05 އޯގަސްޓް 2020 - 23:46
34 comments
ދުބާއީގެ ކުންފުންޏަކުން ރާއްޖެ ގެންނަން ނިންމި 75 ވެންޓިލޭޓަރު ގެނައުން ލަސްވަނީ ވެންޓިލޭޓަރުތަކުގެ ފުރިހަމަ އަގު އެއްކޮށް ދެއްކުމަށް އެ ކުންފުނިން ޑިމާންޑް ކުރާތީ ކަމަށް އެޗްއީއޯސީން މިރޭ ބުނެފި އެވެ.
ނޫސްވެރިންގެ ބައްދަލުވުމުގައި "މިހާރު" އިން ކުރި ސުވާލަށް ޖަވާބު ދެއްވަމުން އެޗްއީއޯސީގެ ތަރުޖަމާން ޑރ. ނަޒްލާ ރަފީގް ވިދާޅުވީ، ވެންޓިލޭޓަރުތައް ނުގެނެވި ލަސްވެފައި ވަނީ އެ ތަކެތީގެ ފުރިހަމަ އަގު އެއްކޮށް ދައްކަން ދުބާއީ ކުންފުނިން އެދެމުންދާތީ ކަމަށެވެ. ނަމަވެސް އެގޮތަށް ނުހަދައި ފައިސާގެ ކަންކަން ނެގޯޝިއޭޓް ކުރުމަށް ހެލްތު މިނިސްޓްރީން މަސައްކަތް ކުރަމުން އަންނަ ކަމަށް ޑރ. ނަޒްލާ ވިދާޅުވި އެވެ.
ޑަބްލިއުއެޗްއޯގެ ރިކޮމެންޑޭޝަންގައި ހިމެނޭ ދުބާއީގެ ކުންފުންޏެއް ކަމަށްވާ އެގްޒެކިއުޓާސް ޖެނެރަލް ޓްރޭޑިން އަށް 75 ވެންޓިލޭޓަރު ރާއްޖެ ގެނައުމަށް ހަވާލުކުރި އިރު ސަރުކާރުން ވަނީ މިކަމަށް 30 މިލިއަން ރުފިޔާ ހަރަދުކޮށްފަ އެވެ. ވެންޓިލޭޓަރުތަކުގެ ޖުމްލަ އަގަކީ 34 މިލިއަން ރުފިޔާ އެވެ.
ވެންޓިލޭޓަރުތަކުގެ އަގުން 75 ޕަސަންޓު ފައިސާ ދައްކާފައިވީ ނަމަވެސް މިހާތަނަށް ރާއްޖެ ގެނެސްފައި ވަނީ 10 ވެންޓިލޭޓަރެވެ. މައުލޫމާތު ލިބިފައިވާ ގޮތުގައި އެ 10 ވެންޓިލޭޓަރަކީ ވެސް ކޮވިޑް-19ގެ ފަރުވާ އަށް ބޭނުންކުރުމަށް ޝަރުތު ހަމަވާ ވެންޓިލޭޓަރުތަކެއް ނޫނެވެ.
މި ވެންޓިލޭޓަރުތައް އެންމެ ލަސްވެގެން ވެސް މިދިޔަ މޭ މަހުގެ ފަހުކޮޅު ލިބޭނެ ކަމަށް ސަރުކާރުން ކުރިން ބުނި ނަމަވެސް ދެ މަސް ފާއިތުވެފައިވާއިރު އަދިވެސް ވެންޓިލޭޓަރުގެ މާބޮޑު އަޕްޑޭޓެއް ލިބިފައެއް ނުވެ އެވެ.
ކޮވިޑް-19އާ ގުޅިގެން ސަރުކާރުން ފެށި ތައްޔާރީތަކުގައި އެކި ކުންފުނިތަކުން 149 ވެންޓިލޭޓަރު ރާއްޖެ ގެނައުމަށް ހަވާލުކޮށްފައި ވެއެވެ. އެއީ ނާޑު ޕްރައިވެޓް ލިމިޓެޑް 24 ވެންޓިލޭޓަރު، މެޑްޓެކް މޯލްޑިވްސް ޕްރައިވެޓް ލިމިޓެޑް 50 ވެންޓިލޭޓަރާއި އެގްޒެކިއުޓާސް ޖެނެރަލް ޓްރޭޑިން އިން 75 ވެންޓިލޭޓަރެވެ.
ކޮވިޑް-19ގެ ފަރުވާއަށް ބޭނުންކުރެވޭނެ 124 ވެންޓިލޭޓަރު މިހާރު ވެސް ރާއްޖޭގައި އެބަހުރި ކަމަށް އެޗްއީއޯސިން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫބެއްޔާ
07 August 2020
4 މިލިއަން އާއި ހެދި ނެގޯޝިއޭޓް ކުރުންތޯ ނުވަތަ ވެންޓިލޭޓަރތޯ މުހިއްމީ. ޒިންމާދާރުކަމެއް ނެތް ޖަވާބެއް ދެއްވީމާ ރައްޔިތުމީހާގެ ސުވާލު ގިނަވާނެ. މަމެން ސްޓްރެސް ބޮޑުވާނެ. ބޭކާރު ކޮމެންޓްތައްވެސް ކުރެވޭނެ،.
އަސްތާރު
06 August 2020
ނަޒުލާވެސް ބުރަކޮށް މި އުޅުއްވަނީ ކޮންމެ ގޮތެއް ހަދާގެންވެސް ސަރުކާރު ދިފާއުކުރުމުގައި. ރިއަލިޓީ ހާމަކޮށްދޭކަށް ބޭނުމެއް ނުވޭ. ބައެއް ނޫސްތައްވެސް ހަމަ މިހެން. ބުރަކޮށް ސަރުކާރު ދިފާއުކުރުމުގައި. މި އޮތީވާ ގައުމެއް.
އަޅުކަލޭގެ
06 August 2020
ވެދާނެ ދޯ ނަޒްލާއެއް ނޫންކަން މައްސަލައަކީ.. ވެދާނެ ދޯ ތިމާ އަމިއްލައަށް ސިޔާސީ ވެފައި ހުންނަ ވަރުން ކޮންމެ މީހަކު ކޮންމެ ވާހަކައެއް ދެއްކިޔަސް ސިޔާސީ އައިނަކުން އަހަރަމެންނަށް ބެލެނީކަމަށް؟!
ހަގީގަތްް އޮތް ގޮތް
06 August 2020
"ބައިވަރު ވައްތަރު ހުންނަ އެއްޗެއް، އަޅުގަނޑުމެން ބޭނުންވެގެން މިއުޅެނީ އޭގެ އެއް ވައްތަރެއް. އޭތި ދުނިޔޭގައި މަދީ. ދެން ރަނގަޅަށް ޓްރަސްޓެޑް ބްރޭންޑްތައް ވެސް މަދުވެގެން މި އުޅޭ އެއްޗަކީ،" މަބްރޫކް ވިދާޅުވި އެވެ. - 15 ޖޫން 2020
ޑރފަލަޑޭ
06 August 2020
އެއްވެސް ތަނަކުން ފެންފުޅިއެއްވެސް ފައިސާ ނުދީނުގެންދެވޭ. ފައިސާ ނެތިއްޔާ ގަންނަންނޫޅެ ސަލާންޖަހަންވީނުން އެތިބަ އެމްބަސީތައް މެދުވެރިކޮށް. އެތިބެނީ އެއްވެސް ކަމަކާނުލާ ގިނަމީހުން އެތަން ތަނުގަ. ގިނަ އެމްބަސީތަކުގަތިބީ ސީވީ ރީތިކުރަންގޮސްފަ ތިބިމީހުން
މުހައްމަދު25
06 August 2020
މިއީ މުޅިން ފެއިލްވެފައިވާ ސަރުކާރެއް، ތިކަމުގައިވެސް ކަރަޕްޝަން އޮއްވަރު އެގޭނީ ވެރިކަންނިމުނީމާ ރައްޔިތުންނައް ... އިބޫ ފެއިލްވެއްޖޭ...އިސްތިއުފާދީފާ ގޭގަ އޮވެބަލަ..
ޢޭއެމް
06 August 2020
އޯގާތެރިކަމައްދައުވާކުރާސަރުކާރުން ދިވެހިންނައް މިވަގުތު ބޭނުންވާ ވެންޓިލޭޓަރ 7 މަސްދުވަސްވީއިރުވެސް ނުގެނެވުނު! އުޒުރުތައް ނުދައްކާ ދިވެހިންނައް ބޭސްފަރުވާ ޔަގީން ކޮއްދެއްވާ!! ނޫނީ 2012 ވަނައަހަރު ހެދިގޮތައް ހައްދަވާ!
މިވަރެއްނެތް
06 August 2020
މިވެރިން ލަދުހަޔާތުގެ ކަންފުޅެއްވެސް ނެތްދޯ؟ ދެއްކޭ ނުދެއްކޭ ވާހަކައެއްވެސް ނޭގޭދޯ؟ ބަލަގަ ތި ވެންޓިލޭޓަރުތަކަކީ ދިވެހިން ކޮވިޑުން މަރުވެދާނެކަމުގެ ބިރު ބޯމަތިވެފަ އޮތްއިރު އަވަހަށް ގެންނަން އޯޑަރުކުރި އެއްޗެއް ނޫންތަ؟ އެފަދަ ކަންކަން ހަވާލުކުރަންވާނީ ތަޖްރިބާތިބި ބަޔަކާ ނޫންތޯ؟ އޭޑީކޭ ނުވަތަ ޓްރީ ޓްޕާއި ހަވާލުކުރިނަމަ ޔަގީނުންވެސް ތިތަކެތި ލިބޭނެ. އެމީހުނެއް ނުފިލާނެ. ކަޓުގެ ގޮތުގައި ބޮޑުންނަށް ދޭންޖެހޭ އެއްޗެހި ދިވެހިންވެސް ދޭންއެނގޭނެ ދޯ؟
ހަސަންފުޅު
06 August 2020
ލޮކުޑައުން ތެރޭ ހުރިހާ ވަޒީރުންގެ ކާރުކޮޅުތަށް އާވި.. އަދި ކޮންމެ ކާރުކޮޅަކަށް ބަންގާޅު ޑުރައިވަރެއްލެވުނު.
ބޯވަޅުލިބާސް
06 August 2020
ޢަމީން ބޮޑުމާޖެހި ގަމީސް ލައިގެން ފިލްމު ކުލުއްއްވުން މާރަގަލުވާނެ
ނާޒީރު
06 August 2020
މިހާރު ދެން ތި މާ ބޮޑަށް ޒާތީވަނީ. ފިލްމެއް ކުޅުނަސް އޭނާ ހަމަ ސަޅި ވާނެ، ވަރަށް ސަޅި މީހެއް އެހަމަ
ފަޤީރުކޮއެ
06 August 2020
މަކުރިން ހީކުރީ އަމީނުގެ ބޮޓުތަކަށް ޙަރަދުކުރާތީކަމަށް ވެންޓިލޭޓަރުތައް ނުގެނެވިގެން މިއުޅެނީ. އެކަމު މިހާރު އިނގިއްޖެ. ސައޫދީ ރަސްގެފާނުފެންވަރަށް އޮފީސްކޮޅާ ދިރިއުޅުއްވާ ގަނޑުވަރުކޮޅު ތައްޔާރު ކުރާތީކަން ވެންޓިލޭޓަރުތައް ނުގެނެވިގެންމިއުޅެނީ.
ހަމަ ނެތޭ
06 August 2020
ދިރިއުޅުއްވާ ގަނޑުވަރޭ؟ ހެލްތު މިނިސްޓްރީއަކީ އޭނަގެ އަމީނުގެ ތަ؟ މަ ކުރީގައި ހީކުރީ ތި ބޮލުގައި ތެތްކަމެއް ހުއްޓޭ، އެކަމަކުބ ހަމަ ނެތޭ ހަމަ ނެތޭ ހަމަ ނެތޭ ހަމަ ނެތޭ
ފަޤީރުކޮއެ
06 August 2020
ރައީސް މިމައްސަލަ ބައްލަވާދެއްވުން އެދެން! އަޅުގަނޑު ފާޑުކިޔަން ރައީސަށް، މަޖިލިސް ރައީސަށް، ރައީސް މަޢުމޫނަށް، ރައީސް ޔާމީނަށް. މިއީ ރާއްޖޭގެ ގިނަ ރައްޔިތުން ތާޢީދުކުރާ ބޭފުޅުންނަކީ މިބޭބޭފުޅުންގެ ސަޕޯޓަރުން ފުންމަ ފުންމައިގެން ނާދޭ. އެކަމަކު އަމީންއޭ ކިޔާފަ ޝަކުވާއެއްކޮށްފިނަމަ ބޮޓުތައް ފުންމަ ފުންމާއިގެންއާދޭ. މީ ހެލްތުގެ ބަޖެޓުން ކިހާވަރެއް ޚަރަދުކޮށްގެން ކުރާކަމެއްތޯ ރައީސް ބައްލަވާދެއްވާ!