ހަދަމުން އަންނަ ރިސޯޓަކާއި އެއާޕޯޓް ކާގޯ ޑިޕާޓްމަންޓްގައި ކޮވިޑްގެ ބޮޑު ކްލަސްޓާއެއް

އެޗްއީއޯސީ އިން މީގެ ކުރިން ބޭއްވި މީޑިއާ ބްރީފިންގައި ޑރ. ނަޒްލާ ވާހަކަ ދައްކަވަނީ

ލަމްޔާ އަބްދުﷲ، މިހާރު

15 ނޮވެމްބަރ 2020 - 23:35

ކޮވިޑް-19 އަށް މިއަދު ޕޮޒިޓިވްވި ކޭސްތައް އިތުރުވީ ހަދަމުން އަންނަ ރިސޯޓަކުން ނެގި ރެންޑަމް ސާމްޕަލްތަކަކުން 24 މީހުން ޕޮޒިޓިވްވުމުން ކަމަށާއި އެއާޕޯޓްގެ ކާގޯ ޑިޕާޓްމަންޓުން ވެސް ކޮވިޑްގެ ބޮޑު ކްލަސްޓާއެއް ފެނިފައިވާ ކަމަށް ހެލްތު އިމަޖަންސީ އޮޕަރޭޝަން ސެންޓަރު (އެޗްއީއޯސީ) ގެ ތަރުޖަމާނު ޑރ. ނަޒްލާ ރަފީގް މިރޭ ވިދާޅުވެއްޖެ އެވެ.

އެޗްއީއޯސީ އިން މިރޭ ބޭއްވި މީޑިއާ ބްރީފިންގައި އޭނާ ވިދާޅުވީ، ހަދަމުންދާ ރިސޯޓުތަކުންނާއި ޓޫރިސްޓުންނަށް ހުޅުވާލާފައިވާ ރިސޯޓުތަކުގެ މުވައްޒަފުން މިހާރު ކޮވިޑަށް ޓެސްޓުކުރަމުން އަންނަ ކަމަށެވެ. މިއީ އެކްޓިވް ސަވައިލަންސްގެ ދަށުން އެ ސެންޓަރުން ކުރަމުން އަންނަ މަސައްކަތެއް ކަމަށް އޭނާ ވިދާޅުވި އެވެ.

"މިހާރު އަޅުގަނޑުމެން މަސައްކަތްތަކެއް ކުރަމުން މި އަންނަނީ ހަދާ ރިސޯޓުތަކުން އަދި ޓޫރިސްޓު ރިސޯޓުތަކުން އެކްޓިވް ސާމްޕަލްތައް ނަގަން،" ނަޒްލާ ވިދާޅުވި އެވެ.

އޭނާ ވިދާޅުވީ ރިސޯޓެއްގެ ގޮތުގައި ތަރައްގީކުރާ "ރަށްފަރުހުރާ" އިން އިއްޔެ 249 ސާމްޕަލް ނެގި ކަމަށާއި އޭގެ ތެރެއިން 24 ސާމްޕަލެއް ޕޮޒިޓިވް ކަމަށެވެ. ޕޮޒިޓިވްވި މީހުން އައިސޮލޭޓްކޮށް، ކޮންޓެކްޓް ޓްރޭސިން މަސައްކަތް އެ ރަށުގައި ކުރަމުން އަންނަ ކަމަށް އޭނާ ވިދާޅުވި އެވެ.

✳️ COVID-19 Case Updates

As of 15.11.2020, 06:00 PM

Confirmed an additional 50 cases of COVID-19 infections in Maldives

- 19 Locals
- 31 Foreigners

Total number of cases: 12,204 pic.twitter.com/PQeqvsnIuM
— Health Protection Agency (@HPA_MV) November 15, 2020

އެޗްޕީއޭ އިން މިރޭ ކުރި ޓްވީޓެއް

އެ ރަށުގައި މަސައްކަތްކުރާ މުވައްޒަފުންނަކީ ހަތަރު ރަށަކުން އަންނަ މީހުން ކަމަށާއި އެތަނުގައި 2،000 އަށް ވުރެ ގިނަ މުވައްޒަފުން މަސައްކަތްކުރާ ކަމަށް ނަޒްލާ ވިދާޅުވި އެވެ.

ނަޒްލާ ވިދާޅުވި ގޮތުގައި އެއާޕޯޓު ކާގޯ ޑިޕާޓްމަންޓުން މިހާތަނަށް 22 ކޭހެއް ފެނިފައިވެ އެވެ. އެންމެ ފުރަތަމަ އެތަނުން ކޮވިޑަށް މީހަކު ޕޮޒިޓިވްވީ މި މަހުގެ ފަސް ވަނަ ދުވަހު އެވެ. ނަމަވެސް މިދިޔަ ބުރާސްފަތި ދުވަހު ފަސް މީހަކު ޕޮޒިޓިވްވި ކަމަށާއި އަދި ހުކުރު ދުވަހު އިތުރު ހަ މީހަކު ޕޮޒިޓިވްވި ކަމަށް ނަޒްލާ ވިދާޅުވި އެވެ. އިއްޔެ ހަތް މީހަކު އަދި މިއަދު ތިން މީހަކު ޕޮޒިޓިވް ވި އެވެ.

ނަޒްލާ ވިދާޅުވި ގޮތުގައި އެއީ އެންމެން އެއްކޮށް މަސައްކަތުގައި އުޅޭ ޑިޕާޓްމަންޓެކެވެ. އަދި އެ ކްލަސްޓާއާ ގުޅިގެން 136 ސާމްޕަލެއް ނަގާފައިވާ ކަމަށާއި 27 މީހަކު އައިސޮލޭޓްކޮށްފައިވާ ކަމަށް ވިދާޅުވި އެވެ.

މީގެ އިތުރުން ފްލޫ ކްލިނިކުން ނަގާ ސާމްޕަލްތަކުން ކޮވިޑަށް ޕޮޒިޓިވްވާ މީހުން ވެސް އަނެއްކާ ގިނަވަމުން އަންނަ ކަމަށް ނަޒްލާ ވިދާޅުވި އެވެ. އެހެންވެ މި ބަލިން ރައްކާތެރިވުމަށް އަޅަންޖެހޭ ފިޔަވަޅުތަކަށް ސަމާލުވާން ނަޒްލާ އިލްތިމާސްކުރެއްވި އެވެ.

އިއްޔެ އިރުއޮއްސި 6:00 އާ ހަމަ އަށް ރާއްޖޭން ވަނީ ކޮވިޑްގެ 12,204 ކޭސް ފެނިފަ އެވެ. މީގެ ތެރެއިން 11,289 މީހަކު ރަނގަޅުވެފައި ވާއިރު 43 މީހަކު ވަނީ މަރުވެފަ އެވެ.

ސިއްހަތު ބިދޭސީން ބަލިތައް ހެލްތު ޕްރޮޓެކްޝަން އެޖެންސީ ޑރ. ނަޒްލާ ރަފީގް (އެޗްޕީއޭ) އެޗުއީއޯސީ

9 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނިއުމާ 777

16 November 2020

ތި އެއަރޕޯޓް ކާގޯގަ ތިބެނީ ވަރަށް ވެފަ އުޅޭބައެއް! ދުވަހަކުވެސް ކާގޯ ފޮނުވަން ޖާގަލިބޭކަމަކަށް ނުވޭ! އެކަމަކު ރައްޓެހިންގެ މުދާ ނެގޭ! ވަރަށް ފޫހިވޭ މި މީހުންދެކެ! ކުޅުދުއްފުއްޓަށް ޖާގަ ލިބުނީމަ ފޮނުވާނަމޭ ކިޔާފަ ހަފްތާއެއް ވީއިރުވެސް މުދާކޮޅި ހުރީ ގުދަންކޮށްފަ! އެކަމަކު ކޮންމެ ދުވަހަކު ފްލައިޓްތައް އޮވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮޖޭ

16 November 2020

އެއްވެސް ވަރަކަށް ދައްކަންވީ ވާހަކައެއްތަ ގިނަވާ ވާހަކަ އެއީ؟ ލުއި ތިޔަދެނީ ވަކި ވަރަކަށް ނޫން. ގިނަ ބަޔަކަށް ހީވާން ފަށައިފި އޯލްޑް ނޯމަލްއަށް ދާންވީއޭ. ކުޅިވަރު ސީޒަންއަށް ޕްރެކްޓިސް ކުރަނީ. ދެން އެހެން ހުރިހާ ކަމެއްވެސް ދޫކޮށްލަނީ. ގެސްޓްހައުސްތައްވެސް ހުޅުވާލީ. އަދަދު ގިނަވާތީ އުޅުމުގެ ބޭނުމެއް ނެތް. އަންލިކްޑް ކޭސަސް އެހާ ގިނައިރު އެބަ އެނގޭ އެކި ދިމާލުގަ ކޮވިޑް މީހުން އެހާ ގިނަ ކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

16 November 2020

އަހަރެން ހައިރާންވަނީ މި ތިބިހާލުގައި ކުދި ވިޔަފާރި ހުޅުވައިލައިގެން އޮފީސްތަކުން ވެސް ހިދުމަތް ދެމުން ދިރިއުޅެމުން ދަނިކޮށް ކުއްލިއަކަށް އޮފީސްތައް އެއްކޮށް ހުޅުވާލާ ހުރިހާ ލުއިތަކެއް މިދިނީ މި ބަލި މިގައުމުން ކޮންޓްރޯލް ވެދާނެތީ ބިރުންތޯ. ގައިންގަޔަށް އަރާ ބައްޔެއްގައި އެވްރެޖް 30 ގައި ހުއްޓާ މިވަރަށް ލުއިދިނީ ފަތުރަންވެގެންކަމަށް ބުނުމުގެ ފުރުޞަތުއެބައޮތް. ވެކްސިން އެއް ލިބެންދެން ޖެހޭނީ ހަމަ ނިއުނޯމަލްގަ އުޅެން. މިއީ ރޮކެޓް ސައިންސެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގަންބެ

16 November 2020

ކިހިނެއް އިނގެނީ ހަމަ ބަޔަކު ބުނާ އެއްޗެއް ޓީވީ ތިޔަ ކިޔާލަނީ ، ފޫހިމީހާ ގަނޑެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާބެ

16 November 2020

ކިޓްކޮޅު ހުސްވެގެން ޓެސްޓް ހެދުން މަދުކޮށްފަ ލުއިތައް ދިނީމަ ވާނެގޮތް، އެމެރިކާ، ލަންކާއަށްވީހެން ނުވިއްޔާ ރަނގަޅު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

16 November 2020

ކަމާނާ ތިކަހަލަ އަނގަތެޅީމަ މިހާރު ފޫހިވޭ! ހީކުރަނީ ފަތުވެރިނާ އެއާފޯޓުން ބައްދަލުވީމަ ބަލި ނާރަނެ ކަމައްތޯ؟ ބަލަ ކީއްވެތޯ އެމިހުން ހުޅޫލޭގަ ކަރަންޓީނުވާންނުޖެހެނީ! ހީވަނީ ބަލިއަރަނީ މާލެއިން ރާއްޖެތެރެއަށް ދާމީހުނާ ރިސޯޓު މުއައްޒަފުންގައިން އެކަނިކަމައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

16 November 2020

އެއަރޕޯޓް ކާގޯއޭ ބުނަނީ އެއީ އެއާރޕޯޓާއި ގުޅުމެއްވެސްނެތް "މާދުރުގައި ހުރިތަނެއް" ކަމަށް މީހުނަށް ވިސްނަދޭންވެގެންތޯ؟ ތިޔަ އެއަރޕޯޓަކީ "މާލޭ އިންޓަރނޭޝަނަލް އެއަރޕޯޓް" އަދި ތިއީ ހުރަހެއްނެތި މާލެއާއި ގުޅިފައިވާ ބޭނުން ބަޔަކަށް އައިސް ގޮސްވެވޭގޮތަށް އޮތްތަނެއް. # މާލެއަކީ ބޮޑު ކްލަސްޓާއެއް ނުވަތަ ކޮވިޑް ސްޕްރެޑެއް ކަމުގައިވާއިރު އެތަނުގެ ތެރޭގައި ބޮޅުބޮޅު އަޅައިގެން ކްލަސްޓާރ ހަދަނީ ފަތުރުވެރިން ނާންނާނެތީ މާލޭގައި ކޮވިޑް ނެތްކަމަށް ހަދާންވެގެންތޯ؟