ރެސިޑެންޓް ވިސާއަށް ކުރީ ސަރުކާރުން ދިން ލުއިތަކެއް ނުދޭނަން: ސަރުކާރު

އިމިގްރޭޝަން ކައުންޓަރަކުން ހިދުމަތް ހޯދަން މީހަކު ދަނީ. ކޯޕަރޭޓް ރެސިޑެންޓް ވިސާއަށް ކުރިން ދެމުން އައި އިނާޔަތްތައް ނޯންނާނެ ކަމަށް އިކޮނޮމިކް މިނިސްޓްރީން އިއްޔެ ބުނި؛

މުހައްމަދު ނަސީމް، މިހާރު

11 ނޮވެމްބަރ 2020 - 11:18

15 comments

ކޯޕަރޭޓް ރެސިޑެންޓް ވިސާ ދޫކުރުމުގެ ގަވައިދު ހަދައި ގެޒެޓްކުރީ 2015 ވަނަ އަަހަރު ކަމަށާއި އޭރު އެ ވިސާގައި އަންނަ ފަރާތްތަކަށް ދިން ލުއިތައް ދިނުމުގެ ވިސްނުމެއް މިހާރު ނެތް ކަމަށް ސަރުކާރުން އިއްޔެ ބުނެފި އެވެ.

އިކޮނޮމިކް މިނިސްޓްރީން އިއްޔެ ނެރުނު ބަޔާނެއްގައި ބުނީ 2015 ވަނަ އަހަރު ކޯޕަރޭޓް ރެސިޑެންޓް ވިސާގެ ގަވައިދު ފުރަތަމަ ގެޒެޓްކުރުމަށްް ފަހު، "ޑިއުޓީ ފްރީ، ޓެކްސް ފްރީ، ފާސްޓް ޓްރެކް ސާވިސް" ފަދަ ކަންތައްތައް އެ ގަވައިދާ ގުޅުވައިގެން އޭރު އިޝްތިހާރުކުރި ކަމަށެވެ. އެކަމަކު ކޯޕަރޭޓް ރެސިޑެންޓްވިސާއާ ގުޅުވައިގެން އެ އިނާޔަތްތައް ދިނުމަކީ މި ސަރުކާގެ ވިސްނުމެއް ނޫން ކަމަށް ވެސް އެ ބަޔާނުގައި ބުންޏެވެ.

އިމިގްރޭޝަން ގާނޫނަށް ހޯމަ ދުވަހު ގެނައި ބަދަލުގައިވާ ގޮތުން، އެ ބަދަލަށް އަމަލުކުރަން ފެށުމާ އެކު ރާއްޖޭން ކޯޕަރޭޓް ރެސިޑެންޓް ވިސާ ހޯދުން ކުރިއަށް ވުރެ މާބޮޑަށް ފަސޭހަވެގެންދާނެ އެވެ. މިހާރު އަމަލުކުރަމުން އަންނަ ގަވައިދުގައި ކޯޕަރޭޓް ރެސިޑެންޓް ވިސާ ދޫކުރާނީ ރާއްޖޭގައި އެންމެ މަދުވެގެން 50 މިލިއަން ޑޮލަރު އިންވެސްޓްކުރާ ފަރާތްތަކަށެވެ. އެކަމަކު ގާނޫނަށް ގެނައި ބަދަލުގައި އެ އަދަދު ވަނީ އެންމެ 250،000 ޑޮލަރަށް ދަށްކޮށްފަަ އެވެ. އެހާ ފަސޭހައިން ކޯޕަރޭޓް ރެސިޑެންޓް ވިސާ ލިބޭ ގޮތަށް ބަދަލުކުރުމުން އިދިކޮޅު ފަރާތްތަކުން އަންނަނީ އެކަމަށް ފާޑުކިޔަމުންނެވެ. ގާނޫނަށް އެ ބަދަލު ގެނައި ސަބަބާ މެދުގައި އިދިކޮޅުން އަންނަނީ ސުވާލު އުފައްދަމުންނެވެ.

ވެރިކަންކާ ކޯލިޝަންގެ މައި ޕާޓީ އެމްޑީީގެ ޕާލަމެންޓްރީ ގްރޫޕްގެ ބައެއް މެބަރުން ވެސް ގެންދަނީ އާ ބަދަލާ މެދު ކަންބޮޑުވުން ފާޅުކުރަމުންނެވެ.

Faseyhain resident visa libey islaahu faaskoffi

The most trusted news source in the Maldives

Mihaaru

ނުސީދާކޮށް އެ ވާހަކަތަކަށް ރައްްދުދީ އިކޮނޮމިކް މިނިސްޓްރީގެ ބަޔާނުގައި ބުނީ ދިވެހިންގެ އިންވެސްޓްމެންޓްތަކަށް ހިޔަނިއެޅޭ ގޮތަށް ސަރުކާރުން ކޯޕަރޭޓް ރެސިޑެންޓް ވިސާ ތައާރަފްކޮށްފައިވާ ކަމަށް ބުނެ ފަތުރާ މައުލޫމާތު ސަައްހަ ނޫން ކަަމަށެވެ. އެހެންވެ އެކަމާ ބެހޭ ސައްހަ މައުލޫމާތު އާއްމުންނާ ހިއްސާކުރަން އިލްތިމާސްކުރާ ކަމަށް ބަޔާނުގައިވެ އެވެ.

އިމިގްރޭޝަން ގާނޫނަށް ގެނައި ބަދަލުގައިވާ ގޮތުން ކޯޕަރޭޓް ވިސާ ހޯދުމަށް ރާއްޖޭގައި އިންވެސްޓްކުމުގެ ގަަވައިދު އެކުލަވައިލާނީ ރެޖިސްޓްރާ އޮފް ބިޒްނަސަސް އެވެ.

އިގްތިސާދު ރައްޔިތުންގެ މަޖިލިސް އިންވެސްޓަރުން އިމިގްރޭޝަން އިދިކޮޅު ފަރާތްތައް ރެޒިޑެންޓް ވީސާ ވީސާ އިމިގްރޭޝަން ގާނޫނު ފޮރިން އިންވެސްޓްމަންޓަސް

15 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގޯޕާލް

12 November 2020

ކަލޭމެންގެ ވެެއްޓުން ތި ޕްލޭންކުރަނީ ކަލޭމެން އަމިއްލައަށެވެ. އެންމެ 250 ހާސް ޑޮލަރަށް ރެސިޑެންޓް ވިސާ ކޮންސެޝަންސް ތަކަކާއިއެކު ވިއްކާކަށް ދިވެހިންގެ ތެރެއިން ގިނަ މީހުން (އެމްޑީޕީ މީހުން ހިމެނޭގޮތަށް) ބޭނުމެއްނޫނެވެ. މި ގައުމަށް އިންޑިއާމީހުންގެންނާކަށް ދިވެހިން ބޭނުމެއްނޫނެވެ. މިހާރު ދިވެހިން ދިވެހިރާއްޖޭގައި މިއުޅެނީ ދެވަނަ ދަރަޖައިގައެވެ. ތިންވަނަ ދަރަޖައަށް ވެއްޓޭކަށް ބޭނުމެއްނޫނެވެ. ވޯޓުގެ ކުރިން މިކަންތައް ރަނގަޅުކުރާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންޕަދަރި

11 November 2020

ހުރިހާވެސް ބޭނުމަކީ 250 ހާސް ޑޮލަރަށް އިބޫމެން ހަދާ ފުލެޓްތަށް އިންޑިއާއިން ގެންނަ މީހުނަށް ވިއްކުން. އެފްލެޓްތަށް ނުވިކިގެން ވަރަން އެބަތެޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުބީނު މާރނީ

11 November 2020

ކަމަލާ ހެރިސް (އެމެރިކާގެ ނާއިބު ރައީސް އަކަށް ހޮވުނު ބޭފުޅާ) ގެ ބޭންކު އެކައުންޓް ގައިވެސް ހުރީ 2 މިލިއަން ޑޮލަރު. ކާކު އަތުގަތަ 2 ލައްކަ ޑޮލަރު ހުރީ ؟ މައުމޫނު ޕާޓީ ގެ ނާދިރާ މެންއަތުގައި ޑޮލަރު ފުނިޖަހާފަ ހުރީމާ އޭނައަށް ހީވަނީ އެހެން މީހުންގެ އަތުގައިވެސް ފުނިޖާފަ ޑޮލަރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

11 November 2020

މިއޮތީ މަސް އައިނަށް އަރާފަ. ކުރުދޮށީގަ ރެސިޑެންސް ވިސާ ބާންނަންވީ. ޔޫރަޕުގަ ކަންމަތީ ފިހާރަ ގެންގުޅޭ މީހާއަށްވެސް 250،000 ޑޮލަރު ލިބޭނެ އަދި އެއީވެސް ފައިދާ ލިބޭގޮތަށް އެކައުންޓްގަ ބައިންދަން. ދިވެހިރާއްޖޭގެ އަގުވެސް މިއޮތީ ވެއްޓިފަ. މިތަނުގެ ހާއްސަކަމެއް ނެތް. އާދައިގެ މީހުން އައިސް ދިރިއުޅެވޭ ތަނަކަށް މިއޮތީ ހަދާފަ. މީގެ ފަހަތުގަ އިންޑިޔާ ނެތިއެއްނުދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންތިބީ ހުސްމޮޔައިން

11 November 2020

50 މިލިއަން ޑޮލަރު އިންވެސްޓް ކޮށްގެން މިތަނަށް އިންޑިއާއިން އާދެވޭނީ ކިތައް މީހުންނަށްތޯ އަދި އޭގެތެރެއިން އަންނަން ބޭނުންވާނީ ކިތައް މީހުންތޯ؟ 250،000ޑޮލަރު އިންވެސްޓްކޮށްލައިގެން މިތަނަށް ޖެހިލުމެއްނެތި އާދެވޭނެ އަދި އަންނަން ބޭނުންވާނެ ކިތައް ހިންދޫންނާ ކިތައް ނަޞާރާއިން އުޅޭނެތޯ ހަމައެކަނި އަވަށްޓެރި ގައުމުތަކަށް ބަލައިލިޔަސް. މަޤްޞަދާއި ރޭވުން ވަރަށްވެސް ސާފު. ހީނުކުރާތި ދެންތިބީ ހުސް ގަމާރުންކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމަލު

11 November 2020

ދޮގާ މަކަރާ އޮޅުވާލުން. ރައްޔިތުންގެ ބަސް ކަފުން ކޮށްފަ މި މީހުން ބޭނުން އެއއްޗެއް މިހަދަނީ. މެނިފެސްޓޯގަ ލިޔެފަ އޮތް ކަމެއް ނޫން މިކުރަނީ. މިއަށް ކިޔަނީ ފްރައުޑް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދަގަނޑު

11 November 2020

50 މިލިޔަނަށް ރެސިޑެންސް ވިސާ ނުގަންނާނެ ހަގީގަތުގައިވެސް ވިޔަފާރިކުރަން އެދޭމީހަކު ފިޔަވައި. އެންވީމައި ޑިއުޓީ ފުރީވިޔަސް ކޮބާ މައްސަލަޔަކީ. އެމީހުން ޕޮލިޓިކަލް ބޭނުމަކަށް 50މިލިޔަން ހަރަދެއް ނުކުރާނެ. އެކަމަކު 250،000 ޑޮލަކީ ހަމަ އެބޭނުމަށް ހުޅުވާލި ދޮރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޅި ގެރި

11 November 2020

މަޑުކޮށްބަލަ! 50 މިލިޔަން ޑޮލަރުގެ އިންވެސްޓްމަންޓް ކުރީމަ ކުރީ ސަރުކާރުން ރެސިޑެންޓް ވިސާ މިދެނީ! މިހާރު ދެލައްކަ ޑޮލަރަށް!؟ ކުރީސަރުކާރުން ދިން ލުއި!؟! އައިއޭމް ކޮންފިއުޒް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަހަންގީރު

11 November 2020

މިއީ ދުރުރަސްތާ ޕްލޭނެއްގެ ދަށުންހިނގާ ވަރަށް އަޑި ނުބައި ޕްލޭނެއްގެބައެއް. މަޤްޞަދަކީ ދިވެހިރާއްޖޭގައި އެހެން ދީންތަކުގެ އާބާދީ ބޮޑުކޮށް ދިވެހިންނާ އެމީހުންނާ ހަމަނުޖެހުން ހިނގާ ހިސާބަށް ގެންގޮސް އެހިސާބުން އެއީ ދާޚިލީކަމަކަށްވުރެ ބޮޑަށް ދީނީ ނުވަތަ ނަސްލީ ތަފާތު ކުރުމެއް ކަމަށް ނިންމާ އެގައުމުތަކުގެ ރައްޔިތުން ސަލާމަތް ކުރުމުގެ ނަމުގައި ރާއްޖެ އަރަން ފުރުޞަތު ހޯދައިދިން. މިކަން ނިމޭއިރު ޤާނޫނުއަސަސީން އެހެންދީންތަކަށް ފުރުޞަތު ހޯދައިދިނުން.