އީޕީއޭ އިން ހަ ވަނަ ފަހަރަށް ފެނަކަ ޖޫރިމަނާކޮށްފި

ފެނަކަ ކޯޕަރޭޝަންގެ އެމްޑީ އަހްމަދު ސައީދު (ކ) އާއި މަޑަވެލި ދާއިރާގެ މެންބަރު ހުސައިން ފިރުޝާން ގދ. ނަޑެއްލާގައި އާ އިންޖީނުގޭގެ ބިންގާ ނޮވެމްބަރު 7، 2019 ގައި އަޅުއްވައިދެއްވަނީ. -- ފޮޓޯ: ފެނަކަ

މުއިއްޒު އިބްރާހިމް، މިހާރު

29 އޮކްޓޯބަރ 2020 - 16:27

3 comments

އެންވަޔަރްމަންޓް ޕްރޮޓެކްޝަން އޭޖެންސީ (އީޕީއޭ) އިން އަނެއްކާ ވެސް ފެނަކަ ކޯޕަރޭޝަން ބޮޑު އަދަދަކުން ޖޫރިމަނާ ކޮށްފި އެވެ.

އީޕީއޭގެ އެންގުންތަކާ ޚިލާފްވެގެން މީގެ ކުރިން ފަސް ފަހަރެއްގެ މަތިން ފެނަކަ ކޯޕަރޭޝަން ޖޫރިމަނާކޮށްފައިވެ އެވެ.

އީޕީއޭ އިން މިއަދު ނެރުނު ބަޔާނުގައި ބުނީ މިފަހަރު ފެނަކަ ޖޫރިމަނާކުރީ ގދ. ނަޑެއްލާ އިންޖީނުގެ އެހެން ސަރަހައްދަކަށް ބަދަލުކުރުމުގެ މަސައްކަތުގައި އީޕީއޭ އިން ނަގަންޖެހޭ ހުއްދަތަކެއް ނެގުމެއް ނެތި އެ މަސައްކަތް ފަށާފައިވާތީ ކަމަށެވެ. އެހެންވެ، 263،000ރ. އިން ފެނަކަ ޖޫރިމަނާކޮށް އަދި އެ ފައިސާ އެއް މަސް ތެރޭގައި ދައްކަން އިއްޔެ އަންގާފައިވާ ކަމަށް އެ ބަޔާނުގައިވެ އެވެ.

މިދިޔަ އަހަރު ފެނަކަ ކޯޕަރޭޝަން ހަ ލައްކަ ރުފިޔާއިން ޖޫރިމަނާކުރީ އެންވަޔަރްމެންޓަލް އިމްޕެކްޓް އެސެސްމަންޓް (އީއައިއޭ) ހެދުމެއް ނެތި ފަސް ރަށެއްގެ އިންޖީނުގެ އެޅުމުގެ މަސައްކަތް ކޮށްފައިވާތީ އެވެ.

ފެނަކަ އިން އަންނަނީ އާ އިންޖީނުގެތައް އެޅުމުގެ މަސައްކަތް ވަރަށް ގިނަ ރަށްރަށުގައި ކުރަމުންނެވެ.

ތިމާވެށި ކަރަންޓު އީޕީއޭ ފެނަކަ ކޯޕަރޭޝަން

3 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާދޫ ސޭޓް ބިންތި ސަދާ

31 October 2020

ފެނަކައިގެ ތިޔަކަމުގެ ޒިންމާ އަދާ ކުރަން ހުންނަ ވެރިޔާގެ ކަމަކީ އޮފީސް މަސައްކަތް ބަހައްޓާފައި އެމްޑީ ހިތް އުފާ ކޮށްލަދޭން ރާއްޖޭގެ އެކި ރަށްތަކަށް އެމްޑީއާއެކު ދިއުމެވެ. ފެނަކައިގެ މިދޭތެރޭގައި ހިންގި ކަމަށް އަޑު ފެތުރުނު ކޮރަޕްޝަންގެ %75 ހިންގީ ތިޔަކަންތަކާއި ޒިންމާވާ ޑިޕާރޓްމަންޓުންނެވެ. ތިޔަ ޖުރުމާނާއަކީ ކޮންމެވެސް އެއްޗެއް އެމަރޖެންސީ ޕޮރޮކިއުމަންޓޭ ކިޔާފައިގަންނަން ދައްކާ ހުއްޖަތަކަށްވެސް ވެދާނެެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަލީލު

30 October 2020

އިސް ދިސް އަ ޖޯކް؟ ދައުލަތިގެ ފައިސާ އެއް އެކައުންޓުން އަނެއް އެކައުންޓަށް. ޖޫރިމަނާ ވާގޮތަށް ކަންކުރާ މީހުނާ ދޭތެރޭ ފިޔަވަޅެއް ނޭޅޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައިސޫރި

29 October 2020

ތިކަމުގާ ފެނަކަޔާއެއްވަރައް ކައުންސިލުންވެސް ޒިންމާވާންޖެހޭނެ ކައުންސިލުގެ ބާރުހިނގާ ބިމެއްގާ ކައުންސިލްގެ ހުއްދައެއްނެތި ބޭރުން ބަޔަކު ރަށައްއަރާ އިމާރާތެއް ކުރާނީ ކިހިނެއްތޯ އަދި އިމާރާތް ކުރާއިރު އެއިމާރާތް އެކުރަނީ ނަގަންޖެހޭ ހުއްދަތައް ނަގާގެންތޯ ބަލަންޖެހޭނީވެސް ކައުންސިލުންނޫންތޯ