ޔާމީންގެ ސަރުކާރުގެ ފިނޭންސް މިނިސްޓަރުން ކަމަށްވާ ޖިހާދާއި މުނައްވަރު މިދިޔަ އަންގާރަ ދުވަހު މުޅި މަޖިލީހުގެ ކޮމިޓީގައި.---ފޮޓޯ: މަޖިލިސް
14 އޯގަސްޓް 2020 - 00:43
45 comments
ރައީސް އަބްދުﷲ ޔާމީންގެ ސަރުކާރުގެ ދެ ފިނޭންސް މިނިސްޓަރުން ކަމަށްވާ އަބްދުﷲ ޖިހާދާއި އަހުމަދު މުނައްވަރު އަދި ޓޫރިޒަމް މިނިސްޓްރީގެ އޭރުގެ ޑެޕިއުޓީ މިނިސްޓަރު ހުސައިން ލިރާރުގެ މައްޗަށް ދައުވާ ކޮށްދިނުމަށް އެދި އެންޓި ކޮރަޕްޝަން ކޮމިޝަން (އޭސީސީ) އިން ޕްރޮސެކިއުޓާ ޖެނެރަލްގެ އޮފީހަށް އިއްޔެ ފޮނުވައިފި އެވެ.
އެ ކޮމިޝަނުން ނެރުނު ބަޔާނެއްގައި ބުނީ، އެ ތިން ބޭފުޅުންގެ މައްޗަށް ދައުވާ ކުރަނީ ޓޫރިސްޓު ރިސޯޓު ތަރައްގީ ކުރުމަށްޓަކައި ވެފައިވާ ޖޮއިންޓް ވެންޗާ އެއްބަސްވުންތަކުގެ ދަށުން ސަރުކާރުގެ ހިއްސާ އެކުލެވޭ ގޮތަށް ސޮއިކޮށްފައިވާ ހަތް އެއްބަސްވުމަކާ ގުޅޭ މައްސަލައެއްގައި ކަމަށެވެ. އެއީ އެ އެއްބަސްވުމުގެ ދަށުން ތަރައްގީ ކުރުމަށް ނިންމާފައިވާ ރަށުގެ ޑިވެލޮޕްމަންޓް ފޭސް ފުރިހަމަ ވުމުން، އެއްބަސްވުމުގައި ހިމެނޭ އަމިއްލަ ހިއްސާދާރަށް ނުވަތަ އެ ފަރާތުން ކަނޑައަޅާ ފަރާތަކަށް، ސަރުކާރުގެ ހިއްސާ އެއްވެސް އަގަކާ ނުލައި ދޫކޮށްލަން ލާޒިމުވާ ގޮތަށް ‘ޕުޓް-ރައިޓް އޮޕްޝަން’ ހިމަނާފައިވާ ކަމަށް ބުނެ ކޮމިޝަނަށް ހުށަހެޅި މައްސަލައެއްގައި ކަމަށް އޭސީސީން ބުންޏެވެ.
ޔާމީންގެ ސަރުކާރުގައި ފަހުން ނައިބު ރައީސްކަން ވެސް ކުރެއްވި ޖިހާދުގެ އިތުރުން މުނައްވަރާއި ލިރާރުގެ މައްޗަށް ކުރަނީ ކޮރަޕްޝަން ހުއްޓުވުމާއި މަނާކުރުމުގެ ގާނޫނުގެ ދަށުން މަގާމުގެ ނުފޫޒު ބޭނުންކޮށްގެން ނާޖާއިޒު ފައިދާ ހޯދައިދިނުމުގެ ދައުވާ އާއި ދައުލަތަށް ފައިދާ ވާން އޮތް ކަމެއްގައި އެ ނޫން ގޮތަކަށް އަމަލުކުރުމުގެ ދައުވާ އަދި ދައުލަތުގެ މުވައްޒަފަކަށްވެ ހުރެ ރަސްމީ ހައިސިއްޔަތުން އޭނާގެ ވާޖިބު އަދާކުރުމުގައި އެނގި ހުރެ، ގާނޫނުގައި ހުއްދަ ކޮށްފައި ނުވާކަ ކަމެއް ކޮށްފައިވާ ކަމުގެ ދައުވާ އެވެ. އަދި ގާނޫނުލްއުގޫބާތުގެ ދަށުން ތިމާ އަށް ނުވަތަ އޭގެ ފައިދާ ލިބެން ނުޖެހޭ މީހަކަށް މަންފާއެއް ހޯދައިދިނުމުގެ މަގްސަދުގައި ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ ވެސް ކޮށްފައި ވެ އެވެ.
ޖިހާދާއި މުނައްވަރާއި ލިރާރުގެ މައްޗަށް އޭސީސީން ދައުވާކުރާ މައްސަލައިގައި ހިމެނޭ ހަތް ރަށަކީ ބ. ތިލަދޫ، ށ. ހުރަސްފަރު، ށ. ނާއިންފަރު، ރ. ފަސްމެންދޫ، ކ. އެނބޫދޫފިނޮޅު، ކ. ކޮއްދިއްޕަރުފަޅު (ދިއްދޫފިނޮޅު) އަދި ކ. ކޮއްދިއްޕަރުފަޅު (އަމީންގިރި) އެވެ.
އޭސީސީން ބުނީ، އެ ހަތް ރަށުގެ ތެރެއިން ތިލަދޫ ފިޔަވައި އެހެން ރަށްތަކަކީ ޓޫރިޒަމާ ބެހޭ ގާނޫނުގެ ފަސްވަނަ މާއްދާގެ ދަށުން ކުއްޔަށް ދޫކޮށްފައިވާ ރަށްތަކެއް ކަމަށެވެ. ތިލަދޫ ކުއްޔަށް ދޫކޮށްފައި ވަނީ ޓޫރިޒަމާ ބެހޭ ގާނޫނަށް އަށް ވަނަ އިސްލާހު ގެނައުމުގެ ފަހުން ކަމަށް އޭސީސީން ބުނެ އެވެ.
ޓޫރިސްޓު ރިސޯޓެއްގެ ގޮތުގައި ތިލަދޫ ތަރައްގީ ކުރުމަށް ކުއްޔަށް ދޫކުރުމަށް އޮކްޓޫބަރު 4، 2016 ގައި ފިނޭންސް މިނިސްޓްރީ އާއި އަމިއްލަ ކުންފުންޏަކާއެކު، ޖޮއިންޓު ވެންޗާ އެއްބަސްވުމެއްގައި ސޮއިކޮށް، އެ އެއްބަސްވުމުގައި "ޕުޓް-އޮޕްޝަން ރައިޓް" މާއްދާ ހިމެނި ނަމަވެސް، އެ މާއްދާ އިން އެއްބަސްވުމުގައި ހިމެނޭ އަނެއް ހިއްސާދާރަށް ސަރުކާރުގެ ހިއްސާ އެއްވެސް އަގަކާ ނުލައި ވިއްކައިލުމުގެ އިހުތިޔާރު ދީފައި ނުވާ ކަމަށް އޭސީސީން ބުންޏެވެ.
މުނައްވަރުގެ މައްޗަށް ދައުވާކުރަން ފޮނުވާފައި ވަނީ އެއްވެސް އަގަކާ ނުލައި ސަރުކާރުގެ ހިއްސާ އެހެން ފަރާތަކަށް ބަދަލު ކުރެވޭ ގޮތަށް އޭނާ އެއްބަސްވުމުގައި ސޮއި ކުރައްވާފައި ވާތީ ކަމަށް އޭސީސީން ބުންޏެވެ.
އޭސީސީން ބުނިގޮތުގައި، ތިލަދޫ ފިޔަވައި ބާކީ ހަ ރަށް ކުއްޔަށް ދޫކުރީ، ޓޫރިޒަމާ ބެހޭ ގާނޫނުގެ ފަސް ވަނަ މާއްދާގައި ބަޔާންކުރާ އިސްތިސްނާ ހާލަތުގެ ދަށުން އިއުލާނު ކޮށްގެން ކުއްޔަށް ދިނުމުގެ ބަދަލުގައި، ސަރުކާރު ހިއްސާވާ ގޮތަށް އުފައްދާ ޖޮއިންޓު ވެންޗާ އެގްރީމެންޓުތަކެއްގެ ދަށުން ހަދާ ޖޮއިންޓު ވެންޗާ ކުންފުނިތަކާއެކު ލީސް އެގްރީމެންޓް ހަދައިގެންނެވެ.
އޭސީސީން ބުނީ، އެ ރަށްތަކުގެ ލީސް އެކުއިޒިޝަންގެ ގޮތުގައި ސަރުކާރަށް ދައްކަންޖެހޭ ފައިސާ ދައްކާފައިވީ ނަމަވެސް، ޓޫރިޒަމާ ބެހޭ ގާނޫނުގެ ފަސް ވަނަ މާއްދާގައި ބަޔާންކުރާ އިސްތިސްނާ ހާލަތަކީ، އެ ހާލަތުގައި ސަރުކާރު ހިއްސާވާ ގޮތަށް އުފައްދާ ޖޮއިންޓް ވެންޗާގެ ދަށުން ޓޫރިސްޓު ރިސޯޓުތައް އޮޕަރޭޓް ކުރަން ފެށުމުން ސަރުކާރަށް ލިބޭ ކުލީގެ އިތުރުން ސަރުކާރުން ކުރާ އިންވެސްޓްމަންޓްގެ ބަދަލު ލިބިލިބި ހުރުމުގެ މުގާބިލުގައި ދެވޭ އިސްތިސްނާއެއް ކަމަށް ތަހުގީގަށް ގަބޫލުކުރެވޭ ކަމަށެވެ.
އޭސީސީން ބުނިގޮތުގައި، އެނބޫދޫފިނޮޅާއި ނާއިންފަރާއި ހުރަސްފަރާއި ފަސްމެންދު އާއި ކޮއްދިއްޕަރުފަޅާ ގުޅިގެން ހަދާފައިވާ ޖޮއިންޓު ވެންޗާ އެގްރިމެންޓުގެ ދަށުން ކުއްޔަށް ދޫކުރާ ރަށުގެ "ކޮންސްޓްރަކްޝަން އެންޑް ޑިވޮލޮޕްމަންޓް ފޭސް" ފުރިހަމަ ވުމުން، ޖޮއިންޓް ވެންޗާ ކުންފުނިތަކުގައި ހިމެނޭ ސަރުކާރުގެ ފަސް ޕަސެންޓް ހިއްސާ، ޖޮއިންޓް ވެންޗާ ކުންފުނީގައި ހިމެނޭ އަމިއްލަ ހިއްސާދާރަށް އެއްވެސް އަގަކާ ނުލައި ބަދަލުކުރޭވޭނެ ގޮތަށް "ޕުޓް-އޮޕްޝަން ރައިޓް" ހިމަނާފައިވާ ވެ އެވެ.
މި އެއްބަސްވުންތަކުގައި "ޕުޓް-އޮޕްޝަން ރައިޓް" މާއްދާ ހިމަނާފައި ވަނީ ބައެއް އިންވެސްޓަރުންނާ އެއްކޮށް ޓޫރިޒަމް މިނިސްޓްރީން މަޝްވަރާކޮށްގެން އެ މާއްދާ ހިމެނުމަށް އެއްބަސްވެގެންކަން ބައެއް ރަށްތަކަށް ކަން އިންވެސްޓަރުން ފޮނުވާފައިވާ ސިޓީތަކުން ހާމަވާ ކަމަށް އޭސީސީން ބުނެ އެވެ.
އޭސީސީން ބުނިގޮތުގައި، މި ހަ ރަށުގެ އެއްބަސްވުމުގައި ސަރުކާރުގެ ފަރާތުން ސޮއިކުރައްވާފައި ވަނީ އޭރުގެ ފިނޭންސް މިނިސްޓަރު ޖިހާދު ކަމަށް ވާތީ، އޭނާގެ މައްޗަށް ދައުވާކުރަން ފޮނުވީ އެވެ.
ޓޫރިޒަމް މިނިސްޓްރީގެ ކުރީގެ ޑެޕިއުޓީ މިނިސްޓަރު ލިރާރުގެ މައްޗަށް ދައުވާކުރަނީ ތިލަދު އާއި ހުރަސްފަރާއި ނާއިންފަރު، ޓޫރިސްޓް ރިސޯޓެއްގެ ގޮތުގައި ތަރައްގީކޮށް، ހިންގުމަށް އެ މިނިސްޓްރީ އާއި އަމިއްލަ ކުންފުންޏަކާ ދެމެދު ވި ލީސް އެގްރީމެންޓުގައި އޭނާ ސޮއި ކުރައްވާފައިވާތީ ކަމަށް އޭސީސީގެ ބަޔާނުގައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަނީރުމާ
15 August 2020
އޭރުގެ ޓޫރިޒަމް މިނިސްޓު ނުހިމެނޭ ދޯ ދައުވާގާ. ފަނި ވީމަ ވާގޮތެއްދޯ؟
ނުޒޫމިސް
14 August 2020
ދައްވާ ކުރަން ލަސްވެއްުޖެ
ޢަލިއާ
14 August 2020
ކޮބާ ފެންކުންފުނީގެހިއްސާ ވިއްކާލުން، ދިރާގުގެހިއްސާވިއްކާލުން، މިނުވޭތޯ ދައުލަތަށް ލިބެންއޮތް ފައިދާއެއް ދޫކޮށްލުމަކަށް ޔާމީނު ސަރުލާރުގައި ކުރީމަގޯސް ނަޝީދު ކުރީމަ އޯކޭ، ކޮބާ ފެނާ ނަރުދަމާއާ ބަނދުރުހަދަން އަދި ދަތުރު ފަތުރު ނިޒާމް ގާއިމުކުރަން ގާތްކުދިންނަށް (ޕްރިޕެއިޑް މެންފަދަ) ދިން ރަށްރަށުގެ ކަންތައް، އެއީ އޭރުގެސިޔާސަތު، ކުރީސަރުކާރުންވެސް އެމަގުންހިނގީ، މުހިއްމު ބޭނުކަމަށްވީ އަވަހަށް ރަށްތައް ވުޖޫދަށް ގެނައުން އެކަމުގެމިސާލު 50ރަށްހުޅުވި
އަބްދުﷲ
14 August 2020
ކުރީ ސަރުކާރެއްގައި މަސައްކަތް ކުރީތީ މިފަދަ ތާކުންތާކު ނުޖެހޭ ދައުވާތަކާއި ކުރިމަތި ކުރުވައިގެން ނުވާނެ. މިސަރުކާރުގެ މެންޑޭޓަކީ އިދިކޮޅު މީހަކު ހުރިއްޔާ ދައުވާ ކުރުންތޯ؟. ކޮބައިތޯ ރިޒް ކުންފުންޏާ އެމްޕީ ރިޒާ؟.
ޑީޑޯސް
14 August 2020
ރަންގަޅު މީހަކު އިދިކޮޅުގައި ހުރެއްޖީޔާ އަވަހަ ޖަލަށް ލާ!! ރައްޔަތުންނަށް ކަމެއްކޮށް ދެވުނީޔެނޫން ދުއްތުރާ ނުނޫނަކަމެއް ނުކުރެވޭ
ކޮސްގޮވާ
14 August 2020
ސީދާ ވައްކަން ދައުލަތުގެ ހަޒާނާއިން ކުރި މީހުން ދޫވެފައި .އެމްއެމްޕީއާރުސީ އަކީ ފައިސާކާންވެގެން އުފެއްދި ކުންފުންޏެއް. އެކަމުގައި އުޅުނު ހުރިހާ އެއްމެންނާއި ޝަރީއަތް ކުރވެން ޖެހޭ.އޭރުގެ އެޓާރނީ ޖެނެރަލް އަދި އޭރުގެ ފިޝަރީޒް މިނސްޓަރު އެތިބީ ދޫވެފައި.
ތިލަފަތް ފުތު
14 August 2020
ދިވެހިންގެ ޓެކްސް ފައިސާއިން ބޮޑެތި ބަދަލު ދޭން ޖެހުން މައްސަލަތަކުގައި ޒިންމާވާ މީހުންނަށް ވެސް ހުކުމް އަންނަން ޖެހޭ. މިސާލަކަށް ޖީއެމްއާރު އަދި ދީބާޖާ މައްސަލައިގަ ދައުލަތުން ބަދަލު ދޭން ޖެހުނީ ކޮންމެވެސް ބަޔެއްގެ ސަބަބުން.
އައްނިކޮމިޝަނަރ
14 August 2020
ސިޔާސީކޮމިޝަން
ޓިނު
14 August 2020
ގޯނި ގޯނީގައި ފައިސާ ބެހި މީހުން އެތިބީ ހީހީ؟
އަޑަފި
14 August 2020
ކޮންމެ ކަމެއް ދިމާވެގެންވެސް ސަރުކާރަށް ޕުރެޝަރ ބޮޑުވާއިރަށް، ކުރީ ސަރުކާރު ނުވަތަ ހަރުކަށި ފިކުރުގެ ކޮންމެވެސް ކަމެއް ނޫސްތަކުގެ ފަލަ ސުރުހީއަށް ގެނެވޭތޯ މި ސަރުކާރުން މަސައްކަތްކުރާތަން ތަކުރާރުކޮށް މިހާރު މިދަނީ ފެންނާށެވެ. ދެބޯގެރި ދުއްވުން ހުއްޓާލާ އިހްލާސްތެރިކަމާއެކު ކުރާ ކަމެއްވިއްޔާ ކުރާށެވެ.