26 ޖުލައި 2020 - 09:37
23 comments
ރާއްޖޭގެ މިނިވަން ކަމަށް 55 އަހަރު ފުރުން ފާހަގަކުރުމަށް ރާއްޖޭގެ ހުރިހާ ރަށެއްގައި ދިދަ ނެގުމުގެ ރަސްމިއްޔާތު މިއަދު ހެނދުނު ބާއްވައިފި އެވެ.
ޖުމްހޫރީ މައިދާނުގައި މިއަދު ހެނދުނު 6:00 ޖެހިއިރު އޮތް ދިދަ ނެގުމުގެ ރަސްމިއްޔާތުގައި ރައީސް އިބްރާހިމް މުހައްމަދު ސޯލިހް ބައިވެރިވެ ވަޑައިގެންނެވި އެވެ. އެ ރަސްމިއްޔާތުގައި ދިދަ ނެގުމުގެ އިތުރުން ދުވަހާ ގުޅޭ ހާއްސަ ދުއާއެއް ކުރި އެވެ. އިސްވެ ދުއާ ކޮށްދެއްވީ އިސްލާމީ މަރުކަޒުގެ އިމާމް ޝައިހް ނަސްރުﷲ އަލީ އެވެ.
ރަސްމިއްޔާތުގައި މަޖިލީހުގެ ރައީސް އަދި ރައީސް މުހައްމަދު ނަޝީދާއި ނައިބު ރައީސް ފައިސަލް ނަސީމްގެ އިތުރުން މިނިސްޓަރުންނާއި ދައުލަތުގެ އިއްޒަތްތެރިން ބައިވެރިވެ ވަޑައިގެންނެވި އެވެ.
ދިދަ ނެގުމުގެ ރަސްމިއްޔާތުގައި ދުއާ ކުރައްވަނީ: ރާއްޖޭގައި މީހުން ދިރިއުޅޭ ހުރިހާ ރަށެއްގައި ވެސް ދިދަ ނެގުމުގެ ރަސްމިއްޔާތު ވަނީ ބާއްވައިފަ-- ފޮޓޯ: ރައީސް އޮފީސް
މާލޭގެ އިތުރުން ރާއްޖޭގައި މީހުން ދިރިއުޅޭ ހުރިހާ ރަށެއްގައި ވެސް ވަނީ ދިދަ ނެގުމުގެ ރަސްމިއްޔާތު ބާއްވައިފަ އެވެ. މިނިވަން ދުވަހާ ގުޅުވައިގެން ކޮންމެ އަހަރަކު ވެސް ހާއްސަ ރަސްމިއްޔާތާއި ކުޅިވަރު ހަރަކާތްތައް ބޭއްވި ނަމަވެސް ކޮވިޑް-19 އާ ގުޅިގެން މި އަހަރު އެފަދަ އެއްވެސް ކަމެއް ނުބާއްވަން ސަރުކާރުން ވަނީ ނިންމަވައިފަ އެވެ.
މިނިވަން ދުވަހުގެ މުނާސަބަތާ ގުޅުވައިގެން މިއަދު 10:00 ގައި ރައީސް ގައުމާ މުހާތަބު ކުރެއްވުމަށް ވަނީ ނިންމަވައިފަ އެވެ.
މިނިވަން ދުވަސް ފާހަގަކުރަނީ އިނގިރޭސިންގެ އަތުން ރާއްޖެ އަށް ސިޔާސީ ފުރިހަމަ މިނިވަންކަން ލިބުން ފާހަގަކުރުމުގެ ގޮތުންނެވެ. ރާއްޖެ އަށް ސިޔާސީ ފުރިހަމަ މިނިވަންކަން ލިބުނު އެއްބަސްވުމުގައި ސޮއިކުރީ ޖުލައި 26، 1965 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާޒިން123
26 July 2020
މިނިވަން ދުވަހުގެ ރަސްމިއްޔާތުން ފާހަގަވީ އެންމެ ކަމެއް. އެއީ ޑިފެންސް މިނިސްޓަރު ތުރުކުރައްވާފަ ހުރި ހެދުންކޮޅު. އެހެދުމުން އަޅުގަނޑަށް ދިން މެސެޖަކީ ދިވެހިރާއްޖެ އޮތީ އިގިރޭސިންނަށް ބަރޯސާވެފަކަން. އެމީހުނަށް ކުރާސަޕޯޓާ އެއަޅުވެތިކަމަށް ދިވެހިން ޤަބޫލުކަން. ތިޔަރަސްމިއްޔާތަށް ވަޑައިގެންނެވި އެހެން ހުރިހާ ކަނބަލުން ތިއްބެވީ ފާސްކުރި ރަސްމީ ހެދުމުގައި. ކޯޓަކީ ރަސްމީ ހެދުމެއްނަމަވެސް އެރަސްމިއްޔާތަށް މާރިޔާގެ ހެނދުން މުނާސަބެއްނޫން.
އޮރިޖިނަލް މޮހަނު
26 July 2020
ނިކަން އަޅެ ބުނެބަލަ ޚުދު ނަފްސަށްވެސް އޮޅުވާނުލާ.. އަސްލުވެސް މިނިވަންކަން އިޙްސާސް ކުރެވޭތޯ މިހާރު؟
އިމްރާނު
26 July 2020
ނުކުރެވޭ. ސީދާ ރައީސް އިބްރާހިމަށްވެސް އެނގޭނެ ތިމާ މިމަގާމުގައި މިހާރު މިހުރެވެނީ ބަނދެވިފައި އެއްވެސް މިނިވަންކަމެއްނެތިފައިކަން.
ހަލޭ
26 July 2020
އިނގިރޭސިންގެ ފަރާތުން މިނިވަންވެގެން ދެން ދާން މިއުޅެނީ އިންޑިއާގެ އަޅުވެތިކަމަށް. މާ ގިނަ ދުވަހެއް ނެތް ދެނެއް.
ޝޮކްތެރަޕީ
26 July 2020
ރާއްޖެއަ ކަމެއް ކޮއްދިނީ ވެލާނާ ނާސިރާ ރައިސް ޔާމިން. މި ދެބޭފުޅުންނަކީވެސް ބަސްމަދު ރާއްޖެ ތަރައްގީ ކުރުމުގަ އަމަލީ ގޮތުން ސާބިތުކަން ދިވެހިންނަ ދައްކަދިން ދެބޭފުޅުން. މީ ދޮގެއްތަ؟
އެމްޑީޕީމީހާ
26 July 2020
ރާއްޖެއަ ކަމެއް ކޮއްދެންޏާ ސަރުކާރާ ރައްޔިތުންގެ މަޖުލީސް އިސްތުއުފާދީފަ އަލުން ރިޔަސީ އިންތިހާބެއް ބައްވަންވީ. މީ ދިވެހިންގެ އާދޭސް މިހަރު.
ރާވެރިބޭ ރުކަން
26 July 2020
ރާއްޖޭގަ އިންޑިޔާގެ 10 ރޭޑާ ހަރުކުރުމަކީ ވަރައް ގޯސްއަމަލެ. އިންޑިޔާގެ އަސްކަރީ ހެލިކަޕްޓަރުތައް ފޮނުވާލާ. ދިވެހިން އަމިލްލަ ރޭޑާ ހަރު ނުކުރެވެނީތަ؟ ދިވެހިން ކިހާ ޓެކުހެއްތަ ސަރުކާރައް ދެނީ.
ރަށުތެރެ
26 July 2020
އިންޑިޔާ އެމްބަސީގަ ދިދަ ނަގާބަލަ. ކަލޭމެން ވަނީ ޤައުމައް ހިޔާނާއްތެރި ވެފަ.
ައަފުރާސިޔާބު
26 July 2020
ބޮޑު ރަސްމިއްޔާތެއް ބާއްވާފައި ދިދަނެގުމެއް އެހާ މުހިންމެއްނޫން. ދުނިޔޭގައި މިހާރު އޮތީ އިގްތިޞާދީ ގޮތުން އަޅުވެތި ކުރުމުގެ ރޫހެއް. އެއޮތް ވަރުގަދަ ޔޫރަޕަށްވެސް އެއުޅެނީ އަމިއްލަ ގައުމުގެ މަންފާއަށް ކުރަންޖެހޭ ކަމެއްވެސް އެކަމުގެ ސަބަބުން ނުނިންމިގެން. ގައުމުގެ ކުންފުނިތަކާއި ބޭންކު ތަކުގައި ހުންނަ ފައިސާ ދިނުމަށް އެހެން ގައުމެއްގެ ކޯޓުން ކުރާ ހުކުމް ތަންފީޒުކުރަންޖެހި އެތިބެނީ 4 އުދަރެސް ފެނުޖެހިފާ. ގައުމަށް ގޭސް ކޮޅެއް ގަނެވެން އޮތީވެސް ހުއްދަދިނީމާ.އަޅުވެތިކަން
އެމެރިކާ
26 July 2020
ކޮވިޑް19ގަ ހާދަހާ ލާރިއެކޭ ކަޓުވާލީ.
ރާއްޖެތެރެމީހާ
26 July 2020
އަޅުގަނޑެ ދެނެ ދުވަހަކުވެސް އެމްޑީޕީޔައް ވޯޓެއް ނުދޭނަން. ނަޝީދު ހުރިހާ ދުވަހަކުން. ނަޝީދު ބޭރުކުރޭ އެމްޑީޕީން.
1828
26 July 2020
ތިކަމެއް ނުވާނެ. އެމްޑީޕީގައި ގިނަވާނީ ނަޝިދަކީ އެމްޑީޕީ އަދި އެމްޑީޕީއަކީ ނަޝީދުކަމަށް ޤަބޫލުކުރާ ދިވެހިން.