އެޗްޕީއޭގެ އުސޫލުތަކާ ޚިލާފުވެގެން މިއަދު 40 ތަނެއް ބަންދުކޮށްފި

ކާނިވާ ސަރަހައްދުގެ ކެފޭއަކުން ބަޔަކު ޚިދުމަތް ހޯދަނީ.---ފޮޓޯ: މިހާރު

01 އޯގަސްޓް 2020 - 22:51

ކޮވިޑް-19 އިން ރައްކާތެރިވުމަށް އެޗްޕީއޭ އިން އެކުލަވައިލާފައިވާ އުސޫލުތަކާ ޚިލާފަށް ހިންގަމުން ދިޔަ 40 ތަނެއް މިއަދު ބަންދުކޮށްފައިވާ ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ)ން މިރޭ ބުނެފި އެވެ.

އެ ސެންޓަރުގެ ތަރުޖަމާން ޑރ. ނަޒްލާ ރަފީގު ބޭއްވެވި މީޑިއާ ބްރީފިންގައި ވިދާޅުވީ، އެ 40 ތަން ބަންދުކުރީ 189 ތަނެއް އިންސްޕެކްޓް ކުރުމަށް ފަހު ކަމަށެވެ.

މިއަދު އިންސްޕެކްޓް ކުރި ތަންތަނުގެ ތެރޭގައި ހިމެނެނީ އޭނާ ވިދާޅުވި ގޮތުގައި، ކާބޯތަކެތީގެ ޚިދުމަތްދޭ 62 ތަނަކާއި 13 ސެލޫނަކާއި 113 ފިހާރައެއް އަދި މާރުކޭޓެކެވެ.

އުސޫލުތަކާ ޚިލާފުވެގެން އޭގެ ތެރެއިން ބަންދުކުރީ ނުވަ ސެލޫނަކާއި 14 ފިހާރައަކާއި ކާބޯތަކެތީގެ ޚިދުމަތްދޭ 16 ތަނަކާއި މާރުކޭޓެކެވެ.

ޑރ. ނަޒްލާ ވިދާޅުވީ، މީގެ ތިން ދުވަސް ކުރިން ފެށި "މާސް އިންސްޕެކްޝަން" ގައި، ފުރަތަމަ ބެލި ދެބައިކުޅަ އެއްބައި ތަންތަން އެޗްޕީއޭގެ އުސޫލުތަކަށް ނުފެތޭތީ ބަންދުކުރަން ޖެހުނު ކަމަށެވެ. އެކަމަކު، އެ އުސޫލުތަކަށް ފެތޭ ތަންތަން މިހާރު އިތުރުވަމުން އަންނަ ކަމަށް އޭނާ ވިދާޅުވި އެވެ.

އެޗްޕީއޭގެ ގައިޑްލައިނާ ޚިލާފު ވެގެން، ބަންދުކުރާ ތަންތަނުގެ ނަން ހާމަނުކުރައްވާ ސަބަބާ ގުޅޭ ގޮތުން ނޫސްވެރިއަކު ސުވާލު ކުރުމުން ޑރ. ނަޒްލާ ވިދާޅުވީ، އެފަދަ ސިޔާސަތެއް އަދި ނެތް ކަމަށެވެ. އެކަމަކު، ނަން ހާމަކުރާ ގޮތަށް ކުރިމަގުގައި ބަދަލު ވެދާނެ ކަމަށް އޭނާ ވިދާޅުވި އެވެ.

ތަނެއް ބަންދުކުރާ ނަމަ، އެ ފިޔަވަޅު އަޅާފައި ވަނީ އެޗްޕީއޭގެ އިންސްޕެކްޝަނާ ގުޅިގެން ކަން އާންމުންނަށް އަންގައި ދިނުމަށް މިހާރު އެ ތަނެއްގައި އެޗްޕީއޭ އިން ހަރުކުރަނީ ނޯޓިސް އެކެވެ.

އެޗްޕީއޭގެ ގައިޑްލައިނާ އެއްގޮތަށް ވިޔަފާރިތައް ހިންގާތޯ ބެލުމުގެ ބޮޑު އިންސްޕެކްޝަނެއް ސަރުކާރުން ފެށީ، މާލެ ސަރަހައްދުގައި ކޮވިޑް ފެތުރުން ކުރިއަށް ވުރެ ގޯސްވަމުންދާތީ އެވެ.

އެޗުއީއޯސީ ހެލްތު ޕްރޮޓެކްޝަން އެޖެންސީ ޑރ. ނަޒްލާ ރަފީގް (އެޗްޕީއޭ) ސިއްހަތު ކެފޭ/ރެސްޓޯރެންޓް ފިހާރަ

7 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިޔައީ

02 August 2020

މާކުރިން ހައްލުވާންވެފަ ހުރި ކަންކަން ތިއައީ. އެއެއް މިއެއް ނުބަލާ މާލޭގައި ކޮންމެ 5 ފޫޓަކުން ކެފޭއެއް ނޫނީ ފިހާރައެއް ހުޅުވަމުން ދިއައީ. ފެން އޮތްތަނަކަށް މަސްދާނެއޭ ބުނާ ފަދައިން މީހުން ގިނަކުރުމުގެ މިސްރާބެއްގެ ތެރެއިން ވިޔަފާރިތައްވެސް އެއް ހަމައެއްގައި ގިނަކުރަމުން ދިއައީ. މާކުރިން އެކަންކަމަށް ހުއްޓުމެއް އަންނަންޖެހޭ. ކުރިން ހުއްޓުވުމުގެ ބާރު ނެތިގެން ތިބީތީ ކޮވިޑް އައިސް އެންމެ ފަހުން އެކަން ހައްލުކޮށްދެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީތި މޫސަ

02 August 2020

ކެފޭތަކުގަ ގުރޫޕްހަދާފަ ނުތިބެވޭގޮތްހަދަންވީ އަދި ކެފޭތަކުގަ ގިނަވެގެން ތިބެވޭނެ ވަގުތުވެސް ކަނޑައަޅަންވީ ސިގިރޭޓްބުއިން މަނާކޮށް ދުފާއެއްޗެހިވިއްކުންވެސް މަނާކުރަންވީ ކެފޭތަށްވާންޖެހޭނީ މިވަގުތު ހަމައެކަނީ ކައިބޮއި ހަދާތަނަކަށް މަޖާކޮށް ސަކަރާތްޖަހަންދާތަނަކަށްނޫން ކުރިންއުޅުނުގޮތް ދޫކޮށްލަން މިވަގުތުޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންހުސޭނު

02 August 2020

ތިޔަ އުނދަގޫ ބޮޑުވެގެން އުޅޭ ލައްކައެއްހައި ބިދޭސީން ނުކައި ނުބޮއި އަދި ދިވެހިންނަށް ކުރަން ނުކެރޭ ފަކުރުގަންނަ ހުރިހައި ކަމަކާއި ދައްތަބުނާ ހުރިހާ ކަމެއްކޮށް ދީގެން އުޅޭ އިރުވެސް މި ދިވެހިރާއްޖެއަށް ނިސްބަތްވާ ދިވެހިންނަށް ވުރެ އެމީހުން ބަސްއަހާ ކިޔަމަންގަތުން ހާސްބައި ރަނގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާސްކޭ

01 August 2020

ދަނޑިމާރު އަޅައިގެން އެއްވެސް ކަމެއް ނުވާ ބައެއް އުޅޭ ގައުމެއް މިއީ. އެކަމަކު ތިބޭނީ ތިމާމެން ވަރުގެ ތަރައްގީ ބައެއް ނެތް ކަމަށް ހެދިގެން. ބޯ ހަލާކުވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލު

01 August 2020

އުސޫލާއި ހިލާފު ތަންތަން ބަންދުކުރަންވީ. އެކަމަކު ދެލައްކައެއްހާ މީހުންނަށް ނުކައިނުބޮއެ ނޫޅެވޭނެ. ފުރަތަމަ ކުރަންވީ ކަމަކީ މާލެއިން މީހުން މަދުކުރުން. އެހެން ނޫނީ ކޮވިޑް މެނޭޖްކުރަން ވަރަށް އުދަގޫވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްޓިލްް

02 August 2020

ތި އަޑެއްނާހާނެ. މާލެއިން މީހުން މަދުނުވެ ބަލި ކޮންޓްރޯލެއްނުވާނެ. ގުނާލަ ގުނާލަ ތިބެވިދާނެ އަހަރު ހުސްވަންދެންވެސް. ބަލި އަމިއްލައަށް ކޮންޓްރޯލްވާނެ މީހުން މަދުވީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖުރަޗޭ

01 August 2020

ރަނގަޅު. ބަންދުކޮށްފައި ބަހައްޓާ. އިސްލާހުވާންވެސް ފުރުސަތު ދެވިއްޖެތާ. ދެން މިފަހަރު އެނގޭނެއެއްނު ބަނޑަށް މަރުވަންޏާ އެހެން މީހުންގެ ފުރާނަ ނުރައްކަލަށް ހުށަނައަޅާ ގައިޑްލައިންތަކުގައި އަންގާފައި ގޮތަށް ކުރިއަށްދާން. ތި ނޫން ގޮތަކަށް މި ބައިގަނޑު މައިތިރި ނުކުރެވޭނެ.