ޕީޕީއެމްގެ ފަސް ވަނަ އަހަރީ ޖަލްސާ ބޭއްވުމާ ގުޅޭގޮތުން މުލިއާގޭގައި މިއަދު ބައްދަލުވުމެއް ބާއްވަނީ. --ފޮޓޯ: ސޯޝަލްމީޑިއާ
01 ނޮވެމްބަރ 2016 - 17:01
55 comments
ދެ ފަޅިކޮށްފައިވާ ޕީޕީއެމްގެ ފަސް ވަނަ އަހަރީ ދުވަސް ފާހަގަކުރުމަށް، އެ ޕާޓީގެ މުސްތަޝާރު ރައީސް އަބްދުﷲ ޔާމީންގެ ފެކްޝަނުން އަންނަ ހުކުރު ދުވަހުގެ ރޭ ކާނިވާ ސަރަހައްދުގައި ޖަލްސާއެއް ބާއްވަން ނިންމައިފި އެވެ. މި ޖަލްސާ ސޯޝަލް މީޑިއާގައި ޕްރޮމޯޓްކުރަމުން ދަނީ ޕީޕީއެމްގެ "އަސްލު" ޖަލްސާގެ ނަމުގަ އެވެ.
އަހަރީ ދުވަހުގެ ޖަލްސާ ބޭއްވުމާ ގުޅޭގޮތުން ކެބިނެޓުގެ ވަޒީރުންނާއި ރައްޔިތުންގެ މަޖިލީހުގެ ޕީޕީއެމް މެމްބަރުންނާއި ކުންފުނިތަކުގެ މެނޭޖިން ޑިރެކްޓަރުންނާއި ކައުންސިލް މެމްބަރުން މިއަދު ވަނީ މުލިއާގޭގައި ބައްދަލުވުމެއް ބާއްވައިފަ އެވެ. އެ ބައްދަލުވުމުގެ ތަފްސީލުތަކެއް އަދި އާއްމެއް ނުކުރެ އެވެ.
"Aslu kiyaidhey, Naslu kiyaidhey Rooh Dhiruvey Mirey" 4Nov2016 "Aslu" Jalsaa. Alimas Carnival ga 9:00 pic.twitter.com/D4VQuYpcoG
— Ahmed Nihan (@ahmed_nihan) November 1, 2016
ޖަލްސާ ޕްރޮމޯޓްކުރަން ނިހާން ކުރެއްވި ޓުވީޓެއް.
ރައީސް ޔާމީން ފެކްޝަނުން ޕާޓީގެ އަހަރީ ދުވަސް ފާހަގަކުރުމުގެ ތައްޔާރީތައް ވަމުން އަންނައިރު، ޕާޓީގެ ރައީސް މައުމޫން އަބްދުލްގައްޔޫމް ފެކްޝަނުން ބާއްވަން އުޅުނު ޖަލްސާއަށް ވަނީ ހުރަސްއަޅައިފަ އެވެ.
ޖަލްސާ ބާއްވަން އެންމެ ފުރަތަމަ އެ ފެކްޝަނުން އެދުނީ ދަރުބާރުގެ ދޫކޮށް ދިނުމަށެވެ. އެތަން ދޫކުރަން އެއްބަސްވެ ހައުސިން މިނިސްޓްރީން ފައިސާ ބަލައިގަތް ނަމަވެސް ފަހު ވަގުތު ވަނީ ޖަލްސާ އަށް ދަރުބާރުގެ ދޫކުރަން ދެކޮޅު ހަދައިފަ އެވެ. އެހެންވެ ޕާޓީގެ ރަސްމީ އޮފީހުގައި މިދިޔަ ބުރާސްފަތި ދުވަހުގެ ރޭ ޖަލްސާ ބާއްވަން އުޅުމުން ވެސް ފުލުހުން މެދުވެރިކޮށް ވަނީ ޖަލްސާ ހުއްޓުވައިފަ އެވެ.
މި ހުރަސްތަކާ އެކު ވެސް މައުމޫން ވަނީ ޝީ ބިލްޑިންގުގައި ބޭއްވި ހަފުލާއެއްގައި، ފަސް ވަނަ އަހަރީ ދުވަހުގެ ކޭކު ފަޅުއްވައިފަ އެވެ. ސަރުކާރަށް ކުރައްވާ ތާއީދު އަނބުރާ ގެންދެވިކަން ވެސް މައުމޫން އިއުލާންކުރެއްވީ އެ ހަފުލާގަ އެވެ.
ޕީޕީއެމްގައި ރައީސް މައުމޫން އަދާކުރެއްވި ޒިންމާތައް ރައީސް ޔާމީނާ ހަވާލުކުރީ ސިވިލް ކޯޓުންނެވެ. އެ ހުކުމަށް ހައި ކޯޓުން ތާއީދުކުރުމާ އެކު ޔާމީން ފެކްޝަނުން ވަނީ ޕާޓީގެ ރަސްމީ އޮފީހުގައި ހުރި މުދަލާއި ލިޔެކިޔުންތައް ވެސް ގެންގޮސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު
03 November 2016
ހޭވައްލާ ތައްޔާރު.. ހަގީގީ ހެޔޮފަޅި ދައްކާލާނަން،
އަހަންމާ
02 November 2016
ތިޔައީ ފޭރުނު ޕީޕީއެމް ތިޔައްކިޔާނެ އެހެންނަމެއް ނޯންނަަނެ ވަރައްސަލާމް
ހަބީބު
02 November 2016
މަރުހަބާ އަސްލު ޕީޕީއެމް ރާއްޖޭގެ ތަރައްގީއައް ބޭނުންވަނީ ޔާމީން ފަދަ ހިތްވަރުހުރި ވެރިޔެއް ކޮރަފްޝަނާ ފަސާދައިން އެއްކިބާވެފަ ހުރި ވެރިޔެއް މައުމޫނު ބޭނުންވަނީ އަދިވެސް ކުރިންކަން ކުރިގޮތައް ކަންކަން ނިންމަން ޔާމީން އެގޮތް ގަބޫލު ނުކުރާތީ ބޮޑާހަކަނީ އަވަހައް ހއ ހދ ށ އަތޮޅުގެ ތަރައްގީ ހަލުވި ކޮއްލާ އޭރުން ބާރައް ބާރައް ކުރިޔައް ގޮސް ވޯޓުދީގެން 2018 ވަނައަހަރުވެސް ހޮވާނީ ޔާމީން
ސސ
02 November 2016
އަސްލު ކިޔާދީ ނަސްލު ކިޔާދީ!
ހަސަނު
02 November 2016
"ގިރިޓީ ލޯބިން ދެއްކި ދަޅައިން..." ޖަލްސާ މިކޮޅުގާ އަހަރެމެން އެބަ ބާއްވަން...
މާދަނޑު
02 November 2016
ރައީސް މައުމޫނު ފެޅުއްވި ކޭކު ދެފަޅިއަށް ހަންޖަރަކުން އެފެޅުއްވި ފެޅުއްވުމުގެ ޙިކްމަތަކީ އެއީ ޕާރތީ ދެފަޅިވީ ކަމުގެ މެސެޖު ރައްޔިތުންނަށް ހާމަކޮށްދެއްވުމަށް ފެޅުއްވި ކޭކެއް ކޭކު ފެޅުއްވުމަށް ފަހު އެމަިނކުފާނު ވިދާޅުވީ ކީކޭތޯ ވަރަށް ޞަރީހަ ބަހުން އެވިދާޅުވީ ޔާމީނަށް ކުރި ތާއީދު އަނބުރާ ގެންދަވައިފި ކަމަށް ޔައުނީ ތައިދު ކުރުން އެހިސާބުން ނިމުނީ ކަމަށް ހަމައެއާއކު އެ ވަޑައިގަތީ ގާސިމް އަރިހަށް ރައީސް މައުމޫނަކީ ސިޔާސީ މައިދާނުގައި އަދިވެސް މި ދިވެހިރާއްޖޭގައި އެހުރުކަން ކުރައްވާ ބޭފުޅަކީ
އަސަލު
02 November 2016
ޖަލްސާބާއްވަން ތަންދައްކާބަލަ. އަސްލު ދައްއޮދޭނަން
އިބްރާހީމް
02 November 2016
ތީ އަސްލު ޕީޕީއެމްކަމަކަށް މިހާރު ޤަބޫލެއް ނުކުރަން. ވަރަށް ސާފުކޮށް މިބުނީ.
އަހުމަދު
02 November 2016
ޕީޕީއެމްގެ ޖަލްސާ ބޭއްވުމާ ބެހޭގޮތުން އެމް.ޑީ.އޭ ގެމެމްބަރުން ތިބެންޖެންޖެހޭތީ ހައިރާންވޭ.
އޭސީީސީ
02 November 2016
'އަޅުންގެ'ގެ ޖަލްސާތޯ. ފޮޓޮގައިތިބީ މިނިސްޓަރުންނާ ކުންފުނިތަކުގެ މެނޭޖިންގ ޑިރެކްޓަރުން. މިކަހަލަ ޖަލްސާތަކަށް މަޖުބޫރުކޮށްގެން މުވައްޒަފުން ނުގެންދިއުމަށް ގޮވާލަން! އޭސީސީއިން މިކަން ގާތުން ބެލުމަށް ދަންނަވަން!