މަވެސް އެކަން ކޮށްލަދީފާނަމެވެ. ޔާމިނަށް ޝުކުރިއްޔާއެވެ. 2018 ޔަޤީން ކުރާށެވެ. އަދި ސަލާމެވެވެ.
ފާހި
19 October 2016
ތިޔަ ދެވުނީ ވަރަށް ބޮޑު ހިތާމައެއް އެވެރިންނަށް. މިހާރު ދެރަވެގެން މަޢާފަށް އެދި ސިޓީވެސް ފޮނުވަފާނެ. އެހެންނާ ތިޔަ ގްރޫޕުން ބޭރުވެއްޖެއްޔާ ދެން ހުރިހާ ކަމެއް ދިޔައީ ވިއްޔަ!
އައިޝާ
19 October 2016
އަހަރެން ގުރޭޑު އެކެއްގަ އުޅުނު އިރު ކުލާހުގަ އޮންނާނެ "ޕަވާ ޕަފް ގާލްސް" ކިޔާ ގުރޫޕެއް. އެ ގުރޫޕުގަ އޮންނަ ގޮތަކީ ގުރޫޕުގެ ލީޑަރު ހިތް ހަމަ ނުޖެހޭ ކަމެއް ކުއްޖަކު ކޮށްފިނަމަ ގުރޫޕުން ބޭރު ކޮށްލުން. އަދި ގުރޫޕުގެ ހުރިހާ ކުދިން ޖެހޭނެ އެ ކުއްޖާ އާއި ރުޅި ވާން ވެސް. ރުޅި ނުވާ ކުއްޖެއް ހުރިއްޔާ އެ ކުއްޖާ ވެސް ބޭރު ކޮށްލާނެ.
އެންބެސެޑާރ އެޓް ފޯކައިދޫ
19 October 2016
"ބޮޑު ދެގެރި ތަޅަންޔާ ވައިބަރ އަށް ބާރު ބޮޑުވާނެ އެވެ."