12 ޖުލައި 2020 - 11:36
11 comments
ނ. ކުޑަފަރިން މާލެ ގެނައި އުމުރުން 92 އަހަރުގެ މީހަކު ކޮވިޑް-19 އަށް ރޭ ޕޮޒިޓިވް ވެއްޖެ އެވެ.
އޭނާގެ ދަރިއަކު "މިހާރު" އަށް މިއަދު ބުނީ، ބައްޕަ މާލެ ގެނައީ ފާހަނާ ތެރެއަށް ވެއްޓި ލިބުނު އަނިޔާއަކާ ގުޅިގެން ކަމަށެވެ. ބައްޕަ ފުރަތަމަ ގެންދިޔައީ ނ. މަނަދޫ ހޮސްޕިޓަލަށް ކަމަށާއި އިތުރު ފަރުވާ އަށް މާލެ ގެނައީ އިއްޔެ ކަމަށް ދަރިފުޅު ބުންޏެވެ.
އޭނާ ބުނީ، އިއްޔެ މެންދުރު 12 ޖަހާކަންހާއިރު އައިޖީއެމްއެޗުގައި ބައްޕަ އެޑްމިޓުކޮށް، ޓެސްޓުކުރުމަށް ފަހު، ނަތީޖާ ލިބުނީ ރޭ އަށެއްޖަހާކަން ހާއިރު ކަމަށެވެ. އެ މީހާ މިހާރު ހުޅުމާލޭ ކަރަންޓީން ފެސިލިޓީ އަށް ގެންގޮސްފައިވާ ކަމަށާއި ދެވަނަ ޓެސްޓެއް ހެދުމުގެ ކަންކަން ކުރިއަށް ގެންދާ ކަމަށް ދަރިފުޅު އޭނާ ބުންޏެވެ.
އޭނާ ބުނިގޮތުގައި، ބައްޕައާއެކު، ހޮސްޕިޓަލަށް ދިޔަ މީހުން އަދިވެސް އެކަހެރިވާކަށް ނާންގަ އެވެ. ނަމަވެސް ދެވަނަ ޓެސްޓުގެ ނަތީޖާ ލިބެންދެން މީހުންނާ ވީހާ ވެސް ދުރުން އުޅެން އަންގާފައިވާ ކަމަށް ބުންޏެވެ.
ކުޑަފަރިން ކޮވިޑަށް ޕޮޒިޓިވްވި މީހާ އަށް އެ ބަލި ޖެހެން ދިމާވި ސަބަބާ މެދު އާއިލާ އިން ސުވާލު އުފައްދަ އެވެ.
"އަބަދު ގޭގައި އޮންނާނީ. މީހަކާ ބައްދަލެއް ނުވާނެ. ގެއަށް ބަޔަކު ވެސް ނާންނާނެ އަނެއްހެން، އަދި ވަކިން ހާއްސަކޮށް މާލެ އިން ރަށަށް ގޮސް އުޅޭ މީހަކު ޔަގީނުން ވެސް ނުދޭ ގެއަކަށް،" ފިރިހެން ދަރިފުޅު ބުންޏެވެ.
މީގެ ކުރިން ވެސް މިފަދަ ކޭސްއެއް ފެނިފައި ވެ އެވެ. މިދިޔަ މެއި މަހު ނ. މަނަދޫން މާލެ ގެނައި އުމުރުން ދުވަސްވީ އަންހެނަކު ވެސް ކޮވިޑް-19 އަށް ޕޮޒިޓިވްވެ ރަނގަޅުވި ފަހުން އޭނާ ވަނީ މަރުވެފަ އެވެ. އެ އަންހެން މީހާ ގައިން ބަލި ފެނުމުން މަނަދޫ މޮނިޓަރިން އަށް ލައި ކޮންޓެކްޓް ޓްރޭސިންގައި ހެދި ޓެސްޓުތަކުގެ ތެރެއިން އެ ރަށު ހޮސްޕިޓަލުގެ ދެ މުވައްޒަފަކު ވެސް ޕޮޒިޓިވްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުންއަސަރު
13 July 2020
ދެރަވޭ. ކިތަންމެހާވެސް ދެރަވޭ. މީސްކޮޅުމަދު ރަށްރަށުގާ ތިފަދަ ކަންކަން ދިމާވާންފެށީމާ ކަންކުރަންތިބޭ ބަޔަކަށްވެސް މާ ފަސޭހައެއް ވާކަމަކަށްނުވޭ. ދެރަތަންކޮޅަކީ ރާއްޖެތެރެއަށް ބަލިދިއުން. ތިޔަތަންތަނުގެ މީހުނަށް ބަލިޖެހެންފެށީމާ ރަނގަޅަށް ފަރުވާ ދިނުމަކީ ފަސޭހަ ކަމަކަށް ނުވާނެ. ބައްޔާ ބޭހާ ޓެސްޓްތަކާ ހެދެން މިހުރީ އެއްތަނަކަށް ޖަމާވެފާ. އެތަންތަނުގެ މީހުނަށް ބަލިޖެހުނަސް ފަރުވާ ދިނުމަކީ ބޮޑުކަމަކަށްނުވާނެ. އެަކަމަކު ރާއްޖެތެރެއިން މީހަކު ގެނައުންމީބޮޑުކަމެއް.
ޒުވާނާ.
12 July 2020
ކޮބާ އަނެއްކާ ކޮވިޑު ފެތުރެނީ މިއޮއް ރިސޯޓު މުވައްޒަފުން އެން މެ ހާލުގަ ޖެހުނީ ސަރުކާރު މުވައްޒަފުންނައް ފައިސާ ޗާޕު ކޮއްފަވެސް މުސާރަ ދެވިދާނެ ވީ މާ ޕެންޝަންފަންޑުގަހުރި ރިސޯޓު މުވައްޒަފުންގެ ލާރީގެ %50 ދޫކޮއްދީ
ބޯހަލާކުު
12 July 2020
ކޮބައިތަ ލޮކްޑައުން މުއްދަތުގައި ލުއިތަށް ނުލިބިގެން މަރުފަލި ޖެހި މީހުން؟ އެގޮތްވެސް ކަމު ނުދިޔަ؟ ދެން މިހާރު މި ގޮތް ކަމުދޭބާ؟ ކޮބާ ހީވޭ ކަމެއްހެން؟ ސިއްހީ މާހިރުން ކަންކަން ނިންމަނީ ވަށާޖެހޭ ކިތަންމެ ކަމަކަށް ވިސްނާފައި. އެކަން ނުވިސްނޭ ބުރާންޗުން މަޖިލީހުގައި، އަދި ސޯޝަލް މީޑިޔާގައި. ދެން އަނެއްކާ މުޒާހަރާ ކުރަން ފަށާ.
އުންމު
12 July 2020
ރަށަށް ދިޔަ ބަޔަކު. އެގެޔަށްވެސް ދިޔަ ބަޔަކު. ސަން ރިސޯޓު އޯނަރު. މިކަން ރަށު އެންމެނަށް އެނގޭ
ރުޅި
12 July 2020
މިހެން މިކަން ދިމާވީ މާބޮޑަށް ކުއްލިއަކަށް ހުޅުވާލާ އަތޮޅުތެރެއަށް އެންމެންތައް ފޮނުވާލުމުގެ ހުއްދަ ދިނީމަ. މި ގޮތަށް ހަދަން މަޖްބޫރުވީ މަޖިލީހުގެ މެމްބަރުން ރައްޔިތުންނަށް މާހެޔޮއެދޭ ބަޔަކަށް ހެދިގެން ޕްރެޝަރ ކުރިކުރީނުން. ދެން މަޖިލީހުން މިކަމުގައި ކޮމެޓީއެއް ހަދާ އަވަހަށް ފިޔަވަޅު އަޅާބަލަ. މި ގައުމުގެ މަޖިލީހަކީ ރައްޔިތުންނަށް ޖެހިފައިވާ ބޮޑު މސބތެއް.
ާއުނިމާ
12 July 2020
ޞުބުޙާނަﷲ! މުޅިރާއްޖޭގައި ބާރަަަށް ފެތުރެމުންދާކަމުގެ ނިޝާންތައް މިދަނީ ފެންނަމުމް މިދަނީ! ބަލިޖެހިފަވާ މީހުނާ ގުޅުންނެތް މީހުނަށް މި ބަލިޖެހެމުންދަނީ ނަމަ ކޮމއުނިޓީ ސްޕެރެޑް ބާރަށް އެބަދޭ! މިކަން ކަން ލުއިދޭށޭ ކިޔާ ވަކިބަޔަކު ރުއްސަން ނިންމާލައިގެން ހުރެވޭކަށްނެތް! ދުނިޔޭގެ ގައުމުތަކުން ފެރެމުންދާ ބާރު ސްޕީޑު ފެނި ހަދާނެގޮތް ހުސްވެ މީހުންތައް މަރުވަމުން އެދަނީ! އެއްމަސް ދުވަހަށް ކާރޑު އެރެކުރަން އަންގާ ލޮކްޑައުން ކުރަންވީ އަނެއްކާ ރަނގަޅަށް..
މަހުމޫދު ޝަފީޣް
12 July 2020
ތިބުނާހާ ފަސޭހަކޮށް ރާއްޖެކަހަލަ ގައުމަކަށް ޓަސް ޓަސްލާފަ ލޮކްޑައުން އެއް ނުކުރެވޭ. ސަބަބުތައް ބައިވަރު. ބުނާގޮތް އެހުން އޮތީ. އަމަލުތައް ބަދަލުކުރަންވީ. ކަންކަން ހިނގާގޮތް ދެނެގަންނަން މަސައްކަތް ކޮށްބަލަ ދުލުކުރީގަ ލޮކްޑައުން ނުބާއްވާ. ދެން ބުނީމަ ބުނާމީހަވާނި މަހުޖަނަކަށް ރިސޯޓް އޯނަރަކަށް ނޫނީ ސިޔާސީ މަރުދަންޖެހޭ މީހަކަށް. މަށަކީވެސް އާއްމު ރައްޔަތެއް.
ހުވާ
12 July 2020
ތިޔޮތީ ވައިގެ ތެރޭގައިވެސް ފެތުރިފައި.
ހުވާއެއްނޫން
12 July 2020
ވައިގެ ތެރެއިން އެއަތޮޅާ ހަމައަށް އެއްޗެއް ދިއުމަށްވުރެ ބުއްދި ގަބޫލުކުރެވޭ ގޮތަކީ މާލެއިން ނޭނގި ބަލި ގޮސް އަލާމާތެއް ނެތި ރަށްރަށުގައި ފެތުރެމުންދާ ކަމަށް ގަބޫލުކުރެވުން. ލޮކްޑައުން ކުރި ދުވަހު ފުރީ އެންމެ ބޯޓެއް ކަމަށް ހަދައިގެން އުޅުމަކީވެސް އެހާ ހެއްވާ ކަމެއް.
ބަސް
12 July 2020
شفاه الله عاجلا އަވަސް ޝިފާއަކަށް އެދެން.
ރަދީފްއޮފިޝިއަލް
12 July 2020
ގަރުނެއްވަންދެން ދުނިޔޭގަ ލެހެއްޓެވުން އެވެސް ނިއުމަތެއް.92 އަހަރުގެ ބޭބެ އެއީ ހަމަގައިމުވެސް ގިނަ ތަޖްރިބާތަކެއްގެ އަހުލުވެރިއަކަށްވާނެ.ބޭބެއަށް އަވަސް ޝިފާއަކަށް އެދެން.ވ.ވެދުން