ނިއުޒިލެންޑްގެ ދެ މިސްކިތަށް ހަމަލާދީ 51 މީހުން މަރާލި މީހާ އުމުރަށް ޖަލަށް

ބްރެންޓަން ކޯޓަށް ހާޒިރު ކޮށްފައި - ޕްރޯލް ނުލިބޭ ގޮތަށް އޭނާ އުމުރަށް ޖަލަށްލާން ވަނީ ހުކުމް ކޮށްފައި

މުއިއްޒު އިބްރާހިމް، މިހާރު

27 އޯގަސްޓް 2020 - 11:14

ކްރައިސްޗާޗް (އޮގަސްޓް 27) - މިދިޔަ އަހަރު ނިއުޒިލެންޑުގެ ދެ މިސްކިތެއްގައި ބަޑިން ހަމަލާދީ 51 މީހުން މަރާލި މީހާ ޕެރޯލް ނުލިބޭ ގޮތަށް އުމުރަށް ޖަލަށްލާން މިއަދު ހުކުމްކޮށްފި އެވެ.

މިދިޔަ އަހަރުގެ މާޗު މަހު ނިއުޒިލެންޑުގެ ކްރައިސްޓްޗާޗްގެ ދެ މިސްކިތަކަށް ވަދެ، ހުކުރު ނަމާދަށް ތިބި މީހުންގެ ގަޔަށް ބަޑި ޖަހައި އަދި އިތުރު ބަޔަކު ޒަހަމްކޮށްލި ބްރެންޓަން ޓަރަންޓްގެ މައްޗަށް ނިއުޒިލެންޑް ހައި ކޯޓުން މިއަދު ކުރި ހުކުމަކީ ޕެރޯލް ނުލިބޭ ގޮތަށް އުމުރަށް ޖަލަށްލާން އެ ގައުމުގައި ފުރަތަމަ ފަހަރަށް ކުރި ހުކުމެވެ. އަދި މިއީ ޓެރަރިޒަމްގެ ކުށެއް އެ ގައުމުގައި ސާބިތުވި ފުރަތަމަ ފަހަރު ވެސް މެ އެވެ.

މީހަކު މެރުމުގެ 51 ދައުވާ އާއި މަރާލަން އުޅުމުގެ 40 ދައުވާއެއްގެ އިތުރުން ޓެރަރިޒަމްގެ ދައުވާ އަށް ބްރެންޓަން ވަނީ އެއްބަސްވެފަ އެވެ. ހުކުމް އިއްވަމުން ފަނޑިޔާރު ކެމެރަން މެންޑާ ވިދާޅުވީ ޕެރޯލް ނުލިބޭ ގޮތަށް އުމުރަށް ޖަލަށްލުމަކީ މީހުން މެރުމުގެ އެންމެ އަނިޔާވެރި އަމަލުތަކަށް ދެވޭނެ އަދަބެއް ކަމަށާއި ބްރެންޓަންއަކީ އެ އަދަބު ލިބެން އެންމެ އެކަށީގެންވާ މީހާ ކަމަށެވެ.

"ބްރެންޓަން މަރުވަންދެން ޖަލުގައި ބެހެއްޓިޔަސް، އޭނާ ކުރި ކުށަށް ބަލާއިރު ފުރިހަމަ އަދަބެއް ކަމަކަށް ނުބެލެވޭނެ،" ފަނޑިޔާރު ކެމެރަން ވިދާޅުވި އެވެ.

ނިއުޒިލެންޑަކީ އެއްވެސް ކުށަކަށް މަރުގެ އަދަބު ދޭ ގައުމެއް ނޫނެވެ. އެ ގައުމުގައި ދެވޭ އެންމެ ބޮޑު އަދަބަކީ ޕެރޯލް ނުލިބޭ ގޮތަށް، އެ މީހަކު މަރުވަންދެން ޖަލުގައި ބެހެއްޓުމެވެ.

އަދަބު ކަނޑައެޅުމުގެ މަރުހަލާގެ އަޑުއެހުންތައް ހަތަރު ދުވަސް ވަންދެން ކުރިއަށް ދިޔައިރު ބްރެންޓަން އެއްވެސް ވާހަކައެއް ނުދައްކަ އެވެ. އޭނާ ކުރި އަމަލުތަކާ މެދު ހިތާމައިގެ އަސަރެއް ނުވަތަ ލަދުވެތި ކަމެއް ވެސް ނުފެންނާތީ އެކަން ފަނޑިޔާރު ފާހަގަ ކުރި އެވެ.

އެއީ ނިޒުޒިލެންޑްގައި ތާރީޚުގައި ހިނގި އެންމެ ބޮޑު ޓެރަރިސްޓް ހަމަލާ އެވެ. އެ ހާދިސާއަށް ފަހު ނިއުޒިލެންޑްގައި ހަތިޔާރު ގެންގުޅުމުގެ ގާނޫނުތައް ހަރުކަށިކުރި އެވެ.

ކުށްކުރުން ނިއު ޒީލެންޑް ޓެރަރިޒަމް ކްރިސްޓްޗާޗް

12 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ައަހުމަދު

28 August 2020

ލިޔުމުގައިވެސް އެބައޮތް އެޤައުމަކީ އެއްވެސްކުށަކަށް މަރުގެއަދަބުދޭ ޤައުމެއްނޫނޭ އެޤައުމުންދޭ އެއްމެ ހަރުކަށި އަދަބު އޭނާމަރުވަންދެން ހުންނަންޖެހޭނީޖަލުގައި ކަމަށް އެއީ އިސްލާމީޤައުމެއްވެސްނޫން ،އެކަން އަހަރެމެން އެމީހުންނަށް ފާދުކިޔާއިރު އަހަރެމެން 100% އިސްލާމީޤައުމުގެ ހާލު މާގޯސްދޯ ކިތަށްމީހުން މިޤައުމުގައި މެރީ ، ކާކަށް މިހާތަނަށް މަރުގެ އަދަބުދެވުނީ؟ ޖަލަށްލާފައި 25އަހަރު ވީމާ ނުވަތަ ދުވަސްކޮޅަކުން ސަލާމަތްވެފައި ހުންނަނީ މީމިޤައުމުގެހާލ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަނި ދަންތުރަ

27 August 2020

ތިޔައީ އިންސާފެއްނޫން 51 ފުރާނާގެ ބަދަލުގައި މުޅިއުމުރު އަތުން ފައިން ކަމެއްނުކޮށް ކައިގެން ބޮއިގެން އަރާމުގައި އުޅެން ފުރުސަތު ތިޔަދިނީ ، މިއީ ހުލަނގުން ތިޔަބުނާ އިންސާނީ ހައްގު ޒަމާނީ ޑިމޮކުރަސީ ، އ ދ ގެ އިންސާނީ ހައްގުތަކާ ބެހޭ ޖަމިއްޔާ އަދި އީޔޫ އެއްގެ ވާހަކަ ވަރަށް ގިނައިން މިގައުމުގައި އޮތް އެއްމެ ބޮޑު ޕާޓީން ވަރަށް ދައްކާ މިކަމާ ބަޔާނެއްނުނެރޭނެބާ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞެއިހް ކަނޑޫދޫ މިރުސް

27 August 2020

ދެން އިންސާފު ހޯދަދޭން ދާންވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިހި ރާންބާގަސް

27 August 2020

މީއިންސާފެއްނޫން! 51 މީހުން މަރާލީމަ ގެންގޮސް ޖަލަށް ލާފަ ބޭއްވުމަކުން އިންސާފެއް ނުލިބޭ! އިންސާފް ލިބުމަކީ މަރަށް މަރު ހިފުން! އެ ގާތިލް މަރާލެވެން ޖެހޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްކިޕަރ

27 August 2020

އެތައްބަޔަކު ކަތިލާފައި މީނާ މިހުރީ ދުނިޔޭގައި ހުރުމުގެ ފޮނި މީރުކަމުގައި.. ދުވަސްކޮޅަކުން ދޫކޮށްލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުވަޒީރު

27 August 2020

ހުރިހާ ދައުވާތަކެއް އޮތް ގޮތަށް އޮއްވަ ގާތިލު މަރާނުލެވެންޏާ މިއޮށްހާދުވަހު ކޮން ގަނޑެއް ތިގަތީ. ހާދަ އިސްސާފުވެރިއޭ ދެއްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަސްރުއް

27 August 2020

މަރަށް އޮންނަންޖެހޭނީ ހަމަ މަރާލުން، އުމުރަށް ޖަލަށްލާފަ ކާންދީ ބޭސް ކޮށްދީ މުޅި އުމުރަށް މުޖުރިމަކު ގެންގުޅުމަކީ އިންސާފެއްކަމަށް ގަބޫލް ކުރެވެނީތޯ؟ތީނާ މަރާލި 51 މީހުނަށް އިންސާފު ތިގޮތަކަށްނުލިބޭނެ، އިންސާފަކީ މެރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

27 August 2020

ރާއްޖެގަ މިގޮތައް އިންސާފު ގާއިމެ ނުކުރެވެނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮއްތު

27 August 2020

މީ އަދުލް އިންސާފު ގާއިމުކުރުމަކީ. އެންމެނަށްވެސް އިންސާފު ލިބިއްޖެ ކަމުގެ އިހްސާސް ކުރެވެނީ ފަނޑިޔާރު ކެމެރަން މެންޑާ ވިދާޅުވީ "ބްރެންޓަން މަރުވަންދެން ޖަލުގައި ބެހެއްޓިޔަސް، އޭނާ ކުރި ކުށަށް ބަލާއިރު ފުރިހަމަ އަދަބެއް ކަމަކަށް ނުބެލެވޭނެ،" އެބަސްކޮޅުންވެސް ޖަސްޓިސް ސާރވް ވެއްޖެކަމުގެ އިހްސާސް ކުރެވޭ.