ޕްރިޔަންކާ "ޓެކްސްޓް ފޯ ޔޫ" ގެ ޝޫޓިން ނިންމާލައިފި

އަހުމަދު އަދްޝަން، މިހާރު

11 ޖެނުއަރީ 2021 - 07:48

މިދިޔަ އަހަރުގެ ފަހުކޮޅު ޝޫޓިން ފެށި ޕްރިޔަންކާ ޗޯޕްރާގެ ފިލްމު "ޓެކްސްޓް ފޯ ޔޫ" ގެ ޝޫޓިން ނިންމާލައިފި އެވެ.

މިވަގުތު އިނގިރޭސިވިލާތުގައި ހުރި ބަތަލާ ފިލްމުގެ ޝޫޓިން އެ ގައުމުގައި ނިންމައިލިކަން ވަނީ ސޯޝަލް މީޑިއާގައި ހާމަކޮށް ފިލްމުގެ ޓީމަށް ޝުކުރު އަދާކޮށްފަ އެވެ.

"ޓެކްސްޓް ފޯ ޔޫ" އަކީ 2016 ގައި ރިލީޒްކުރި ޖަރުމަންގެ ރޮމޭންޓިކް ޑްރާމާ "އެސްއެމްއެސް ފޫރް ޑީޝް" ގެ ރިމޭކެކެވެ. މީގެ ހޮލީވުޑްގެ ރިމެކްގައި ޕްރިޔަންކާއާ އެކީ ކާސްޓްގައި ސެމޭން ހިއުގަން އާއި ފިލްމު "ޓައިޓޭނިކް" ގެ ތީމް ލަވަ "މައި ހާޓް ވިލް ގޯ އޯން" ކިޔައިގެން މަޝްހޫރުވި ލަވަކިޔުންތެރިޔާ ސެލީން ޑިއޯން ވެސް ވެސް ހިމެނެ އެވެ.

That’s a wrap! Congratulations and THANK YOU to the entire cast and crew. See you at the movies🤞🏽#TextForYouMovie @SamHeughan @celinedion @russelltovey #LydiaWest #JimStrouse @SofiaBarclay @eshornstein @SonyPictures @thunderroadpics pic.twitter.com/YKKteyF7E6
— PRIYANKA (@priyankachopra) January 9, 2021

"ޓެކްސްޓް ފޯ ޔޫ" ގެ ޑައިރެކްޓަރަކީ "ގްރޭސް އިޒް ގޯން" އާއި "ޕީޕަލް، ޕްލޭސެސް އެންޑް ތިންގްސް" ގެ އިތުރުން "ދި އިންކްރެޑިބަލް ޖެސިކާ ޖޭމްސް" ފަދަ ފިލްމުތަައް ގެނެސްދިން ޖިމް ސްޓްރައުޒެވެ.

އޭބީސީގެ ޓީވީ ސިލްސިލާ "ކްއަންޓިކޯ" އިން ހޮލީވުޑަށް ނުކުތް ބޮލީވުޑްގެ ބަތަލާގެ ފުރަތަމަ ހޮލީވުޑް ފީޗާ ފިލްމަކީ 2017 ގެ "ބޭވޮޗް" އެވެ. އޭގެ ފަހުން އޭނާ ވަނީ "އަ ކިޑް ލައިކް ޖޭކް" އާއި "އިޒިންޓް އިޓް ރޮމޭންޓިކް؟" ކުޅެފަ އެވެ. ޕްރިޔަންކާގެ އެންމެ ފަހުގެ ފިލްމުތަކަކީ "ވީ ކޭން ބީ ހީރޯސް" އާއި "ދަ ވައިޓް ޓައިގާ" އެވެ. މި ދެ ފިލްމަކީ ވެސް ނެޓްފްލިކްސްގެ ފިލްމުތަކެވެ.

ޕްރިޔަންކާ މިހާތަނަށް ކުޅުނު ހޮލީވުޑްގެ ފީޗާ ފިލްމުތަކަށް މާ ބޮޑު ތަރުހީބެއް ލިބިފައެއް ނުވެ އެވެ. އޭނާގެ ކުރިއަށް ހުރި ހޮލީވުޑްގެ ޕްރޮޖެކްޓްތަކުގެ ތެރެއިން އެންމެ ފާހަގަކޮށްލެވޭ އެކައްޗަކީ ކިއާނޫ ރީވްސްގެ "މެޓްރިކްސް 4" އެވެ.

Celine Dion aa eku Priyanka Chopra ah filmeh

The most trusted news source in the Maldives

Mihaaru

ހިންދީ ފިލްމުތައް ކުޅެގެން ނެޝަނަލް އެވޯޑް ވެސް ހޯދި ބަތަލާ އެންމެ ފަހުން ކުޅުނު ހިންދީ ފިލްމަކީ 2019 ގެ "ދަ ސްކައި އިޒް ޕިންކް" އެވެ.