އޭސީސީން ތަހުގީގުކުރުމުގެ އާ ގަވައިދު ގެޒެޓްކޮށްފި

އޭސީސީގެ ރައީސާ ޝިއުނާ އާއި މެމްބަރުން މަޖިލީހުގެ ކޮމިޓީއެއްގައި ވާހަކަ ދައްކަވަނީ. އޭސީސީން 2017 ވަނަ އަހަރު ހަދަން ޖެހޭ ގަވައިދެއް އާއްމުކުރީ މިއަދު. --ފޮޓޯ/މިހާރު

މުހައްމަދު ނަސީމް، މިހާރު

14 އޮކްޓޯބަރ 2020 - 20:09

4 comments

އެންޓި ކޮރަޕްޝަން ކޮމިޝަން، (އޭސީސީ) އިން ތަހުގީގުކުރުމުގެ އިޖުރާއަތުގެ ގަވައިދު އިސްލާހުކޮށް އާ ގަވައިދެއް އެ ކޮމިޝަނުން މިއަދު ގެޒެޓްކޮށްފި އެވެ.

އޭސީސީން މިއަދު ގެޒެޓްކުރީ "އެންޓި ކޮރަޕްޝަން ކޮމިޝަނުގެ ތަހުގީގުކުރުމުގެ އިޖުރާއަތުގެ ގަވައިދު" އެވެ. ޖިނާއީ އިޖުރާއަތުގެ ގާނޫނު ބުނާ ގޮތުން އެ ގާނޫނަށް އަމަލުކުރަން ފަށާތާ ތިން މަސް ދުވަހުގެ ތެރޭގައި، ޖިނާއީ ތަހުގީގީ އިދާރާތަކުން އެކަމާ ގުޅޭ ގަވައިދެއް ހަދަންޖެހެ އެވެ. މި މުއްދަތުގައި އޭސީސީން ގަވައިދެއް ހަދައި އަމަލުކުރަމުން އައި ނަމަވެސް އެ ގަވައިދު އޮތީ ގާނޫނާ އެއްގޮތަށް ނޫން ކަމަށް ބުނެ އެކަމުގެ ޝަކުވާ މިދިޔަ އޮގަސްޓްމަހު އާއްމު ފަރާތަކުން ރައްްޔިތުންގެ މަޖިލީހަށް ވެސް ހުށަހެޅި އެވެ.

އެ މައްސަލަ ހުށަހެޅުމުން އޭސީސީން އޭރު ނެރުނު ބަޔާނެއްގައި ބުނީ ޖިނާއީ އިޖުރާއަތުގެ ގާނޫނުގެ ދަށުން ހަދަން ޖެހޭ ގަވައިދު، ތަހުގީގީ އިދާރާތަކުގެ ތެރެއިން އެންމެ ފުރަތަމަ ހެދީ އެ ކޮމިޝަނުން ކަމަށެވެ. ނަމަވެސް އެ ގަވާއިދު ހަދާފައިވަނީ ޖިނާއީ އިޖުރާއާތުގެ ގާނޫނަށް އަމަލު ކުރަން ފެށުމުގެ ކުރިން އަދި ގާނުނާ ހަވާލާ ވެސް ނުދީ ކަމަށް ވާތީ އެކަމުގައި ސުވާލު އުފެދުނެވެ.

އޭސީސީން ތަހުގީގުތައް ހިންގުމުގައި އަމަލުކުރާނެ އުސޫލުތައް ކޮމިޝަނުން މިއަދު އާއްމުކުރި ގަވައިދުގައި ބުނެފައިވާ ގޮތުގައި އެ ގަވައިދަކީ ޖިނާއީ އިޖުރާއަތުގެ ގާނޫނުގެ 211 ވަނަ މާއްދާގެ (ހ)ގެ (1) ވަނަ މާއްދާ އާއި އެންޓި ކޮރަޕްޝަން ކޮމިޝަނުގެ ގާނޫނުގެ 36 ވަނަ މާއްދާއިން ބާރުލިބިގެން ހަދާފައިވާ ގަވައިދެކެވެ.

މި ބައި ގަވައިދަށް އިތުރުކުރުން ފިޔަވައި، ކުރިން އަމަލުކުރަމުން އައި ގަވައިދާ އާ ގަވާއިދުގެ މާ ބޮޑު ތަފާތެއް ނެތެވެ.

އެމްޑީޕީ ދިވެހި ސަރުކާރު ރައްޔިތުންގެ މަޖިލިސް އެންޓި ކޮރަޕްޝަން ކޮމިޝަން ކޮރަޕްޝަން

4 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަރުވާލި އާދަނުގެ ސިޔާސީ ހާސަރު

15 October 2020

އާ ގަވައިދާ އާ ގާނޫނު ނެތި ތޯ ރައީސް ނަޝީދު 444 ރުފިޔާ ތަހުގީގުކޮށް ދެއްކުވީ. އަނެއްކާ އެކަން ތިޔަ ކުރެއްވީ ކަނު އަދިރީގައި ތިނޯހަކަށް ރޮއްޖެއް ލެއްވި ބީދައިންތޯ . ހަމަ އެ ސްޕީޑުގައި މާލޭ މޭޔަރު ޝިފާގެ ތަހުގީގުވެސް ދެއްތޮ. އަނެއްކާ ތިޔަ އާ ސާމާނު ލިބުނީމާ ލަންކާގެ ކުރީގެ ރައީސް މަތިރީ އާއީ ކޮލަމްބޯސިޓި މޭޔަރު ސަލާމަތް ވާނެ ބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝައްފާފު

15 October 2020

ޝާހް މާހިރު ބުނެ، އަމިއްލަ އަނގައިން އެއްބަސްވެފަ އެއޮތީ އަމީނު ކައިރި ބުނީމޭ ކޮރަޕްޝަން އެބަ ހިންގައޭ. އަމީނު އަޅައެއް ނުލިޔޭ. ދެން ކީއްވެ އިބޫ ކައިރި ނުބުނީ ؟ ޤާނޫނީ ގޮތުން ބެލެވޭނީ މިއީ އިނގިހުރެ އަންގަންވާ ފަރާތް ތަކަށް ނޭންގީ ކަމަށް. އޭސީސީ އަށް މިވަރު ހަމަ ނޭންގެނީތަ ؟ އޭސީސީ މިކަމުގައި ކުށްވެރިކޮށް، ޤަވާޢިދުން ޝަރުޢީ ނިޒާމުން ޝާޙް ގެ މައްސަލަ ބަލަން ގޮވާލަން. ޝާޙް ގެ ދޮށީ ދަރިއަކީ މައުމޫނަށް ކާފަ ކިޔާ ފަރާތެއްވީމާ މައްސަލަ ނުބަލާ ދޫކޮށްލެވިގެންނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފް އަލިފް

15 October 2020

އޭސީސީ ގެ ވާހަކަ ނުދައްކާ! އެއީ އެފަހަރަކު އެތާތިބޭމީހުބޭ ބަޔަކައް ރަގަޅު ކަމައް ފެންނަ ކަމެއް ރަގަޅު ކުރާ ތަނެއް. އެއްކަމެއް ކުޑަކުދަކަމަކުން ގޯސްވާއިރު އެކަން އެއައްވުރެ ބޮޑުކަމަކުން ރަގަޅުވެސް އެބަ ކުރޭ. މިމީހުން ހިތައްއެރީމަ ރަގަޅު ހިތައް އެރީމަ ގޯސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާދިހް

15 October 2020

ސަރުކާރުގެ ޅަ ކަމުން ރަނގަޅު ބަޔަކު އޭސީސީ އައްޔަންކުރެވުނީ. މިހާރު ސާފު މިހެން މިކަން ނުކުރެވޭނެކަން އޭސީސީ ފެއިލްވިކަން ފުރަތަމަ ތިލަ ވާން އެބަޖެހޭ. ހުރިވަރަށްވުރެންވެސް ބޮޑަށް. މަޖިލިހުގައި އެ ވަރަށް ގްރިލް ކުރެވެން އެބަޖެހޭ. މިހާރު ނުހާ ބޮޑެތި އެހެން ނޫސްތަކުގެ ސީދާ ހެޑްލައިން އިން ފެންނަން ޖެހޭ ރައްޔިތުންނަށް އޭސީސީ މެމްބަރުން ބަދަލު ކުރަންޖެހޭކަން ދެން ގެންނަން މިޖެހެނީ ފެންނަ ފެނުމަށް ރގަޅު، އެކަނު ސަރުކާރާއި އެކު މަސައްކަތް ކުރެވޭ ޓީމެއް