އެއް ދުވަސްތެރޭ އިދިކޮޅު 1،500 މީހުން ޕާކިސްތާނުން ހައްޔަރުކޮށްފި

ޕާކިސްތާނުގެ އިދިކޮޅު ލީޑަރު އިމްރާން ޚާން ނޫސްވެރިންނާ ވާހަކަ ދައްކަވަނީ.

ހަސަން އާމިރު، މިހާރު

31 އޮކްޓޯބަރ 2016 - 15:50

ކަރާޗީ (އޮކްޓޯބަރު 31) - އިދިކޮޅު ލީޑަރު އިމްރާން ޚާންގެ ސަޕޯޓަރުން ހައްޔަރު ކުރަން ޕާކިސްތާން ފުލުހުން ފެށި އޮޕަރޭޝަނުގައި އެއް ދުވަސްތެރޭ 1،500 އަށް ވުރެ ގިނަ މީހުން ހައްޔަރުކޮށްފި އެވެ.

އޮފިޝަލުން ބުނީ އިދިކޮޅު ގިނަ ބަޔަކު ހައްޔަރު ކުރަމުން ދަނީ މި ހަފުތާ ފަހުކޮޅު ބާއްވަން ރާވަމުންދާ އިދިކޮޅު ފަރާތްތަކުގެ މުޒާހަރާ އަށް ބިރުދައްކަން ކަމަށެވެ. އިދިކޮޅު ފަރާތްތަކުން ބުދަ ދުވަހު ބާއްވާ މުޒާހަރާގެ ބޭނުމަކީ ނަވާޒް ޝަރީފް އިސްތިއުފާ ދިނުމަށް ބާރު އެޅުމެވެ. އިދިކޮޅު މީހުން ހައްޔަރު ކުރަން ފަށާފައިވާ އިރު މި ހަފުތާ ކުރީކޮޅު ވަނީ ފުލުހުންނާ އެކު ކުރިމަތިލުންތަކެއް ވެސް ހިންގައިފަ އެވެ.

އިމްރާނުގެ ސަޕޯޓަރުން އިސްލާމްއާބާދުގެ މަގުތަކުގައި މުޒާހަރާ ކުރުމުގެ ހުއްދަ ދޭން ކޯޓުން މިއަދު ވަނީ ދެކޮޅު ހަދައިފަ އެވެ. ސަރުކާރުން މިދިޔަ ހަފުތާގައި ވަނީ އިސްލާމްއާބާދުގައި ދެމަސް ދުވަހަށް މުޒާހަރާ ކުރުން މަނާކޮށްފަ އެވެ. އިމްރާން ޚާންގެ ވަކީލް ބާބަރު އަވާން ވިދާޅުވީ ކޯޓުގެ ނިންމުން އިސްތިއުނާފް ކުރާނެ ކަމަށެވެ.

އިސްލާމްއާބާދުގައި މުޒާހަރާކޮށްފާނެތީ ފުލުހުން ވަނީ ބޮޑެތި ހައިވޭތަކުގައި ކޮންޓެއިނާތައް ބަހައްޓައިފަ އެވެ. ޚާރިޖީ ވަޒީރު ޗައުދަރީ ނިސާރު އަލީ ޚާން ވިދާޅުވެފައި ވަނީ މުޒާހަރާގައި އިމްރާން ޚާންގެ ސަޕޯޓަރުން ހަމަނުޖެހުން ހިންގަން ރާވާފައިވާ ކަމުގެ މައުލޫމާތު ލިބިފައިވާ ކަމަށެވެ.

ޕާކިސްތާން އިމްރާން ޚާން އިދިކޮޅު ފަރާތްތައް ދެކުނު އޭޝިއާ

4 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަންތަރީސް

31 October 2016

އަންތަރީހެއް ނުވޭ... މި މަހުތެރޭ ޕާކިސްތާނުގެ ކޮންމެވެސް އިސްބޭފުޅަކު ރާއްޖެ އައިސް މިގަވްމުގެ ރައީސާ ސަލާން ކޮށްކޮށްފަ އުޅޭތަން ފެނުނު.. ތީ ތިވީ ކަމަކީ ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށިމީހާ

31 October 2016

ލާހިކެއް ނޫން ސީމެގަށް ފިޔަވަޅު އަޅާކަށް.. ޕާކިސްތާނަކީ ބޮޑު ގައުމަކަށްވީމާ، ސީމެގް އޮންނާނީ ނިދާފައ. ދިވެހިން ބަނޑަށް ޖައްސަން ކުރި މަސައްކަތް ފޭލްކޮށް ކޮމަންވެލްތުން ދިވެހި ގައުމު ވަކިވީތީ ރައީސް ޔާމީނަށް ސެލިއުޓް ކުރަން.. މަރުހަބާ ރައީސް ޔާމީން