ޑީޖޭއޭ: އެޑްމިނިސްޓްރޭޓަކުން ވަކިކުރަން ވަކި އުސޫލެއްގެ ތެރެއިން މަސައްކަތުގެ ފެންވަރު ބެލުމަށް ފަހު ކަމަށް ބުނޭ -- ފޮޓޯ/މިހާރު
04 އޯގަސްޓް 2020 - 18:47
11 comments
ބައެއް ކޯޓުތަކުގެ ޖުޑީޝަލް އެޑްމިނިސްޓްރޭޓަރުން ވަކިކުރަނީ ޖުޑީޝަލް ސާވިސް ކޮމިޝަން (ޖޭއެސްސީ) ގެ ގާނޫނަށް ގެނައި އިސްލާހުގެ ދަށުން، މިދިޔަ އަހަރު އެކުލަވައިލި އުސޫލެއްގެ ދަށުން މަސައްކަތުގެ ފެންވަރު ބެލުމަށް ފަހު ކަމަށް ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން މިއަދު ބުނެފި އެވެ.
ބައެއް ކޯޓުތަކުގެ ޖުޑީޝަލް އެޑްމިނިސްޓްރޭޓަރުން ވަކިކުރަން ނިންމުމުން އެކަމުގެ ކަންބޮޑުވުން އެ މީހުން ވަނީ ފާޅުކޮށްފަ އެވެ. މިހާތަނަށް 10 އެޑްމިނިސްޓްރޭޓަރަކު ވަކިކުރަން ޑީޖޭއޭ އިން އޮތީ ނިންމައިފި އެވެ.
އެކަމާ ގުޅިގެން ޑީޖޭއޭއިން ނެރުނު ބަޔާނެއްގައި ބުނީ، ޖޭއެސްސީގެ ގާނޫނަށް ގެނައި އިސްލާހުގެ ދަށުން ކޯޓުތަކުގެ ޗީފް އެޑްމިނިސްޓްރޭޓަރުން އައްޔަން ކުރުމާ ބެހޭ އުސޫލެއް ޑީޖޭއޭ އިން މިދިޔަ އަހަރު އެކުލަވައިލި ކަމަށެވެ. އެ އުސޫލު އާންމު ކުރިއިރު، ބައެއް ކޯޓުތަކުގައި އެޑްމިނިސްޓްރޭޓަރުން ތިބި ކަމަށެވެ. އެހެންވެ، ޗީފް އެޑްމިނިސްޓްރޭޓަރުންގެ މަސްއޫލިއްޔަތު ވަގުތީ ގޮތުން އެ މީހުންނާ ހަވާލުކުރި ކަމަށާއި އެ މުއްދަތުގެ ތެރޭގައި އެ މީހުންގެ މަސައްކަތް ހުރި ގޮތް ބެލުމަށް ފަހު، ވަކި ވަރަކަށް ވުރެ ދަށުން މާކްސް ލިބޭ މީހުން ވަކި ކުރެވޭނެ ކަމަށް، މިދިޔަ ޖޫން މަހު އަމަލުކުރި އުސޫލެއްގައި ބަޔާން ކޮށްފައިވާ ކަމަށް ވެސް އެ ބަޔާނުގައިވެ އެވެ.
ޑީޖޭއޭ އިން ބުނިގޮތުގައި، މަސައްކަތުގެ ފެންވަރު ބެލުމަށް ފަހު 70 ޕަސެންޓަށް ވުރެ ދަށުން މާކްސް ލިބުނު 10 އެޑްމިނިސްޓްރޭޓަރަކު ވަކިކުރަން ވަނީ ނިންމައިފަ އެވެ. ޝަރުއީ ދާއިރާގެ އެހެން ވަޒީފާއެއް އެ މީހުންނަށް ހަމަޖެހޭތޯ ބެލުމަށް ފަހު، އިތުރު ވަޒީފާއެއް ނެތް ނަމަ، އެ މީހުން ވަކި ކުރާނެ ކަމަށް ވެސް އެ އިދާރާ އިން ބުނެ އެވެ.
ކޯޓުތަކުގެ އެޑްމިނިސްޓްރޭޓަރުންނަކީ ކޯޓުތަކުގެ އިދާރީ ހިންގުމުގެ އެންމެ އިސް މުވައްޒަފުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަންރީތިބާބާސް އަދުރޭ
05 August 2020
މިހާރު ޖޭއެސްސީގައި އެތިއްބެވީ ރާއްޖޭގައި ތިބި އެންމެ ސިޔާސީ އަދި ކޯޓުތަކުގެ ކޮންޓްރޯލް އެންމެ ބޭނުންވާ މީހުން. ނަޝީދުއާއި ހިސާނު އެތަނުގެ ކޮމްޕޮސިޝަން ބަދަލުވިޔަ ނުދޭނެ!
ޢެމް.ޕީ
05 August 2020
މާކުސް ދޭ ޢުސޫލު ވުޖޫދައް އައީ އިއްޔެއޯ ބުނާތީ އަޑުއެހިން.
ހަނީފް
05 August 2020
ދާއިމީ ވަޒީފާތައް ކުއްލިއަކަށް ޕްރޮބޭޝަނަށް ބަދަލުވެ ކޮވިޑް ތެރޭ ވަޒީފާއިން ވަކިކުރީމަވެސް އެއީ ހަމަ ޙައްޤު މިންވަރުތޯ. މިކަން ކުރާއިރު ދުނިޔޭގަ ނެތްވަރުގެ ޑިމޮކްރަސީގެ ބައްޕަ ހުންނެވީ ޖޭއެސްސީގަ. ވަކާލާތު ކުރި އިސްވަކީލު ހުންނެވީ ޖޭއެސްސީގެ ރައީސަކަށް. ވަކީލުންގެ ޓީމް އޮތީ ޖޭއެސްސީގައި. ދެން ކޮން އުސޫލަކަށްތޯ ފެތުނީ
އައްބާސް
04 August 2020
ޣައިރު ގާނޫނީ ނިންމުމެއް. ކިހިނެއްހޭ ދާއިމީ ވަޒީފާގަ ތިބި ބަޔަކު މިހެން ވަޒީފަައިން ވަކިކުރާނީ؟ ވަރަށް ނުބައި ވެރިން ތިބޭ ތަނެއް. މިސާލު: ހަނީފް ކުރި ކަމެއްގެ ސަބަބުން ނަޒީރު ވަކި ކުރާނީ ކިހިނެއްހޭ؟ އަދި އަައްބާސް ކުރި ކަމެއްގެ ސަބަބުން މަސްތޫރު ވަކިކުރެވޭނެހޭ؟
އެޅިހާ ބަތަކަށް ރިހަ އުއްތަމަ
04 August 2020
ޖުޑީޝަރީގެ މުވައްޒަފުން ނަށް މިހުރިހާ "އަނިޔާއެއް" ކުރާއިރު އުއްތަމަ ފަނޑިޔާރު ކޮބާތަ؟ ހާދަ ދެރަ ކަމެކެވެ.
މުނާ މުހައްމަދު
04 August 2020
މަސައްކަތުގެ ފެންވަރު ބެލުމުން 70 ނުލިބުނީމާ އަދިވެސް ޖެހޭތަ އިތުރު ވަޒީފާއެއް ދޭން؟
ޢަލީ123
05 August 2020
މިމީހާ މިއީ ހާދަ ބޮޑަކަށް މުނާއާއި ޖެހިފަ ހުރިމީހެއްތާއެވެ. މީގެ ކުރީދުވަހުވެސް މުނާގެ ނަމުގައި ކޮމެންޓްކޮށްފަ އޮތީ އެންމެ ފަހަރަކު ދަށުގެ މުވައްޒަފުން މާސްދިނީމަ ކެނޑޭނީ ވަރަށް ފެންވަރުދަށްވީމަކަމަށް. އެގޮތަށް އެޕްރައިޒަލް ހަދާނަމަ ކިތަންމެ ރަގަޅުމީހަކުވެސް ކެނޑިދާނެ. އެޕްރައިޒަލް ޤަވާއިދު ނެރުނީ ޕްރަބޭޝަންވެސް ނިމުނީމަ.
ހީހޫ ތަނުން ކާ
04 August 2020
ކޯޓް ތަކުގެ ޤާނޫނަށް ގެނައިއިސްލާހުގެ ދަށުން ފުރަތަ ވަކި ކުރަން ޖެހޭނީ ޗީފްއެޑްމިނިސްޓްރޭޓަރ ޑރ ނަޒީރު ނޫން ބާއެވެ.ޤާނޫނުގައި ޗީފް ޖުޑިޝަލް އެޑްމިނިސްޓްރޭޓަރ އަލުން ޢައްޔަން ކުރަން ނެތް ބާއެވެ.
ނަޒީރު ޑރ
04 August 2020
ކުލަ ޖެހިފަތިބި މީހުން މިކަޑަނީ
އިސްމާއިލްފުޅުއ
04 August 2020
މިއީ ކަނޑައެޅިގެން ދޮގު
މުރަނާ
04 August 2020
އެ އުސޫލަކީ އެޑްމިނިސްޓްރޭޓަރު ފިޔަވަޅު އަޅާފައި ތިބި މުވައްޒަފުން ލައްވާ އެޑްމިނިސްޓްރޭޓަރުގެ އިވެލުއޭޝަން ހެދުންތޯ؟