ޕީސީއާރު ޓެސްޓް ހަދާ މެޝިން ކައިރީގައި ލެބޯޓްރީ ޓެކްނީޝަނަކު މަޑުކޮށްލައިގެން.
01 މެއި 2020 - 20:53
9 comments
ނ. މަނަދޫން އިތުރު ފަރުވާ އަށް ރޭ މާލެ ގެނައި އުމުރުން ދުވަސްވީ މީހަކު ކޮވިޑް-19 އަށް މިއަދު ޕޮޒިޓިވްވެއްޖެ އެވެ.
މަނަދޫ ކައުންސިލުން ވާހަކަ ދެއްކެވި މެމްބަރަކު ވިދާޅުވީ، އުމުރުން 70 ވަރަކަށް އަހަރުގެ އެ އަންހެންމީހާ ކޮވިޑް-19 އަށް ޕޮޒިޓިވްވިކަން އެނގުނީ ފަރުވާ އަށް ފަހު ދޫކޮށްލުމުގެ ކުރިން ހެދި ޓެސްޓުން ކަމަށެވެ. އެ މީހާ ކޮވިޑް-19 އަށް ޓެސްޓް ކުރީ ދޫކޮށްލުމުގެ ކުރިން އާންމުކޮށް ބައެއް މީހުންގެ ސާމްޕަލް ނަގާ އުސޫލުން ކަމަށް ކައުންސިލް މެމްބަރު ވިދާޅުވި އެވެ.
"މިކޮޅުން [މަނަދޫން] ދިޔައީ ގޮހޮރުގެ މައްސަލައަކާ ގުޅިގެން އިތުރު ފަރުވާ އަށް. ކޮވިޑްގެ އެއްވެސް އަލާމާތެއް ހުރި ކަމަކަށް މިކޮޅުން ނުބުނޭ. އެ ކަހަލަ ކަމެއް އެ މީހާގެ ފަރާތުން ނުވެސް ފެންނަ ކަމަށް ވަނީ. މުޅިން އެހެން ބައްޔަކަށް ފަރުވާ ހޯދަން ގެންދިޔައީ،" އޭނާ ވިދާޅުވި އެވެ
އެ މީހާ ކޮވިޑް-19 އަށް ޕޮޒިޓިވްވުމާ ގުޅިގެން އެޗްޕީއޭ އިން މަނަދޫ މިހާރު ވަނީ މޮނިޓަރިން ލިސްޓަށް ލައިފަ އެވެ.
"އެޗްޕީއޭގެ އިރުޝާދާ އެކު މިހާރު އަޅުގަނޑުމެން މިދަނީ ފިޔަވަޅު އަޅަމުން. އައިސޮލޭޓް ކުރަންޖެހޭ ތަނެއް ވެއްޖިއްޔާ އެ ތަނެއް ވެސް ބަލަމުން މިދަނީ،" ކައުންސިލް މެމްބަރު ވިދާޅުވި އެވެ.
މިކަމާ ގުޅޭ ގޮތުން އެޗްޕީއޭގެ ބަހެއް އަދި ނުލިބެ އެވެ.
މާލޭގެ އިތުރުން ކޮވިޑް-19 ގެ މީހުން މިހާތަނަށް ފެނިފައި ވަނީ ހއ. އުލިގަމާއި ށ. ނަރުދު އާއި ށ. މިލަންދޫ އާއި ކ. ތުލުސްދޫންނެވެ.
ރާއްޖެ އިން މިހާތަނަށް ކޮވިޑް-19 އަށް ޕޮޒިޓިވްވި މީހުންގެ އަދަދަކީ 475 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާކޮށި ހުސޭނުނު
02 May 2020
އޮޅުވާ ނުލާ މާފަރުން ގެނައީ
ގާކޮށި ހުސޭނުނު
02 May 2020
ކޮވިޑް ޖެހިފައޮތް މީހަކު މަނަދޫގަ އޮތްކަން ނޭންގުނެއްނު އިންސާނުން އަރަން ހިޔޮވާވަރުގެ ރަށެއްނޫން
ރެނދަން
01 May 2020
މަނަދޫމީހުން އެހެން ރައްރަށުން ޒަރޫރީބޭނުންތަކުގަ ދާ މީހުންނަށް ދަތިކޮށް ހަރުކަށި ފިޔަވަޅު އަޅާއިރު، އަމިއްލަ ރަށުގަ ބަލި ޖެހިފަ ތިބި ބަޔަކު ދޫވެފަ ތިބެގެން ތިހިސާބައް ގޮއްސަ ތިޔައޮތީ. އަޑުއެހުން ބަލިވި މީހަޔައް ހޮސްޕިޓަލްގަ ފަރުވާދިން ނަރުހުންވެސް ތިބީ ރައްކާތެރިކަމުގެ އެއްވެސް ފިޔަވަޅެއް ނާޅައޭ. އަދި، ބަލިމީހާއާއި ކޮންޓެކްޓްވި މީހުންތައްވެސް ރަށުތެރޭގައި ހަމަ އުޅުން. މިހާ ފަރުވާކުޑަވީމަ، އޭގެ ގެއްލުން ލިބޭނެ އެންމެންނައްވެސް.
ނާހިދާ
02 May 2020
މަނަދޫގައި ފިޔަވަޅުތައް ހަރުދަނާކުރީ އަތޮޅުގެ ހުރިހާ ރައްޔިތުންގެ ހައްގުގައި
ރެނދަން
01 May 2020
ރައްކާތެރިކަމުގެ ފިޔަވަޅު ނާޅާ ފަހަތުފަޔަައް ބުރެވަގެން ދެއިރު ދެ ދަޅަޔައް ޓީވީއައް އަރާ މޮޅު ވާހަކަދައްކަން ތިއްބަ ވައިރަސް ރަށްރަށްވެސް އެ ދިޔައީ، މިއޮއް އައިސޮލޭޓް ކޮށް އޮންނަ ގައުމުގަ މިހާލަތައް މި ދިޔައީ ހަމަ ސަރުކާރުގެ ނާގާބިލު ކަމުން، އެންމެ ފުރަތަމަ ވެސް ލަސްނުކޮށް ލޮކްޑައުންކޮށް ފިޔަވަޅުތައް އެޅިނަމަ މިާލަތަކަށް ނުދިޔައީސް، މިހާރު އަސްލު ފެތުވިފަ އޮތްވަރު އަންދާޒާވެސް ނުކުރެވޭ.
ސަޢުދު
01 May 2020
ތި ޓެސްޓު ކިޓުތައްވެސް ޗެކް ކުރަން ޖެހިފަ ތިއޮތީ
ޞައްދާ މު
01 May 2020
ކޮބާ؟ ހއ.ތަކަންދޫ ގެ ވާހަކަ؟
މާޖީ
01 May 2020
ކައުންސިލު މެމްބަރެކޭ؟ ނަމެއްވެސް ނެތީތަ؟ ޓީމު ތަފާތު ދޯ! ތިބުނާ ގެއެއްގެ މީހުން ނުކުމެ މުޅި ރަށުގަ ވިއްސުނު އިރުވެސް ކައުންސިލަކަށް ކަހާތަން ހިރުވާވެސްނުލި.
2ގޔހ
01 May 2020
ދިވެހިންގެ އިންނާނެ ވަރަށް ހަޑި މުޑުދާރު ދެ ވިސްނުމެއް.. 1.. ކަމަކަށް ރައްކާތެރި ފިޔަވަޅު އަޅައިފިނަމަ ބުނާނެ، މޮޔަވެގެންހޭ އެއުޅެނީ، މިރަށުން އަދި ކަމެއް ފެނުނީ އެއްވެސް ނޫނޭ.. އަހަރެމެނަށް ދުއްޕާން ކުރަން ވެގެން އުޅޭ ބަޔެކޭ އެއީ.. 2. ކަމެއް ވާއިރުން އަޅާ ނުލެވި އޮވެއްޖެނަމަ ނަމަ މާޖީގެ ކޮމެންޓްގަ އެބުނިހެން.. ދެރަވަރު އިނގޭ