ރައީސް ޔާމީން ފެކްޝަންގެ ޕްރައިމަރީ މި މަހު 25 ގައި، ކުރިމަތިލުމުގެ މުއްދަތު އިތުރުކޮށް

"އަސްލު" ނަމުގައި ޕީޕީއެމްގެ މުސްތަޝާރު ރައީސް އަބްދުﷲ ޔާމީންގެ ފެކްޝަނުން މިދިޔަ ހުކުުރު ދުވަހު ބޭއްވި ޖަލްސާ: އެ ފެކްޝަނުން ކައުންސިލަށް ކުރިމަތިލުމުގެ މުއްދަތު ވަނީ އިތުރުކޮށްފައި-- ފޮޓޯ: މުހަންމަދު ޝަރުހާން

އާސިމާ ނިޒާރު، މިހާރު

06 ނޮވެމްބަރ 2016 - 18:50

4 comments

ލޯކަލް ކައުންސިލް އިންތިހާބަށް ޕީޕީއެމް ޓިކެޓް ބޭނުންވާ މީހުން ކުރިމަތިލުމުގެ މުއްދަތު އެ ޕާޓީގެ މުސްތަޝާރު، ރައީސް އަބްދުﷲ ޔާމީންގެ ފެކްޝަނުން މިއަދު އިތުރުކޮށްފި އެވެ.

އެ ފެކްޝަނުން މުއްދަތު އިތުރުކުރިއިރު ޕާޓީގެ ރައީސް، މައުމޫން އަބްދުލްގައްޔޫމްގެ ފެކްޝަނަށް ތާއީދުކުރާ މީހުން އަންނަނީ އަމިއްލަގޮތުން ކައުންސިލަށް ކުރިމަތިލަމުންނެވެ.

ރައީސް ޔާމީން ފެކްޝަންގެ ސެކްރެޓަރީ ޖެނެރަލް ޑރ. އަބްދުﷲ ހަލީލް ސޮއިކުރައްވައި ނެރުުނު އިއުލާނެއްގައި ބުނީ، ލޯކަލް ކައުންސިލް އިންތިހާބުގައި ޕީޕީއެމްގެ ޓިކެޓުގައި ވާދަކުރަން ބޭނުންވާ މީހުންގެ ފޯމް ހުށަހެޅުމުގެ މުއްދަތު އިތުރުކޮށްދިނުމަށް އެ ޕާޓީގެ މެމްބަރުން އެދެމުން އަންނަ ކަމަށެވެ. އެހެންކަމުން މި މަހުގެ 21 ވަނަ ދުވަހާ ހަމައަށް އެ ފުރުސަތު އިތުރުކޮށްފައިވާ ކަމަށް އިއުލާނުގައިވެ އެވެ.

ކުރިން އޮތީ މިއަދަކީ ޕީޕީއެމްގެ ޓިކެޓަށް އެދުމުގެ އެންމެ ފަހު ދުވަހެވެ.

އެ އިއުލާނުގައި ބުނީ ޕީޕީއެމްގެ ޓިކެޓަށް ހުށަހެޅި މީހުންގެ މެދުގައި ބާއްވާ ޕްރައިމަރީ މި މަހުގެ 25 ވަނަ ދުވަހު އޮންނާނެ ކަމަށެވެ. އަދި އެ ޕްރައިމަރީގައި ވޯޓު ދެވޭނީ މި މަހުގެ 15 ވަނަ ދުވަހާ ހަމައަށް ޕާޓީގައި ރަޖިސްޓްރީވެފައިވާ މީހުންނަށް އެކަނި ކަމަށް ވެސް ބުނެފައިވެ އެވެ.

"މިހާރު"އާ ވާހަކަދައްކަވަމުން ހަލީލް ވިދާޅުވީ އިއްޔެއާ ހަމައަށް 500 އަށްވުރެ ގިނަ ފޯމް ހުށަހަޅާފައިވާ ކަމަށެވެ. އަދި ޕީޕީއެމްގެ ހިންގުން ރައީސް ޔާމީނާ ހަވާލުކުރިފަހުން 2500 އަށްވުރެ ގިނަ ފޯމް ލިބިފައިވާކަން ވެސް ހަލީލް ފާހަގަަކުރެއްވި އެވެ.

ރައީސް މައުމޫން އަބްދުލްގައްޔޫމް ލޯކަލް ކައުންސިލްތައް ޕީޕީއެމް ރައީސް އަބްދުﷲ ޔާމީން ޕީޕީއެމްގެ ކޯޅުން ސިޔާސީ ޕާޓީ ލޯކަލް އިންތިހާބު

4 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަލަކުރި

01 April 2017

އަދިވެސް ކިޔާނީ ޔާމިނުގެ ފެކްޝަންތޯ މިގޮތަށް ކިޔާނަމަ އަނެއްފެކްޝަން އެއް އޮތީތާ އަދި ޕާރޓީ އެވަނީ ބައިބަޔަށް ބަހާލެވިފައިތާ؟ ޕާރޓީގެ އެކޮޅު މިކޮޅެއް އެބަ އެގޭބާ؟ ހަމަ ހިނި އަންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން.

20 November 2016

އުޅެ އުޅެ ކުރިމަތި ލާނެ ބަޔަކު ނުވެގެން މުއަދަތު އިތުރު ކުރަނީ ވައިބަރ ގުރޫޕް މެދުވެރިކޮއް ފޯމް ހުށަހަޅަން އެދުނީމަވެސް ޖުމްލަ 70 ފޯރމް ލިބުނީ އެހެންވެޕާރޓީ އޮފީހައް ގަދަކަމުން ވަނީވެސް އެތާހުރި 250 އައްވުރެ ގިނަ ފޯމް ނަގަން ވެގެން. ޢެ ޖަހައިގަނެގެން ވެސް އަދިވެސް ކުރިމަތި ލާނެ ބަޔަކު ނުވެގެން މިމީހުން އާދޭސް ކުރަނީ މުއްދަތު އިތުރުކުރަނީ މިވަރުންވެސް އިންތިހާބޭ އިންތިހާބޭ ތި ގޮވަނީހަލީލް މެން ތީއިއްޔެ ޕަރޓީ އައް ފުންމާލި މީހުން ކޮން ބައެއް ވާނީ މިހާރުވެސް ރައީސް މައުމޫން ގެ ތާއިދު ހޯދަން އެދިފަތިބިމީހުން ތީގެ އެތައް ގުނައަކައް އިތުރު ކަމުގައި ދަންނަވަން. ބަލަންތިބޭ ވާގޮތް.