ފައިސާއަށް އެސައިންމަންޓު ހެދުމުގެ މައްސަލަ ހުއްޓުވުމަށް ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން، ޕޮލިސް ކޮމިޝަނަރު މުހައްމަދު ހަމީދާ މިއަދު ބައްދަލުކުރައްވަނީ.-- ފޮޓޯ: ހަޔަ އެޑިއުކޭޝަން މިނިސްޓްރީ
26 ނޮވެމްބަރ 2020 - 00:21
28 comments
ފައިސާއަށް އެސައިންމަންޓް ހަދައިދިނުމާ ގުޅޭގޮތުން އާއްމު ތަންތަނުގައި ކޮށްފައި ހުންނަ އިޝްތިހާރު ހުއްޓުވުމަށް ފުލުހުންނާ އެކު މިއަދު މަޝްވަރާކޮށްފި އެވެ.
ހަޔަ އެޑިއުކޭޝަން މިނިސްޓްރީން ބުނީ ކޮލެޖު ޔުނިވާސިޓީތަކުގައި ދަރިވަރުންނަށް ހަވާލުކުރާ އެސައިމަންޓުތައް ވިޔަފާރި އުސޫލުން އެހެން މީހުންނާ ހަވާލުކޮށްގެން ހަދަމުން ދާތީ، އެކި މާއްދާތަކުން ދަރިވަރުންނަށް ދަސްވި މިންވަރު ވަޒަންކުރަން ގޮންޖެހުންތަކާ ކުރިމަތިވެފައިވާ ކަމަށެވެ.
އެހެންވުމުގެ ސަބަބުން މަތީ ތައުލީމުގެ ފެންވަރު ކަށަވަރުކުރުމަށް މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ކުރަމުން އަންނަ މަސައްކަތްތަކަށް ދަތިތަކެއް ދިމާވެފައިވާ ކަން ފާހަގަކުރި އެވެ. އެކަމާ ގުޅިގެން މަތީ ތައުލީމުގެ ފެންވަރު ހިފެހެއްޓުމަށް މަސައްކަތްކުރާ ފަރާތްތަކާއި އާއްމުންގެ ޝަކުވާ ލިބިފައިވާ ކަމަށް މިނިސްޓްރީން ބުންޏެވެ.
އެ މައްސަލައަށް ހައްލެއް ގެނައުމަށް ކޮމިޝަނާ އޮފް ޕޮލިސް މުހައްމަދު ހަމީދާ އެކު ބޭއްވެވި ބައްދަލުވުމުގައި ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން ވަނީ ސޯޝަލް މީޑިއާ އާއި އާއްމު ތަންތަނުގައި އެފަދަ އިޝްތިހާރުކުރުން ހުއްޓުވުމަށް ކަމާގުޅޭ އިދާރާތަކާ ގުޅިގެން މަސައްކަތްކުރުމަށް މަޝްވަރާ ކުރައްވައިފަ އެވެ.
އެ ބައްދަލުވުމުގައި ސީޕީ ހަމީދު ވިދާޅުވީ މިހާރު އަމަލުކުރަމުން އަންނަ ގާނޫނުތަކުގެ ތެރެއިން ވެސް އެ މައްސަލަތައް ބެލުމުގައި ހުރަހެއް ނެތްކަމަށެވެ.
ރައްޔިތުންގެ މަޖިލީހަށް ހުށަހަޅާފައިވާ މަތީ ތައުލީމާއި ތަމްރީނުގެ ބިލް ފާސްވެ ތަސްދީގުކުރުމުން އަގަށް އެސައިމަންޓު ހަދައިދޭ މައްސަލަ ހައްލުކުރުމަށް އިތުރު ފުރިހަމަކަން ލިބިގެންދާނެ ކަމަށް މިނިސްޓްރީން ގަބޫލުކުރެ އެވެ.
ދުނިޔޭގެ ތަހުޒީބުވެފައިވާ ބައެއް ގައުމުތަކުގައި ވެސް މަތީ ތައުލީމުގެ ފެންވަރު ހިފެހެއްޓުމަށްޓަކައި ހަދާ ގާނޫނުތަކުގައި އަގަށް އެސައިމަންޓު ހަދައިދޭ މައްސަލައަށް ހައްލު ހޯދައިގެން ކުރިއަށްދާ ކަމަށް މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއިދު ދޮނާ
26 November 2020
އެސެސް ކުރާ ގޮތް ސްމާޓް ކުރަން މަޝްވަރާކޮށް އެއަށް ހައްލު ހޯދަން އުޅޭކަށް ނުވޭތަ
ހަގީގަތް
26 November 2020
ތިކަމަށް ރަގަޅު ޙައްލެއް ލިބޭނީ، އެމްކިޔުއޭ އިން ހަދާފައި އޮންނަ ފްރޭމްވާރކް ރަގަޅަށް ތަންފީޒު ކުރެވިގެން! އެއީ އެޑްވާންސް ސެޓްފިކެޓް ލ4 އަށް އެންރޯލްވާން ސެކަންޑަރީ ތަޢުލީމު ނުވަތަ އޯ ލެވަލް އޮތުން. ޑިޕްލޮމާ ލ5 އަށް ސެޓް ލ4 އޮތުން. ޑިގްރީ ލ7 އަށް ޑިޕްލޮމާ ލ5 ނުވަތަ އެޑް ޑިޕްލޮމާ ލ6 އޮތުން. މާސްޓަރސް ލ9 އަށް ލ7 ނުވަތަ ލ6 އާއެކު ކިޔަވާ ދާއިރާގެ ވަކި އަހަރެއްގެ ތަޖުރިބާ ހުރުން. ނޫނީ، ޕްރޮފެޝަން އެއްގެ ގޮތުން ބެރު ޖަހާ މީހުންނާ، ފިލްމު ކުޅޭ މީހުން މިހާރެކޭ އެއްގޮތަށް މާސްޓަރސް ހަދާނެ. މިއާ އެކު ރައްޔިތުންގެ މައްޗަށް ހިންގާ ގާނޫނު ހަދާ މީހުންގެ ޓާރށަރީ ތަޢުލީމުގެ ސެޓްފިކެޓް އޮތުން ވެސް ވ މުހިންމު.
ޅަބޭ
26 November 2020
ވަރައް އިނގިހުރެ މިދަންނަވަނީ، ފުލުހުންގެ ކިބާގައި ތިކަންހުއްޓުވޭނެ ފެންވަރެއް ނުހުންނާނެ. އަޅުގަނޑުވެސް ފުލުހުންގެ އެތެރެ ކޮއިލުތެރޭ 2،3 އަހަރަ އުޅުނިން.
އެމްސް
26 November 2020
އަދިވެސް ބިދޭސީން ނުގަވާޢިދުން ކުރާ ވިޔަފާރިތަައް ހުއްޓުވޭނެގޮތެއް ނެތް!
ސިކުނޑި
26 November 2020
ތިކަން ދެން ހުއްޓުވަން ޓްރެފިކް ބެލެހެއްޓުމަށްވުރެ އުނދަގޫވާނެ! ދެން ތިކަމުގައި ހައްލެއް ލިބޭނީ ޕްރައިވެޓް ސެކްޓަރ އާއި ސިވިލް ސާރވިސް އަދި ސަރުކާރުގެ ކަމާބެހޭ ފަރާތްތަކުން ވަރަށް މަސައްކަތް ކޮސްގެން! މިހާރުގެ ސަގާފަތަކީ، ސެޓްފިކެޓް ހިފައިން މަތީމަގާމަކަށްގޮސް އެކުގައި މަސައްކަތް ކުރާމީހުންގެ ދިޔަ ފެލައިގެން! ހިހޫތަނުން ކާލައިގެން އުޅުން!
ޑޮކްޓާރ. ބަނާނާ
26 November 2020
ބަލަ ކިޔަވައިދޭ ތިޔާ ކޮލެޖް ތަކުގައި ކްލާހުގައި ދޭ އެސެސްމެންޓް ޕްރެޒެންޓޭޝަން، ކޭސްބޭސްޑް އެސޭ އަދި އޯރަލް އެގްޒާމްސް އިން ޓީޗަރަށް ކުއްޖާގެ ފެންވަރު އިގޭނޭ. ހަމައެކަނި މުޅި ކޯހުގައި އެސައިންމެންޓް ހަދައިގެން ފާސްވާ ގޮތަށްހަދާ "ޑޮލަރު އަގު ކޮންޓްރޯލް' ތިއަރީގެ ދަށުން ފުލުހުންގެނެސް ތިކަން ކުރުމަކީ ކަލޭމެން ގެ ނާގާ ބިލުކަން ދޭހަކޮށްދޭ ރަގަޅު މިސާލެއް! ކޮންމެ ކިޔަވާ ކުއްޖެއްގެ ފަހަރުގައި ފުލުހެއް ބަހައްޓާ! ބަނާނާބެ
12134
26 November 2020
ސިއްރުން އެކަންކޮށްދިނަސް އޯކޭދޯ
ފޮނިޓައްޕު ހަސަނު
26 November 2020
ބަންގާޅީން މިރާއްޖޭގައި ގާނޫނާއި ޚިލާފަށް ހިންގާ ވިަޔަފާރިތައް ހުއްޓުވަން ނޫޅެނީ ކީއްވެ.
ޅަބޭ
26 November 2020
އޮއް އޮއް އޯ. މިހާރުތިވީ ރޭސިސްޓް!
ބޯޯހަލާކޫ
26 November 2020
ރަށްރަށު ހަރުގެތަކުގަ ހަޔާ އެޑިއުކޭޝަން ކިޔަވައިދޭ މީހުން ހުއްޓުވަންވީނު. އެ އޯކޭ ދޯ؟
އަބްދުއްالله
26 November 2020
ކަލޭމެން އަތުގަ މިފަދަ އެސައިންމެންޓު ދެނެގަނެވޭނެ ފަދަ ޓެކްނޯލޮޖީ ނެތީ ދޯ؟ ތަހުޒީބުވަންދެން މަޑުކޮށްލާ. ކަލޭމެންގެ ނާ ތަހުޒީބު، އިންޑިޔާ- މެދުއިރުމަތީ، ސަގާފަތަކީ ވެސް މައްސަލައެއް.