ކަޅުވަކަރު ހުޅުވުމުގެ ރައީސް އިބްރާހިމް މުހައްމަދު ސޯލިހާއި ހެރިޓޭޖް މިނިސްޓަރު ޔުމްނާ ބައިވެރިވެވަޑައިގަންނަވަނީ. --ފޮޓޯ/ރައީސް އޮފީސް
17 ނޮވެމްބަރ 2020 - 12:43
23 comments
ކޮވިޑް-19 އިން ރާއްޖޭގެ އިގުތިސާދަށް ކުރިމަތިވި ގެއްލުންތަކުން އަރައިގަނެ، އިގުތިސާދީ ދާއިރާތައް އިތުރުކުރަން ސަރުކާރުން ނިންމާފައިވާއިރު، ސަގާފީ ޓޫރިޒަމް އާލާކުރެވޭނެ ގޮތަކާ މެދު ވިސްނުން ބެހެއްޓުމަކީ މުހިއްމު ކަމެއް ކަމުގައި ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ސަލްޓަންޕާކުގައި ހުއްޓައި ކުރީގެ ރައީސް އަބްދުﷲ ޔާމީން ސަރުކާރުން ރޫޅާލި ކަޅުވަކަރު މިސްކިތް އަލުން ރާވައި ހުޅުވުމުގެ ރަސްމިއްޔާތުގައި ރައީސް ވިދާޅުވީ ތަރިކަ ރައްކާތެރިކޮށް ދަމަހައްޓަންވީ އިގުތިސާދު ކުރިއަރުވައި އާމްދަނީ އިތުރުކޮށްދޭ ވަސީލަތެއް ކަމަށް ވެސް ދެކިގެން ކަމަށެވެ.
"މި ޒަމާނުގައި ތަރިކަ އަގު ކުރެވޭ ގޮތަށް ބަލާއިރު، ތަރިކައަކީ އިގުތިސާދީ ވަރަށް މުހިންމު ވަސީލަތެއް. ސަގާފީ ތަރިކައަކީ، ފަތުރުވެރިކަން ވިއްކުމުގައި، ދުނިޔޭގެ ހުރިހާ ގައުމުތަކެއްގައި ވެސް ބޭނުންކުރާ އެންމެ މުހިންމު އެއް ވަސީލަތް. އަދި ފަތުރުވެރިކަން އިޝްތިހާރު ކުރުމުގައި، ސަގާފަތާއި ތަރިކައާ ގުޅުވުމަކީ، އޭގެ ނަތީޖާ ވަރަށް ރަނގަޅު ކަމެއް،" ރައީސް ވިދާޅުވި އެވެ.
އެ މަނިކުފާނު ސިފަކުރެއްވި ގޮތުގައި ސަގާފަތާއި ފަންނުވެރިކަމާ ގުޅިފައިވާ ކަޅުވަކަރު މިސްކިތަކީ ތާރީޚީ ވަރަށް ބޮޑު ހަޒާނާއެކެވެ. ތާރީޚުގެ އަނދިރިކަމުގެ ތެރެއަށް މިސްކިތް ގެއްލެން ދަނިކޮށް، ސަލާމަތް ކުރެވުމަކީ މުހިއްމު މަސައްކަތެއް ކަމަށް ވިދާޅުވި އެވެ.
އެ މިސްކިތް ގާއިމުވެ ހުންނާނެ ދާއިމީ ބިމެއް ކަށަވަރު ނުވެ 230 އަހަރު ހޭދަވި ކަން ރައީސް ފާހަގަކުރެއްވި އެވެ. މި ސަރުކާރުން އެ މިސްކިތް އަލުން ބަހައްޓަން ހަމަޖައްސައިދިން ބިމަކީ އެ މިސްކިތުގެ ދާއިމީ ވަޒަން ކަމަށް ވާނެ ކަމަށް އުއްމީދުކުރައްވާ ކަމަށް ވިދާޅުވި އެވެ.
ރައީސް ވިދާޅުވި ގޮތުގައި އެ މިސްކިތް އަލުން ބިނާކުރީ، ގާނޫނީ ގޮތުން ވެސް ފުރިހަމަ ހިމާޔަތާއި ރައްކާތެރިކަން ކަށަވަރުކޮށްދީފަ އެވެ. މިދިޔަ އަހަރުގެ ސެޕްޓެމްބަރު މަހު އަމަލުކުރަން ފެށި ސަގާފީ ތަރިކައިގެ ގާނޫނަށް އިޝާރާތް ކުރައްވައި ރައީސް ވިދާޅުވި ގޮތުގައި، ކަޅުވަކަރު މިސްކިތް ފަދަ ތަންތަން ރައްކާތެރިކޮށް ހިމާޔަތްކުރުމަކީ ދައުލަތާއި ރައްޔިތުންގެ ވެސް ޒިންމާއެކެވެ.
"އިމާރާތް ކުރުމުގެ ފަންނުވެރިކަމަށް ބެއްޔަސް މިއީ ވަރަށް މުހިއްމު މިސްކިތެއް. އަދި މި މިސްކިތް ބިނާކުރުމަށް ބޭނުންކުރެވިފައިވާ ތަކެއްޗަށް ބެއްޔަސް، މިއީ ވަރަށް ނާދިރު މިސްކިތެއް. ރާއްޖޭގައި ކަޅުވަކަރުން އިމާރާތް ކޮށްފައިވާ މިހާރު ފެންނަން ހުރި ހަމައެކަނި މިސްކިތަކީ މި މިސްކިތް،" ރައީސް ވިދާޅުވި އެވެ.
އެ މަނިކުފާނު ވިދާޅުވީ މިސްކިތް އުފެދިގެން އައި ގޮތަށް ބަލާއިރު، އެއީ ރައްޖޭގެ ސިޔާސީ ހަޔާތާ ވެސް ގުޅިފައިވާ ތަނެއް ކަމަށެވެ. އެ މިސްކިތް އުފަންވެގެން އައީ ދިވެހި ރަސްކަން ދިގަމިގިލީ ދަރިކޮޅުން، ހުރާ ދަރިކޮޅަށް ފުރޮޅިގެންދިޔަ ހާދިސާގެ ތެރެއިން ކަން ފާހަގަކުރެއްވި އެވެ. އެ ވާދަވެރިކަމުގެ ތެރޭގައި، ތިމަންނާއަށް ރަސްކަން ލިބިއްޖެ ނަމަ، އޭރު ހުރި ގަނޑުވަރު ރޫޅާލާފައި މިސްކިތެއް ބިނާކުރާނެ ކަމަށްވީ ނަދުރެއްގެ ގޮތުން ފެއްޓެވި މަސައްކަތެއް ކަަމަށް ވެސް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
17 November 2020
ތީ ވަރަށްރަނގަޅުކަމެއް ސަގާފީ ޓޫރިޒަމްގަ ރަލެއްނުގެންގުޅޭނެ އޫރުމަހެއްނުހުންނާނެ ތިކަންކޮށްފިނަމަ ރާއްޖޭގެ ރައްޔިތުން މަސްތުވާތަކެތިން ސަލާމަތް ކުރުމުގެ ފުރުސަތު ބޮޑުވެގެންދާނެ
އޮނަރަބްލް އަފީފު ދީދީ
17 November 2020
މާލޭމީހުނަށް ތިޔައިމާރާތް މުހިންމުވިޔަސް އިމާރާތުގެ އަސްލަށް ރުޖޫޢަވާއިރު ތިޔަ އިމާރާތް (މިސްކިތެއް ކަމަށް ކިޔާން އުނދަގޫވާތީ އިމާރާތެކޭ މިކިޔަނީ) އުފެދުނީވެސް މާލޭގެ ބޮޑުންގެ 2 އާއިލާއެއްގެ މެދުގައި ހިގި ވާދަވެރިކަމެއް ބޮޑުވެ (ކަންދެއްކުމަށް) މިސްކިތެކޭ ކިޔާފަ ކުރި އިމާރާތެއް. # ތިޔަބުނާ ތަނެއްގެ ޙަޤީގަތްހާމަކުރާމީހުން ބުނާގޮތުން ތިތަނުގައި ނަމާދު ކުރާންވެސްހުންނަނީ އެކި ދަރަޖަތަކުގެމީހުނަށް އެކިވަރުވަރުގެ ކޮޓަރި ހަދާ އިސްލާމީ އުސޫލުތަކާއިވެސް ޙިލާފުވެފަ.
ލުގުމާނު.
17 November 2020
ސީދާ ތެދު. ﷲ މަގުގައި ބިނާ ކުރާ މިސްކިތަކީ ތިގޮތަށް 'ކަންދެއްކުމަށް' ހެދޭނެ ތަންތަނެއްނޫން.
ކަތީބު.
18 November 2020
ރާއްޖޭގެ ތާރީޙްގައިހުރި މިފަދަ ޙަޤީގަތް ހާމަކުރާން ދައުލަތް ހިންގާން ތިބި މީހުން ބޭނުމެއްނުވޭ. އަދި ތާރީގް ލިޔާ މީހުންވެސް ހުންނަނީ މިފަދަ ހަޤީގަތް އޮޅުވާލާފަ.
ޗިޕް
17 November 2020
މާބޮޑަށް ސިޔާސީކުލަ ޖެހިފައިވާ މިސްކިތެއް ތިއައީ. ނަމާދަށް އަރަންވެސް ކަމުދާނެހެނެއް ހިއެއްނުވޭ ތިޔަ ތަނުގެ ތާރީޚު އެނގުނީމައި. ތިމަންނާއަށް ރަސްކަން ލިބިއްޖެނަމަ އެއިރުހުރި ގަނޑުވަރު ރޫޅާލައި ނަދުރެއްގެ ގޮތުން މިސްކިތެއް ބިނާކުރުމަކީ ފުރަތަމަ ރަގަޅުކަމެއްތޯ ޝޭޚެއްކައިރީ އަހާލަބަލަ. އެފަދަ ނުބައި ހަސަދަވެރި ރޫހެއްގަ ހެދުނު ތަނެއް ތިއީ. މައުމޫން ވެރިކަމުން ފޭބީމަ އެމްޑީޕީން ރިޔާސީގަނޑުވަރު ތީމުގޭގެ އަގުވައްޓާލި ގޮތާ ދާދި އެއްގޮތް.
ނާމްދި ކާނޫ
17 November 2020
ސަގާފީ ކޯންޗެއްގޯ މިހާރު ހުރީ، މިހާރު މިއުޅޭ ކުދިންނަކަށް ހަމަޔަށް ދިވެހިން ވާހަކަ ދައްކަންވެސް ނެއެންގޭ! މިހާރުގެ ދިވެހިންނަކަަށް "ދިވެހި ވަންތަ" ކަމަކީ ކޮބާކަން ނުވެސް އިންގޭ! ހިތާމަ ހުރި!
ސަގާފީ.
17 November 2020
ޓުއަރިޒަމް އެންމެ ބޮޑަށް ދިރުވޭނީ މުލިއާގެ ތެރޭގަ
ގާގާ
17 November 2020
1 މިލިޔަން ޓުވަރިސްޓުން ރާއްޖެ އައިސް ފަޅުޜަށެއްގަ ތިބެފަ މިދަނީ. މީގެން މަންފާކުރާނީ ރިސޯޓައް އެކަނި
އޯބަތް
17 November 2020
ކެރަފާ އާއިލާ މީހުނައް ކިޔައިދީބަލަ
ޙިނި
17 November 2020
ސަގާފަތެއް ރާތީހީ ބިނާއެއް ނެތްތަނެއްގަ ތިކަން ކުރާނެ ގޮތް ރައީސް ކިޔާދީބަލަ. ކުރަން ވީ ކަމަކީ މީހުން ދިރިއުޅޭ ރައްތަކައް ލޯކަލް ޓުއަރިޒަމް ކުރި އަރުވަން ވީ. ދެން ބޭރު ޓުވަރިސްޓުން ނައް އަމާޒުކޮއް ކަންޑުގެ ދިރުން ދައްކައިދޭ އަދި ޖަޒީރާ ރައްތަކުގެ ތިމާވެށި/އުފެދުން/ރިސޯސް ތައް ދައްކުވައިދޭ އިލްމީ މައުލޫމާތު މުއްސަންދި މިއުޒިޔަމް ނޭޗާ ޕާކުތައް ހަދަންވީ. ދި މިދަންތަން ހަދާނީކީ ފަޅުރައްރަކުގައެއް ނޫ ބަޔަކައް މަންފާލިބޭ މީހުން ދިރިއުޅޭ ރައްތަކުގަ.
ޅަބޭ
17 November 2020
ރައީސް، ހެޔޮނުވާނެ ތިހާ ބޭކާރުކޮއް ދައުރު ދުއްވާލަން. ތީ އެންމެ ވިޔާނުދާ މީހުން އުޅޭގޮތް.
އޮނަރަބްލް އަފީފު ދީދީ
17 November 2020
ތިކަންވެސް ކުރާންވާނީ މާލޭގައި. އުތީމުގައި ހުރި ގަނޑުވަރު، އެހެން ރަށްރަށުގައި ހުރި ހަވިއްތަ ތަކާއި އެފަދަ އާސާރީ ތަކެތި އަދި ޢިޤިރޭސި ދައުލަތުގެ ރޮޔަލް އެއަރފޯސް އައްޑޫގައި ތިބެފައި އެތަންދޫކޮށްދިޔައިރު ދޫކޮށްފައިދިޔަ މުދާތަކުގެ ތެރެއިން މިހާރު މާލެ ނުގެނެސް އައްޑޫގައި ހުރި ތަކެތި ފަދަ ހުރިހާ އެއްޗެއް މާލެއަށް ޖަމާކޮށްގެން ވެސް ތިކަން އެހެންތާކު ކޮށްގެން ނުވާނެ. # އަދި މިކަންކުރުމަށް މާލޭގައި 600މ ޑޮލަރުގެ ބިންހިއްކުމުގެ މަޝްރޫއެއްވެސް ހިންގާންވާނެ.