ކޮވިޑް ޖެހިގެން އައިސީޔޫގައި އަށް މީހަކަށް ފަރުވާދެނީ

ހުޅުމާލެ މެޑިކަލް ފެސިލިޓީގައި މެޑިކަލް އިކުއިޕްމަންޓުތައް ބަހައްޓާފައި.-- ފޮޓޯ: އެސްޓީއޯ

ޝުރުފާ މުހައްމަދު، މިހާރު

06 އޯގަސްޓް 2020 - 11:04

ކޮވިޑް-19 ޖެހިގެން ހާލު ބޮޑުވެގެން ހޮސްޕިޓަލްތަކުގައި އެޑްމިޓް ކޮށްގެން ފަރުވާދޭ މީހުންގެ ތެރެއިން އަށް މީހަކު ބާއްވާފައި ވަނީ އައިސީޔޫގައި ކަމަށާއި އެކަކު އޮތީ ވެންޓިލޭޓަރުގައި ކަމަށް އެޗްއީއޯސީން ރޭ ބުނެފި އެވެ

އެ ސެންޓަރުގެ ތަރުޖަމާން ޑރ. ނަޒްލާ ރަފީގް، މީޑިއާ ބްރީފިންގައި ވިދާޅުވީ، މިހާރު އެޑްމިޓްކޮށްގެން ފަރުވާދެމުން އަންނަނީ 110 މީހަކަށް ކަމަށެވެ.

ހާލު ބޮޑުވެގެން އައިސީޔޫގައި ފަރުވާދޭ އަށް މީހުންގެ ތެރެއިން ހަ މީހަކު ބާއްވާފައި ވަނީ ހުޅުމާލޭ މެޑިކަލް ފެސިލިޓީގައި ކަމަށާއި ބާކީ ދެ މީހުން ތިބީ ދަރުމަވަންތަ ހޮސްޕިޓަލްގެ ޑީއެޗް-11 ގައި ކަމަށް ޑރ. ނަޒްލާ ވިދާޅުވި އެވެ. ވެންޓިލޭޓަރުގައި އޮތް މީހާ އަށް ފަރުވާ ދެނީ ހުޅުމާލޭ މެޑިކަލް ފެސިލިޓީގަ އެވެ.

ޑރ. ނަޒްލާ ވިދާޅުވީ، އެޑްމިޓް ކޮށްފައިވާ މީހުންގެ ތެރެއިން ހަ މީހަކަށް ފަރުވާ ދެނީ ދަރުމަވަންތަ ހޮސްޕިޓަލްގެ ޑީއެޗް-16 ފެސިލިޓީގައި ކަމަށެވެ. އަދި ހުޅުމާލޭ މެޑިކަލް ފެސިލިޓީގައި 85 މީހަކަށް ށ. ފުނަދޫ ކޮވިޑް ފެސިލިޓީގައި އެކަކު، ބ. އޭދަފުށީ ކޮވިޑް ފެސިލިޓީގައި ވެސް އެކަކަށް ފަރުވާދެމުން އަންނަ ކަމަށް އޭނާ ވިދާޅުވި އެވެ.

ރާއްޖެއިން މިހާތަނަށް 4،595 މީހަކަށް ކޮވިޑް ޖެހިފައިވާއިރު، އޭގެ ތެރެއިން 2،706 މީހަކު ވަނީ ރަނގަޅުވެފަ އެވެ. މިހާރު ފަރުވާދެމުން އަންނަނީ 1،854 މީހަކަށެވެ. އަދި 19 މީހުން ވަނީ މަރުވެފަ އެވެ.

މާލޭގައި ކޮވިޑް-19 އެންމެ ފުރަތަމަ ފެތުރެން ފެށި އިރު މި ބަލި ޖެހުނު މީހުންގެ ތެރޭގައި ގިނައީ ބިދޭސީންނެވެ. ނަމަވެސް ލޮކްޑައުން އަށް ލުއިތައް ދީ، އާންމުކޮށް ތަންތަން ހުޅުވައިލި ފަހުން ބަލި ޖެހޭ މީހުންގެ އަދަދު ވެސް އިތުރުވެ، ދިވެހިންގެ އަދަދު މިހާރު ވަނީ ގިނަ ވެފަ އެވެ. މިހާތަނަށް 2،410 ދިވެއްސަކު ވަނީ ކޮވިޑަށް ޕޮޒިޓިވްވެފަ އެވެ.

ލޮކްޑައުންގެ ލުއިތަކާ އެކު، ރާއްޖޭގައި ކޮވިޑް ފެތުރޭ ވަރު މައްޗަށް ދާތީ އަނެއްކާ ވެސް ވަނީ ފިޔަވަޅުތައް އަޅަން ފަށައިފަ އެވެ. އޭގެ ތެރޭގައި މާލެ ސަރަހައްދު އަދި ބަލި ޖެހިފައިވާ އެހެން މީސްމީހުން ތިބި ރަށްރަށުގައި މާސްކު އަޅަން މަޖުބޫރު ކުރުމާއި މާލެ ސަރަހައްދުގެ ސްކޫލްތައް ދެ ހަފުތާ އަށް ބަންދު ކުރުމާއި މިދިޔަ އަންގާރަ ދުވަހުން ފެށިގެން މިއަދުގެ ނިޔަލަށް ސަރުކާރުގެ އޮފީސްތައް ބަންދުކުރުން ހިމެނެ އެވެ. އަދި މާލޭ ސަރަހައްދުގައި ރޭގަނޑު 10 އިން ފަތިހު 5 އަށް ބޭރުތެރެއަށް މީހުން ނުކުމެ އުޅުން ވަނީ މަނާކޮށްފަ އެވެ. މާލޭ ސަރަހައްދުގެ ކެފޭ/ރެސްޓޯރަންޓުތަކާއި ފިހާރަތައް ވެސް ކޮންމެ ރެއެއްގެ 9:30 އިން ފެށިގެން މިހާރު ބަންދެވެ.

ހެލްތު ޕްރޮޓެކްޝަން އެޖެންސީ ދަރުމަވަންތަ ހޮސްޕިޓަލް ސިއްހަތު ބަލިތައް އެޗުއީއޯސީ ޑރ. ނަޒްލާ ރަފީގް (އެޗްޕީއޭ)

12 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސްކިޕަރ

06 August 2020

މަޖިލިސް ބޮޑުމީހާ ދަނީ ކޮވިޑު 19 އަކީ ވަރަށް އާދައިގެ ރޯގާއެއްކަމަށް ބުނެ އަދިވެސް ސިއްރު ހަޅުތާލެއް ކުރަމުން. ޓްރަމްޕާ، ބްރެޒިލް ރައީސާއި، ނަށީދުއާއި މިއީ އެއް ލީގެއް. އަހަރުމެން ދަންނަ އެމް.ޑީ.ޕީ ނިމިގެން ހިނގައްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ހަސަނު

06 August 2020

އެޗް.ޕީ.އޭ އަދި ހެލްތް މިނިސްޓްރީގައި ތިބި ވާނުވާ ނޭގޭމީހުން އިސްތިޢުފާ ދޭކައްނުވޭތޯ. ނޫނީ މަޤާމުން އެކަހެރި ކުރާކަށް ނުވޭތޯ. ތިއޮތޯ އެސް.އޯ.ޕީ އެއް ހެދިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްރޯ

06 August 2020

شفاهم الله جميعا عاجلا

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސްލިމުއަޙެއް

06 August 2020

އަވަސް ޝިފާއެއް މިންވަރުކުރައްވާށި! އެކަމަކު ދެންމިވަރު ވާއިރު ލޮކްޑައުން ކޮށްބަލަ! އާދޭސް ކޮށްފަ މިބުނަނީ! މާލޭ އަރާނުފޭބޭ ގޮތް ހަދާލަބަލަ 20 ވަރަކަށް ދުވަހަށް! އިންޝާ ﷲ ސުންނަތުގަ އެއޮތީ ފެންނާށޭ! މިހެން ހަދަން! ކާފަރުންނަށް ކަރުބުޑުން ބަވާއިރު، އިސްލާމްދީނުގެ ކަންކަން އެމީހުން މާރަނގަޅަށް ތަންފީޒުކުރޭ އަހަރެމެން ނަމުން މުސްލިމުންނަށްވުރެ! ވިސްނާ ފިކުރުކޮށްބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު.

06 August 2020

500 ޓުއަރިސްޓުން ގެންނަން މަހުޖަނުންގެ ނުފޫޒުން ރައްޔިތުން ކުރުވި ގުރުބާނީ. މީކީ ޒަމާންތަކަކަށް ދާންދެންވެސް ދިވެހިން މިކަންކުރި މީހުންނަށް މާފް ނުކުރާނެކަމެއް. ކުރިޔަށް އޮތް އިންތިހާބުތަކުގެ ނަތީޖާ އައީމާ އެންމެންނަށްވެސް ފެންނާނެ މިބުނިތަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯރޭޭ

06 August 2020

މިއީ ކަލޭމެން ކުރި މުޒާހަރާގެ ނަތީޖާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާ ބާ

06 August 2020

ކޮންގޮތަކަށް ބަލާފަބާ ދަރުމަވަންތައިގަ ބައެއް މީހުން ބައިތިއްބާފަ އަނެެއްބައި މީހުން ހުޅުމާލެ ފެސިލިޓީގަ ބާތިއްބަނީ. އެންމެ ހާލުބޯޑު ވެންޓިލޭޓަރަށްލި ބަލިމީހާވެސް ތިބުނަނީ އޮތީ ހުޅުމާލެ ފެސިލިޓީގައޭ. ބޮޑު ކެކުރި ކުޑަކެކުރި ވަނީބާ. އެއްތަނެއްގަ އެންމެން ބޭތިއްބީމަ ޑޮކްޓަރުންގެ ޓީމަށް ވެސް ފަސޭހަވެ، އެންމެނަށް އެއް ހަމައަކުން ފަރުވާކުރެވޭނެހެން ހީވަނީ. ފުރިގެން ބަންޑުންވަނީބާ ނޫނީ އެހެންފަރުވާ ބޭނުންވާ މީހުން ދަރުމަވަންތައަށް ލަނީބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެޔޮ ވިސްނާ

06 August 2020

މި ބަލީގައި ވާގޮތަކީ ފުރަތަމަ ޕޮއިޓިވް. ދެން އައިޝޮލޭޓެޑް.ދެން ޢެޑްމިޓް.ދެން އައިސީޔޫ އަށް.ދެން ވެންޓިލޭޓަރ އަށް.ދެން ޤަބުރުސްތާނު އަށް..މިހެން ނެވެ. މި ބައްޔަކީ ނަރުހުން ނާއި ޑަކްޓަރުން ލޯބިން ފަރުވާ ދޭ ބައްޔެއް ނޫނެވެ. ދަރިންނަށް ނުވަތަ އާއިލާ މީހުނަށް އެހީތެރި ވެވޭ ބަެްޔެއް ނޫނެވެ. ޔާ ﷲ. މި ބަލިމަޑުކަމުން އަޅަމެން ރައްކާތެރި ކުރައްވާންދޭވެ އެވެ. އަޅަމެންގެ ޤައުމު އަމާން ކުރައްވާން ދޭވެއެވެ.އާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަަައަހުމަދު ޗައިނާ

06 August 2020

ސިޔާސީ ޕާރޓީ އަކުން ކޮށްގެން ނުވާނެ ވަރު ކަމެއް، ޕީ.އެން.ސީ ގެ އަދުރޭ ކޮށްފި. ޕީ.ޕީ.އެމްގެ ރަޢީސް ޖަލުގައި އޮންނަވައިގެންވެސް މިކަން ކުށްވެރިކޮށްފި. އިލެކްޝަނުން އަދުރޭ ޖޫރިމަނާކުރަން ޖެހޭނެ.