މަރުވި މީހާގެ ގައި މައްޗަށް ވެއްޓުނު ބިއްލޫރި ޕެލެޓްގައި ހުރި ބިއްލޫރިތައް ތެޅިފައި.
16 ޖެނުއަރީ 2021 - 09:11
7 comments
މި މަހު ހަތް ވަނަ ދުވަހުގެ ރޭ މާލޭ ވިޔަފާރި ބަނދަރުގައި ބިއްލޫރި ޕެލެޓެއްގެ ދަށުވި މީހާ މިއަދު މަރުވެއްޖެ އެވެ.
އެކަމަކު، ނ. ލަންދޫ ފޭރުގަސްދޮށުގޭ އަބްދުﷲ އާސިމް 27، މި މަރުވީ، ފުރާނަ އަށް ނުރައްކާތެރިވާ ހާލަތަކަށް ގޮސްފައި އޮތް ކަމަށް ނުބެލެވޭ ކަހަލަ މައުލޫމާތުތަކެއް އައިޖީއެމްއެޗުން މީޑިއާ އަށް ހާމަކޮށްފައި އޮއްވަ އެވެ. އާސިމް ސަލާމަތް ކޮށްގެން ފަރުވާ ދޭން ފެށި ފަހުން އެ ހޮސްޕިޓަލުން ބުނީ އޭރު ފަރުވާ ދެމުން އައީ ވޯޑަށް ބަދަލުކޮށްގެން ކަމަށެވެ. ބޮޑަށް ގެއްލުންވެފައި ހުރީ ކަށިތަކަށް ކަމަށް ވެސް ބުންޏެވެ.
ކޮންޓޭނަރެއްގެ ތެރޭގައި ހުރި ބިއްލޫރި ބޮޑެތި ޕެލެޓްތައް ފޯކްލިފްޓެއްގައި ނެރެން އުޅެނިކޮށް އޭގެ ތެރެއިން އެއް ޕެލެޓް ވެއްޓި ދެ މީހުން ތާށިވި އެވެ. އެކަމަކު އެކަކު ވަގުތުން ސަލާމަތްކުރި އެވެ. ބިއްލޫރިތަކުގެ ތެރޭގައި ބޮޑަށް ތާށިވި އާސިމް ސަލާމަތްކުރީ ކޮންޓޭނަރު ކަފާލައިގެންނެވެ.
އޭނާ ތާށިވެފައި އޮތް މަންޒަރު ފެންނަ ފޮޓޯތަކުން އެނގޭ ގޮތުގައި އޭރު ވެސް ބޮޑެތި ޒަހަމްތަކެއް ލިބިފައި ހުއްޓެވެ.
އާސިމްގެ މައްޗަށް ކަށުނަމާދު ކުރުން އޮންނާނީ މިއަދުގެ މެންދުރުނަމާދަށް ފަހު އާ ސަހަރާ މިސްކިތުގަ އެވެ.
މަސައްކަތްކުރާ މީހުންގެ ސަލާމަތަށް ގިނަ ފިޔަވަޅުތަކެއް އަޅާފައި ހުއްޓަސް ރާއްޖޭގެ އެންމެ ބޮޑު ވިޔަފާރި ބަނދަރުގައި ދޭތެރެ ދޭތެރެއިން ނުރައްކާތެރި އެކްސިޑެންޓްތައް ހިނގަ އެވެ. އެގޮތުން 2017 ގައި ހިނގި އެކްސިޑެންޓަކާ ގުޅިގެން އެމްޕީއެލް މުވައްޒަފެއްގެ ފައި ބުރިކޮށްލަން ޖެހުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަނދަރު
16 January 2021
ފޯކްލިފްޓް ދުއްވަން އިންމީހާގެ މައްސަލަތިޔައީ. ފޯކްލިފްޓްގެ އެއްވެސް އޮފަރޭޓެއް ކުރެވޭނީ އެތަނުގައި ހުރި މީހުން ނެރެފައި. މިކަހަލަ ހާދިސާތައް މިހާރު ގިނަވެއްޖެ އެތާތެރޭގައި. މިކަމުގެ ފުރިހަމަ ޒިންމާ ނަގަންވާނެ މިކަމުގައި ސަމީލުވާ ހުރިހާފަރާތެއް.
އީލައި
16 January 2021
لِلَّهِ وَإِنَّا إِلَيْهِ رَاجِعُونَ އާއިލާއަށް ބަދަލުދޭން ޖެހޭނެ!
ސުބު
16 January 2021
إِنَّا لِلَّهِ وَإِنَّا إِلَيْهِ رَاجِعُونَ
މއަލީ ވަހީދު
16 January 2021
އާއިލާއަށް ކެއްތެރިކަން ދެއްވާދޭން
އަހުމަދުއޯ
16 January 2021
އެމްޕީއެލްއިން އައިއެސްއޯ 45001 ސެޓިފިކެޓު ނަގަން ފެނޭ. މަރުހޫމުގެ ފުރާނައަށް ރަހުމަތް ލައްވާށި. އާމީން.
އަަރީ
16 January 2021
މައްޔިތާގެ ފާފަ ފުންސަވާ އައިލާއަށް ކެންތެރިކަން ދެށްވާށި. އާމީން
ގެދޮރު ނެތް މާލޭމީހަ
16 January 2021
އެމް.ޕީ.އެލް.އިން ބުނީ އޭނަގެ ޙާލު ރަނގަޅޭ. ކިހާ ރަނގަޅު. އެފަކީރު ޅަޢުމުރުގައި ވަކިވެގެން އެ ދިޔައީ ބައެއްގެ އިޙްމާލުން. މާތް ﷲ މަރުޙޫމް ގެ ފުރާނައަށް ރަޙްމަތްލައްވާ ސުވަރުގޭގެ ދާއިމީ ނިޢުމަތް މިންވަރު ކުރައްވާށި. ޢާއިލާއަށް ކެއްތެރިކަން ދެއްވާށި.