މާލެ: ޖުލައި 5، 2020:މާސްކް އަޅައިގެން ހުރި މީހަކު ވެލާނާގެއަށް ދަނީ : މިއަދު ހެދުނު ގިނަ އަދަދެއްގެ މުއައްޒަފުން ވަނީ އޮފީސްތަކަށް ގޮސްފައި.-- ފޮޓޯތައް: އަހުމަދު އަވްޝަން
07 ޖުލައި 2020 - 11:19
21 comments
ކޮވިޑް-19ގެ އަލާމާތްތައް ފެންނަން ފެށުމުން ވެސް ބައެއް މީހުން ކުޅޭށާއި ކޮފީތަކުގެ އިތުރުން އޮފީހަށް ވެސް ނުކުމެ އެހެން މީހުންނާ ބައްދަލުކުރާ ކަމަށް އެޗްއީއޯސީގެ ތަރުޖަމާން ޑރ. ނަޒްލާ ރަފީގް ރޭ ވިދާޅުވެއްޖެ އެވެ.
މާލެ ސަރަހައްދުން ކޮވިޑް-19 ފެނުމުން އިއުލާންކުރި ލޮކްޑައުން އަށް ބޮޑެތި ލުއިތަކެއްދިނުމާ އެކު ސަރުކާރުގެ އޮފީސްތަކާއި އަމިއްލަ އޮފީސްތައް މިހާރު ވަނީ ހުޅުވައިފަ އެވެ. އަދި އާންމުންގެ ހަރަކާތްތައް ވަނީ އިތުރުވެފަ އެވެ.
ރޭ އޮތް ނޫސްވެރިންގެ ބައްދަލުވުމުގައި ޑރ. ނަޒްލާ ވިދާޅުވީ ބައެއް ޕޮޒިޓިވް ކޭސްތައް ފެނުނު އިރު އެމީހުންގެ އަލާމާތްތައް ހުންނަތާ ދެތިން ދުވަސް ވެފައިވާ ކަމަށެވެ. އެކަމަކު އެ އަލާމާތްތަކާ އެކު ވެސް އެމީހުން އޮފީހަށާއި ބޭރަށް ގޮސް އެހެން މީހުންނާ ބައްދަލުކޮށް ހަދާފައިވާ ކަމަށް ވެސް އޭނާ ވިދާޅުވި އެވެ.
ޑރ. ނަޒްލާ ވިދާޅުވީ މިހާރު ފެންނަ ބައެއް ބަލިމީހުންގެ އަމަލުތައް ހުރި ގޮތަށް ބަލާއިރު ލަފާކުރެއްވެނީ އެމީހުން ވަގުތު ހޭދަކުރަމުން އައީ ކޮވިޑް-19ގެ ކުރިން އުޅުނު އާންމު ދިރިއުޅުމުގައި ކަމެވެ. ނަމަވެސް މި ބަލިމަޑުކަމުގައި އެހެން އުޅެވެން ނެތްކަން ހަނދާން ބަހައްޓަން ޖެހޭ ކަމަށް، އޭނާ ވިދާޅުވި އެވެ.
"މިހާރު ފެންނަ ބައެއް ކޭސްތަކުގައި އެބަ ހުރޭ ދިހަ ވަރަކަށް މީހުންނާ އެކު ކުޅެން ގޮސް، ކުޅެ ނިންމާފައި އަނެއްކާ ކޮފީއަށް ގޮސް. މިހެންވީމަ ވަރަށް ބައިވަރު މީހުން ކޮންޓެކްޓުންނަށް އެބަ ވޭ،" ޑރ. ނަޒްލާ ވިދާޅުވި އެވެ.
އޭނާ ވިދާޅުވި ގޮތުގައި މިގޮތަށް އަމަލްތައް ހުރުމުން ކޮންޓެކްޓުންގެ އަދަދު ދަނީ އިތުރުވަމުންނެވެ. އަދި ގިނަ ފަހަރު އެ ކޮންޓެކްޓުން ހޯދާއިރު އެމީހުން ތިބެނީ ސްކޫލްތަކުގައި ނުވަތަ އޮފީސްތަކުގައި ކަމަށް ޑރ. ނަޒްލާ ވިދާޅުވި އެވެ.
އޭނާ ވިދާޅުވީ ލޮކްޑައުން އުވާލީމާ ކޮންމެ ބަޔަކު ވެސް މަސައްކަތަށް ނުކުންނާނެތީ ކޮންޓެކްޓުން ފެންނާނީ އެ މާހައުލުންކަން ކުރިން ވެސް އެނގެ އެވެ. ވަކި ޝަރުތުތަކަކާ އެކު ލޮކްޑައުން އުވާލީ ވެސް އެ ސަބަބަށްޓަކައި ކަމަށް އޭނާ ވިދާޅުވި އެވެ.
އެކަމަކު އޭނާ ވިދާޅުވި ގޮތުގައި ކޮންޓެކްޓުން އިތުރުވަނީ އެޗްޕީއޭއިން ކަނޑައަޅާފައިވާ އުސޫލުތައް ކަމަށްވާ މާސްކް އެޅުން އަދި ގައިދުރުކަން ފަދަ ކަންކަމަށް ސަމާލުކަން ނުދޭތީ އެވެ.
"ދެ މީހުން ވެސް ރަނގަޅަށް މާސްކު އަޅައިގެން ތިން ފޫޓު ދުރުގައި ތިބެ ވާހަކަދައްކާ ހެދިޔަސް އަދި އެއީ ކޮންޓެކްޓެއް ކަމަކަށް އަޅުގަނޑުމެންނެއް ނުބަލާނަން" ޑރ. ނަޒްލާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަޓް ބްރޯ
08 July 2020
ރާއްޖެކަހަލަ ނާތަހުޒީބު ގައުމެއްގަ ފަރުދީ ޒިންމާ އަދާކުރަން ދަސްވާނީ ސަރުކާރުން ހަދާ ގަވައިދުތައް ތަންފީޒުކުރޭތޯ ބަލާނެ ބަޔަކުވެސް އުޅެންޏާ. މީގެ 40 ހަކަށް 50 ހަކަށް އަހަރުކުރިން ދިވެހިން މާ ރަނގަޅު. އޭރު "މޫދަށް ކުނިއެޅުންމަނާ" "ބޯޅަދަނޑަށް އެރުންމަނާ" ބޯޑެއް ބަހައްޓާލުމުން ފުދޭ. އޭރު އެކަން ބަލާނެ ބަޔަކު ތިބޭކަން ރައްޔިތުންނަށް އެނގޭ.
ނިއުވޯލްޑް އޯޑާ
07 July 2020
ޢަނެއްކާވެސް ތަޅުއަޅުވަންވީ.. ރައްޔިތުން ހަނާ ވަނީ... ލަލަލާ ..
އޯލްޑް ނޯމަލް
07 July 2020
މާސްކު އަޅައިގެން ވިޔަސް އަދި ދާންޖެހޭނީ މަޖުބޫރު ތަންތަނަށް. ވަރަށްގިނަ މީހުން ކުޑަކުދިން ގޮވައިގެންވެސް ކޮންމެ ދުވަހަކު ދުއްވަން ދޭ. މޫދަށްދޭ. ގޭގެއަށް ގޮސްއުޅޭ. ފިހާރަތަކަށްވެސް އަދިވެސް ހަފްތާއަކު އެއްފަހަރު ދިއުން ރަނގަޅުވާނީ.
ބޮޑުމީހާ
07 July 2020
މީހުން ޒިންމާދާރުކުރުވަން ސަރުކާރު އޮންނަނީ. މުޅި މުޖްތަމައުގެ ރައްކާތެރިކަމަށް ވަކި ފަރުދުންނަށް ފިޔަވަޅު ނޭޅެންޏާ ކޮބާ ބޭނުމަކީ؟ ކަލޭމެން މޮޅުވާންވެގެން ސިގިރެޓް ބުއިމުގެ ގަވާއިދުވެސް ބަދަލުކުރީ! އެކަމުގެ ޒިންމާވެސް ނަގަންވީ ރައްޔިތުންތަ!
ދިދަ
07 July 2020
ހުރިހާ ކަމެއް އިނގޭ އިރުވެސް ސްކޫލްތައް ބަންދު ކުރާކަށް ނުވޭތަ؟؟؟
ޑޮކްޓަރ ނާން
07 July 2020
ފަރުދީ ޒިންމާ ކޮބާ؟ ތާ އަބަދު ތަންތަން ބަންދުކޮޑްގެން ނުތިބެވޭނެ.
ޢިހްސަސް
07 July 2020
ކެފޭ ރެސްޓޯރަންޓު ޕާކުތައް ބަންދުކުރޭ ހަ މައެކަނި ޑެލިވަރީ ހަދާ.
ކައުންސެލަރު
07 July 2020
"ކޮވިޑް-19ގެ އަލާމާތްތައް ފެންނަން ފެށުމުން ވެސް ބައެއް މީހުން ކުޅޭށާއި ކޮފީތަކުގެ އިތުރުން އޮފީހަށް ވެސް ނުކުމެ އެހެން މީހުންނާ ބައްދަލުކުރާ ކަމަށް އެޗްއީއޯސީގެ ތަރުޖަމާން ޑރ. ނަޒްލާ ރަފީގް ރޭ ވިދާޅުވެއްޖެ އެވެ." ﷲއަކްބަރު. ދެންކޮންބައެއްބާ ތިކަން ހުއްޓުވާނީ! މަތިފަޑީގައި ތިބިމީހުން އުޅެނީ އެހެންކަމެއްގަ
ޙަމަދު88
07 July 2020
މި ހަމަ ރަނގަޅު ވާހަކައެއް. ވަރަށް ޒިންމަދާރު މީހުންގެ ކިބައިންވެސް ފެންނަމުން އަންނަ ދެރަ އަމަލެއް މިއީ. މިގޮތަށް ކަންތައްތައް ވަންޏާ ދެރައީ ބުނާ ގޮތަށް ހަދައިގެން ގޭގައި ތިބޭ މީހުނަށް. ބައެއް އޮފީސްތަކުން ބަލިމީހުން އޮފީހަށް ނުނިކުމެ ގޭގައި މަސައްކަތް ކުރާތީ ތަފާތުވެސް ކުރޭ. މާބޮޑު މަސައްކަތެއް ހަވާލުނުކުރުމާއި އިގްނޯރކޮށް މީހާ ވަޒީފާމަތިން ފޫހިކުރުވައި ޑިޕްރެޝަނަށް ދާވަރު ދަނީ ކުރަމުން. މި ވަރަށް ހިތާމަވެރި ކަމެއް ކަން ފާހަގަކޮށްލަން.
މަކީޓާ
07 July 2020
ކޮންމެ މީހަކުވެސް، އަނެކާ އެއީ ޕޮޒިޓިވް މީހެއްކަމަށް ދެކިގެން މާސްކް އަޅައިގެން ގައިދުރުކޮށް އުޅުނީމަ ރަގަޅުވާނެ. ރައްކާވެތިބިއްޔާ ދަތުރު.
ފަހުދު
07 July 2020
ވަޒީފާއައް ގޮސްގެން ނޫނީ ކުލި ދެއްކޭނެ ގޮތެއް ނެތޭ ކިޔާފަ ގޮސް މިތިބެނީ ޖޫގޯ ބޯން
ޖީީޖީީ
07 July 2020
ބަލަގަ ޑަބްލިއުއެޗްއޯ އިން ވެސް ވާނުވާ ނޭނގޭ ބައްޔެއް. ބަލިއަށް ވުރެން މާ ބޮޑަށް ކަންތައް ފަލަކުރަނީ. މާސްކާއި ސެނިޓައިޒާ ބިޒްނަސް އިތުރަށް ފުޅާކުރުން. ކިހާ ރީތި. ލާރި ލާރި ޔެސް ސާ
ޚަކަޖ7
07 July 2020
ޖީޖީ ހޭއަރާ ނޫނީ ހޭނައަރާނެ ދުވަހެެއްވެސް އައިސްދާނެ. އެގޮތަށް ނުވުން އެދެނީ.