ަމަރުގެ މައްސަލާގައި ހޯދާ ބަންގްލާދޭޝް މީހާ
18 ޖެނުއަރީ 2021 - 12:57
7 comments
ފުލުހުން ހޯދަން އިއުލާނުކުރި ބިދޭސީއަކީ ހުޅުމާލޭގެ ކޮންސްޓްރަކްޝަން ސައިޓެއްގައި މަސައްކަތްކުރަނިކޮށް އެތަނުގެ މަތިން ވެއްޓުނު ގަލަކުން ޖެހި ބިދޭސީއަކު މަރުވި މައްސަލައިގެ ތަހުގީގަށް ހޯދާ މީހެއްކަން "މިހާރު" އަށް އެނގިއްޖެ އެވެ.
ފުލުހުންގެ ވެބްސައިޓުގައި މިއަދު ވަނީ، ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުން ބަލާ މަރުގެ މައްސަލައެއްގައި ބަންގްލަދޭޝްގެ މުހައްމަދު އަލީ ހޮސެއިން، 32، ހޯދަން އިއުލާނުކޮށްފަ އެވެ. އޭނާއާ ގުޅޭ އެއްވެސް މައުލޫމާތެއް ލިބިފައިވާ ނަމަ އެ ޑިޕާޓްމަންޓުގެ ނަމްބަރު 9911099 އަށް ގުޅައި މައުލޫމާތު ހިއްސާކޮށްދިނުމަށް އެދިފައި ވެ އެވެ.
އެކަމާ ގުޅޭ އިތުރު ތަފްސީލެއް ނުދެ އެވެ.
ނަމަވެސް އެނގިފައިވާ ގޮތުގައި ފުލުހުން ހޯދަމުން އަންނަނީ، ފެބްރުއަރީ 17، 2019 ގައި ހުޅުމާލޭގެ ލޮޓް ނަމްބަރު 10799 ގެ ފަސް ވަނަ ފްލޯއިން ވެއްޓުނު އެޅިގަލަކުން ޖެހި، އެ ސައިޓުގައި މަސައްކަތްކުރަން ހުރި 44 އަހަރުގެ ބިދޭސީ މީހާގެ ގައިގައި ޖެހި މަރުވި މައްސަލައިގަ އެވެ.
ހުޅުމާލެ ހޮސްޕިޓަލް އޭރު ހިންގަމުން ދިޔަ އާސަންދަ ކުންފުނިން އޭރު ބުނެފައިވަނީ އެ މީހާ ހޮސްޕިޓަލަށް ގެންދިޔައިރު ވެސް އޮތީ މަރުވެފައި ކަމަށެވެ. އެ މީހާގެ ބޮލަށް ބޮޑެތި ޒަހަމްތަކެއް ވެފައިވާ ކަމަށް އާސަންދަ ކުންފުނިން ކުރިން ބުންޏެވެ.
އެ އިމާރާތުން ވެއްޓުނު ގަލުން ޖެހި ބިދޭސީ މީހާ މަރުވި މައްސަލައާ ގުޅިގެން މާލެ ސިޓީ ކައުންސިލުން އެ ތަން ހަދަމުން ދިޔަ އައިއެންއެންއެފް ކޮންސްޓްރަކްޝަން 500،000ރ އިން ޖޫރިމަނާ ވެސް ކޮށްފައި ވެ އެވެ.
އެ ހާދިސާ ހިނގީ ދެ އިމާރާތް ދޭތެރޭގައި އެ ބިދޭސީ މީހާ މަސައްކަތުގައި އުޅެނިކޮށް، މަތިން ގަލެއް ވެއްޓި އޭނާގެ މޭގައި ޖެހުމުންނެވެ. ނަމަވެސް އެ މަރާއި ފުލުހުން މިހާރު ހޯދަން އިއުލާންކޮށްފައިވާ މީހާއާ އޮތް ގުޅުމެއް ނޭނގެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމާ
18 January 2021
ފައިސާގެ މައްސަލަ އަކަށް ވުން ގާތް!
ކެރެދި ބެއްޔާ
18 January 2021
މިބައިގަޑާ ހެދީ މިހާރު މިރާއްޖޭގައި އުޅެވޭކަށް ނެތް! މިތަންދޫކޮށްފަ ހިޖުރަ ކުރުންނޫންގޮތެއްނެތް!
އަރުތަ
18 January 2021
"ފުލުހުން ހޯދަން އިއުލާނުކުރި ބިދޭސީއަކީ ހުޅުމާލޭގެ ކޮންސްޓްރަކްޝަން ސައިޓެއްގައި މަސައްކަތްކުރަނިކޮށް އެތަނުގެ މަތިން ވެއްޓުނު ގަލަކުން ޖެހި ބިދޭސީއަކު މަރުވި މައްސަލައިގެ ތަހުގީގަށް ހޯދާ މީހެއްކަން "މިހާރު" އަށް އެނގިއްޖެ އެވެ". "ނަމަވެސް އެ މަރާއި ފުލުހުން މިހާރު ހޯދަން އިއުލާންކޮށްފައިވާ މީހާއާ އޮތް ގުޅުމެއް ނޭނގެ އެވެ".
މޯޑް
18 January 2021
ބަގުލާދޭސް މީހުންވެސް ފިލަންވީމަ ފިލާގެން އެ އުޅެނި. އަޅެނި ދައުލަތެއްތަ. ނޫނީ ބޯކޯހަރާމްގެ އަވަށެއްތަ?
އޮނަރަބްލް އަފީފު ދީދީ
18 January 2021
ފަތުރުވެރިކަމަށް ނުބައިއަސަރެއް ނުކުރަނީސް އިމިޤްރޭޝަން ޤަވާއިދުބަދަލުކޮށް އިޤިރޭސިވިލާތް، އީޔޫގެ ޤައުމުތަކާއި، ސްވިޓްޒަލެންޑް، އޮސްޓްރޭލިއާ، ނިއުޒީލަންޑް، ކެނަޑާ، އެމަރިކާ، ޖެޕާން، ކޮރެއާ، ސައުދީ، ޤަޓަރ، ކްވެއިތު، ޔޫއޭއީ، ޗައިނާ، ރަޝިޔާ، ތައިލެންޑް، މެލޭޝިއާ، ސިންގަޕޯރ އަދި މިސަރަހައްދުން އިންޑިޔާ ލަންކާ ފިޔަވާ އެހެން ޤައުމުތަކުގެ އޯޑިނެރީ ޕާސްޕޯޓްހޮލްޑަރުން އެޑްވާންސްވީސާނެތި ރާއްޖެއައުން މަނާކުރައްވާ. މިއީ ޤައުމީ ސަލާމަތާއި ގުޅުންހުރި ކަމެއް.
ޚިޔާލުން
18 January 2021
ތިއީ ރާއްޖޭގައި ހިމާޔަތްކުރެވިފައިވާ ބައެއް. ރާއްޖޭގައި އުޅެން ވިސާއެއް ބޭނުމެއް ނުވާނެ. އަމަލުކުރަންޖެހޭ ގާނޫނެއް ގަވާއިދެއް ނޯންނާނެ. އެމީހުން ތަބާވާންޖެހޭ ބަޔަކު ނުތިބޭނެ. އެމީހުންގެ އަމަލުތައް ހުއްޓުވޭނެގޮތެއް ނެތް. އެމީހުންނާއިމެދު އަޅާނެ ފިޔަވަޅެއްނެތް. މިބަލިމަޑުކަމުގައިވެސް ރާއްޖޭގެ ބަޖެޓާއި ބޭރުން ލިބޭ އެހީގެވެސް ބޮޑުބައި ޚަރަދު ކުރަންޖެހެނީ އެމީހުންނަށް. ދިވެހިންނަށް ނުލިބުނަސް އެމީހުންނަށް އިންސާފާއި ހައްގުތައް ހޯދައިދޭންޖެހެޔޯ.
ހާނިމް
18 January 2021
އަދި އިތުރު ކޮށްލާނަން، ބޭންކު ބޭނުންކޮށްގެން ލާރި އެއްތަނުން އަނެއްތަނަށް މިމީހުން ހިދުމަތް ދޭ. ދުނިޔޭގެ ގައުމުތަކުގައި ގޮތަށް ރާއްޖެ ވެސް ބޭންކް ގެ ނިޒާމް ބަލާ ނަމަ. އަދި ކިތަންމެ މުސްކުޅި ވިޔަސް މިމީހުން މަސައްކަތްކުރަން ވިސާ ލިބޭ، ވަކި އުމުރެއް ނޯވޭ