ދުނިޔޭގެ ކުޅިވަރު / އިނގިރޭސި އެފްއޭ ކަޕް

އެފްއޭ ކަޕް ސެމީގައި އާސެނަލް-ސިޓީ، ޔުނައިޓެޑް-ޗެލްސީ

ޗެލްސީގެ ސެޒާ އަޒްޕިލިކުއެޓާ (ވ) އާއި ލެސްޓާ ސިޓީގެ ޑެމަރައީ ގްރޭ ބޯޅައަށް މަސައްކަތްކުރަނީ. --ފޮޓޯ: އޭއެފްޕީ

29 ޖޫން 2020 - 11:29

ލަންޑަން (ޖޫން 29) – އިނގިރޭސި އެފްއޭ ކަޕުގެ ސެމީ ފައިނަލުގައި އާސެނަލާއި މެންޗެސްޓާ ސިޓީ އަދި މެންޗެސްޓާ ޔުނައިޓެޑާއި ޗެލްސީ ވާދަކުރަން ޖެހިއްޖެ އެވެ.

އާސެނަލް ސެމީން ޖާގަ ހޯދީ ޝެފީލްޑް ޔުނައިޓެޑް އަތުން 2-1 އިން މޮޅުވެގެންނެވެ. ޗެލްސީ ފުރުސަތު ހޯދީ ލެސްޓާ ސިޓީ އަތުން 1-0 އިން މޮޅުވެގެންނެވެ. އަދި މެންޗެސްޓާ ސިޓީ ޖާގަ ހޯދީ ނިއު ކާސަލް ޔުނައިޓެޑް އަތުން 2-0 އިން މޮޅުވެގެންނެވެ. އަދި މެންޗެސްޓާ ޔުނައިޓެޑް ފުރުސަތު ހޯދީ ހޮނިހިރު ދުވަހުގެރޭ ނޯޗިވް ސިޓީ އަތުން 2-1 އިން މޮޅުވެގެންނެވެ.

ސެމީ ފައިނަލުގައި ބައްދަލުކުރާނެ ޓީމުތައް ކަނޑައެޅީ ސިޓީ އާއި ނިއުކާސަލް މެޗުގެ ހާފް ޓައިމްގަ އެވެ. ސެމީގެ ދެ މެޗު އޮންނާނީ ލަންޑަނުގެ ވެމްބްލީ ސްޓޭޑިއަމުގައި އަންނަ މަހުގެ 18 ވަނަ ދުވަހު އެވެ. ފައިނަލް މެޗު އޮންނަ ދުވަހެއް އަދި ކަނޑަނާޅަ އެވެ.

އާސެނަލްގެ އެމިރޭޓްސް ސްޓޭޑިއަމުގައި އެ ޓީމުން ޝެފީލްޑާ ދެކޮޅަށް ކުޅުނު މެޗުގައި ލީޑު ނަގައިދިނީ 25 ވަނަ މިނެޓުގައި ޕެނަލްޓީއަކުން ނިކޮލަސް ޕެޕޭ އެވެ. އޭގެ ފަހުން 87 ވަނަ މިނެޓުގައި ޝެފީލްޑުގެ ޑޭވިޑް މެކްގޯލްޑްރިކް އެއްވަރުކުރި އެވެ. އާސެނަލް މޮޅުވީ އިތުރު ވަގުތުގެ ތެރޭ ޑެނީ ސެބަޔޮސް ޖެހި ގޯލުންނެވެ.

ސްޓެމްފަޑް ބްރިޖުގައި ލެސްޓާ އަތުން ޗެލްސީ މޮޅުވީ 63 ވަނަ މިނެޓުގައި ރޮސް ބާކްލޭ ޖެހި ގޯލުންނެވެ. ބުރާސްފަތި ދުވަހުގެރޭ ޕްރިމިއާ ލީގުގައި ސިޓީ އަތުން 2-1 އިން މޮޅުވި ޗެލްސީ އަކީ އެފްއޭ ކަޕުގެ ފޭވަރިޓެކެވެ. ކުރީގެ ކެޕްޓަން ފްރޭންކް ލަމްޕާޑް ހަވާލުވެ އަންނަނީ ރަނގަޅު މަސައްކަތްތަކެއް ކުރަމުންނެވެ. އެ ޓީމު އޮތީ ލީގުގެ ހަތަރު ވަނައިގަ އެވެ.

އިއްތިހާދު ސްޓޭޑިއަމުގައި ނިއުކާސަލް އަތުން ސިޓީ މޮޅުވި މެޗުގައި ފުރަތަމަ ގޯލް 37 ވަނަ މިނެޓުގައި ޕެނަލްޓީއަކުން ޖެހީ ކެވިން ޑި ބްރޭނާ އެވެ. އަދި ދެ ވަނަ ގޯލް 68 ވަނަ މިނެޓުގައި ކާމިޔާބުކުރީ ރަހީމް ސްޓާލިން އެވެ.

އިނގިރޭސި އެފްއޭ ކަޕް ޗެލްސީ މެންޗެސްޓާ ސިޓީ މެންޗެސްޓާ ޔުނައިޓެޑް އާސެނަލް

2 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނިއުމާ

30 June 2020

މަގޭ ވެފަރިޓްގެ ވެފަރިޓްސް ފެވަރިޓް ލިސްޓް. 1)ރެއާލް 2)ލިވަޕޫލް 3)ސިޓީ 4)ޗެލްސީ 5)އެތުލެޓިކޯ 6)މެންޔޫ 7)ފޯކައިދޫ 8)ސެލްޓާ 9)ލެސްޓަރ 10)މިލާން 11)ލާޒިއޯ 12)އެޓަލާންޓާ 13)ވުލްވްސް 14)އިންޓަރ 15)ޕީއެސްޖީ 16)މޮނާކޯ 17)ނިއު 18)އަލް އަހްލީ 19)ކަށިމާ އެންޓްލާސް 20)އާސެނަލް 21)ނިއުކާސަލް 22)މެކަބީ ޓެލްއަވީވް 23)އުދިނޭޒީ 24)ފެނަބާޗޭ 25)ބާސާ 26)ބެސިކްޓާސް 27)މާޒިޔާ 28)ޔުވެންޓަސް 29)އަޔެކްސް 30)ފޭނޫޑް 31)ސެލްޓިކް (ލިސްޓް ސަޅި ތަ) މަގޭ ކްލަބްތައް މަދެއް ނޫން ދޯ.