11 އޮކްޓޯބަރ 2020 - 11:07
22 comments
އައްޑޫ ފްލައިން ސްކޫލުގެ ދަރިވަރުންނަށް އަމަލީ ތަމްރީނުތައް ހެދުމުގެ ފުރުސަތު ލިބުން ލަސްވެ، ކޯސް ނުނިމި ދިގުލައި، އެކަމުގެ ސަބަބުން މާލީ ދަތިކަން ކުރިމަތިވާތީ ކުރާ ޝަކުވާތައް ބަލައި މައްސަލަތަކަށް އަވަސް ހައްލެއް ހޯދާނެ ކަމަށް ސަރުކާރުން މިއަދު ބުނެފި އެވެ.
ފްލައިން ސްކޫލްގެ ބައެއް ދަރިވަރުން އެތަނުގެ މެނޭޖުމަންޓަށް ފޮނުވާފައިވާ ޝަކުވާގެ ބައެއް އީމެއިލްތައް "މިހާރު" އަށް ވަނީ ލިބިފަ އެވެ. އެ މެއިލްތަކުގައި ދަރިވަރުން ކޮށްފައިވާ ޝަކުވާ އަކީ އުދުހުމުގެ ތަޖުރިބާގެ ކުރިން ހަދަން ޖެހޭ އިމްތިހާނުތައް ނިމި، އެތައް ދުވަހެއް ވާ އިރު ވެސް އުދުހުމުގެ ބައި ނިންމަން ފުރުސަތު ނުލިބި ތިބެން ޖެހުމެވެ. ފްލައިން ސްކޫލުން ދަރިވަރުންނަށް މައުލޫމާތު ދީފައި އޮންނަ ގޮތުގައި އަށް އިމްތިހާނު ފުރިހަމަކޮށްފައިވާ ދަރިވަރުންނަށް ކޮންމެ ހަތަރު ދުވަހަކުން އެއް ދުވަހު އަމަލީ ތަޖުރިބާގެ ފުރުސަތު ދޭނެ އެވެ. އެކަމަކު، ހުރިހާ އިމްތިހާނެއް ފުރިހަމަ ކުރުމަށް ފަހު އެތައް ހަފުތާއެއް ވާއިރު ވެސް އެ ފުރުސަތު ނުލިބޭ ކަމަށް ޝަކުވާގެ މެއިލްތަކުގައި ވެ އެވެ.
އެ މައްސަލައިގައި އައްޑޫ މީދޫ ދާއިރާގެ އެމްޑީޕީގެ މެމްބަރު ރޮޒައިނާ އާދަމް ވަނީ ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަންއާ ވެސް ބައްދަލު ކުރައްވައި ކަންބޮޑުވުން ހިއްސާ ކުރައްވައިފަ އެވެ.
އިބްރާހީމް ހަސަން، ރޮޒައިނާ އަށް ދެއްވި ޖަވާބުގައި ވިދާޅުވެފައި ވަނީ ދަރިވަރުންގެ ކަންބޮޑުވުންތަކަށް ހައްލު ހޯދައި ދިނުމަށްޓަކައި މިދިޔަ އޮގަސްޓް މަހު، ފްލައިން ސްކޫލްގެ މެނޭޖްމަންޓާ އެކު ބައްދަލުވުމެއް ބޭއްވި ކަމަށެވެ. އަދި ކޯސް ފުރިހަމަ ކުރުމަށް އެއްވެސް ދައްްޗެއް ނުވާނެ ކަމަށް އެ ސްކޫލުން އެ ދުވަހު ބުނި ކަމަށް މިނިސްޓަރުގެ ޖަވާބުގައި ވެ އެވެ. އެކަމަކު އެ ވާހަކައިގެ ސައްހަކަމާ މެދު ސުވާލު އުފެދޭތީ ލިޔެކިޔުން ހުށަހަޅަން އެދުމުން އަދިވެސް ހުށަނާޅާ ކަަމަށް މިނިސްޓަރު ވިދާޅުވި އެވެ.
"މި ކަމަށް އެއްވެސް ޖަވާބެއް ލިބިފައި ނެތުމުން މިދިޔަ ހަފުތާގައި ވެސް އެ ފަރާތާ މުއާމަލާތުކޮށް، މައުލޫމާތު ހުށަހެޅުމަށް ފުރުސަތު ދެވުނު. މިއަދާ ހަަމައަށް ވެސް ލިޔެކިޔުން ހުށަހަޅާފައި ނުވާތީ މި މައްސަލަ ހުށަހެޅުމުގައި ދަތިތަކެއް އެބަހުރި،" އިބްރާހިމް ހަސަންގެ މެސެޖުގައި ވިދާޅުވި އެވެ.
ރޮޒައިނާ އަށް މިނިސްޓަރު އިބްރާހިމް ހަސަން ދެއްވި ޖަވާބުގައި ވާ ގޮތުން، ފްލައިން ސްކޫލްގެ ދަރިވަރުންނަށް ދިމާވެފައިވާ ދަތިތަކަށް ހައްލެއް ހޯދައިދޭން ކަމާ ބެހޭ އެހެން އިދާރާތަކާ އެކު އަންނަނީ މަސައްކަތް ކުރަމުންނެވެ.
އައްޑޫ ފްލައިން ސްކޫލުން އިހުމާލުވާ ކަމުގެ ބޮޑެތި ޝަކުވާތައް މިދިޔަ އަހަރު ވެސް ދަރިވަރުން އުފުލި އެވެ. އެ ސްކޫލް ހިންގާ އޭޝިއަން އެކަޑަމީ އޮފް އެރޮނޯޓިކްސް (އޭއޭއޭ) އިން އޭރު ވެސް މީޑިއާގައި ބުނީ ދަރިވަރުންގެ ޝަކުވާތަކަކީ ހަގީގަތެއް ނޫން ކަމަށެވެ.
އެެ ސްކޫލު އައްޑޫން ނ. މާފަރަށް ބަދަލުކުރަން އުޅޭ ކަމަށް ވެސް އޭއޭއޭ އިން އޭރު ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެސޮރު
19 October 2020
ކޯސް ނުނިމި ދިގުލައިގެން ދިއުމަކީ ދަރިވަރުންނާއި ބެލެނިވެރިންގެ ވ ބޮޑު ކަންނޮޑުވުމެއް. ލޯނު ނަގައިގެން ލޯނަށް ފައިސާ ދައްކަން ޖެހޭ އިރުވެސް ކޯސް ނިންމާ ނުލެވުމަކީ ދެރަކަމެއް. އެހެންކަމުން އެފަދަ ދަރިވަރުންނަށް އިތުރު މަގުތަކެއް ސަރުކާރުން ފަހިކޮށްދެއްވަން ޖެހޭނެކަަމަށް ދެކެން..
ނޫންތޭ
11 October 2020
އައްޑޫ ގަމުގައި ހަދާފައިވާ އެއާރޕޯރޓް ގައި އިންޓަރނޭޝަނަލް ބޯރޑް އަޅުވައިގެން އައްޑޫގެ އެމްޕީންގެ އެކެބަނޑެ ބެއްޔާ މެންނަށް ބޮޑެތި މުސާރަ ދީގެން ގެންއެއާރޕޯރޓް ކުންފުނި ހިންގާތާ 10 އަހަރު ވީއިރު ގެއްލުމަށް އެބައޮތް 180 މިލިއަން ޑޮލަރު އެމެން ސަރުކާރަށް ދައްކަން ޖެހިފައި މި 180 މިލިއަން ޑޮލަރަކީ އެއީ ހުޅުމާލެ ސައިޒުގެ 10 ހުޅުމާލެ މާލެ ސަރަހައްދުން ހިއްކޭނެ ފައިސާއޭ ދެން މީގައި ރައްޔިތުންނަށް ފައިދާ ބޮޑީ އެއީ މާލެ ސަރަހައްދުން 10 ހުޅުމާލެ ހިއްކުން
ރުފިޔާއަށް
11 October 2020
ހެޔޮނުވާނެއޭ މިސަރުކާރުން ރާއްޖޭގެ އިގްތިސާދު ފުނޑު ފުނޑުވެފައި އޮތްވާ ގެއްލުން މައްޗަށް ގެއްލުން ވަމުންދާ އައްޑޫ އަށް ބޭކާރު އިންވެސްޓް ކުރަން ނޫޅެ ބަލަ ކޮންމެ 24 ގަޑިއިރު އައްޑޫން މާލެ ސަރަހައްދަށް އެބަ ބަދަލުވޭ 100 މީހުން ދެން އެމެންނަށް މާލެ ސަރަހައްދުން ގޯތި ދޭނެ ކަމަށް ސަރުކާރުން އިއުލާން ކޮށްފިނަމަ އެއަދަދު ދިހަ ގުނައަށް ބަދަލުވާނެއޭ ދެން އެކަން ކުރަން މާލެ ސަރަހައްދުގެ ފަޅު ތައް ހިއްކާ އެމެންނަށް ގޯތި ވިއްކަންވީ ނޫންތޭ ގޯއްޗެއް ދެ ލައްކަ
ރަސްރުއް
11 October 2020
މިގައުމުގެ އެއްވެސް ސަރުކާރަކުން އެކަށީގެންވާ ފިޔަވަޅެއް އެޅިފައިނެތް، ތިޔަ ފުލައިން ސްކޫލްގެ ދޯދިޔާކަމުގެ ވާހަކަ ދައްކާތާ ޔަގީނުންވެސް 7 ވަރަކަށް އަހަރުވެއްޖެ ދަރިވަރުންގެ ކޯސް ކުރިޔަށްދާގޮތް ބަލަންޖެހެނީ މިސަރުކާރުގެ ކޮންބައެއްތޯ؟ ކޮބާތޯމުއައްސަސާތަކަކީ؟ ނޭގުނޭ ތިޔަވިދާޅުވިބަހުގެ މާނަޔެއް ހަމަނޭގުނޭ.......
ނެތީމޭނެތީމޭ
11 October 2020
ކިއެއްކުރާ ފްލައިންގް ސްކޫލެއް ފްލައިންގް ސްކޫލް އުވާލާ އެކަން ކުރަން ބޭނުންވާ ކުދިން މެލޭ އަށް ކިޔަވަން ސަރުކާރުން ހިލޭ ފޮނުވާ ދިނަސް މާބޮޑަށް ރަނގަޅުވާނެއޭ މަމެން ބުނަން ނެތީމޭ..
ސާމިހު
11 October 2020
މާމިގިލީގަ ވިލާއިން ހަދާ ފްލައިން ސްކޫލަށް ހުރިހާ ކުދިން އާދޭ. އޭޓީއާރ ރޭޓިންވެސް ހެދޭނެ ލައިސަންސް ލިބުނީމަ.
ޢާމާ ޢަދުރޭ
11 October 2020
ތީ އަމުދުން ނުވާނެކަމެއް ހުވަފެން ދައްކަން ނޫޅޭށޭ ގާސިމް ކާރީގަބުނޭ
ސާމިހު
11 October 2020
ފްލައިން ސްކޫލް ހަދާފަ ދައްކާނަން.
ޢާމާ ޢަދުރޭ
11 October 2020
ތިޔަފުލައިސްކޫލަށް ދާނެބަޔަކު ނުވާނެ
ސާމިހު
11 October 2020
އައްޗި. ތިހެން ބުނި ވިލާ އެއާ ވެސް ހުއްޓާލާނެއޭ. މިހާރު ކޮލަންބޯ އަށްވެސް ދަތުރު ކުރޭ. އަދިވެސް ހުއްޓައެއްވެސް ނުލާ.
އިދުރީސް2
12 October 2020
ތިޔަ ފުލައިންގް ސުކޫލު ގެ އެއް ބައި ފެންނާނީ ވެލާނާގެ ދޮރުމައްޗަށް ހުއްޓިފަ މައްޗަށް ބަލާލީމަ. އަނެއް ބައި ފެންނާނީ އިސްކަންދަރު ސުކޫލުގެ ދޮރުމަތީ ހުއްޓިފަ ކުރިމައްޗަށް ބަލާލީމަ!
ސުއޫދު
11 October 2020
ވޯޓް ހޯދަން އެމްޑީޕީ އަދި ސޯލިޙް ދެއްކި ވާހަކަ ތަކުގައި އައްޑޫއަށް ކޮށްދޭނެ ކަމަށް ބުނި އެއްވެސް ކަމެއް ކޮށްނުދިން. މިއީ ވަރަށް ދެރަ ކަމެއް. އަބަދުވެސް އައްޑޫ މީހުނަށް މާލޭސަރުކާރުން ހަދަނީ މިހެން.
އޮނަރަބްލް އަފީފު ދީދީ
11 October 2020
އެމްޑީޕީއާއި ސޯލިޙްގެ ވައުދު ނާމާގައި ބުނެފައިވާކަންކަން ތަންފީޒުކޮށްފިނަމަ ގޭން އެއަރޕޯޓްގައި ފްލައިންގ ސްކޫލް ހިންގުމަކީ އެހާ ފަސޭހަ ކަމަކަށް ނުވާނެ. # މިވަގުތަށް އޮތް އެންމެ ރަނގަޅު ހަައްލަކީ ފްލައިންގ ސްކޫލް ބޭނުން ނަމަ އެމީހުނަށް ފުވައްމުލަކު ރަށުތެރެއިން އޮފީސް ހަދާނެ ބިމެއް ކުއްޔަށްދީ ފުވައްމުލަކު އެއަރޕޯޓް އެމީހުން ބޭނުން ކުރާން ދިނުން. # އޭރުން ކައިރީގައި އިންޓަރނޭޝަނަލް އެއަރޕޯޓް އޮވެ ސްރީލަންކަން ދަތުރު ކުރާތީ އެމީހުނަށްވެސް ފަސޭހަވާނެ.
ކަތީބު.
11 October 2020
ވަރަށް ބަރާބަރު. މީގެ ސަބަބުން ފުވައްމުލަކަށް ވެސް ކުރިއެރުން ތަކެއް ލިބޭނެ. އަދި ކޯސް ހަދަން އަންނަ މާލެ އާއި ބޭރުގެ ކުދިންނަށް ވެސް ގަން އެއަރޕޯޓް ކައިރީގަ އޮތުމުން ފަސޭހަ ވާނެ. ސްޓޫޑަންޓުން ތިބޭނެ އެކޮމޮޑޭޝަން ތަރައްޤީ ކުރާން ކައުންސިލުން ހުޅުވާލަންވީ.
ބަލާބަލަ
11 October 2020
ހެޔޮނުވާނެ މިރާއްޖޭގެ އިގްތިސާދު ފުނޑިފައި އޮތްވާ އެއްވެސް މުސްތަގްބަލެއް ނެތް އަދި ވިޔަފާރީގައި ގެއްލުމުގެ މައްޗަށް ގެއްލުން ވަމުން އަންނަ އައްޑޫގައި ސަރުކާރުން ގެއްލުން ވަމުން އަންނަ ވިޔަފާރި ދަމަހައްޓަން މަސައްކަތް ނުކުރާށޭ ލަންކާ ބަޔަކު އޮޕަރޭޓް ކުރާ ތަނެއް ފްލައިންގް ސްކޫލަކީ ދެން ސަރުކާރުން ސަބްސިޑީ ދީގެން ލަންކާ ކުންފުންނެއް ހިމާޔަތް ކުރުމުގެ ބޭނުމަކީ ކޮބާ މާލެ ސަރަހައްދުގެ ޓެކްސް ޕޭކުރާ ދިވެހި ކުންފުނި ތަކަށް ތިލަފުށިން ބިން ދޭން ބިން ހިއްކަބަލަ
މޮޔަ ގޮލައެއް.
11 October 2020
އޭއި ބަލާބަލަ. ހޭ ބލ ވީތަ ؟؟ ކ. އަތޮޅު މާލެ އަކީ ޖަވާހިރު ވިހާ ތަނެއްކަން އެގެނީ ކަލެއަށް އެކަނި. ކަލެއަށް ދުނިޔެ ނޭގޭތީ ތިކަހަލަ ހޮޅި ވާހަކަ ދައްކަނީ. އަހަރުމެން މާލެ އައިސް މިތިބީ މާލެ ތަރައްޤީކޮށް މިތާގައި ދިރިއުޅޭކަށް ނޫން. އަހަރުމެން އަދިވެސް އެބުރި ދާނީ އައްޑުއަށް. އަހަރުމެންނަކީ ކ. އަތޮޅު މާލެ އެއީ ޕެރިސް ކަމަށް ދެކިގެން މޮޔަވާނެ ބައެއްވެސް ނޫން. މާލޭ ސަރުކާރުން އަހަރުމެނަށް މަޖުބޫރުކުރީމަ އައިސް މިތިބީ.
ޕޫބެއަރ
11 October 2020
އައްޑޫ ލައިވްގަ ހަބަރެއް ލިޔެ މީހުން ކެކި ގަތީމަ ސަރުކާރަށް ރޭކާލީ. އެހެން ނޫންނަމަ ކަހާތަން ހިރުވާ ވެސް ނުލާ. މިއީތޯ ހެޔޮ ވެރިކަމަކީ؟
ދިސްވޭއޭ
11 October 2020
އައްޑު އަތޮޅުގައި ކުރާ އެއްވެސް ކަމަކީ އެއީ ފައިސާގެ ގޮތުން ދެކޮޅު ޖެހޭ ކަމެއް ނޫނޭ ޓެކްނިކަލީ ގޮތުން ދެކޮޅު ޖެހޭ ކަމެއް ނޫނޭ ސަރުކާރުން އެބަޖެހޭ އިގްތިސާދީ ކަންކަމުގެ ހަގީގަތް ދަންނަން އައްޑޫ އަކީ އެއީ ރާއްޖޭގެ އިގްތިސާދުގައި މާ މުހިއްމު ރޯލެއް ކުޅެދެވޭނެ ބަޔެއް ނޫނޭ އައްޑޫ އޮންނަ ލޮކޭޝަންގެ ސަބަބުންނާއި އަދި އައްޑޫގައި އިންވެސްޓްކުރާ ފަރާތް ތަކަށް ރައްކާތެރި ކަން އައްޑޫގައި ނެތޭ އެއަތޮޅު މީހުންގެ އެޓިޓިއުޑް އެން ބިހޭވިއަރ ހުންނަ ގޮތުން
އެހެންތާ ؟
11 October 2020
ދެން ކީއްވެ މާލޭ ގޮލާމެނަށް އިންޑިޔާ މީހުން މިތާ ތިބީމަ އުދަގޫވެގެން އަހަރުމެން އައްޑޫ މީހުން އިންޑިޔާ އާއި ދެކޮޅަށް ނެރެން ވެގެން އުޅެނީ ؟؟
މުޖާހިދު
11 October 2020
ކަލޭ ހާދި ހަސަދަވެރި ކަމެއް އެބައޮތޭ އައްޑޫމީހުންނާ ދޭތެރޭ... މި ރާއްޖެ ޑޮމިނޭޓްކުރަނީ އަދި ފަހުންކުރާނީވެސް އައްޑޫމީހުން.. އަދާވާތްތެރި ވިޔަސް ވާންވީ ހިތަށް ކުޅަދާނަ މިންވަރަކަށް... އައްޑޫ އަތޮޅު ޒިންދާބާދު...ޖޭހޯ އައްޑޫ އަތޮޅު...އައްޑޫ މީހުން....