ހައި ކޯޓް: ކަޅުހަން ނުލިބޭ ގެތަކަށް އޭގެ އަގު ދޭން ދައުލަތުގެ މައްޗަށް ކުރި ހުކުމް ވަނީ ދަމަހައްޓާފައި -- ފޮޓޯ/މިހާރު
29 އޮކްޓޯބަރ 2020 - 19:14
7 comments
ސަރުކާރުން ބެހިި، ފެން ރައްކާކުރާ ކަޅުހަން ނުލިބުނު ގެތަކަކަށް އޭގެ އަގު ދައްކަން ދައުލަތުގެ މައްޗަށް ކޮށްފައިވާ ހުކުމްތައް ހައި ކޯޓުން ދަމަހައްޓައިފި އެވެ.
ސުނާމީ ކާރިސާއާ ގުޅިގެން ބޭރުގެ ޖަމާއަތްތަކާ ގުޅިގެން ސަރުކާރުން 2008 ވަނަ އަހަރު ވަނީ ރާއްޖޭގައި މީހުން ދިރިއުޅޭ ކޮންމެ ގެއަކަށް 2،500 ލީޓަރުގެ ކަޅުހަން ބަހައިފަ އެވެ. އެކަމަކު ލ. ހިތަދޫގެ ބައެއް ގެތަކަށް ކަޅުހަން ނުލިބުމުން އެ ގެތަކުގެ ވެރިން ދައުލަތާ ދެކޮޅަށް ދައުވާ ކުރުމުން މިދިޔަ އަހަރު އެ ރަށު ކޯޓުން ވަކިވަކިން ހުކުމްކުރީ އެއިން ކޮންމެ ގެއަކަށް ކަޅުހަމެއްގެ އަގާއި އެ އުފުލުމުގެ ޚަރަދު ދައުލަތުން ދެއްކުމަށެވެ. އެ ހުކުމްތަކާ ގުޅިގެން އޭގެ ތެރެއިން ބައެއް ގެތަކަށް ދައުލަތުން އޭގެ އަގު ދެއްކި އެވެ. އެކަމަކު ދެން ހުރި ހުކުމްތައް ދައުލަތުން ވަނީ އިސްތިއުނާފް ކޮށްފަ އެވެ.
އޭގެ ތެރެއިން 17 މައްސަލައެއް ދައުލަތުން އިސްތިއުނާފް ކުރުމުން ހައި ކޯޓުން އިއްޔެ ވަކިވަކިން ކުރި ހުކުމްތަކުގައި ވަނީ ހިތަދޫގެ ބައެއް ގެތަކަށް ކަޅުހަން ނުލިބި ހުރިކަން ދެ ފަރާތުގެ ބަހުން ސާފުވާ ކަމަށެވެ. އެކަމަކު އެރަށު ކޯޓުގެ ހުކުމާ ގުޅިގެން އޭގެ ތެރެއިން ބައެއް ގެތަކަށް ކަޅުހަމުގެ އަގު ދައުލަތުން ދައްކާފައިވާ ކަމަށާއި އެ މައްސަލަތައް ދައުލަތުން އިސްތިއުނާފް ވެސް ކޮށްފައިނުވާ ކަމަށް އެ ހުކުމުގައިވެ އެވެ. އަދި އެ މައްސަލަތަކުގައި ހުކުމާ އެއްގޮތަށް އަމަލު ކުރުމަށް ފަހު އެ 17 މައްސަލަ އިސްތިއުނާފް ކުރުމަކީ އެހެންވެ، އެއް ހާލަތެއްގައި ތިބި ދެ ބައެއްގެ މެދުގައި ދައުލަތުން ތަފާތު ކުރުން ކަމަށް އެ ހުކުމުގައިވެ އެވެ.
އެހެންވެ، ހުކުމުގައިވަނީ އެ ގެތަކަށް ކަޅުހަމުގެ އަގު ދައްކަން ކޮށްފައިވާ ހުކުމްތައް ރަނގަޅު ކަމަށެވެ.
އެ މައްސަލަތައް ހައި ކޯޓުން ބެއްލެވި ފަނޑިޔާރު އަބްދުﷲ ހަމީދާއި ފަނޑިޔާރު ޝުއައިބު ހުސައިން ޒަކަރިއްޔާ އަދި ފަނޑިޔާރު އަބްދުއްރައޫފް އިބްރާހިމް ހިމެނިވަޑައިގަންނަވާ ބެންޗަކުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާބިރު
31 October 2020
ތީ ބޮޑު ޖޯކެއް ?
ހޮޓްކިންގ
30 October 2020
މަގޭ ގެއަށް ކަޅުހަން ނުދިނީ އޭރުހުރި ކަތީބު މަށާއޮތް ހަސަދައަކުން. އެކަމަކު މިހާރު އެކަތީބު މަރުވެއްޖެ.
ހިތަދޫ އަބުދުއްދުއްރަހީމު
30 October 2020
މުހައްމަދު ސައީދަށް ޝުކުރިއްޔާ އެވެ.
ޢަނަސް
29 October 2020
ޢޭއ އި އޯއ އި މިރަށުގަ ތިޔާހަމެ އް ވި އްކީ ބޮޑު އަގުގަ
އަދުރޭ
29 October 2020
ގެއަލުނު ދުވަސްތައްވެސް ބަދަލުގެ ގޮތުގައި ނަގައިދެންވާނެ. ކަޅުހަން ނުލިބި ދިޔަދުވަސްތަކުގެ ބަދަލުގެ ގޮތުގައި ކޮންމެ ދުވަހަކައް ގެހޭ ފައިސާގެ އަދަދުވެސް ދޭން ފެނޭ. އެއީ ގެއްލުމުގެ ބަދަލަކީ.މީހުނަނައް ވަޒީފާ ދޭއިރުވެސް އެދުވަސްތަކާއި ވަޒީފާވެސްދޭ. ރައޔިތުން ނައް ލިބޭ އެއްޗެއް އެއީ
އޮނަރަބްލް އަފީފު ދީދީ
29 October 2020
އުފާވެރި އަދި ޙައްޤަށް ލިބުނު ނަސްރެއް. މިފަދަ ކަންކަން ކޯޓާއި ހަމައަށް އުފުލުމުގެ ހިތްވަރު ލިބިގަންނާން އެންމެނަށްވެސް ލިބުނު ހިތްވަރެއް ކަމުގައި ދެކެން. # އެހެން މީހުން ތިމާމެންގެ ޙައްޤު ހޯދާދޭނެ ކަމަށް "ޙިޔާލީ ދުނިޔެއެއްގައި ނުތިބެ" މިގޮތަށް މަސައްކަތް ކުރާންޖެހޭ އެއީ ކުރިއެރުން. # ޤާނޫނުއަސާސީގައި ސާފުބަހުން ލިޔެ އަމުރުކޮށްފައިވާ "ސާފުބޯފެނާއި ނަރުދަމާގެ ހިދުމަތް ނުލިބޭ ރައްޔަތުންވެސް" މިގޮތަށް ޙައްޤުހޯދަން ތެދުވެގެންނޫނީ މާލޭސަރުކާރުން އެކަންކޮށްނުދޭނެ.
1828
29 October 2020
މިއީ އިނގޭތޯ އިންސާފްވެރި ހުކުމަކީ. ދައުލަތަށް ދިވެހިރައްޔިތުންގެ މެދުގައި ތަފާތުކުރުމެއް ނުގެންގުޅެވޭނެ. މޯލްޑިވްސް ޕޮލިސް ސަރވިސްގައި ފުލުހުންގެ މެދުގައި ތަފާތުކުރުން ގެންގުޅުނަސް.