ޕޮލިސް ލެބުން ކޮވިޑަށް 10،000 ޓެސްޓް ހަދައިފި

ޕޮލިސް ލެބް އިން، ކޮވިޑަށް 10،000 ޓެސްޓް ހެދުމުގެ އުފަލުގައި މިއަދު ބޭއްވި ހަފުލާގައި، ފުލުހުންގެ އިސްވެރިން ބައިވެރިވެވަޑައިގަންނަވަނީ.-- ޓްވިޓާ ފޮޓޯ: ސީޕީ ހަމީދު

އާސިމާ ނިޒާރު، މިހާރު

22 ޖުލައި 2020 - 19:26

3 comments

ފުލުހުންގެ ފޮރެންސިކް ލެބުގައިި ކޮވިޑް-19 އަށް 10،000 ޓެސްޓް ހަދައިފި އެވެ.

ކޮމިޝަނަރު އޮފް ޕޮލިސް މުހައްމަދު ހަމީދު މިއަދު ކުރެއްވި ޓްވީޓެއްގައި ވިދާޅުވީ ފޮރެންސިކް ސާވިސްގައި ކޮވިޑް-19 އަށް ޓެސްޓުކުރުމުގައި ހަރަކާތްތެރިވާ ގްރޫޕުން ކޮވިޑަށް 10،000 ޓެސްޓް ހަދާފައިވާ ކަމަށެވެ. އެގޮތުން ހަފުތާއަކު 1،000 ޕީސީއާރު ޓެސްޓް ހަދަމުން ދިޔައީ 100 އަށް ވުުރެ ގިނަ ފޮރެންސިކް ހެކި ޕްރޮސެސްކުރުމުގެ މަސައްކަތާ ވެސް އެކުގައި ކަމަށް ވިދާޅުވި އެވެ.

"މަރުހަބާ ޓީމް،" އެކަން ފާހަގަކުރުމަށް ކޭކު ފެޅުމަށް ބޭއްވި ހަފުލާގެ ފޮޓޯތަކަކާ އެކު ހަމީދު ކުރެއްވި ޓްވީޓުގައި ވެ އެވެ.

It’s 10,000 tests and counting for our relentless COVID-19 testing group at Forensic Services. Notably, they’ve been churning out around a 1000 validated PCR test results per week whilst processing 100s of forensic evidence in casework every month. Congratulations team. 👏🏽 pic.twitter.com/qEWMZmyxSE
— Mohamed Hameed (@M_Hameedh) July 22, 2020

ރާއްޖޭގައި ކޮވިޑް-19 އަށް އެންމެ ފުރަތަމަ ޓެސްޓުކުރަން ފެށީ މިިދިޔަ ފެބްރުއަރީ މަހުގެ ފަހުކޮޅު އައިޖީއެމްއެޗުގަ އެވެ. އޭގެ ފަހުން، ފަރުވާއެއް ހޯދިފައިނުވާ ބައްޔަށް ޓެސްޓުކުރަން ފެށީ ޕޮލިސް ލެބްގަ އެވެ. އައިޖީއެމްއެޗުގައި ވެސް މިހާތަނަށް 50،000 އަށްވުރެ ގިނަ ކޮވިޑް-19 ޓެސްޓް ހަދާފައިވެ އެވެ.

ޓެސްޓް ހެދުމަށް މިހާތަނަށް މުޅި ޖުމްލަ 68،000 އަށްވުރެ ގިނަ ސާމްޕަލް ނަގާފައި ވެ އެވެ.

އައިޖީއެމްއެޗާއި ޕޮލިސް ލެބްގެ އިތުރުން އޭޑީކޭ އާއި އައްޑޫ އިކުއެޓޯރިއަލް ހޮސްޕިޓަލް އަދި ރާއްޖޭގެ އެކި ސަރަހައްދުތަކުގައި ހުރި ރީޖަނަލް ބައެއް ހޮސްޕިޓަލްތަކުގައި ވެސް މިހާރު އަންނަނީ ކޮވިޑް-19 އަށް ޓެސްޓްކުރަމުންނެވެ.

ފުލުހުން ހެލްތު ޕްރޮޓެކްޝަން އެޖެންސީ ސިއްހަތު ބަލިތައް މުހައްމަދު ހަމީދު (ޕޮލިސް ކޮމިޝަނަރު)

3 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އީދުބެ

23 July 2020

ދެން ކޮންމެ 10000 ޓެސްޓަކަށް ކޭކެއް ލަވާދޭންވީތަ؟ ބަލަ ތީ ވަޒީފާ. ކޮންމެ މީހަކަށް 20 ހާހުން 30 ހާހުން ރުފިޔާގެ މުސާރަ ދީފަ، ޔުނިފޯމު ދީފަ، ކާންދީފަ، ނިދާނެ ތަން ދީފަ، ނިދާނެ ތަން ނުދެއްކެންޏާ ކުލީ އެލަވަންސް ދީފަ، އަދި ފުލެޓު އަޅާ ދީފަ، މުޅި އާއިލާއަށް ހިލޭ ޑޮކްޓަރުން ދީފަ އަދި ނުވިތާކަށް ދުއްވާނެ ކާރުތައް ދީފަ. ކުޑަ ބޭބީތަކެއް ހެން ކަމެއް ވާއިރަށް އިސްތިހާރު ނުކޮށް ހިދުމަތް ދެވޭކަން އަހަރުންނަށް އިހުސާސު ކޮށްދީބަލަ! އަދިވެސް ނުވެޔޭ ކޮއިފުޅާ!