ކަރަންޓީން އަމުރާ ހިލާފުވެއްޖެ ނަމަ 5،000ރ. އިން ޖޫރިމަނާ ކުރަނީ

ކޮވިޑަށް ޕޮޒިޓިވްވާ ބިދޭސީންނަށް ހުޅުމާލޭގައި ހާއްސަކޮށްފައިވާ އިމާރާތެއް. -- ފޮޓޯ: މިހާރު

އަހުމަދު ސާއިލް އަލީ، މިހާރު

30 އޯގަސްޓް 2020 - 21:42

ގައިންގަޔަށް އަރާ ބަލިތަކާ ގުޅިގެން ކަރަންޓީނުކުރާ މީހުން ކަރަންޓީނު އަމުރާ ހިލާފުވެއްޖެ ނަމަ 5،000ރ. އިން ޖޫރިމަނާ ކުރެވޭ ގޮތަށް "އެކަހެރި ކުރުމުގެ މަރުކަޒުތަކާއި ކަރަންޓީނުކުރުމުގެ މަރުކަޒުތަކާ ބެހޭ ގަވާއިދު" އަށް މިއަދު އިސްލާހު ގެނެސްފި އެވެ.

އިސްލާހުކޮށް ގެޒެޓްކޮށްފައިވާ އާ ގަވައިދުގައި ބުނެފައިވަނީ ކަރަންޓީނު ކުރުމުގެ މަރުކަޒުތަކާއި އެކަހެރިކޮށް ބެހެއްޓުމުގެ މަރުކަޒުތައް ކަނޑައެޅުމުން، ނުވަތަ އެކަހެރިކޮށްފައި ބަހައްޓައިގެން ފަރުވާދިނުމަށް ހަމަޖެހިފައިވާ އުސޫލުން އެކަން ކުރަން ފެށުމުން، އެ ކަމަށް އިހުތިރާމްކޮށް އާންމު ސިއްހަތުގެ ނުރައްކާ ކޮންޓްރޯލު ކުރުމަށް ނުވަތަ ގައިން ގަޔަށް އަރާ ބަލި ކޮންޓްރޯލް ކުރުމުގެ މަސައްކަތަށް ކޮންމެ މީހަކު ވެސް އެއްބާރުލުން ދޭންވާނެ ކަމަށެވެ. އެކަމާ ހިލާފުވެއްޖެ ނަމަ އެއީ ކުށެއް ކަމަށް ގަވައިދުގައި ވަނީ ކަނޑައަޅައިފަ އެވެ.

ގަވައިދުގައި ބުނެފައިވަނީ އެކަހެރިވުމަށް އަންގައިފައިވާ މީހަކު، އޭނާއަށް އަންގައިފައިވާ އަމުރާ ހިލާފުވެއްޖެ ނަމަ، 5،000ރ. ރުފިޔާއިން ޖޫރިމަނާ ކުރެވޭނެ ކަމަށެވެ.

މީހަކު ނުވަތަ ބަޔަކު ކަރަންޓީނުކުރުމަށް އެއްބާރުލުން ނުދިނުމާއި އެކަހެރިކޮށްގެން ފަރުވާ ދިނުމަށް ހުރަސްއަޅައިފި ނަމަ އެކަން ކުރި މީހަކު އަމުރާ ހިލާފުވާ ފުރަތަމަ ފަހަރު 2,500ރ. އިން ޖޫރިމަނާކުރެވޭނެ އެވެ. އަދި އަމުރާ ހިލާފުވާ ދެވަނަ ފަހަރު 3,500ރ. ޖޫރިމަނާކޮށް އަދި އޭގެ ފަހުން އަމުރާ ހިލާފުވާ ކޮންމެ ފަހަރަކު 5،000ރ. އިން ޖޫރިމަނާކުރާނެ އެވެ.

މިއަދުން ފެށިގެން އެ ގަވައިދަށް އަމަލު ކުރަން ފަށާފައިވާއިރު އަޅަންޖެހޭ އެންމެހައި ފިޔަވަޅުތައް އަޅައި، އެ ފިޔަވަޅުތައް ތަންފީޒު ކުރުމުގެ ކަންކަން ކުރިޔަށް ގެންދާނީ، ފުލުހުންނެވެ. އަދި ފުލުހުންގެ ހިދުމަތް ގާއިމުވެފައި ނުވާ ރަށްރަށުގައި ފިޔަވަޅުތައް އަޅަމުން ގެންދާނީ ލޯކަލް ކައުންސިލްތަކުންނެވެ.

ކޮވިޑް-19 އަށް ރާއްޖޭން ޕޮޒިޓިވްވާ މީހުންގެ އަދަދު މިހާރު ވަނީ ވަރަށް ބޮޑަށް އިތުރުވެފަ އެވެ. އެއާއެކު ކަރަންޓީން ފެސިލިޓީތަކަށް ގެންދާ މީހުންނާއި ގޭގައި ކަރަންޓީނުކުރާ މީހުން ވެސް ވަނީ ވަރަށް ބޮޑަށް އިތުރުވެފަ އެވެ.

އިއްޔެގެ ހަވީރު 6:00 އާ ހަމަ އަށް ރާއްޖޭން 7,578 މީހަކު ވަނީ ކޮވިޑަށް ޕޮޒިޓިވް ވެފަ އެވެ. މީގެ ތެރެއިން 4،653 އަކީ ދިވެހިންނެވެ.

ސިއްހަތު ހެލްތު ޕްރޮޓެކްޝަން އެޖެންސީ ހެލްތު މިނިސްޓްރީ ބަލިތައް

21 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިހާ މަޖާ

31 August 2020

ޕޮޒިޓވް ވާ މީހާ 5000 ރުފިޔާ ދައްކާފައި އަމިއްލާ ގޭގައި ހުރިއަސް އެއްމެ ރަގަޅު ތާއެވެ؟ މި ޖެހެނީ އަމިއްލަ ގެއަށް ކުލި ދައްކާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރާސިލް

31 August 2020

އެޗްޕީއޭ އިން ހިތު ހުރިގޮތައްކަށް ޢަމަލު ކުރާއިރު އެކަމަށް ޖޫރިމަނާއެއް ނެތިތަ ؟ މިސާލަކައް މީހަކު ޕްޒިޓިވް ވެ އެގޭގައި ހައިރިސްކް މީހަކު ހުންނައިރުވެސް އެމީހާ ފެޗިލިޓީއަށް ނުގެންގޮސް އެަތއް ދުވަހެއް ވޭ މީހަކު ޕޮޒިޓީވް ވެގެން ގުޅާ ގުޅާ ފޯނު ނުނެގުން ޕޯން ނަގާ އަޅާނުލުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

31 August 2020

ކޮވިޑައަށްވުރެ އިންޑިޔާއަށް ގައުމު ވިއްކާލުމުގެ ނުރައްކާ ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސަރު2

31 August 2020

ޖޫރިމަނާ ކުރުމަށްވުރެ، އެކަމަށް ބޯ ލަނބަން ދަސްކޮށްދިނުމުގެ ގޮތުން ކޮންމެވެސް އިޖުތިމާޢީ ކަމެއް ޙަވާލު ކުރަންވީ.. ނޫނީ ވެމްކޯ ޓީމާ އެކު، ނޫނީ ރޭގަނޑު ސާފުކުރާ ޓީމާއެކު، އެއްވެސް އުޖޫރައެއްނެތި 15 ދުވަސް ޖަހަންވީ.. މި ކުޑަކުޑަ މުޖުތަމަޢުގައި ކުށަށް އަރައިގަތުން އާއްމު ވެފައި މިވަނީ، މިފަދަ ލުއި ފަސޭހަ އަދަބު އަދި ވިސްނުމުގަ އުޅޭ މައްސަލައެއްގެ ސަބަބުން.. ދަރިފުޅު ޖޫރިމަނާ ކުރީމަ މަންމަ މިލާރި ދައްކާނެ.. ނޫނީ ޕާރޓީ މެމްބަރު ދައްކާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތުބަތާނަ

31 August 2020

ކަރަންޓީނާއި ޚިލާފުވާހަކަ ހެއުވާނީ ނުދެއްކިއްޔާ! އެއްކަމަކަށް ދެ އުޞޫލު ހަދައިގެން މުޅި މާލޭގައި ފުރާ ބިދޭސީން! ސިފައިންނާއި ފުލުހުންނާއި ޕްރިޒަންސް އޮފިސަރުންނާއި އެމިގްރޭޝަން އޮފިސަރުންނާއި މުއައްސަސާތަކުގެ ހުރިހާ މުއައްޒަފުންހެން ތޮއްޖެހިފައިވާ މާލޭގައި ގަވާއިދެއް ހަމައެއް އުޞޫލެއްނެތި މިއުޅޭ ބިދޭސީންތަށް ކޮންޓްރޯލް ކޮށްބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިނަ ވާހަކަ

31 August 2020

ކަރަންޓީނުގައި ގޭގައި އެކަހެރިވުމުގެ އަމުރާ ހިލާފުވާ މީހުން ސަރުކާރުގެ ބޮޑެތި ކޮންފުނިތަކާ، ބޮޑެތި މަޤާމުތަކުގައި މަސައްކަތް ކުރާކަން އެނގިހުރެ ބުނެލަން. ކާކުތޯ ކާކަށް އަންގަންވީ މި މީހުން ކަރަންޓީނާ ހިލާފުވެ އެތައް މިތާ މަށަށް ވުރެ މުހިއްމު މީހެއް ނެތްކަމަށްވެގެން، 14 ދުވަހު ގޭގަ މަޑުން ނުހުރުވިގެން، އެހެން މީހުން ނުރައްކަލުގެ ތެރެއަށް ލަމުން ފަޔަށް ހިނިއަރައިގެން ދުވާ ވާހަކަ. މޮނިޓަރކުރާނެ އަދި ތަންފީޒުކުރާނެ ގޮތެއް އޮވޭތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާކީބައި1

31 August 2020

ދެން ފަހެ، މިޖޫރިމަނާކުރުމުގެ ޤަވާއިދުން ކެނެރީގޭ ކުދިން އިސްތިސްނާވެގެންވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމްދާން

31 August 2020

ރާއްޖެ ބޭރުން އައިސް 14 ދުވަސް ގޭގަ ކަރަންޓީނުގަ ތިބޭ މީހުން 14 ދުވަސް ހަމަވުމުން ކިހިނެއްބާ ހަދަން ޖެހެނީ. ޢެޗްޕީއޭ ގެ ހުއްދަ ނުވަތަ ކޯވިޑް އަށް ޓެސްޓް ކޮށްޕަ އެޗްޕީއޭހެ އެޕްރޫވް ލިބިގެންބާ ބޭރަށް ނުކުމެވޭނީ!!!؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާބަހޭ

31 August 2020

އަޅެ އެންމެފަހަރަކުވެސް ގަވާއިދާހިލާފައް ވަގައް މިގައުމުގަ އުޅޭ ބިދޭސީންނައް ކަމެއްކޮއްބަލަ. އެމީހުން ފެނުނީމަ އިދާރާތައް ކަނުވެ މަނަމަން ވެފަތިބެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސްމާނުބެ

31 August 2020

ބިދޭސީން އެކަންޔެއް ނޫން ދިވެހިންނައްވެސް ހަމަ ފިޔަވަޅު އަޅާ ޖޫރިމަނާ ދެއްކީމަ ނޫނީ އިތުރު ކަމެއް ނުކުރެވޭގޮތައް ބަންދުކުރުންވެސް ރަގަޅު.. އަދި ބަންދާ ގުޅިގެން އިތުރައް ހިގަހަރަދު އެމީހެއްގެ އަތުން ނަގަން...