03 ޖުލައި 2020 - 17:08
36 comments
ފިލްމީ ތަރި ޖުމައްޔިލް ނިމާލް (ޖުމަލް) ގެ މައްޗަށް ކުރާ ޖިންސީ ތުހުމަތާ ގުޅިގެން އޭނާއާ އެކު ޑާކް ރެއިން އެންޓަޓައިންމަންޓުން ކުރިއަށް ގެންދަން ނިންމާފައި ހުރި ޕްރޮޖެކްޓްތަކުން ޒުވާން އެކްޓަރު ވަކިކޮށްފި އެވެ.
އެ ސްޓޫޑިއޯ އިން މިއަދު ނެރުނު ބަޔާނެއްގައި ބުނީ އެ ކުންފުންޏަކީ އަބަދު ވެސް ޖިންސީ ގޯނާއާ ދެކޮޅު ތަނެއް ކަމަށާއި އެފަދަ ތުހުމަތުތަކެއް އެޅިފައިވާ ބަޔަކާ އެކު މަސައްކަތްނުކުރާނެ ކަމަށެވެ. އެހެންވެ ޖުމަލްއާ އެކު ކުރިއަށް ގެންދަން ހުރި މަސައްކަތްތަކުން އޭނާ ވަކިކޮށްފައިވާ ކަމަށް ބުންޏެވެ.
"އެފަދަ އަނިޔާގެ ޝިކާރައަކަށްވެފައިވާ އެންމެހާ ފަރާތްތަކާ އެކު މި ކުންފުނިން އަބަދު ވެސް ވާކަން ފާހަގަކުރަމެވެ." ޑާކް ރެއިނުން ބުންޏެވެ.
އެ ސްޓޫޑިއޯގެ ޕްރޮޖެކްޓްތަކުން ޖުމަލް ވަކިކުރި އިރު، މިހާރު ވެސް އޭނާއާ އެކު ގެނެސްދޭން ނިންމާފައި އޮތް ދެ ފިލްމެއް އެބައޮތެވެ. އެއީ ކުރިން މި މަހުގެ 1 ގައި އަޅުވަން ނިންމާފައި ވަނިކޮށް، ކޮވިޑް-19އާ ހެދި އަންނަ އަހަރަށް ފަސްކޮށްފައިވާ ލޯބީގެ ފިލްމު "ނޮވެމްބާ" އާއި ޝޫޓިން ފަށާފައި އޮތް ބިރުވެރި ފިލްމު "ބަޅިނދު" އެވެ.
— Dark Rain Ent (@DarkRainEnt) July 3, 2020
ބައްޕަ އަދި މަޝްހޫރު އެކްޓަރު/ޑައިރެކްޓަރު އަހުމަދު ނިމާލް 2014 ގައި ގެނެސްދިން ފިލްމު "އަނިޔާ" އިން ފިލްމީ ދާއިރާ އަށް ނުކުތް ޖުމަލް އަކީ ޑާކް ރެއިންގެ ފެވަރިޓެވެ. އެ ސްޓޫޑިއޯ އިން މި ފަހުން ގެނެސްދިން ހުރިހާ ފިލްމުތަކެއްގެ އެންމެ މުހިއްމު ތަރިއަކީ އޭނަ އެވެ. އޭގެ ތެރޭގައި މިދިޔަ އަހަރު ގެނެސްދިން "މާމުއި" އާއި "ގޮށްރާޅު" އާއި 2018 ގެ "ވަކިން ލޯބިން" އާއި 2017 ގެ "މީ ލޯތްބަކީ" އާއި 2016 ގެ "ވާށޭ މަށާއެކީ" އާއި 2015 ގެ "އެންމެ ފަހު ވިންދާ ޖެހެންދެން" ހިމެނެ އެވެ.
ޖުމަލް އާންމުންގެ ތެރޭގައި މަގުބޫލު ތަރިއަކަށް ހަދައިދިނުމެ ފަހަތުގައި އޮތީ ޑާކް ރެއިނެވެ. އެކަމަކު އޭނާގެ މައްޗަށް ކުރެވޭނީ ޖިންސީ ގޯނާގެ ތުހުމަތާ ގުޅިގެން އެ ސްޓޫޑިއޯ އިން އޭނާ ދޫކޮށްލުންވެގެންދާނީ ޖުމަލްގެ ކެރިއަރުގެ "ހަލާކުވުން" ކަހަލަ ކަމަކަށެވެ.
ކުރިން މި މަހު އަޅުވަން ރޭވި "ނޮވެމްބާ" ގެ ޕޯސްޓަރެއް.
އޭނާގެ މައްޗަށް އެންމެ ފުރަތަމަ 2016 ގެ ތެރޭގައި ކުރެވުނު ޖިންސީ ގޯނާގެ ތުހުމަތުގެ މައްސަލަ އަލުން ހޫނުވެފައިވާ އިރު، ޖުމަލްގެ އަތުގައި ސްޓޫޑިއޯތަކުގެ ފިލްމުތަކެއް ވެސް އެބަ ހުއްޓެވެ. އޭގެ ތެރޭގައި މިދިޔަ އަހަރު "ބަވަތި" ގެނެސްދިން އައި ފިލްމްސްގެ "ނީނާ" އާއި މާސްކޭ ސްޓޫޑިއޯގެ "ޕްލޭން ބީ" ހިމެނެ އެވެ.
މި ދެ ފިލްމަކީ ވެސް މަސައްކަތް ނިމި އަދި މި އަހަރު އަޅުވަން ކުރިން ޕްލޭންކޮށްފައި ހުރި ފިލްމުތަކެކެވެ.
ރާއްޖޭގެ ފިލްމީ ދާއިރާގައި މި ވަގުތު އެންމެ ކާމިޔާބު އަދި އެންމެ މަޝްހޫރު އެކްޓަރުންގެ ލިސްޓްގެ އެންމެ ކުރީގައި އުޅޭ ޖުމަލްގެ މައްޗަށް ޖިންސީ ގޯނާގެ ތުހުމަތުކުރަނީ އޭނާއާ ދެބެއިންގެ ދެދަރި އަންހެނެކެވެ.
މި މައްސަލަ ފެންމަތިވެފައިވާ އޮންނަތާ ދުވަސްތަކެއްވެފައިވާ އިރު މައްސަލަ ހުއްޓިފައި އޮތީ ޕްރޮސެކިއުޓަ ޖެނެރަލް އޮފީސް (ޕީޖީ) އާ ހަމައިންނެވެ. ނަމަވެސް މިހާރުގެ ޕީޖީ ހުސައިން ޝަމީމު ވަނީ ޖުމަލްގެ މައްޗަށް ޖިންސީ ގޯނާގެ ތުހުމަތުކުރާ އަންހެން މީހާ އަށް އިންސާފު ހޯދައި ދެއްވަން މަސައްކަތްކުރައްވާނެ ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާހުސެން މޫސާ
05 July 2020
މަވެސް ރޭޕާ ދެކޮޅު .. އެކަމަކު 2016 ގަ ހިނގި ކަމެއް 4 އަހރު ފަހުން މި އައީ ކިހިނެއް ބާ .. ހެކި ނެތިގެން މައްސަލަ ނިމިފަ އޮތް ކޭސް އެއް މިހާރު ހެކި ލިބުނީބާ .. ހަމަ ޔަގީނައް ވެސް ކޯޓް ގައި ނު ދައްކާ އާ ވާހަކަ އެއް ސޯސަލް މީޑިއާ ގަ އެއް ވަކި ވިކްޓިމްްނު ދައްކާނެ ކަންނޭގެ.. އަނެއްކާ ޕަބްލިސިޓީ ސްޓަންޓެއް ބާ .. މަގޭ ހިއާލު ދެން ކޮމެންޓް ޝެކްސަން ގަ ތިބި ވަކީލުންނާ ދަންނަ ނުދަންނަ އެންމެން ވެގެން މަ ނޮޅާ ހަފާލާނީ ކީ ނޫން .. ޖަސްޓިސް ފޯ ވިކްޓިމް
ހެޔޮ ވިސްނޭތޯ
04 July 2020
އަންހެން ކުއްޖާ ކީއްކުރަން ބަ މީނަ އެކަނި އެޕާރޓްމަންޓް ގަ އަދި ކޮޓަރީގަ އޮއްވާ ވާނީ..ތިމާގެ ވިޔަކަސް ކައިވެނި ސައްޙަވާ ދެމީހުން މީ،،އަންހެނަކާ ފިރިހެނެއް އެކަހެރި ވެއްޖެއްޔާ އެމީހުންނާއެހު އިބްލީސްވެސް ހުންނާނެ. މީ އަޑު އަހާ ވާހަކައެއް.
މިޔަރުބެ
04 July 2020
ކަލޭގެ ވާހަކައިން ހީވަނީ އަންހެންކުއްޖާ ރުހިގެން ކުރިކަމެއްހެމް. އަމިއްލަ ދަރި، އެއްބަމޑެއް ނުވަތަ މަންމައަށް އެހެން ވީނަމަވެސް ތިޔަހެންތަ ބުނާނީ؟
ރާރާ
05 July 2020
މިޔަރުބެ ރުލި އަޔަސް ހެޔޮ ވިސްނޭތޯ އެދެއްކީ ދޮގުވާހަކައެއްނޫން
ކުރީގެ ފޭން
04 July 2020
ކުރިން މަގޭ ހިތައް އަރާ ޖުމައްޔިލް ހާދަ ލަކީ އޭ. އޭނަގެ ލައިފް ކިހާ ސަޅިހޭ. އޭނަޔަކީ ނަމޫނާއެއް ކަމައް ބަލައިގެން ދުއާ ކުރިން އޭނަޔަށް ވެވޭތޯ ނުވަތަ އެފަދަ ލަކީ ލައިފެއް ދެއްވަތޯ. އެކަމް މިހާރު މިއެނގުނީ މަށައް ވުރެން މީނަގެ ހާލަތު ދެރަކަން.
މަންމަ
04 July 2020
މީ ކޮންމެ އަކަސް ވަރަށް ދެރަކަމެއް. ގަދަކަމުން ޖިންސީގުޅުން ހިންގުން ނުވަތަ ރޭޕް ކޮށްފިނަމަ އެ މީހެއްގެ ހަޔާތުގައި އެލީ ހިތުންނުފިލާނެ ލަކުނެއް. ހަރުއަޑުން އެކަން ކުއްވެރިކުރަން. ނަމަވެސް ދެމީހުން އެއްބަސްވެގެން ޒިނޭ އެއް ކޮށްފައި އެކަން ފިރިހެން މީހާގެ ބޮލުގައި ރޭޕް ކޭސް އެއްގެ ގޮތުގައި އަޅުވާ އޭނާގެ މުޅި ދިރިއުޅުން ބަރުބާދު ކޮށްލުމަކީ ވެސް ބަލައިގެނެވޭނެ ކަމެއްނޫން.. ކަމުގެ ޙަތީގަތް ދެނެވޮޑިގެންނަވާނީ މާތްﷲ. މިކަންކަމަކީ ﷲ ނަހީކުރައްވާފައިވާ ކަންކަން
ނާއިފް
04 July 2020
"މަންމަ" ގެ ނަމުގަ ކޮށްފަ އޮތް މިކޮމެންޓް ފެނިފަ ވަރަށް އަސަރުކޮށްފި. މަންމައަށް ދަރިން ދޮންފުތު ވާނެ. އަދުލުއިންސާފުގެ މުހިންމުކަން މި މައްސަލައިން ފެނޭ. ސާބިތުވަންޔާ ހުކުމް ކުރެވުން. އަދި އަދަބު ލިބުން. އަދި މުޖުތަމައަށް އަލުން ނިކުތުން. އެކަމު މިފަދަ ގޮތަކަށް ދިޔައިމަ ދެން ވަޒީފާ ގަނޑެއްވެސް ދޭނެ މީހަކު ނުވާނެ. ލަދުން އަމިއްލަ އަށް މަރުނުވިއްޔާ ދެން ރަނގަޅު.
8ފެބުރުއަރީގެ ބޮޑުހުޅު
04 July 2020
މީހަކު ފޭސްބުކުގައި ޕޯސްޓެއް ކޮށްލާއިރަށް ކުށްވެރިވާ އުޞޫލެއް އޮންނަންޏާ، ތަހުގީގީ އިދާރާތަކާއި ޕީޖީ އޮފީހާއި، ޝަރުޢީ ކޯޓުތަކުގެ ބޭނުމެއް ނެތެވެ. މިރާއްޖޭގެ މަޖުލީހުގެ ރައީސަކަށް އެހުރީ ގާޒީއަކު ރަހީނުކުރިކަމަށް ތުހުމަތު ކުރެވޭ މީހެކެވެ. އެކަމަކު ކޯޓުން އެކަން ސާބިތުނުވުމުން އޭނާ ހުދުކާފޫރަށްވާއިރު ޖުމައްޔަލަކީ އުމުރަށް ޖަލަށްލާން ޖެހޭ މީހަކަށް ވާގޮތެއް ނުވިސްނެއެވެ.
ޕޮލުސް
04 July 2020
ކޮއްމެ މީހެއް ވިޔަސް މިވަރު ކަމެއް ކުރީމަ ކުއްވެރި ވާނެ އަދި މިފަދަ ލައްގަނޑެއް ޖެހުނީމަ މި އިންޑަސްޓްރީ ގަ ދުރުކޮއްލާނެ. ކުރިއަރާފަ ވާ އެމެރިކާ ފަދަ ތަހުޒީބީ މުޖުތަމައުގަވެސް އޮއްނަނީ މިހެން.
ޙުސެންފުޅު
04 July 2020
ކީއްވެތަ ޖުމަލް ކިޔަނީ. ކުށްވެރިންނަން ކުށް ނުކުރާ މީހުންނަށް މުހާތަބު ކުރާ އުސޫލުން މުހާތަބު ކުރެވިގެން ނުވާނެ.
މާވެޔޮމިސްކިތު މުދިމު މިއަރެފް
04 July 2020
މިހެން ހުރި ކޭސްތައް ބަލައްޏާ، ހުރހާ ކޭހެއް ބަލަންވާނެ، ކެނެރީގޭ ނަސީދު މައްސަލަ ޕީޖީން ސުޕިރިން ކޯޓަށް ލިޔެގެން އަބުރާ ގެނައިގޮތްބަލަންޖެހޭ، މީހުން ފޮރުވައިގެން ގެންގުޅޭ ކިޑުނެޕަރުން އިއްޒަތްތެރިންނަށް ހަދައިގެން ނުވާނެ
މުދިމު
04 July 2020
ފޮރުވީ ހުދު ކާފުރު ތޮޅިއެއްތަ؟ ޕޮލިޓިސަނުން ބޭނުންވާ ގޮތަށް ނުހައްގުން ކުށް ސާބިތުވާ މީހުން ދޫކޮށްލަން ކެރުނު މީހަކު މިއަދު ކޯޓުގަ އޭނަގެ ރަށްޓެހިންނާ އެހެން މީހުން ބޭނުންވާ ގޮތަށް މައްސަލަ ނިންމާދޭނެކަމީ ސައްކެއް ހުރި ކަމެއް ނޫން. މިކަހަލަ މީހުން ކޯޓުތަކުނއ ނެރެން އެބަ ޖެހޭ.
ބޮޑުމީހާ
04 July 2020
ހަގީގަތުގައި މިއަދު ތިކޭސް ހޯލްޑުކުރުވި ޕީޖީ އެބަޖެހޭ ޒިންމާދާެުކުރުވަން. ޕީޖީގެ އިޚްލާސްތެރިކަން ހުރި ނަމަ މިއަދު އެ ކުއްޖާއަށް އިންސާފު ލިބިފައިވާނީ. ފުރަތަމަ ކަމަކަށް ޕީޖީގެ މައްސަލަ ބަލަންވީ
އައްޔު
03 July 2020
އަންހެން ޕީޖީ އެއް އަންހެނެއްގެ ހައްޤަކަށް އަރާ ކޭސް ބަންދުކޮށްލީ، ކިހާ ދެރަކަމެއް. މިކަހަލަ ކިތައް ފަރާތްތަކަށް ޔާމީން ސަރުކާރުގެ ދުވަސްވަރު ކޭސްތައް ޑްރޮޕްކޮށްލާފަ ތިބީ.
2 ގުޅަ ޕެނެޑޯލް
04 July 2020
ޝަމީމް އަންހެންވީތަ؟ 2 އަހަރު ދުވަސް ވަނީ ދޯ މި ސަރުކާރަށް؟
މޮޑަފްް
03 July 2020
2016އިގަ މީނަޔަށް ހިމާޔަތް ދިނީ ޔާމީނު ހަދައިގެން އުޅުނު މާމޮޅު އަބުރުގެ ގާނޫނަކުން. އޭރު އެއްވެސް ނޫހެއްގަ މީނަގެ ނަމެއް ފޮޓޯއެއް ހިސާބުވެސް ނުޖެހުނު. ޖެހިނަމަ މިލިޔަނުން ޖޫރިމަނާ ކުރެވެން އޮތް. އެހެން ކަމުން މިކަން ވައިގަ ނުހިފާ ޕީޖީ ތެރެއިން ހިންދާލީ. އޭރުވެސް ތުނތުންމަތިން ތިކަން ނޭނގޭ މީހަކު ނެތް އެހެންވީމަ ދާރކްރެއިނަށްވެސް ތިކަން ނޭނގިއެއްނުދާނެ.
އެހެންތޭ
03 July 2020
ހެކި ނެތީސް ތިޔާ ޒާތުގެ ބޮޑެތި ނިންމުން ނިންމަން ތަމެން ބިރުވެތި ނުވަނީތޭ....
ރައްޔެތު.
03 July 2020
އަޑެއް ކިޔައިފިޔާ އިންނާނި ރެދެއްލާފަ