ކޮވިޑަށް ޓެސްޓުކުރަން ރެންޑަމްކޮށް ސާމްޕަލްތަކެއް ނަގަނީ.-- ފޮޓޯ: އަހުމަދު އަވްޝަން/ މިހާރު
04 އޯގަސްޓް 2020 - 12:53
16 comments
އެއް މަހުގެ ކުއްޖަކު ކޮވިޑް-19 އަށް ޕޮޒިޓިވްވެ، ހުން ގަދަވެގެން އައިޖީއެމްއެޗުގައި އެޑްމިޓްކޮށްފި އެވެ.
އެ ހޮސްޕިޓަލްގެ ކުޑަކުދިންގެ ޑޮކްޓަރު އަހްމަދު ފައިސަލް ކުރެއްވި ޓުވީޓެއްގައި ވިދާޅުވީ ބަލި ޖެހުނު އެ ކުއްޖާ އޮތީ ވަރަށް ބޮޑަށް ޑީހައިޑްރޭޓްވެފައި ކަމަށެވެ. ކޮވިޑްގެ ބިރުވެރިކަން ބޮޑުވެ ކޮންމެ ދުވަހަކު ވެސް ގިނަ ބަޔަކު ޕޮޒިޓިވްވަމުންދާއިރު، އެއް މަހުގެ ކުއްޖަކު އެޑްމިޓްކޮށްފައިވާ ކަމުގެ މެސެޖް ޑރ. ފައިސަލް މި ދެއްވީ އާއްމުން އިތުރަށް ރައްކާތެރިވެ ތިބުމުގެ ނަސޭހަތެއްގެ ގޮތުންނެވެ.
މީގެކުރިން ދޮޅު މަހުގެ ކުއްޖަކު ވެސް ކޮވިޑަށް ޕޮޒިޓިވްވެގެން ފަރުވާދީފައިވެ އެވެ.
މިއީ ވަކި ހާއްސަ ފަރުވާއެއް އޮތް ބައްޔަކަށް ނުވާތީ، ކޮންމެ މީހަކަށް ވެސް ފަރުވާ ދެނީ އެ މީހެއްގެ ކިބައިން ފެންނަ އަލާމަތްތަކާ ގުޅޭ ގޮތުން އެ ކަމަކަށް ކަމަށް ޑޮކްޓަރުން ގެންދަވަނީ ވިދާޅުވަމުންނެވެ.
ފައިސަލް ކުރިން ވިދާޅުވެފައިވާ ގޮތުގައި ރާއްޖެ އިން ބަލި ޖެހުނު ބައެއް ކުދިންގެ އަލާމާތްތައް ފެންނަނީ ޓެސްޓް ކުރި ފަހުންނެވެ. އަދި 30 ޕަސެންޓް ކުދިންގެ އެއްވެސް އަލާމާތެއް ނުފެނެ އެވެ. ގިނަ ކުދިން ހުންނަ އަންނައިރު، ހުމާއި ރޯގާ އަދި ހަމައެކަނި ރޯގާގެ އަލާމާތްތައް ވެސް ބައެއް ކުދިންގެ ފެންނަ ކަމަށް އޭނާ ވިދާޅުވި އެވެ.
ކޮވިޑްގެ ހާލަތު މި މަހު ގޯސްވެ، އެވްރެޖްކޮށް ދުވާލަކު 170 މީހުން ބައްޔަށް ޕޮޒިޓިވްވާނެ ކަމަށް ވަނީ ލަފާކޮށްފަ އެވެ. އަދި މި ބަލީގައި އެޑްމިޓްކޮށްގެން ފަރުވާދޭން ޖެހޭ މީހުންގެ އަދަދު ވެސް ވަރަށް ބޮޑުތަން އިތުރުވެ، ކޮވިޑުގެ ފަރުވާ އަށް މާލޭގައި ޚާއްސަކުރި ތަންތަން ފުރިދާނެ ކަމުގެ ބިރުއޮތް ކަމަށް ވެސް ސިއްހީ ތަޖުރިބާކާރުން ވަނީ ބުނެފަ އެވެ.
ބަލި ޖެހޭ މީހުންގެ އަދަދު ކޮންމެ ދުވަހަކު ވެސް އާދަޔާޚިލާފަށް އިތުރުވަމުންދާއިރު، ކޮވިޑް-19 ގެ 4،000 ވަރަަކަށް ކޮންޓެކްޓުން އެބަތިބި ކަމަށް ހެލްތު ޕްރޮޓެކްޝަން އޭޖެންސީން ވަނީ ބުނެފަ އެވެ. ކޮވިޑް-19 ގައި ރާއްޖެ އިން މިއަދު ވެސް މީހަކު މަރުވެފައިވާ އިރު ޖުމްލަ އަދަދު ވަނީ 19 އަށް އަރައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުރާ
26 April 2023
ބަލިފެތުރޭއިރު، އަދިވެސް އެޑިއުކޭޝަން އިން އަންގާކަށްނުވޭތަ ދަރިވަރުން ސްކޫލަށް ދާއިރު މާސްކު އަޅަން؟ މިހާރު އޮންނަނީ ޑަކުޓަރެއްގެ ލިޔުމަކާނުލާ މާސްކު އެޅުން މަނާކޮށްފަ ސަރުކާރު ސްކޫލްތަކުގައި
ބުޅާ ދޮން
04 August 2020
ގޭގަ ތިބިއްޔާ ކީއްތަވަނީ؟ 1 މަސް އެއީ ހާދަކުޑައޭ. ތިމާ އަދި އެހެންމީހުންގެ ރައްކާތެރިކަމަށް ވިސްނާލަބަލަ. ޙެޔޮނުވާނެ. ޢާދޭސްކުރަން
ސަލީމު އިދުރީސް
04 August 2020
ހުރިހާވެސް މައްސަލަޔަކީ މާލެ ކުރިން ތުރާކުނުން ބަލިޖެހުން މީހަވެސް މުޅިރަށައް ނުފެތުރި ރަގަޅުވި އަދި ނޮޅިވަމުވެސް ދެމިހުން އެގޮތައް ރަނގަޅުވި މާލެ ނޫން އެހެން ގޮތެއް ނުހޯދި މިގައުމުގެ ކުރިމަގެއްނެއް
ލޯމާފާން
04 August 2020
ސިއްހީ މުވައްޒަފުންނަށް މިހާ ރިސްކް ބޮޑު ދުވަހެއް ނާދޭ. އެކަމަކު ދޭން ވައުދުވި ފްރަންޓް ލައިން އެލަވަންސް އަދިވެސް ނުލިބޭ.
ބުޝްރާ
04 August 2020
ވެކްސިނެއް ނެތް، ވެކްސިނެއް ނެތް، ވެކްސިނެއް ނެތް. ބަޔަކު މީހުން މިއީ އާދައިގެ ރޯގާއެކޭ ބުންޏަސް ވެކްސިނެއް ނެތީމަ މި ބަލި އިންތިހާއަށް ބިރުބޮޑު. ވަކިން ބޮޑީ މުސްކުޅިންނާއި ތަފާތު މެޑިކަލް ކޮންޑިޝަން ހުންނަ މީހުން. އެހެންވީމަ ސަމާލުވެ ރައްކާތެރި ކަމުގެ ފިޔަވަޅު އަޅާ ހެޔޮނުވާނެ!
މުޑުދާރު ޕޮލިޓިކްސް
04 August 2020
ބަލަ މީކީ ތިބުނާ ވަރުގެ ބައްޔެއްނޫނޭ! އަމިއްލަ ޒާތުގަ 14 ދުވަހުން ރަނގަޅުވާ ބައްޔެއް ބޮޑު ނަފްސާނީ ބައްޔަކަށް ވެގެން ތިއުޅެނީ! ޗައިނާ އެއޮތީ އިގްތިސޯދު މެކުހަށް ނަގާހަ! މޮޔަ ސޮރުންނޭ! އާންމު ހާލަތުގާ ރީތިކޮށް ސާފްތާހިރުކޮށް އުޅެބަލަ! ގައުމު ހުއްޓުވާ ނުލާ ހިންގަބަލަ! ކޮންކަމެއް ތިޖައްސާ ވައްތަރަކުން ހާސިލްވަނީ؟ ރައްޔިތުން ހަނާ ވެއްޖެ! އުޅެން ނޭގުނު ބަޔަކު މަރުވާންވެސް ނޭނގޭނެ! ހުވަފެނުގާ ދުށީމު މިސަރުކާރު އަނގަވަތަށް ވެއްޓިގެން އުޅޭތަން!
މޮޔަވާހަކަ
04 August 2020
ތިބުނީ ޖެއްސުން ވާހަކަތަކެއް ކަމަށް ހީކުރަން!
ގައުމުގެ ހަލާކު
04 August 2020
މުޒާހަރާ ކުރި މީހުންނަށް ޖިނާއީ ދައުވާ ކޮށްދީ ހެޔޮނުވާނެ.. އަދި އާދައިގެ ރޯގާއެކޭ ކިޔާ އެޗްޕީއޭގެ އޮތޯރިޓީ ނަގާލަން ފަރުދުން އޮޅުވާލާ މާލެ ތެރޭ ހަލަބޮލި އެންމެންނަށްވެސް! އަވަސްކުރޭ! ލަސްނުކުރޭ!
ހާސަރު
04 August 2020
މިހާވަރަށް ޕޮޒިޓިވް ވާ މީހުންގިނަވަނީ ފަރުވާކުޑަވީމަ . ހަމަ އެއާއި އެކު މިހާރު ހުންއައިސް އަލާމާތް ހުރެގެން ފުލޫކުލިނިކަށް ދިޔައަސް ޓެސްޓްކޮށްނުދީ އެމީހާ ކައިރީ ބުނަނީ މަގުމަތިން ޓެސްޓްކުރަން! އަލާމާތް ހުރި މީހުން އަވަހަށް ޓެސްޓްކޮށް އެކަހެރި ކުރެވޭނަމަ މިހާރު މިގިނަވާ ވަރަށް ގިނައެއް ނުވާނެ. ޓެސްޓް ކެޕޭސިޓީ އިތުރުކުރެވިފަ ހުރި އިރު މަގުމައްޗައް އަލާމާތްހުރި މީހުން ނުކުމެ ޓެސްޓްކުރުވަން ހެޔޮނުވާނެ. ކަރަންޓީން ކުރަން އުދަގޫނަމަ ހޯމް ކަރަންޓީން ކުރޭ.
ފަހީމު
04 August 2020
ދިވެހިންނަކީ ކުރިން ވެރިންގެ ބަސްއަހާ އުޅުނު ބައެއް. އެކަމުގެ ނާޖައިޒު ފައިދާ ވެރިން ނެގި. ބަސް ނޭހުމާއި ހަޔާތް ކެނޑުވީ މިދެކަމުގެ ފައިދާ ނަގައިގެން ބަޔަކު މީހުން. އެކަހަލަ މީހުން މިހާރުވެސް ޑަކުޓަރުން ދައްކާ ވާހަކަތަކަށް ޖަހަނީ ޖޯކު.
ޚލމހ
04 August 2020
މއެ މީހެއްގެ ނަން ބުނަން ނުކެރި ތިހާ ދިގުކޮށް ކީއްވެ ލިޔަންވީ؟
މަކަރު ހަދަނީ ހެދެން އޮތްގޮތަކަށް
04 August 2020
ވެގެން އުޅޭ ގޮތަކީ ބޭރުން ފައިސާ ހޯދަން މަރަށް ތެޅެނީ! ކޮވިޑަށް ޓެސްޓު ކުރާ މެޝިނުން ޑޭޓާ ރީޑް ކުރާގޮތް ބަދަލުކޮށްގެން ސެކަންޑް ވޭވެއް ގެނުވީ! ކިރިޔާ ރޯގާއެއް ހުއްޓަސް ރެންޑަމްކޮށް ޕޮޒިޓިވް ދައްކާނެ މިހާރު! ސަރުކާރު އަތަކު އަދި ބޭރަކުން ފައިސާ އެއް އަތަކު ނުޖެހޭ! ދޭން ބުނި އެއްޗެއްވެސް ބޭރަކުން ނުދޭ! ނިކަން ދެންވެސް ތިހަދަން އުޅޭ ސަޕްލިމަންޓަރީ ބަޖެޓުން ސީދާ ރައްޔިތުންގެ 4 މަހުގެ ކަރަންޓު ބިލާ ފެންބިލުތައް ދައްކަބަލަ! ރައްޔިތުންނަށް ލުއި ލިބޭނެ!
ސަރީފު
04 August 2020
ދިވެއްސަކަށްވީތީ މަ ގަންނަނީ ލަދު. ކަރަންޓާއި ފެން ހިލޭ ދިނިއްޔާ އަހަރުމެން އެ ބޭނުންކުރާނީ ބަލައިގެންތަ؟ ބޭނުން ނުކުރާ އެތައް އެއްޗެއް ޖައްސާފަ ހުންނާނީ. ތަނަކުން ފެން ލީކުވިޔަސް ގޭގައި ދިޔަބޮޑު ނުވަންޏާ އެ ރަނގަޅުކުރާނެ ހިތްވަރެއް އަހަރުމެންގެ ނުހުރޭ. ޅުޔެއް ދިނީމަ އެކަން ބަލައިގަންނަން ނޭނގޭ ބަޔަކަށް ލުއި ދިނުމުގެ ބޭނުމެއް ނެތް.