ކޮވިޑް-19: މިއަދު ގިނައީ ބަލިން ރަނގަޅުވި މީހުން

ކޮވިޑް-19 ޖެހިފައިވާ މީހުންނަށް ފަރުވާދޭ ފެސިލިޓީއެއްގައި ސިއްހީ ހިދުމަތްތެރިން ހަރަކާތްތެރިވަނީ. ރާއްޖޭން މިއަދު އަަލަށް ފެނުނު ކޭސްތަކަަށް ވުރެ ބަލިން ރަނގަޅުވި މީހުން ގިނަ.

މުހައްމަދު ނަސީމް، މިހާރު

03 ސެޕްޓެމްބަރ 2020 - 22:53

6 comments

މިދިޔަ 24 ގަޑި އިރުގެ ތެރޭގައި ރާއްޖޭގައި ކޮވިޑް-19 އަށް ޕޮޒިޓިވްވި އަދަދަށް ވުރެ ރަނގަޅުވި މީހުންގެ ގިނަ ކަމަށް އެޗްޕީއޭ އިން ބުނެފި އެވެ،

އެޗްޕީއޭ އިން މިރޭ އާއްމުކުރި ހިސާބުތަކުން ދައްކާ ގޮތުގައި އިއްޔެގެ ހަވީރު 6:00 އިން މިއަދުގެ ހަވީރު 6:00 ކޮވިޑަށް އަލަށް ޕޮޒިޓިވްވީ 141 މީހުންނެވެ. އަދި ރަނގަޅުވީ 153 މީހުންނެވެ.

މިއަދު އަލަށް ޕޮޒިޓިވްވި މީހުންނާ އެކު ރާއްޖޭގައި ކޮވިޑް ޖެހުނު މީހުންގެ ޖުމްލަ އަދަދަކީ މިހާރު 8،281 އެވެ. ރަނގަޅުވި މީހުންގެ ޖުމްލައަކީ 5,483 އެވެ. އެހެންވެ ރާއްޖޭގެ އެކްޓިވް ކޭސްތަކުގެ އަދަދަކީ މިހާރު 2,769 އެވެ. އެޗްޕީއޭން މިރޭ ބުނިގޮތުގައި ކޮވިޑް ޖެހުނު މީހުންގެ ތެރެއިން 157 މީހަކަށް މިހާރު އަންނަނީ އެޑްމިޓްކޮށްގެން ފަރުވާދެމުންވެ. އަދި 1،304 މީހަކު އައިސޮލޭޝަން ފެސިލިޓީތަކުގައި އެބަތިއްބެވެ.

މާލޭގެ އިތުރުން 39 ރަށެއްގައި ވެސް ކޮވިޑްގެ އެކްޓިވް ކޭސްތައް އެބަހުއްޓެވެ. އަދި 20 ރިސޯޓެއްގައި 16 ޓޫރިސްޓުންނާއި 45 ސްޓާފުން ވަނީ ޕޮޒިޓިވް ވެފަ އެވެ.

ކޮވިޑް-19 ފެތުރުން ކޮންޓްރޯލްކުރަން ރާއްޖޭގައި ފުރަތަމަ އެޅި ހަރުކަށި ފިޔަވަޅުތަކަށް ލުއިދޭން ފެށީ މިދިޔަ ޖުލައި މަހު އެވެ. އޭރުން ފެށިގެން ކޭސްތައް އިތުރުވަމުން އައިސް މިހާރު ކޮންމެ ދުވަހަކު ވެސް 100 އަށް ވުރެ ގިނަ އާ ކޭސްތައް ދަނީ ފެންނަމުންނެވެ.

ސިއްހަތު ޕަބްލިކް ހެލްތު ހެލްތު ޕްރޮޓެކްޝަން އެޖެންސީ ސިއްހީ ކުއްލި ނުރައްކަލުގެ ހާލަތު އެޗުއީއޯސީ

6 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

211111

04 September 2020

މިކަން ރާޅާ ދެޅެމުންގޮސް ކޮންމެވެސް ގޮތެއްވާނެ .... މިކަމުގަ ލަންކާ... މޮރިސަސް...... ސީސެލްސް ނިޔުޒިލެންޑު ކަހަލަ ވަރައް ގިބަގައުމުތައް ކަމިޔާބު ހޯދާފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

04 September 2020

اللهم اشفهم جميعا

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާަަނަސް

04 September 2020

މި ރާއްޖޭގަ ބަލި ކޮންޓްރޯލް ކުރުމުގެ ވިސްނުމެއް ނެތެވެ. މި ވިސްނުންނެތި ބަލިޖެހޭ މީހުން ރިސޯޓްތަކު އައިސޮލޭޓް ކުރުމަކީ އިގްތިޞާދީ ގޮތުން ދަތި ދުވަސްވަރެއް ކުރަން ހެޔޮވާވަރުގެ ކަމެއް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޯވިޑް

03 September 2020

ރަނގަޅުވީ މީހުންނޭ ނުކިޔާ 14 ދުވަސް ވީމަ ދޫކޮއްލި މީހުންނޭ ކިޔަންވީއެއްނު. ރަނގަޅު ވިތޯ އެއް ނުބަލާ މިހާރަކު. ކަރަންޓީޏް ހަމަ ކޮއްފަ އަންނަ އިރު ރޯގާ ޖެހިފަ ވެސް އެބަހުރޭ