ހަޔަ އެޑިއުކޭޝަން މިނިސްޓަރު "މިހާރު" އަށް މީގެ ކުރިން އިންޓަވިއުއެއް ދެއްވަނީ.-- މިހާރު ފައިލް ފޮޓޯ
25 ޖޫން 2020 - 19:07
6 comments
މަތީ ތައުލީމް ހާސިލްކުރަން މި އަހަރު ލޯނުގެ އިތުރު ފުރުސަތެއް އިއުލާނުކުރުމަކީ، ކޮވިޑް-19 އާ ގުޅިގެން ކުރިމަތިވެފައިވާ ގޮންޖެހުމުގައި ސަރުކާރަށް ވާނެކަމެއް ކަމަށް ހީނުވާ ކަމަށް ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން މިއަދު ވިދާޅުވެއްޖެ އެވެ.
އެ މިނިސްޓްރީން ބޭއްވި ނިއުސް ކޮންފަރެންސްގައި މިނިސްޓަރު ވިދާޅުވީ، މިދިޔަ ފެބްރުއަރީ މަހު ހުޅުވާލި މަތީ ތައުލީމުގެ 550 ފުރުސަތާއި ހައި އެޗީވާސް އަދި ރައީސްގެ ސްކޮލަޝިޕުގައި، ކޮވިޑްގެ ސަބަބުން މިއަހަރު ކިޔަވަން ދެވޭނެތޯ ގިނަ ބަޔަކު ސުވާލު އުފެއްދި ކަމަށެވެ. ނަމަވެސް އެ ހުރިހާ ސުވާލަކަށް ރައީސް އިބްރާހިމް މުހައްމަދު ސޯލިހު މިއަދު ޖަވާބުދެއްވާފައިވާ ކަމަށް މިނިސްޓަރު ވިދާޅުވި އެވެ.
ރައީސް ކުރެއްވި ޓްވީޓުގައި ވަނީ ހުރަހެއް ނެތި، ސްޓޫޑެންޓް ލޯނާއި ހައި އެޗީވާސް އަދި ރައީސްގެ ސްކޮލަޝިޕްގައި ކިޔެވުން ކުރިއަށްގެންދިއުމުގެ ފުރުސަތު ފަހިކޮށްދެއްވާނެ ކަމުގެ ޔަގީންކަން ދެއްވައިފަ އެވެ. ކޮވިޑް-19 އާ ގުޅިގެން ކުރިމަތިވެފައިވާ ގޮންޖެހުންތަކުގައި ވެސް ދިވެހިންނަށް މަތީ ތައުލީމާއި ތަމްރީނުގެ ފުރުސަތުތައް ދިނުމަށް ސަމާލުކަން ދޭނެ ކަމަށް ވިދާޅުވި އެވެ.
އެކަމާ ގުޅިގެން މިނިސްޓަރު ވިދާޅުވީ، ރައީސް ދެއްވި ޔަގީންކަމުން ގައުމު ބިނާކުރުމުގައި ހާއްސަކޮށް ޒުވާނުންނަށް މަތީ ތައުލީމާއި ތަމްރީނު ފޯރުކޮށްދިނުމަށް އެމަނިކުފާނު އަބަދު ވެސް އެންމެ އިސްކަންދެއްވާނެކަން އެނގިގެންދިޔަ ކަމަށެވެ. ނަމަވެސް ހާލަތު ގަބޫލުކޮށް، އެމަނިކުފާނުގެ އަރިހުގައި މި އަހަރު ލޯނުގެ އިތުރު ފުރުސަތަކަށް އެދުމަށް ކެރިވަޑައިނުގަންނަވާނެ ކަމަށް ވިދާޅުވި އެވެ.
Despite challenges of COVID19, we remain focused on higher education and training opportunities for Maldivians. I’m pleased that key programs such as our student loan scheme as well as High Achievers Scholarships and the President’s Award Scholarship shall continue uninterrupted.
— Ibrahim Mohamed Solih (@ibusolih) June 25, 2020
"އަޅުގަނޑަށް ހީވަނީ މިއަހަރު މިއޮތީ ވަރަށް ބޮޑު ކޮމިޓްމަންޓެއް ރައިސުލްޖުމްހޫރިއްޔާ ދެއްވާފައި. އަޅުގަނޑުމެން މިވަގުތު އިސްކަންދޭންވީ، މިވަގުތު ޕްލޭނުގައި ހުރި ހަރަކާތްތައް ކުރިއަށްގެންގޮސް ނިންމާލެވޭތޯ. ރާއްޖޭގައި މިވަގުތު އޮތް އިގުތިސޯދީ ގޮންޖެހުމުގައި އަޅުގަނޑަށް ހީވަނީ އިތުރު ލޯނު ބުރެއް މިއަހަރު ސަރުކާރަށް އިއުލާނުކުރުމަކީ ކުރެވޭނެ ކަމަކަށް ނުވާނެހެން،" މިނިސްޓަރު ވިދާޅުވި އެވެ.
މަތީ ތައުލީމުގެ ލޯނަށް ހުޅުވާނުލެވުނު ކަމުގައި ވިއަސް ވަޒީފާގެ ބާޒާރަށް މީހުން ބިނާކުރަން އާ މަސައްކަތްތަކެއް ފަށާފައިވާ ކަމަށް ވިދާޅުވި އެވެ.
މިއަހަރު ހުޅުވާލި ލޯނުގެ ފުރަތަމަ ބުރަށް 151 މިލިއަން ރުފިޔާ ކަނޑައަޅާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސެވެން ވޮންޑާރސް
26 June 2020
މޮޅު ކުދިންނަށް ކޮމާޝަލް ރޭޓުން ނަމަވެސް ލޯނު ލިބެންޖެހޭ. ސަރުކާރުން ކުރައްވަން ވީކަމަކީ ކްރެޑިޓް ގަރަންޓީ ކޮށްދެއްވުން. އެމީހަކު ބޭނުންތަނަކުން އެމީހަކު ބޭނުން އެއްޗެއް ކިޔެވުމުގެ ފުރުސަތު އޮންނަން ޖެހޭނެ.
ދެރަ
26 June 2020
އެމްބީބީއެސް ސްލޮޓް މަދުވުމުން, ޝަރުތު ހަމަވިއަސް, އަދި މިހާރުވެސް ކިޔަވަމުންދާ ދަރިވަރެއް, ނުހޮވި ކަޓައިފި, ލޯނަށް ކުރިމަތި ލީނަމަވެސް, ޑިގްރީއަށް ހުރި ޢަދަދު މަދުވީމަ, ވަރަށް ދެރަ މިގޮތަށްވީމަ.
ބޮޑުމީހާ
26 June 2020
ބަލަ ރައީސް މީހާ ޓްވީޓްކޮށްފަ އެބައޮތް ބަރާބަރަށް ކުރިއަށް ދާނޭކަމަން. އަދި އެމަނިކުފާނަށް ނޭގެނީތޯ
ޖިނަ
25 June 2020
ކޮބާ ބަޖެޓު؟ ކުޑަ ނުކުރެއެއްނު
ހަމަރޯޅި
25 June 2020
ބަލަ ޔާމީނު އިރުގަ ފްލެޓް ދިން މީހުންގެ ނަން އިއުލާނު ނުކޮށް ފޯރމް ނަންބަރު އިއުލާނު ކޮށްފަ ވަނީ މަކަރު ޖަހަން ކަމަށް ބުނި މީހުން އައިސް ފުރަތަމަ ކުރި އިއުލާނުގަވެސް މިއޮއް ފެންނަނީ ފޯރމް ނަންބަރު ޖަހައިގެން އިއުލާނު ކޮށްފަ ޑަކްޓަރީ ކަމަށްވެސް އެބައޮތް 75 ޕޮއިންޓް ލިބުނު ކުއްޖާއަށްވެސް ލިބިފަ އެއަށް ވުރެ މަތިން ލިބުނު ކުދިންނަށް ނުލިބި ކޮންޓާސަރީ ހޮސްޕިޓަލް އަޅާ ވާހަކަތޯ ރައީސް އިބްރާހީމް އެ ކިޔަނީ ޑަކްޓަރުން ތަމްރީނާ ނުލާތޯ އެކަން ކުރަނީ
ނަން ނުޖަހާ ފޯރމް ޖެހީ ކީއްވެ ވެބްގަ
25 June 2020
މިއަހަރު ތިމާމެން އެންމެ މުހިއްމުކޮށް ފުރުވާލަން ޖެހޭ މީހުން މިބުރަށް މިހާރު އެވަނީ ފޮނުވަން ހިމަނާލެވިފަ ދެން އެހެންވީމަ ކޮން މުހިއްމު ކަމެއއްތޯ ދެން އޮންނާނީ މުހިންމެއް ނުވާނެ 1600 ދަރިވަރުން އެދުނީމަ 500 ދަރިވަރުންނަށް ލޯނު ދެވުނީމަ ކޮބައިތޯ ލޯނުދެވިފަ ދެބައިކޮށްފަ އެއްބައި ކުދިންނަށްވެސަ ނުދެވޭ މިއީ އަނބުރާ ދައުލަތަށް ލިބޭއެއްޗެއްވެސްމެ ވަރަށް ގިނަ ދުވަހު މޮޑެމޮޑެފަ ތި ނެރުނީ ތަނަވަސް ކަމަށޭ ކިޔާފަ ޕޮއިންޓްދޭން ލޫޕް ހޯލެއްވެސް އެބަ އޮތް؟