ބޮޑުފިނޮޅަށް ދިޔަ ފުލުހުންނަށް ބިދޭސީން ހަމަލާދެނީ.
03 ޖުލައި 2020 - 18:08
88 comments
ބ.އަތޮޅުގައި ރިސޯޓެއްގެ ގޮތުގައި ތަރައްގީކުރަމުން އަންްނަ ބޮޑުފިނޮޅުގައި ބިދޭސީންތަކެއް ހަމަނުޖެހުން ހިންގައި 13 ދިވެއްސަކު ރަހީނު ކުރުމުން އެ ތަނަށް ފުރަތަމަ ދިޔަ ފުލުހުންނަށް ބިދޭސީން ހަމަލާދޭ މަންޒަރު ފެންނަ ވީޑިއޯއެެއް "މިހާރު"އަށް ލިބިއްޖެ އެވެ.
ބޮޑުފިނޮޅުގެ ބަނދަރު ކައިރީގައި ހުރެ ނަގާފައިވާ ކަމަށް ބެލެވޭ އެ ވީޑިއޯއިން ފެންނަ ގޮތުގައި ކުޑަވަރެއްގެ ލޯންޗެއްގައި ފުލުހުން ތޮށިގަނޑާ ގާތްކުރަން އައި އިރު ގިނަ އަދަދެއްގެ ބިދޭސީން ތިބީ ލަޓިބުރިބުރި އާއި ގަލާއި ދަގަނޑުބުރި ފަދަ ތަކެތި ހިފައިގެން ރުޅިވެރިކަމުގަ އެވެ. އެ މީހުން ތިބީ ބޮޑު ކުރިމަތިލުމަކަށް ތައްޔާރުވެގެން ކަން އެ މީހުންގެ ހަރަކާތްތަކުން އެނގެ އެވެ.
ފުލުހުންގެ ލޯންޗު ގާތްކޮށްލުމާ އެކު އެ މީހުންގެ އަތުގައި ހުރި ތަކެތި އެންމެން އެއްފަހަރާ އުކަން ފަށަ އެވެ. ވީޑިއޯ އިން ފެންނަ ގޮތުގައި ލޯންޗްގެ ދިރުނބާކޮޅުން އެތެރެއަށް ވެސް ބިދޭސީންގެ ބައެއް ހަމަލާތައް އެރި އެވެ.
ބ. ބޮަޑު ފިނޮޅަށް ދިޔަ ލޯންޗަކަށް އެ ރަށުގައި ތިބި ބިދޭަސީން އެއްޗެހި އުކައި ހަމަލާދެނީ. @Mihaarunews pic.twitter.com/351TZeMJvC
— niumath (@niumath) July 3, 2020
ފުލުހުން ރަށަށް އެރިޔަ ނުދޭން ހަމަލާދިން އިރު، ބޮޑު ފިނޮޅަށް ދިޔަ ބައެއް ފުލުހުންނަށް އަނިޔާވެގެން ފަރުވާ ދޭން ޖެހުނު ކަމަށް ފުލުހުން ވަނީ ބުނެފަ އެވެ.
ބޮޑުފިނޮޅުގައި ހަމަނުޖެހުން ހިންގައި ބަޔަކު ރަހީނުކުރީ އެ ރަށުގެ ބައެއް މަސައްކަތްތައް ކުރަން ހަވާލުވެފައިވާ ރިޒް ޕްރައިވެޓް ލިމިޓެޑްގެ 200 ވަރަކަށް ބިދޭސީ މުވައްޒަފުންނެވެ. އެމީހުން ހަމަނުޖެހުމަކަށް ދިޔައީ މުސާރަ ނުދީ، އެ ރަށުން ފޭބިޔަވެސްް ނުދީ ތިބޭތާ އެތައް މަހެއް ވީ ފަހުންކަމަށް ރިޒް ޕްރައިވެޓް ލިމިޓެޑުން ރޭ ވަނީ އެއްބަސްވެފަ އެވެ. އެކަމަކު އެކަމުގެ ޒިންމާ އެކުންފުނިން އެޅުވީ ޑިވެލޮޕަރު، ސީލް މޯލްޑިވްސްގެ ބޮލުގަ އެވެ. މީހުންނަށް މުސާރަ ނުދެވުނީ ސީލް އިން ޕޭމަންޓްތައް ނުދީގެން ކަމަށް އެގޮތުން ބުންޏެވެ.
އެކަމަކު ސީލް މޯލްޑިވްގެ ވަކީލުން މިއަދު ބުނީ އެއީ ދޮގެއް ކަަމަށާއި ރިޒް މޯލްޑިވްސް އަށް ދޭން ޖެހޭ ވަރަށް ވުރެ އިތުރަށް ވެސް ފައިސާ ދީފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތުޅާދޫ
04 July 2020
ތުލާދޫ ގައި އަލަމުންދާ ފުލެޓު ތަކުގައިވެސް މުސާރަ ނުދީ މަސައްކަތް ކުރުވި ތުލާދޫ ރައްޔަތުން ހެކިވާނެ . ޢެއުޅޭ ވާއްކޮ އަދި މުންޑު އަލީ ގުޅިގެން ވަރައްގިނަ ބިދޭސީން ލައްވާ މަސައްކަތް ކުރުވި. . މުސާރަ ނުދީގެން ސަކުވާ ކުރުމުން މާލެ ފޮނުވާލަނީ . ޢަނެއްކާ އަނެއް ގުރޫޕު ގެންނަނީ . މިއީ ހަގީގަތް، ތުލާދޫ ރައްޔަތުން ދަންނަ ބޮޑު ހަގީގަތެއް
ގަޓް ބްރޯ
04 July 2020
އަމިއްލަ ގައުމު (ޕާކިސްތާން) ގަ ހަމަނުޖެހުން އުފައްދާ އަމިއްލަ ގައުމުގެ ރައްޔިތުންނާ ހަނގުރާމަކޮށް ވަކިވެގަތް ބަޔަކު އެހެން ގައުމެއްގެ ބަޔަކަށް ހެޔޮކޮށް ހިތާފާނެކަމަށް ހީކުރުމަށްވުރެ މޮޔަ ކަމެއް އެއްވެސް ބަޔަކު ނުކުރާނެ. ދިވެހި މަހުޖަނުން އަދިވެސް ލާރިކޮޅެއް ސަލާމަތްކުރެވޭތީ ޣާފިލްކަމުގަ ބަންގާޅީންގެ ދަލުގަ ޖެހިފަ.
އެއްކަލަ މީހާ ދޯ
04 July 2020
ހުރިހާ ކަމެއް ހައްދުންނެޓިގެން ދަނީ އިދާރާތަކުން އަޅަންޖެހޭ ފިޔަވަޅުތައް ނާޅާތީ. މުސާރަ ނުލިބިގެން ޝަކުވާކޮށްފިނަމަ އެކަންބަލާނެ އަދި ބެލޭނެ ގޮތެއްނެތް. ސިޓީ އެއްލައިފިނަމަ ޖަވާބެއްނުލިބޭ. ކޮންމެ އޮފީހަކަށްގޮސް މި ޖެހެނީ ހަޅޭލަވަން. .ވިސްނާލަބަލަ. އަދިވެސް މާލެ އޮތީ ލޮކްޑައުންގަ. 3 މީހުނަށްވުރެ ގިނައިން އެއްތަނެއްގަ ތިބުންމަނާ. ވިސާނެތް ކިތައް ބިދޭސީންބާ މަޖީދީމަގުގަ ކިއުހަދާފަ ތިބީ؟ މީ ކޮން ގައުމެއްގަ ހުއްދަ ކަމެއްތޯ. ފުލުހުންނަށް ނުފެންނަނީ؟
ލުތުފީ
04 July 2020
މަޖިލީހުގެ ގައުމީސަލާމަތާ ބެހޭ ކޮމެޓީގެ މެންޑޭޓުގެ ތެރޭގައި ހިމެނޭ ކަންކަން އެކޮމެޓީން ބެލޭނެ. އިރެއްގަ ތިބި ބަޔަކު އެއްވެސް ކަމެއް ނުބަލައި ނުވަތަ ކަމެއްނުކޮށް ދިބީމަ، އޭގެން މާނައެއްނުކުރޭ އެއީކީ ނުކުރެވޭނެ ކަމެއްކަމަށް.
ބުލް
04 July 2020
ދެން އަތްޖަހަ އެންމެން އަތްޖަހާ
ލުތުފީ
04 July 2020
ރައްޔިތުންގެ މަޖިލިސް ކިޔަނީ ކޮންމެވެސް ކަމަކު.
މައުސް
04 July 2020
ގައުމުގަ އަދުލު އިންސާފު ނުލިބެންޔާ ނުދާނެ ހާލަތެއް ނޯންނާނެ. ސުލްހަވެރިކަމާއެކު މީހަކަށް އިންސާފު ލިބިފަ އެބައޮތްތަ. ކޯޓަށް މައްސަލައެއްލައިގެން ކާމިޔާބު ވިޔަސް ވާނީ ހައެއްކަ އަހަރުފަހުން. އެހާދުވަސްވަންދެން ގުދާރު ބިންދައިގެން މަސައްކަތްކުރާ މީހުންނާ އެމީހުންގެ އަނބިދަރިން ނުކައިތަ ތިބެންވީ. މުސާރަނުދީ ބަޔަކުލައްވާ މަސައްކަތްކުރުވުމަކީވެސް ޓެރެރިޒަމް
ނަން
04 July 2020
19 މީހުންތޯ ތިބީ. ؟؟؟؟؟؟؟؟؟
ބަޑީ
04 July 2020
މިފެނިގެންދަނީ އަދި "ޓިޕް އޮފް ދި އައިސްބާރގް"!!! ކުރިޔަށް އޮތީ އަދި ޤައުމަށް މިބޭރުމީހުންގެ ނުރައްކާ!! މިކަމުން ސަލާމާތްވާނެ ގޮތެއް ދިވެހިންނަކަށް އޮތްކަމަކަށް އަޅުގަޑަކަށް ނުފެނޭ، އެއަށްވުރެން މާބޮޑަށް މިކަންއޮތީ "މޫލާފަ". ދެން ކޮންމެޔަކަސް، ފުލުހުންނަށް ދިވެއްސަކު، ތިފަދަކަމެއްކުރުމުން ވީގޮތް އޮތީ މާޒީން ފެންނަން!! އެތައް ދިވެހިންނެއްގެ ހަޔާތް ޖަލުގަ ބަރުބާދުވެގެން ހިގައްޖެ. އެކަމު، މިމީހުންނަކަށް ހެދޭނެ ގޮތެއް ނެތް.
ކޮތަރު
04 July 2020
ޕާޓީކުދިން ފުލުހުންނަށް ހަ މަލާދިންތައް މިބަގްލަދޭސް ދޭސް މީހުންވީޑިޔޯތަކުން ބަލާތަލާނެ ކުދިންކޮޅެއް ގައު މުންބޭރުންވެސް ނިކުތީ ނަ މޫނާދައްކަން ޖެހޭބަޔަކު ފުލުހުންނަށްހަދާއިހާނެތިގޮތް ބޭރު މީހުން ކޮޕީކުރަނީ މުގުރާ ހުޅުޖަހާ ހެދުން މިގައު މުގަ ތިބޭބިދޭސީންދަސްކުރީ އެ މްޑީޕީސަރުކާރުން ފުލުހުންނަށް ކުރި ނުފުރުއްޕާންތައްބަލައި . މިސާލުން މިސާލު ނަގައި ހަ މަލާދިނުން ހުތުރު . ކުށްވެރި ވާބަޔަކު ފޮނުވާލާ .
ހައްޔަރު
04 July 2020
ކުންފުނީގެ ވެރިޔާ ވަގުތުން ހައްޔަރުކުރަންޖެހޭނެ. މިގޮތަށް ކުންފުނިތައް ހިންގުމުގެ ހުއްދަ އޮވެގެން ނުވާނެ. ކުންފުނިވެސް އުވާލެވެންޖެހޭނެ.
ދިވެހިމީހާގެ ދަރި
04 July 2020
ބަޔަކަށް މަޖުބޫރު ކުރުވީމާ އެކަމެއް އެބަޔަކު ކުރާނެ. ނުކުރިނަމަ މިއަދު މިވާހަކަ ދައްކާނެ އެކަކުވެސް ނުހުންނާނެ. ނިކަމެތިކަންމަތީގައި ތިބެ ނިމިގެންދިޔަޔަސް އަޅާނެ މުވައްސަސާއެއް ނުހުންނާނެ. ހިއުމަން ރައިޓްސް ކޮމިޝަނަކާއި ލޭބަރ ރިލޭޝަންސް އޮތޯރިޓީއާއި ޕަބްލިކް ހެލްތަކީ ނަމެއްގައި ހުންނަ ތަންތަން. މިކަން ނުހިނގައި އޮތްވައި ތިޔަކަމާ މުވައްސަސާއަކުން އެއްޗެއް ބުނިނަމަ އެތަންތާނގައި ތިބޭ މީހުންގެ ހަންބާލާފައި ނޫނީ ވަކަރުގެއިން ދޫކޮށްނުލާނެ.