ރައީސް އިބްރާހީމް މުހައްމަދު ސޯލިހު މީޑިއާ ބްރީފިން އެއްގައި ވާހަކަފުޅުދައްކަވަނީ. ހިޖުރީ އާ އަހަރުގެ ހިތާބުގައި އެމަނިކުފާނު ވިދާޅުވީ އިގުތިސާދަށް ދިރުން ލިބެން ފަށާނީ ޒުވާނުންގެ ދައުރު ފުޅާކޮށްގެން ކަމަށް.
19 އޯގަސްޓް 2020 - 20:13
71 comments
ކޮވިޑް-19 ގެ ހުރަސްތައް ގިރާކޮށް އިގުތިސާދަށް އަވަހަށް ދިރުން ލިބެން ފަށާނީ ޒުވާނުންގެ ދައުރު މިހާރަށް ވުރެ ފުޅާކޮށްގެން ކަމަށް ރައީސް އިބްރާހީމް މުހައްމަދު ސޯލިހު މިއަދު ވިދާޅުވެއްޖެ އެވެ.
މިރޭ ފެށުނު ހިޖުރީ އާ އަހަރުގެ މުނާސަބާގައި އެމަނިކުފާނު ފޮނުއްވި ހިތާބުގައި ވިދާޅުވީ ކޮވިޑް-19 ގެ ހުރަސްތަައް ގިރާކޮށް އާއްމު ހާލަތަށް ދިއުމަށް ސަކާރުން ކުރާ މަސައްކަތަށް ރައްޔިތުންގެ ބައިވެރިވުން ނުހަނު ބޮޑަށް ބޭނުންވާ ކަމަށެވެ. ކޮވިޑުގެ ބަލިމަޑުކަމުގެ ސަބަބުން މިހާރު ރާއްޖެ ތަޖުރިބާކުރަމުން ދަނީ ވަރަށް ދަތި އުނދަގޫ ދުވަސްތަކެއް ކަމަށާއި ތަރައްގީގެ ދުވެލި ވަރަށް ބޮޑަށް މަޑުޖެހިފައިވާ ކަމަށް ވެސް އެމަނިކުފާނު ވިދާޅުވި އެވެ.
"...އަޅުގަނޑުމެން އުންމީދުކުރާ ފަދަ ހަލުވި ދުވެއްޔެއްގައި އިގުތިސާދަށް ދިރުން ލިބެން ފަށާނީ ވިޔަފާރި އާއި އިގުތިސާދީ އެންމެހައި ހަރަކާތްތަކުގައި ޒުވާނުންގެ ދައުރު މިހާރަށްވުރެ ފުޅާކޮށް، އަންހެނުންގެ ބައިވެރިވުން އިތުރުކޮށްގެންކަން ޔަގީނެވެ،" ޚިތާބުގައި ރައީސް ވިދާޅުވި އެވެ.
ހިޖުރީ އާ އަހަރެއްގެ ފެށުން ފާހަގަކުރާ އުފާވެރި މުނާސަބާގައި ހަނދާނަން ގެންނަންވީ، އެމަނިިކުފާނު ވިދާޅުވި ގޮތުގައި، ހިޖުރައިން ލިބިދޭ މަތިވެރި ފިލާވަޅުތަކާ އެއްގޮތަށް އުޅުންތަކާއި ގުޅުންތައް ބެހެއްޓުމަށެވެ. އެގޮތުން އާއިލާގެ އެކަކު އަނެކަކަށް އެހީތެެރިވުމާއި މުޖުތަމައުގެ އެއްބަޔަކު އަނެއްބަޔަކަށް އަޅައިލުމަކީ އެފަދަ ކަންތައްތައް ކަމަށް އެމަނިކުފާނު ވިދާޅުވި އެވެ. ކުޑަކުދިންނަށް ކަމޭހިތުމާއި އަންހެނުންނަށް އޯގާތެރިވުން އަދި މުސްކުޅިންނަށް އެހީތެރިވުމަކީ ވެސް ހިޖުރައިން ލިބިދޭ އިރުޝާދާ އެއްގޮތަށް ކަންތައް ކުރުން ކަމަށް ވެސް ރައީސް ވިދާޅުވި އެވެ.
އަޅުގަނޑުމެން އުންމީދުކުރާ ފަދަ ހަލުވި ދުވެއްޔެއްގައި އިގުތިސާދަށް ދިރުން ލިބެން ފަށާނީ ވިޔަފާރި އާއި އިގުތިސާދީ އެންމެހައި ހަރަކާތްތަކުގައި ޒުވާނުންގެ ދައުރު މިހާރަށްވުރެ ފުޅާކޮށް، އަންހެނުންގެ ބައިވެރިވުން އިތުރުކޮށްގެންކަން ޔަގީނެވެ--- ރައީސް
މިހާރު ކުރިމަތިވެފައިވާ ބަލިމަޑުކަމުގެ ހާލަތަކީ، ރައީސް ވިދާޅުވި ގޮތުގައި، ހިޖުރައިގެ އިބުރަތްތަކުން ފިލާވަޅު ލިބިގަތުމުގެ ބޭނުންތެރިކަން ބޮޑުވެފައިވާ ހާލަތެކެވެ.
"...މުސްލިމުންގެ މެދުގައި އެއްބަނޑު އެއްބަފާކަމުގެ ގުޅުން ބަދަހިކޮށް، އެ ގުޅުން ދެމެހެއްޓުމުގެ މުހިންމު ކަމެވެ. ހަމައެފަދައިން އުންމަތެއްގެ ގޮތުގައި ނުވަތަ ދައުލަތެއްގެ ގޮތުގައި ދެމިތިބެން ބޭނުންނަމަ، އެ ދައުލަތެއްގެ ރައްޔިތުންގެ މެދުގައި އެކުވެރިކަމާއި އެއްބާރުލުން ދެމިއޮތުމުގެ މުހިންމު ކަމެވެ. ކުރިއެރުމާއި ތަރައްގީ އަށް އެދޭނަމަ، އެންމެހައި ރައްޔިތުން އެއް އަޒުމެއްގައި، އެއް އަމާޒަކަށް ގަދައަޅައި މަސައްކަތް ކުރުމުގެ ބޭނުންތެރި ކަމެވެ،" ރައީސް ވިދާޅުވި އެވެ.
ހިތާބު ނިންމަވައިލައްވަމުން ރައީސް ވަނީ އިސްލާމީ އުއްމަތަށާއި ރާއްޖެ އަށް މި އަހަރަކީ ބާއްޖަވެރި އަހަރެއް ކަމުގައި ލެއްވުމަށާއި ތިޔާގިކަމާއި ތަނަވަސްކަން ގެނެސްދޭ އަހަރެއް ކަމުގައި 1442 ވަނަ އަހަރު ލެއްވުން އެދި ދުއާ ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒުވާން
20 August 2020
ކަލޭގެ ދައުރު ނިމޭއިރު އިގްތިސާދެއް އޮވެގެން ތާ ޒުވާނުންނައް ކަމެއް ކުރެވޭނީ
ޑައުންލައިޓް އޮޕް ފިއުޗާ
20 August 2020
ޒުވާނުން ބޭކާރުކޮއްލާފަ މުޅި މާލޭގަ ބަންގާޅި ލޯކަލް މާރުކޭޓުތައް.
ސަރީފު
20 August 2020
އިގްތިސާދު ދިރޭނީ އިންޑިއާގެ ބަސްރާއްޖޭގެ ސަރުކާރަށް ހިގުން ހުއްޓުވިގެން...އިންޑިއާދެކެ ބިރުން އިންޓަނޭސަނަލް ޓްރާންސިޕްމަންޓް ބަދަރެއް ހަދަން ވެސް ނުކެރިގެން ތިޔައުޅެނީ...މީ ޓޫރިޒަމަށް ބަރޯސާވުން ކުޑަކުރުމަށް އިންޓަނޭސަނަލް ޓްރާންސިޕްމަންޓް ބަދަރެއް ހަދަންވީ ވަގުތު..ހިއްވަރެއްހުރިއްޔާ އިންޑިއާ ދެކޮޅު ހެދިޔަސް ޓްރާންސިޕްމަންޓް ބަދަރެއް ހަދާބަލަ..އޭރުން އިގުތިސާދަށް ދިރުން ލިބެން ފަށާނީ.
ހަޒާނާ
20 August 2020
ރައީސް އިގްތިސާދު ރަނގަޅު ކުރަން ބޭނުމިއްޔާ މާދަމަ އިން ފެށިގެން ރާއްޖޭގެ އެއްވެސެ ރަށަކުން އެހެން ރަށަކަށް ވ ވިސާ ކާޑުނެތި ދަތުރުފަތުރު ނުކުރެވޭގޮތް ހަދާ ހަރުކަށި ފިޔަވަޅު އަޅާލަ ބަލާށެވެ. މައްސަލަ އަށް ވ ބޮޑު ހައްލެއް ލިބޭނެ އެވެ. މިސާލަކާށް ރަށު ގޮނޑު ދޮށުގަ ޑިއުޓިއަށް މީހަކު ބަހައްޓަ ބަލާށެވެ. ނުކެރޭނެ އެވެ.
ހީރާ
20 August 2020
ފޮނިވާހަކަ ދެއްކޭތޯބަލާ،
އޮނަރަބްލް އަފީފު ދީދީ
20 August 2020
އެއަރޕޯޓް ޑިއުޓީފްރީ ޝޮޕްތަކުގައި ތިބީ މުޅިންވެސް ޕިލިޕީނޯ ކުދިން!! ދައުލަތުގެ ޓޫނާ ޕްރިސެސިންގ ފެކްޓަރީ ތަކާއި، މާލޭސިޓީ ކައުންސިލާއި، ހައުސިންގ މިނިސްޓްރީ އާއި އައިޖީއެމްއެޗް ފަދަ ތަންތަނުގައިތިބި ބިދޭސިންގެ ބަދަލުގައި އެވަޒީފާތަކަށް ދިވެހިން ހޯދުމަށް ކުރާންޖެހޭ މަސައްކަތް ކުރުމަށް ރައީސް އޮފީހުން އެފަރާތް ތަކަށް އަންގާ އެކަމަށް ތާވަލެއް ދެއްވަންވީ ނޫންތޯ؟ ހަމައެނަކި ނޫހެއްގެ ސުރުޙީއަކުން ތިކަން ހައްލެއްނުވާނެ ނޫންތޯ.
ދީމާހު
20 August 2020
އިގުތިޞާދެއް ނުދިރޭނެ ދެއްތޯ ގައުމުގައި ވައްކަމާ ފަސާދަ އޮވެގެން. މަނިކުފާނު ވަޑައިގަތީ މިކަންކަން ހުއްޓުވުމުގެ ވަޢުދާއެކު. އެކަމަކު ސަރުކާރަށް 2 އަހަރު ނުވަނީސް ވައްކަމާއި ކޮރަޕްޝަން މި އޮތީ އިހުނަށްވުރެ ބޮޑުވެ އަތް ނުފޯރާ ހިސާބުގައި.
ރާއްޖެތެރެމީހާ
20 August 2020
ރާއްޖެ ވިއްކާލާ ސަރުކާރަކައް ޒުވާނުންގެ ތާއީދެއް ނުލިބޭނެ.
މަންޑޭލާ
20 August 2020
ޒުވާނުންގެ ރައިސް ޖަލައްލާފަ ޒުވާނުންނަ އަޅާދިން ފްލެޓްތައް މި ސަރުކާރުން ވަނީ ޒުވާނުން އަތުން އަތުލާފަ.
ފޫހި
20 August 2020
ރައީސް ޒުވާނުންގެ ދޮރުވަނީ ބަންދުވެފަ. ގައުމުގައި ހުރި ކުފިވިޔަފާރިތަކާއި ރަނގަޅުމަގާމުތައް ސިސްޓަމްގެ ތެރެއިން ވަނީ ބިދޭސީންނަށް ދީފައި. ދެން މަނިކުފާނުގެ ވިސްނުންފުޅުހުރީ އިންޑިޔާގެ ސްޓޭޓެއްގެ ގޮތުގައި ރާއްޖެހިންގަން. ރައީސް އާދޭސްކޮށްފަ ބުނަން ތަންތަން ހިންގުން އިންޑާއާ ހަވާލުނުކުރޭ.ޢެއީ ވަރަށް ވަތަނީބައެއް. ޢެމީހުންގެ ދަށުގައި ދިވެހިން ނުގެންގުޅޭނެ.