އަމީން މިއަދު މަޖިލީހުގައި: މި ހާލަތަށް ބޭނުންވާ ވަސީލަތްތައް އެބަހުރި ކަމަށް ވިދާޅުވި -- ފޮޓޯ/މަޖިލިސް
12 އޯގަސްޓް 2020 - 11:38
27 comments
ކޮވިޑް-19 އާ ގުޅިގެން ހާލަތަށް ބޭނުންވާ މިންވަރުގެ ވަސީލަތްތައް އެބަހުރި ކަމަށް ހެލްތު މިނިސްޓަރު އަބްދުﷲ އަމީން މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރުން ވަނީ ކޮވިޑް-19 އާ ގުޅިގެން އަޅަމުންދާ ފިޔަވަޅުތަކާއި ވަސީލަތްތަކާ ބެހޭގޮތުން އަމީންއާ ސުވާލު ކުރައްވައިފަ އެވެ. އަދި ރާއްޖެއިން ބޭރުން ގެންނަން އޯޑަރު ދިން ވެންޓިލޭޓަރުތަކާ ބެހޭގޮތުން ވެސް ބައެއް މެމްބަރުން ސުވާލު ކުރެއްވި އެވެ.
އެކަމާ ގުޅިގެން އަމީން ވިދާޅުވީ ކޮވިޑް-19 އާ ގުޅިގެން ބޭނުންވާ ވަސީލަތްތައް ހިމެނޭ ނޭޝަނަލް ރިކުއަޔަމެންޓް ލިސްޓެއް ސަރުކާރުން އެކުލަވާލި ކަމަށާއި އެ ލިސްޓުގެ ތެރެއިން ބޭނުންވާ ތަކެތި ހޯދުމުގެ މަސައްކަތް އެންމެ ފުރަތަމަ ދުވަހުން ފެށިގެން ކުރަމުންދިޔަ ކަމަށެވެ. އަދިވެސް ބައެއް ތަކެތި ލިބުމުގައި ދަތިިތަކެއް ހުރި ކަމަށާއި އެކަމަކު މި ވަގުތަށް ބޭނުންވާ ވަރަށް ވަސީލަތްތައް އެބަހުރި ކަމަށް އަމީން ވިދާޅުވި އެވެ.
"ވެންޓިލޭޓަރު ހޯދުން ކަމަށް ވިޔަސް އަދި އެހެން ބައެއް ވަސީލަތްތައް ހޯދުން ކަމަށް ވިޔަސް، ހޯދުމުގައި ގޮންޖެހުންތައް ދިމާވި. މި ވަގުތު މިހާރު މި އޮތް ހާލަތަށް ބޭނުންވާ ވަސީލަތްތައް އެބަހުރި،" އަމީން ވިދާޅުވި އެވެ.
އަމީން ވިދާޅުވި ގޮތުގައި ވެންޓިލޭޓަރުގެ އިތުރުން މާސްކާއި ބޭސް ވެސް އެންމެ ފުރަތަމަ އޯޑަރު ދިން އަދަދަށް ލިބިފައެއް ނުވެ އެވެ. އަދި ބަޖެޓްގެ ދަތިތަކެއް ހުރި ކަމުގައި ވިޔަސް، މި ވަގުތު އިސްކަން ދެނީ ރައްޔިތުންގެ ފުރާނަ ސަލާމަތް ކުރުމަށް ކަމަށް ވެސް އޭނާ ވިދާޅުވި އެވެ.
އޯޑަރު ދިން ބައެއް ތަކެތި ނުލިބޭ ކަމަށް އަމީން ވިދާޅުވިއިރު، ޑުބާއީ ކުންފުންޏަކާ ހަވާލުކޮށްގެން ރާއްޖެ ގެންނަން ނިންމި 75 ވެންޓިލޭޓަރުގެ ތެރެއިން 45 ވެންޓިލޭޓަރު މިދިޔަ މެއި މަހު ލިބޭނެ ކަމަށް ސަރުކާރުން ފުރަތަމަ އިއުލާންކުރި އެވެ. އެކަމަކު އެ ތަކެތީގެ ޖުމްލަ އަގު ނުދައްކާތީ ކަމަށް ބުނެ އެ ތަކެތި އަދިވެސް ލިބޭ ގޮތެއް ނުވެ އެވެ. ސަރުކާރުން މިހާތަނަށް ވަނީ އެތަކެތި ގެންނަން 30 މިލިއަން ރުފިޔާ ދައްކައިފަ އެވެ.
ކޮވިޑް-19 އަށް ރާއްޖެއިން ޕޮޒިޓިވްވާ މީހުންގެ އަދަދު އަނެއްކާ ވެސް އިތުރުވެ، ޕޮޒިޓިވްވާ ދިވެހިންގެ އަދަދު ވެސް ދަނީ އިތުރުވަމުންނެވެ. އެހެންވެ، ފިޔަވަޅުތައް ހަރުކަށި ކުރަން ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަންނާޑި
12 August 2020
ވަސީލަތް ގިނަކަމުން ކޮވިޑް ޓެސްޓްކުރަން ގުޅަނީ މަރުވެގެން ވަޅުލާފަހުން
ނަޝީދު.
12 August 2020
އެޖެންޑާ19ގަ ވީހާ ވައުދު ކޮބާ؟ ސަރުކާރުން ވިޔަފާރިކުރުން ހުއްޓާލަން ބުނިންތަ؟ ހުރިހާ އިންޕޯޓް ޑިއުޓީ ކަނޑާލަން ބުނިންތަ؟ އަނބިދަރިންގެ ހިސާބުތައް ހާމަކުރަން ބުނިންތަ؟ ހުޅުމާލެއާ ގުޅީފަޅުން ގޯތިދޭން ބުނިންތަ؟ އެލް.ޖީ.އޭ އޮވާލާ އަތޮޅާ ރަށުސަރުކާރަށް ބާރުތައް ބަހާލަން ބުނިންތަ؟ އިންޓަނެޓް އަގުހެޔޮކުރަން ބުނިންތަ؟ ކޮމިޝަންތަކެއް ހަދާ ތަހުގީގުތަކެއް ހާމަކުރަން ބުނިންތަ؟ ވަޒީފާ ގެއްލުވާލިމީހުންނަށް ވަޒީފާ ދޭން ބުނިންތަ؟ ހައްގުމިންވަރު ބާ މިފެންނަނީ؟!؟
ކުޅޭކުޅޭ
12 August 2020
ވަސީލަތްތަކަށްވެސް ކެތް ކުރެވޭނީ ނަޝީދުއާއި އަދުރޭ ދައްކާ މަގުން ނުހިގީމަ. ދިވެހި ރައްޔިތުން ވިސްނާ!
މުރޭ
12 August 2020
ފާއިތުވި 5 މަސް ދުވަހު ސިއްހީ ހިދުމަތްތެރިން ބުނަމުން ދިޔައީ ކިތަމެ ވަސީލަތެއް ހުއްޓަސް ވަކި ވަރަކަށް ވުރެ ކޭސްތައް ގިނަވެއްޖެ ނަމަ ސިސްޓަމަށް ނުކަތާނެ ވާހަކަ. އަދި ކޭސްތައް މަދު ކުރުމަށް ޒަރޫރީ ބޭނުމެއްގައި ނޫނީ ނުނިކުތުމަށާއި، ނިކުންނަ ނަމަ މާސްކު އެޅުމަށާއި، ގައި ދުރުކަން ބެހެއްޓުމަށް. އެކަމަކު ނަޝީދުފަދަ އުޅުމެއް ގޮތެއް ފޮތެއް ނެތް މީހުންގެ ސަބަބުން އަދަދުތައް އިތުރުވެ ސިސްޓަމަށް އޮބިނޯންނަވަރުވެސް ވެދާނެ. އެކަން އެހެން ވާން ނަޝީދު ބޭނުންވަނީ.
ޖުމްލަ ނަތީޖާ
12 August 2020
ހެލްތު މިނިސްޓަރު: އޭ ރިޕޯޓް، ނަޝީދު: އެފް ރިޕޯޓް
ޒައިދު
12 August 2020
ވަސީލަތް އެބަހުއްޓޭ ކިޔާނެ ކަމެއް ނެތް. ވެންޓިލޭޓަރޭ ކިޔާފައި ރައްޔިތުންގެ ފައިސާ މިލިއަނުން ބަޔަކަށް ބަހާލާފައި. ލިބުނު ވެންޓިލޭޓަރެއް ނެތް. މިހެން ބުނާއިރަށް އަމީނުގެ މައުތުޕީސްތައް ބުނާނެ ވެންޓިލޭޓަރ ނެތިގެން މީހަކު މަރުވިހޭ. ބަލަ މީހުން މަރުވި ވާހަކައެއް ނޫން މި ދައްކަނީ. މިދައްކަނީ ރައްޔިތުންގެ ފައިސާއަށް ޚިޔާނާތްތެރިވާ ވާހަކަ. އޭގެ ލިޔެކިޔުންތައް ހާމަކުރަން ފަސްޖެހޭ ވާހަކަ. ބޮޑުތަނުން ފޭލު.
ދޮގުވެޑި
12 August 2020
ލާރި ނެގި ނަމަ އެ ގެންނަ ވާހަކަ ނުދައްކާނެދޯ؟ އަބަދު ރައްޔިތުންނަށް އޮޅުވާލާ ރޯ ބުހުތާން ދޮގު ހަދައިގެން މީހުންގެ އަގު ވައްޓާލަން ނޫޅެބަލަ.
ބިސްބެ
12 August 2020
މުޒާހަރާ ކުރޭ. އޭރުން ކަލޭވެސް ވެންޓިލޭޓަރާ ގުޅަން ޖެހޭނީ
މުދިމުބެ
12 August 2020
ހެލްތު މިސްރާބު ހިފާފައި ހުރީ އިންގިލާބީ ބަދަލަކާ ދިމާއަށްކަން ކަށަވަރުވޭ ފާއިތުވި އެއް އަަހަރުތެެރޭ އައިސްފައިވާ ކުރިއެރުން. ޕާޓީ މީހާ ނުވެގެން ނަޝީދު ކޮންމެ އެއްޗެއް ކިޔަސް މިނިސްޓަރ އަމީންގެ މަސައްކަތް ފުރިހަމަ.
މާހަލްދީބް
12 August 2020
އަ މީނޫ ރާއްޖެއަކީ ޓޫރިޒަމަށް ބަރޯސާ ވެފައިވާ ގައު މަކަށްވާއިރު ރާއްޖޭގެ ހުރިހާ ހޮސްޕިޓާތަކުން ކޮވިޑަށް ޓެސްޓް ކުރެވޭނެ އިންތިޒާ މް ހަ މަޖައްސަންޖެހޭ؟ މިހާރުވެސް ދުވާލަކު ފުރަންޖެހޭ 200 ޕަސެންޖަރުންގެ ޓެސް ނެހެދިގެން ތިޔާ އުޅުއްވަނީ. ދެންކިހިނެއް ޓޫރިސްޓް އެރައިވަލް އިތުރުކުރާނީ.
ބުހުތާންޓައްޕު
12 August 2020
މިއީ ދުނިޔޭގެ ކޮން ފަޅިއެއްގައި އުޅޭ މީހެއް؟ ދުނިޔޭގެ ކޮން ގައުމެއްގައި ހުރިހާ ހޮސްޕިޓަލަކުން ކޮވިޑް ޓެސްޓު ކުރަނީ؟ އެނގޭތަ ޕީސީއާރު މެޝިނެއް ލިބޭ އަގު؟ އެނގޭތަ އަދި މެޝިނެއް ލިބުނަސް އެ އޮޕަރޭޓް ކުރަންވެސް މީހުން ޓްރެއިން ކުރަން ޖެހޭކަން؟ އަމީނޭ އަމީނޭ ކިޔާއިރު މި އުޅެނީ މި ރާއްޖޭގައި ތިބި މަހުޖަނު ރިޒޯޓު އޯނަރުންނަަށްވެސް އޭގެ މެޝިނެއް ގެންނަން ނުކެރިގެން!
ބުހުތާންޓައްޕު
12 August 2020
މިއީ ދުނިޔޭގެ ކޮން ފަޅިއެއްގައި އުޅޭ މީހެއް؟ ދުނިޔޭގެ ކޮން ގައުމެއްގައި ހުރިހާ ހޮސްޕިޓަލަކުން ކޮވިޑް ޓެސްޓު ކުރަނީ؟ އެނގޭތަ ޕީސީއާރު މެޝިނެއް ލިބޭ އަގު؟ އެނގޭތަ އަދި މެޝިނެއް ލިބުނަސް އެ އޮޕަރޭޓް ކުރަންވެސް މީހުން ޓްރެއިން ކުރަން ޖެހޭކަން؟ އަމީނޭ އަމީނޭ ކިޔާއިރު މި އުޅެނީ މި ރާއްޖޭގައި ތިބި މަހުޖަނު ރިޒޯޓު އޯނަރުންނަަށްވެސް އޭގެ މެޝިނެއް ގެންނަން ނުކެރިގެން!
ވާނުވާ ނޭނގޭ އެދުރުން
12 August 2020
ކޮސްނުގޮވާ، ރާއްޖޭގެ 5 ސަރަހައްދެއްގައި ކޮވިޑް ސެންޓަރުތައް ގާއިމު ކޮށްދީ އެތަން ތަނުން ޓެސްޓު ކުރެވޭ ގޮތް ހަދައިދީފައި ހުންނާނީ މިހާރުވެސް.
އަހުމަދު321
12 August 2020
ޕީސީއާރު މެޝިނެއްގެ އަގަކީ 20 ـ30 ހީސް ޑޮލަރު ކޮވިޑްގެ ނަމުގައި އެތައް ބިލިއަނެއް ޚަރަދު ކުރިއިރު ރާއްޖޭގެ ކޮންމެ އަތޮޅަކުން ޓެސްޓް ހަދާނުލެވޭ. އެޓެސްޓް ހެދުމައް ސާމްޕަލްތައް އުފުލުމައް ޓްރާންސްޕޯޓައް އެތައް މިލިއަނެއް ޚަރަދުކޮށްފި. މީހުންނަށް ޓްރޭނިންދެވޭނެ ހަފްތާއަކުންވެސް. މިހާރު ދުވާލަކު 200 ޓޫރިސްޓުންގެ ޓެސްޓު ނަތީޖާ ނުހޯދިގެން މިއުޅެނީ. ދެން ކިނެއް ދުވާލަކު 5000 ޓޫރިސްޓުން ފުރުވާނީ.
އަދުރޭމޭން
12 August 2020
ރަނގަޅު. ޖަވާބު ދީފައި ބަހައްޓާ. ދިފާއުވުމުގެ ހައްގަކީ ނަޝީދަކަށް ނިގުޅައިގަނެވޭނެ އެއްޗެއް ނޫން، އެއީ ޤާނުނު އަސާސީއިން ކަށަވަރު ކޮށްދީފައިވާ ހައްގެއް. ހުދުމުހްތާރު ވެގެންގޮސް މިހާރު ހުރެވޭ ނުހުރެވޭ ހިސާބު ނޭނގޭ މީހެއް ނަޝީދަކީ.
ހަކީމް
12 August 2020
އެއި ތެދެއް ވަސީލަތް އެބަހުރި ... ހަތަރު ފަސް ދުވަސް ވާއިރުވެސް ޓެސްޓުގެ ނަތީޖާ އެއް ނުލިބޭ.
ޢެޗް އާރު
12 August 2020
ޥަސީލަތް ހުއްޓަސް ޓްރޭންޑް މީހުން ވެސް ބޭނުން ވާނެ.... އެއީ ގަނެވެން ހުރި ވަސީލަތެއް ނޫން.
މާހަލްދީބް
12 August 2020
އެޗްއާރު ރާއްޖޭގެ ކޮންމެ ހޮސްޕިޓަލެއްގަވެސް ލެބެއްހުރޭ. އެކަމަކު ކޮވިޑަށް ޓެސްޓެއް ނުކުރެވޭ. ޕީސީއާރ ޓެސްޓެއް ނެހެދޭ އެތަންތާތިބި ޓެކްނީޝަނުންނަށް އޮންލައިންކޮށްވެސް ތިޔަ ޓްރޭނިން ދެވިދާނެ 1 ހަފްތާއިންވެސް؟ މުޅިރާއްޖެއިން ދުވާލަކު 5000 ޓޫރިސްޓުން ޓެސްޓް ހަދައިގެން ފުރުވޭވަރަށް ވަސީލައް މުޅިރާއްޖޭގަ ގާއިމް ކުރަންޖެހޭ. ރާއްޖޭގެ ހުރިހާ ހޮސްޕިޓަލަކުން ޓެސްޓް ހެދެންޖެހޭނެ.