އޭދަފުށީ ބަޔަކު އެ ރަށު ޖެޓީމަތީގައި މުށިމަސް ބާނަނީ: އެ ރަށުގައި ކަރަންޓީނުގައި ތިބި ދެ ބިދޭސީއަކު ޕޮޒިޓިވްވެފައިވޭ-- ފޮޓޯ: އަބްދުﷲ އަބީދު
23 ޖުލައި 2020 - 10:56
4 comments
ބ. އޭދަފުށީގައި ހޯމް ކަރަންޓީނުގައި ތިބި ދެ ބިދޭސީއަކު ކޮވިޑް-19 އަށް މިއަދު ޕޮޒިޓިވްވެއްޖެ އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) ގެ ތަރުޖަމާނު ޑރ. ނަޒްލާ ރަފީގު ވިދާޅުވީ، މި މަހުގެ 8 ގައި އޭދަފުއްޓަށް ދިޔަ ބަންގްލަދޭޝްގެ ދެ ފިރިހެނަކު ޕޮޒިޓިވްކަން އެނގުނީ، ކަރަންޓީނުގެ 14 ދުވަސް ހަމަވުމުން ހެދި ޓެސްޓުން ކަމަށެވެ.
އެ މީހުން އެ ރަށަށް ދިޔައީ ރެސްޓޯރެންޓެއްގައި މަސައްކަތް ކުރުމަށެވެ.
ނަޒްލާ ވިދާޅުވި ގޮތުގައި، އެ ދެ މީހުންގެ ހާލު ވެސް ރަނގަޅެވެ.
ހޯމް ކަރަންޓީނުގައި ތިބި ބަޔަކު މީގެ ކުރިން ވެސް ކޮވިޑް-19 އަށް ޕޮޒިޓިވްވެފައި ވެ އެވެ. އޭގެ ތެރޭގައި ހދ. ނޮޅިވަރަމާއި އއ. ތޮއްޑު އާއި ކ. ހިންމަފުއްޓާއި ރ. ދުވާފަރު އަދި ގއ. މާމެންދޫގައި ކަރަންޓީނުގައި ތިބި ބަޔަކު ހިމެނެ އެވެ. އޭގެ ތެރެއިން ދުވާފަރުން ޕޮޒިޓިވްވިކަން އެނގުނީ، ކޮވިޑް-19 އަށް ހެދި ފުރަތަމަ ޓެސްޓް ނެގެޓިވް ވުމުންނެވެ. ނަމަވެސް ފަހުން ހެދި ޓެސްޓުން ތިން މީހަކު ޕޮޒިޓިވްކަން އެނގުމުން މުޅި ރަށް މޮނިޓަރިންގެ ހާލަތަށް ގެންދިޔަ އެވެ.
ރާއްޖެއިން މިހާތަނަށް 3،103 މީހަކު ކޮވިޑް-19 އަށް ޕޮޒިޓިވްވެފައިވާއިރު، އޭގެ ތެރެއިން 15 މީހުން މަރުވެފައި ވެ އެވެ. ބަލިން ރަނގަޅުވެފައިވަނީ 2،397 މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެފްރީ
23 July 2020
ޝުކުރިއްޔާ ރަޢީސް އަދި ރައްޔިތުންގެ މަޖިލީހުގެ ރަޢީސް އަދިޒ އެޗްޕީއޭ
ތަރި
23 July 2020
މިކަހަލަ ނުރައްކާތެރި ދުވަސްވަރެއްގައި ކީއްކުރަން އޭދަފުއްޓަށް ބިދޭސީން ގެންދަނީ. މުޅި ރާއްޖޭގައި ބިދޭސީން. ބަންގާޅީން. ބަލާބަލަ ތިއީ ގަވާއިދުން އުޅޭ ބައެއްތޯ؟ ނޫނީ މާލޭ މަގުމަތިން ހޮވާލައިގެން ހެޔޮ އަގުގައި ގެންދިޔަ ބައެއްތޯ؟
ޝާޑު
23 July 2020
ފޮޓޯއިން ފެންނަ މަންޒަރު ވަަރަށްވެސް ހިތްގައިމު.
މާޒް
23 July 2020
އަވަސް ޝިފާ މިންވަރު ކުރެއްވުން އެދި ދުއާ ކުރަން. އަދި އިތުރު ބަޔަކު ޕޮޒިޓިވް ނުވެ ރަށުގެ އެންމެންވެސް މި ބަލި މަޑުކަމުން ސަލާމަތް ކުރައްވުން އެދިވެސް ދުއާ ކުރަން.