އާ އުސޫލަށް އަމަލުކުރަން ފަށާތީ، ސިވިލްސާވިސްގެ މަގާމުތަކަށް އިއުލާނުކުރުން ވަގުތީ ގޮތުން ހުއްޓާލަނީ

ސަރުކާރުގެ ގިނަ އޮފީސްތައް ހުންނަ ވެލާނާގެ ކައިރީގައި މުވައްޒަފުންތަކެއް ސިވިލް ސާވިސް އަށް މީހުން ނެގުމުގެ އާ އުސޫލަށް އަމަލުކުރަން ފެށުމަށް ޓަކައި މަގާމުތައް އިއުލާނުކުރުން މާދަމާއިން ފެށިގެން ހުއްޓައިލަން ޖެހޭ. ފައިލް ފޮޓޯ: ނިޝާން އަލީ/މިހާރު

މުހައްމަދު ނަސީމް، މިހާރު

22 ޑިސެމްބަރ 2020 - 10:04

2 comments

ސިވިލް ސާވިސްގެ މަގާމުތަކަށް މީހުން ހޯދުމާއި އައްޔަން ކުރުމުގެ އާ މިންގަނޑަކަށް ޖެނުއަރީ މަހުން ފެށިގެން އަމަލުކުރަން ފަށާތީ ސިވިލް ސާވިސްގެ މަގާމުތަކަށް މީހުން ހޯދަން އިއުލާނުކުރުން ވަގުތީ ގޮތުން ހުއްޓާލަން މިއަދު އަންގައިފި އެވެ.

ސިވިލް ސާވިސް ކޮމިޝަނުން މިއަދު ކުރި އިއުލާނެއްގައި ބުނީ މަގާމުތަކަށް މީހުން ހޯދަން އިއުލާނުކުރުން މާދަމާ އިން ފެށިގެން ހުއްޓާލަން ޖެހެނީ އާ އުސޫލަށް އަމަލުކުރަން ފަށަން ތައްޔާރުވުމުގެ ގޮތުން ކަމަށެވެ. ކޮންމެހެން ކުރަން ޖެހޭ އިއުލާނެއް އޮތް ނަމަ މާދަމާގެ ކުރިން އިއުލާނު ގެޒެޓް ކުރަން ޖެހޭނެ ކަމަށް ވެސް އެ ކޮމިޝަނުން ބުންޏެވެ.

ސިވިލް ސާވިސް މަގާމުތަކަށް މީހުން ހޮވުމާއި އައްޔަން ކުރަން ޖެހޭ އާ އުސޫލުގެ ތައާރަފްގައި ބުނެފައިވާ ގޮތުގައި ސިވިލް ސާވިސް ގާނޫނުގެ ފަސް ވަނަ މާއްދާގެ (ބ) އާއި އެ މާއްދާގެ 38 ވަނަ މާއްދާ އަދި ސިވިލް ސާވިސްގެ ގަވައިދު 2014 އާ އެއްގޮތަށް ވަޒީފާތަކަށް މީހުން އައްޔަން ކުރުމަށް ޓަކައި އަމަލުކުރަން ޖެހޭ އުސޫލެކެވެ. އާ އުސޫލަކީ ވަޒީފާތަކަށް މީހުން ހޮވުމާއި އައްޔަން ކުރުމުގައި އެންމެ ގާބިލު މީހުން ހޮވުމަށް އެހީތެރިވެދޭނެ އުސޫލެއް ކަމަށް ވެސް ބުނެފައި ވެ އެވެ.

އިދާރާތަކުގެ ސަމާލުކަމަށް ! pic.twitter.com/FnpoiDOfL9
— Civil Service Commission (@cscmaldives) December 22, 2020

އާ އުސޫލުގައިވާ ގޮތުން މިނިސްޓްރީއެއްގެ ދަށުގައިވާ އިދާރާއެއް ނަމަ މަގާމަކަށް މީހަކު ހޯދުމާ މެދު ގޮތް ނިންމަވާނީ މިނިސްޓަރެވެ. އަދި ގަވަނިން ބޯޑެއްގެ ދަށުން ހިންގާ އިދާރާއެއް ނަަމަ ބޯޑުންނެވެ. ކައުންސިލެއްގެ ދަށުން ހިންގާ އިދާރާއެއް ނަމަ މަގާމަށް މީހުން ނެގުމާ މެދު ގޮތް ނިންމާމީ ކައުންސިލުންނެވެ.

މަގާމު ހިމެނޭ އޮނިގަނޑުގެ ސަބަބުން ސިވިލް ސާވިސް ކޮމިޝަނުން ހާއްސަ އުސޫލުތައް ކަނޑައަޅާފައިވާ މަގާމުތައް މި އުސޫލުުން އިސްތިސްނާވާނެ އެވެ.

އާ އުސޫލުގައިވާ ގޮތުން މަގާމަކަށް މީހުން ހޯދަން އިއުލާނު ނުކޮށް މީހުން ނެގޭނެ އޮތީ އެންމެ ހާލަތެކެވެ. އެއީ ސަރުކާރަށް ހިދުމަތްކުރަން އެއްބަސްވެގެން ތަމްރީނުވާ މީހުންނަށްޓަަކައި ރިޒާވްކުރާ މަގާމުތަކަށް މީހުން ނަގާ ހާލަތެވެ.

ސިވިލް ސާވިސް މަގާމުތަކަށް މީހުން ނެގުމުގެ ހުރިހާ މަރުހަލާއެއްގައި އަމުުކުރާނެ ގޮތްތައް އާ އުސޫލުގައި ވަރަށް ތަފްސީލުކޮށް ހިމަނާފައިވެ އެވެ. އޭގެތެރޭގައި މަގާމަކަށް މީހުން ނަގަން އިއުލާނުކުރުމުގެ ކުރިން އިދާރާތަކުން ފުރިހަމަކުރަންޖެހޭ ކަންތައްތަކާއި އިއުލާނު ކުރުމުގައި އަމަލުކުރަން ޖެހޭ ގޮތްތަކާއި ކުރިމަތިލާ މީހުންގެ ފެންވަރު ވަޒަންކުރާނެ ގޮތްތައް ވެސްް ހިމެނެ އެވެ.

އާ އުސޫލަށް އަމަލުކުރަން ފެށުމާ އެކު ކުރިން އިއުލާނުކޮށްފައިވާ ވަގުތީ އުސޫލުތައް އުވިގެންދާނެ އެވެ.

ސިވިލް ސާވިސް ދިވެހި ސަރުކާރު ސިވިލް ސާވިސް ކޮމިޝަން މުވައްޒަފުން ވަޒީފާ ވަޒީފާ ނުލިބުން

2 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްމާލި

22 December 2020

ކޮންމެސް އެއްޗެކޭކިޔާފަ އެންމެ ބޯދާ ޒަމާނުގައވެސް ކަނ ކުރި އުސޫލަށް، ރައީސް އޮފީހުން ސިވިލް ސަރވިސް މުވައްޒަފންގެ ކަންކަން ނިންމާ އުސޫލަށް، ބަދަލުވަމުން ދާތަން މި ފެންނަނީ. ކޮންމެ ކަމެއްވެސް މިނިސްޓަރުގެ ލަފާގެ މަތިން މިނިސްޓަރު ބޭނުންވާގޮތަށް. ޕީއެސް އަކަށްވެސް މިނިސްޓަރު ބޭނުންވާ މީހެއް. ބައެއް އޮފީސްތައް ހިންގުމުގައި މިނިސްޓަރު އުނދުޅި ބާނާ ވަރުން މުޅި އޮފީސްތެރެ އޮންނަނީ ގަޑުބަޑު ވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުޅި

22 December 2020

ސިވިލް ސާރވިސް ކޮމިޝަނަށް ކުރަން އެނގޭހާވެސްކަމަކީ ނޮހޮރުއްޕާންވާވަރުގެ އުސޫލުތަކާއި ގަވާއިދުތައްހަދާ ސިވިލްސާރވިސް މުވައްޒަފުންނަށް ޖެއްސުންކުރުން. މިހާރުވެސްހަދާފަހުރި ގަވާއިދުތަކާ އުސޫލުތައްކިޔާނަމަ އެމީހަކުއިތުރަށް އެހެންކަމެއްކުރާނެ ވަގުތެއްނޯންނާނެ. މޮޅުކަމަކީ ސިވިލްސަރވިސް މުވައްޒަފުންގެ ހައްގު ހޯދައިދޭން އެއްކަމެއްވެސް ނުކުރާކަން. މިއީ އުވާލަންޖެހޭތަނެއް. ބަލަމިހާރު ސެޓްފިކެޓްތަކަކީ ގަންނައެއްޗެއްކަން ތިޔަކޮމިޝަނަށް ނޭންގުނީތީ ހައިރާންވޭ