އިންޑިއާއިން ރާއްޖެއަށް 100،000 ޑޯޒްގެ ކޮވިޑް ވެކްސިން ހަދިޔާކުރިކަމުގެ ރަމްޒީ ލިޔުން، އެ ގައުމުން ރާއްޖެ ކަނޑައަޅާފައިވާ ސަފީރު ސަންޖޭ (ވ)، ހެލްތު މިނިސްޓަރު ނަސީމް (މ) އަދި ފޮރިން މިނިސްޓަރު ޝާހިދަށް ދެއްވަނީ.-- ފޮޓޯ: އަހުމަދު އަވްޝަން/ މިހާރު
20 ޖެނުއަރީ 2021 - 20:36
10 comments
ކޮޮވިޑް-19 ވެކްސިނާ އެކު ރާއްޖެ އަށް މި އައީ އުއްމީދު ކަމަށާއި އެއީ ބަލިން ރައްޔިތުން ސަލާމަތްކުރުމުގެ ފެށުން ކަމަށް ހެލްތު މިނިސްޓަރު އަހުމަދު ނަސީމް މިއަދު ވިދާޅުވެއްޖެ އެވެ.
އިންޑިއާ އިން އުފެއްދި "ކޮވިޝީލްޑް" ވެކްސިންގެ އެއްލައްކަ ޑޯޒް ހަދިޔާކުރަން ވެލާނާ އިންޓަނޭޝަނަލް އެއާޕޯޓުގައި ބޭއްވި ރަސްމިއްޔާތުގައި ނަސީމް ވިދާޅުވީ، އެ ވެކްސިން ލިބުނު ފުރަތަމަ ގައުމަކަށް ރާއްޖެ ވުމަކީ އިންޑިއާގެ ހިތްހެޔޮކަން ހާމަވެގެން ދިޔަ ކަމެއް ކަމަށެވެ. ބަލިމަޑުކަން ފެތުރިގެން ދިޔައިރު ރާއްޖެއަށް މާލީ އެހީތެރިކަމާއި ކާނާ އާއި ބޭހުގެ އިތުރުން ޓްރޭނިންތައް ހިންގުމުގައި އެހީތެރިކަން ދީފައިވާ ކަމަށް ވިދާޅުވި އެވެ.
"މިއީ [ރާއްޖެއަށް] ލިބުނު އުއްމީދު. އަދި ރައްޔިތުން ކޮވިޑުން ސަލާމަތްކުރުމުގެ ފެށުން،" ނަސީމް ވިދާޅުވި އެވެ.
އިންޑިއާއިން ރާއްޖެއަށް 100،000 ޑޯޒްގެ ކޮވިޑް ވެކްސިން ހަދިޔާކުރަން ބޭއްވި ރަސްމިއްޔާތުގައި ހެލްތު މިނިސްޓަރު ނަސީމް ވާހަކަދައްކަވަނީ.-- ފޮޓޯ: އަހުމަދު އަވްޝަން/ މިހާރު
އިންޑިއާ އިން ހަދިޔާކުރި ވެކްސިންގެ އިތުރުން ރާއްޖެއިން އަމިއްލައަށް ހަރަދުކޮށްގެން ވަނީ އެސްޓްރާޒެނިކާގެ ވެކްސިން ގަންނަން ނިންމައި އެއްބަސްވުމުގައި ސޮއިކޮށްފަ އެވެ.
ނަސީމް ވިދާޅުވީ އެސްޓްރާޒެނެކާގެ ސައުތު އީސްޓް ބްރާންޗާ އެކު ސޮއިކުރުމުން ރާއްޖެއަށް ވަރަށް އަވަހަށް ވެކްސިން ލިބޭނެ ކަމުގެ ޔަގީންކަން އެ ފަރާތުން ދީފައިވާ ކަމަށެވެ. އެއިން މުޅި ރާއްޖޭގެ އާބާދީއަށް ވެކްސިން ޖެހޭނެ ކަމަށާއި މިއީ، ގައުމުގެ އެންމެންނަށް ވެކްސިން ޖަހާ ފުރަތަމަ ގައުމަށް ވެދާނެ ކަމަށް ވިދާޅުވި އެވެ.
ފޮރިން މިނިސްޓަރު އަބްދުﷲ ޝާހިދު ވިދާޅުވީ ފާއިތުވި 10 މަސް ތަހައްމަލްކުރަމުން ދިޔައީ ހިތްދަތިކަމާ އެކު ކަމަށެވެ.
އިންޑިއާއިން ރާއްޖެއަށް 100،000 ޑޯޒްގެ ކޮވިޑް ވެކްސިން ހަދިޔާކުރަން ބޭއްވި ރަސްމިއްޔާތުގައި ފޮރިން މިނިސްޓަރު ޝާހިދު ވާހަކަދައްކަވަނީ.-- ފޮޓޯ: އަހުމަދު އަވްޝަން/ މިހާރު
ދުނިޔޭގައި ވެކްސިން އުފައްދަން ފެށުމާއެކު ފޮރިން މިނިސްޓްރީއާ ހަވާލުކުރީ ރާއްޖެއަށް ވެކްސިން ހޯދޭނެ މަގުތައް ކަމަށާއި މެދުކެނޑުމެއް ނެތި އެކަން ކުރަމުން ދިއުމުގެ ނަތީޖާއަކީ، ޝާހިދު ވިދާޅުވި ގޮތުގައި، އިންޑިއާގެ ހިލޭ އެހީގައި ވެކްސިންގެ ފުރަތަމަ ޝިޕްމެންޓް ލިބުމެވެ.
ވެކްސިން ޖެހުމުގެ އެންމެ ބޮޑު ޕްރޮގްރާމް ފަށައި، ހަތަރު ދުވަސްތެރޭ ވެކްސިން ފޯރުކޮށްދިނުމަކީ އިންޑިއާ އިން އަވަށްޓެރި ގައުމުތަކާ މެދު ބަހައްޓާ ގާތްކަން ސާބިތުވާ ކަމެއްކަން ފާހަގަކުރެއްވި އެވެ.
އެ ގައުމުން ހަދިޔާކުރީ އޮކްސްފޯޑް ޔުނިވާސިޓީ އާއި އެސްޓްރެޒެނެކާ ކުންފުނީގެ ދިރާސާގެ މައްޗަށް އިންޑިއާގެ ސީރަމް އިންސްޓިޓިއުޓުން އުފައްދާފައިވާ ވެކްސިނެވެ. ޝާހިދު ވިދާޅުވީ އެއީ ތިން ޓްރަޔަލް ނިންމާފައިވާ ރައްކާތެރި ވެކްސިނެއް ކަމަށެވެ.
ސީރަމް އިންސްޓިޓިއުޓަކީ ދުނިޔޭގެ އެންމެ ބޮޑު ވެކްސިން އުފައްދާ އިންސްޓިޓިއުޓެވެ. އެ ތަނުން ކޮންމެ އަހަރަކު 1.5 ބިލިއަނަށް ވުރެ ގިނަ ޑޯޒްގެ ވެކްސިން ދަނީ އުފައްދަމުންނެވެ. ދުނިޔޭގެ 170 ގައުމެއްގެ 66 ޕަސެންޓް ކުޑަކުދިންނަށް ސީރަމް އިންސްޓިޓިއުޓުން އުފައްދާ ކޮންމެ ވެސް އެއް ވެކްސިނެއް ޖަހަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮން އަހުމަދު
21 January 2021
އިންޑިޔާއިން ވެދޭ ތިކަހަލަ އެހީތަކަށް ޝުކުރިއްޔާ. ދެރަކަމަކީ އިންޑިޔާއިން ދިވެހިންނަށް ހެޔޮނޭދޭތީ. ހެޔޮ އެދެނީ ހަމައެކަނި އެމްޑީޕީ ސަރުކާރަށް. އަދިވެސް އަހަރުމެން ހަނދާން ނުނެތޭ ރޯދަމަހު ވިސާ ނަގަން ރަތްދަކަ އަވީގައި 6 ގަޑިއިރު މަގުމަތީގައި ބައިތިއްބާފަ އެތެރެއަށް ވަނީމަ މުއާމަލާތު ކުރި ގޮތް. އިހުތިރާމް ކުރުމަކީ އާދައިގެ ރައްޔިތުންނަށްވެސް ހައިކޮމިޝަނުން ކުރަން ޖެހޭނެ ކަމެއް. އޭގެ ބަދަލުގައި ފެނުނީ ދިވެހިން ވިސާއަށް ސަލާން ޖަހަން ޖެހުނުތަން
މުނި ކާފަ
21 January 2021
މި ކާކުތަ ދެން..މީނާ ފެނުނަސް އުއްމީދު ގެއްލޭ
ހުނެވިލު
21 January 2021
ފުރަތަމަ ތިޔަ ވެކްސިން ޖަހަންވީ ރައީސާއި މަޖިލިސްގެ ރައީސަށް
އެއްކޮޅު
21 January 2021
ތިތެކުސިން ފުރަތަމަ ޖަހަންއެނމެ ރަނގަޅީ ތަލަލާފަ ތިބޭމީހުން
ބުރާނތި ބެ
20 January 2021
މިނިސްޓަރު ނަސީމޫ ތީގެ ދޭތި ޖަހާލައްޗޭ ، އޭރުން އަހަރެމެންނަށް އިތުބާރު ކުރަން އެނގޭނީ.
ރުގްމާން
20 January 2021
ރާއްޖެއަށް އިންޑިއާއިން ދިން ވެކްސިން އާއި މެދު ވަރަށް އޮޅުންއަރާ..އެއްފަހަރު ބުނެފި އޮކްފޯޑްން އުފެއްދި ކޮވިޝީލްޑްއޭ.އަނެއްފަހަރު އިންޑިއާއިން އުފެއްދި ވެކްސިން ކޮވިޝީލްޑްއޭ..އެޗްޕީއޭއިން ބުނެފި ވެކްސިންގެ ރައްކާތެރިކަން ޔަގީން ކުރާނަމޭ..ކޮންގޮތަކަށްބާ ޔަގީން ކުރަނީ..އެތެރެކުމުގެ ކުރިން އެކަން ނުބެލީ ކީއްވެބާ؟؟
ސަންގުބޭ
21 January 2021
މަށަށްވެސް ފުރަތަމަ ވިސްނުނީ ހަމަ ތިހެން.
ގުދުގުދާ ބެއްޔާ
20 January 2021
ހެލްތް މިނިަސްޓަރަކަށް ހެލްތްގެ ދާއިރާއިން އެއްވެސް ތަޖުރުބާއެއްނެތް! އަންނި ޖޯކްޖަހާނެ މައުމޫނު ދައުރުގައި މިނިސްޓަރުން މިނިސްޓްރީއަށް ލާގޮތައް! ވެރިކަން ލިބުނީމަ މިވީ ކިހިނެތް؟
ޖަންބު ހަސަންބެ
20 January 2021
އިންޑިޔާއިން ވެކްސިންގެނައިރު ޑީލެއް ނަހަދާކަމަށް އުންމީދުކުރަން. އެކަމަކު ޑީލެއްނުހަދާ ހަމަ މިހާފަސޭހައިން އެއްޗެއްލިބޭނެބާއޭ ހިތަށްއަރަނީ، އިންޑިޔާގެ ނިކަމެތިައްޔިތުން ނިކަމެތިކަމުގާ ބަހައްޓާފައި އެމީހުން މިވަަރަށް އަހަރެމެންނަށް ރަޙުމްކުރާތީ.
ހަސަންފުޅު
20 January 2021
ތި އިންޖިކްޝަން ނުޖަހަން ބުނަނީ ރައްކާތެރިކަން ކަށަވަރު ނުވާތީ. ގައިމު ކަމެއްވީމަތާ އެމެރިކާގެ ގިނަ ޑޮކްޓަރުންނާއި ނަރުހުން ކޮވިޑް ވެކުސިން ޖަހަން ދެކޮޅު ހަދަނީ. އެއީ ތި އިންޑިއާ ވެކުސިނަށް ވުރެ މާ ފެންވަަރު ރަނގަޅު ވެކުސިންނެއް.