ތިލަފުށީ ފަޅުގައި މިދިޔަ މަހު ހިނގި އަލިފާނުގެ ހާދިސާގައި ދެދޯންޏެއްގައި ރޯވެ އަނދަނީ.---ފޮޓޯ: އެމްއެންޑީއެފް
12 ޖެނުއަރީ 2021 - 11:24
11 comments
ތިލަފުށީ ފަޅުގައި މިދިޔަ ޑިސެމްބަރު މަހު ހިނގި އަލިފާނުގެ ހާދިސާގައި ފިހުނު ދެ މީހުންގެ ތެރެއިން އެކެއްގެ ފަރުވާ އަށް ޚަރަދު ކުރަން ޖެހޭ ވަރަށް އާއިލާގެ ތަނަވަސްކަން ނެތުމުން އާއްމުންގެ އެހީތެރިކަމަށް މިއަދު އެދިއްޖެ އެވެ.
ތިލަފުށީ ފަޅުގައި އޮތް ދެ ދޯންޏެއްގައި ރޯވީ އޭގެ ތެރެއިން އެއް ދޯންޏަށް ތެޔޮ އެޅުމުގެ ތެރޭގަ އެވެ. އެ ހާދިސާގައި ފިހުނު ދެ ދިވެހިންގެ ތެރެއިން އެކަކީ އަހުމަދު ޚާލިދު، ތުލުސްދޫ، ޔެލޯރޯޒް، އެވެ.
އޭނާގެ ބޭބެ މުހައްމަދު ޝިހާމާ ހަވަލާދީ ސޯޝަލް މީޑިއާގައި މިއަދު ދައުރުވަމުން ދާ ލިޔުމެއްގައި ބުނީ އަލިފާނުގެ ހާދިސާގައި ޚާލިދުގެ ހަށިގަނޑުގެ 25 ޕަސެންޓް ފިހިފައިވާ ކަމަށެވެ. އައިޖީއެމްއެޗުގެ އައިސީޔޫގައި ފަރުވާ ދިނުމަށް ފަހު އޭނާ އަށް މިހާރު ފަރުވާދެމުން އަންނަނީ ޕްރައިވެޓް ރޫމެއްގައި ކަމަށް ވެސް ޝިހާމް ބުންޏެވެ.
އޭނާއާ ހަވާލާދީ ލިއުމުގައި ބުނި ގޮތުގައި ޕްރައިވެޓް ރޫމަކަށް ޚާލިދު ބަދަލުކުރީ ފިހުނު މީހަކަށް ވާތީ ވަކި ޓެމްޕަރޭޗަރެއްގައި ބާއްވަން ޖެހޭތީ އާއި ކޮވިޑްގެ ބަލިމަޑުކަން އަދިވެސް އޮތުމުންނެވެ.
އާއިލާ އިން މާލީ އެހީތެރިކަން ބޭނުންވަނީ ޕްރައިވެޓް ރޫމެއްގައި ބާއްވައިގެން ފަރުވާ ދޭން ޖެހޭތީ ކަމަށް، ޝިހާމް ބުނެފައިވެ އެވެ. އޭގެ އިތުރުން ހާލިދަށް ކާން ދޭން ޖެހެނީ ޑޮކްޓަރުން ދީފައިވާ ހާއްސަ މެނޫއަކަށް ވާތީ އެކަމަށް ވެސް ދުވާލަކު 500ރ ހޭދަވާ ކަމަށް އާއިލާ އިން ބުންޏެވެ.
"މިފަދަ ނާޒުކު ހިތްދަތި، އަތްމަތި ދަތި ދުވަސްކޮޅެއްގައި މިގޮތަށް މި ހަރަދުކުރުމަށް އަޅުގަނޑުމެން ވަނީ ނުކުޅެދިފަ އެވެ،" ލިޔުމުގައިވެ އެވެ.
އެއާ އެކު އާންމުންގެ ކިބައިން އެދިފައި ވަނީ ޚާލިދަށް އެހީއެއް ވެދިނުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޯތިހަސަނުގެ ދޮންއަލީ
12 January 2021
ބަލަ އެކައުންޓު ނަންބަރެއްވެސް ނުޖަހާތަ؟
ކޮމެންޓޭ1
12 January 2021
ޑަކްޓަރު ޕްރައިވެޓް ރޫމެއް ބޭނުންވާކަމަށް ލިއުން ދިނުމުން އާސަންދަ ހަމަޖެހޭނެ
އަހުމަދުބޭ
12 January 2021
އާއިލާއަށް ކެތްތެރިކަން ދެއްވައިދޭއެވެ، އަދި އެއާއިލާއަށް އެހީތެރި ވެދެވެން ތިބި ބަޔަކު އެހީތެރިވެދިނުން އެދެން، ސުވާލަކީ ދިވެހިރައްޔިތުންނަށް ޖެހޭ ހުރިހައިކަމެއް ސަރުކާރުން ކޮއްދެންޖެހޭތޯ، ދުނިޔޭގެ ކޮންގައުމެއްގައިބާ ރައްޔިތުންގެ ހުރިހައި ކަމެއް ކޮއްދެނީ، މިއަދުގެ ހާލަތަށް ބަލައި ތައުލީމުގެ 90 ޕަސެންޓް، މެޑިކަލްގެ 90 ފަސެންޓް، ރިޓަޔަރމެންޓަށް އަދި ނުކުޅެދުންތެރިމީހައި އަދި އެކަނިވެރި މައިން މިހެންގޮސް ނުކޮއްދެނީ ކޮންކަމެއްބައި ؟
މުލަކި އަހައްމަދު
12 January 2021
ވަރަހަ ރަންގަޅަ ވާހަކައެއް
ފޮނިކަނޑ
12 January 2021
ކޮބައިތޯ މިފަދަ ކަންކަން ހައްލު ކުރާނެކަމަށް ފޮނިކަނޑާފަ އައި ސަރުކާރު. ސޯޝަލް މީޑިއާގަ އާންމުންގެ އެހީއަށް އެދި މީހުން އާދޭސް ކުރުމުން އެމްޑީޕީ އިން އޭރުގެ ސަރުކާރަށް ނިސްބަތްކޮށް ވަރަށް ފިތުނަ އުފެއްދި. މިއަދު އަޅުގަނޑުމެންނަށް ކުރިޔަށްވުރެ މާ ބޮޑަށް އެފަދަ މީހުން އެބަފެނޭ. ކީއްވެތޯ ހައްލު ނުކުރަނީ.
ޢަބްދުބޭ
12 January 2021
ރާއްޖެޓީވީން ފަންޑު ފޮއްޓެއް ހުޅުވި ދެމިލިޔަން ހޯދަން މިހާރު ދައުލަތުން ހުކުމްކޮއްފަ އެވަނީ ދެމިލިޔަންދޭން ވީމާ އެފައިސާ އެއާއިލާޔައްދިނުމައް ރާއްޖެޓީވީއައް ގޮވާލަން މިހާރު ދެރަވޭ މިވެރިކަން ގެނެވުނީތީ އެފަންޑައް އަހަރެންލީ 1500 ރުފިޔާ އެފަރާތާ ހަވާލު ކުރުމައް ގޮވާލަން ކޮވިޑު ހާލުގަ މިހާރު މިހުރީ ރިސޯޓުން ކަނޑާލާފަ ގެޔައް ފޮނުވާލާފަ
ުްއުންމު
12 January 2021
ހަގީގަތަކީ މީ. ރާއްޖޭގެ ސަރުކާރުން އެންސުޕާއިން ފައިސާދެނީ ނުފޫޒުގަދަ މީހުނަށް. އަމިއްލަ ތަޖުރިބާ.
ޅަބޭ
12 January 2021
ތިހާ ނުރައްކާތެރި މާހައުލުތަކުގަ މަސައްކަތްކުރާ މުއަޒަފުން ތިބެނީ އިންސުއަރެންސް ވެސް ނުކޮއްތައް އަޅެފަހެ؟؟!
އާރީ
12 January 2021
މިދެން ވަރަށްދެރަކަމެއް ސޯސަލު މިޑިޔާގަ ސަލާންޖެހުން ހުންޓްވާލުން މިސަރުކާރުވެސް މިއޮތީ ނުކުޅެދިފަ. އެކަމް ވެރިކަމަށް އަށްނަން ވައުދުތައް ވީ އިރު ނުގޮވާ ގޮވެލި ފައްޗެއް ނެތް.
ޙިނި
12 January 2021
ކޮބާބާ ދިވެހި ސަރުކާރުގެ އާސަންދަ، ރައީސް އޮފީހައް އަދި މަޖުލިސް މެންބަރުން ގާތައް ފައިސާ ހޯދަން ދާންވީ، މަޖުލީހުގެ ރައީސް ވެސް އެހުންނަނީ 2 މުސާރަ ނަގާލަ ނަގާލާ.
ބައިރަހާ
12 January 2021
އާސަންދަޔާއި އެންސްޕާއިންވެސް ސަރުކާރުގެ ނުވަތަ ދައުލަތުގެ ނުފޫޒުގަދަ މީހުންނަށް ކަންކަން ހަމަޖައްސައިދެނީ. ނިކަމެތި މީހާ ހުންނަންޖެހެނީ ދެކޮޅަށް ދުވެދުވެ ސަލާން ޖެހުމުގައި. ހުޅުމާލޭ ހޮސްޕިޓަލުގައި ޑޮކްޓަރުން ބޭނުންވެގެން ކޮޓަރިއެއްގައި ބޭއްވި ނުކުޅެދޭ މީހަކަށްވެސް ކޮޓަރިއަށް ބައިލާރިވެސް އެންސްޕާޔަކުން ނުދިން. ސަރުކާރު ބޮޑެއްނަމަ ހުރިހާ ޚަރަދެއްދޭނެ.