ކޮވިޑު ވެކްސިން ޖެހުމަށް މިއަދު މާލޭގެ ސޯޝަލް ސެންޓަރަށް ދިޔަ ބަޔަކު ކިއޫގައި.---ފޮޓޯ: އަހުމަދު އަވްޝަން/މިހާރު
11 މާޗް 2021 - 22:03
12 comments
ކޮވިޑު-19 އިން ދިފާއުވުމަށް ޗައިނާ ސަރުކާރުން އުފެއްދި ވެކްސިން ރާއްޖޭގައި ބޭނުންކުރުމުގެ ހުއްދަ ދިނުމުގެ ދިރާސާ އަދިވެސް ނުނިމޭ ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން މިއަދު ބުނެފި އެވެ.
ރާއްޖޭގެ އިގުތިސޯދު އަވަހަށް ރަނގަޅުކުރަން ކުރާ މަސައްކަތަށް އެހީތެރިވުމުގެ ގޮތުން ޗައިނާ އިން ވަނީ ވެކްސިންގެ 200،000 ޑޯޒު ހަދިޔާކުރަން ނިންމައިފަ އެވެ.
ދެ ފަހަރެއްގެ މަތިން، ސައިނޯފާމްގެ 10،000 ޑޯޒު ވަނީ ރާއްޖެ އަށް ދީފަ އެވެ. މީގެ އިތުރުން ކޮވިޑު ވެކްސިންގެ 100،000 ޑޯޒު ވެކްސިން ރާއްޖެ އަށް ހަދިޔާކުރަން ޗައިނާ ސަރުކާރުން ވަނީ ނިންމައިފަ އެވެ. މިއީ ކޮން ބްރޭންޑެއް ކަމެއް އަދި ހާމަކޮށްފައެއް ނުވެ އެވެ. ޗައިނާ އިން އާންމުކޮށް ހަދިޔާކުރަނީ ސިނޯފާމް އާއި ސިނޯވެކް ވެކްސިނެވެ.
ސައިނޯފާމް ކުންފުނިން އުފެއްދި ވެކްސިނަށް ހުއްދަ ދޫކުރުމުގެ ކުރިން ދިރާސާ ކުރަމުން އަންނަ ކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) ހިންގުމާ ހަވާލުވެހުންނެވި ސްޓޭޓް މިނިސްޓަރު ޑރ. ޝާހު މާހިރު މިދިޔަ މަހުގެ 16 ގައި ވިދާޅުވެފައި ވެ އެވެ. ނަމަވެސް މަހެއް ވާން ކައިރިވެފައިވާއިރު ވެސް އެ ވެކްސިނަށް ހުއްދަ ދިނުމާ މެދު ގޮތެއް ނުނިންމަ އެވެ.
އެކަމާ ގުޅިގެން އެޗްއީއޯސީގެ ކޮމިއުނިކޭޝަން އޮފިޝަލަކު ވިދާޅުވީ އެމްއެފްޑީއޭގެ އެސެސްމަންޓުތައް އަދި ނުނިމޭ ކަމަށެވެ އެ ވެކްސިން ނުޖަހައި މަޑުކޮށްގެން ތިބީ ހުއްދަ ލިބެންދެން ކަމަށް ވިދާޅުވި އެވެ. މިކަމުގައި އެމްއެފްޑީއޭގެ ބަހެއް އަދި ނުލިބެ އެވެ.
ރާއްޖޭގައި މި ވަގުތު ބޭނުންކުރަމުން އަންނަ ކޮވިޝީލްޑް ވެކްސިނަށް މިދިޔަ ޖެނުއަރީ 28 ގައި އެމްއެފްޑީއޭއިން ހުއްދަދީފައި ވެ އެވެ. އެއާއެކު، އޭގެ ތިން ދުވަސް ފަހުން މިދިޔަ މަހުގެ 1 ގައި ވެކްސިން ޖަހަން ފަށާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައުންސެލަރު
13 March 2021
ދިރާސާ ނުނިމެނީކީ ނޫން. އެކުން ދިރާސާގެ ވާހަކަ ބާއްވާފާ، ގައުމުގާތިބި ސިފައިންތަކެއްގެ އަދަދު ހާމަ ކުރީމާ ގައުމީ ސަލާމަތަށް ނުރައްކާވާ ބީދައިން، ރައްޓެހިވެގެން އުޅޭ ބިޓަށް ދޭ އަގުބޮޑު ހަދިޔާގެ ގޮތުގައި ދީފަހުރިއެއްޗެއް ބޭނުން ނުކޮށް އުކާލައިފިއްޔާ ގައުމީސަލާމަތަށް އަދި މާނުރައްކާ ވާނެއެއްނޫންބާ؟ ޔޫރަޕްގެ ގިނަގައުމުތަކުން ރިޖެކްޓް ކުރިއެއްޗެއް މިތަނުގެ އެންމެންގަޔަށް ޖެހޭ ކޮންމެހެންވެސް ޖަހަން. ގޮނޑިކޮއްކޮ ދެންކިޔަންވީ ކޯއްޗަކަށްބަ؟
ޖޮންގޯރ
12 March 2021
ތި ދިރާސާ ފެށޭނީވެސް ޔާމީނުވެރިކަމުގައިދެން!
އުދުހޭ
12 March 2021
ތިޔަ ދިރާސާ ވަރަށް އަވަހަށް ނިމޭނެކަމަށް ލަފާކުރެވޭ. ސަބަބަކީ އިންޑިޔާ ވެކްސިންގެ ސްޓޮކް ހުސްވީމާ ޖަހާނެ ވެކްސިނެއް ބޭނުންވާނެތީ.
ރާއްޖެ
12 March 2021
އެމްއެފްޑީއޭ އިން ދިރާސާކުރަން ފެށީ ކޮން އިރަކު؟ ތިޔަ އޮފީހަކީ ކިއްލި ޕެކެޓެއްވެސް ޓެސްޓް ކުރެވޭނެ ގާބިލް ކަން ހުރި ތަނެއް ނޫން.
ނޫންތަ
12 March 2021
ކޮވިޝީލްޑް ހުސްވީމަ އެހެން އެއްޗެއް ޖެހޭނީ.
ާއަދޫ
12 March 2021
އިންޑިޔާ ވެކްސިންގެ ދިރާސާ 3-2 ދުވަސްތެރޭ ނިމިއްޖެ. އަރަބި އެންމެ މުއްސަނދި ގައުމުތަކުން، އެތަންތަނުގެ ވެރިން ތިޔަ ކަމުނުދާ ވެކްސިން އެޖެހީ. އެމް.އެފް.ޑީ.އޭ ތީ ދުނިޔޭގެ ނިސްބަތުންވެސް ފާހަގަ ކޮއްލެވޭ ތަނެއް. އެހެންވީމަ ކަމަށްވާނީ މި ފަހަރު ތިހާ ދިގުލައިގެން އެދަނީ.
ލައު8
12 March 2021
ލޮލް. އަރަބި ގައުމުތަކުގަ މިވެކްސިން ދެނީ ދިރާސާ ނަހަދަތަ. ދިވެހިން މީ މާ މަތީ ބައެއްތަ
ކަކުނިބޯ
12 March 2021
ޑަބްލިޔު އެޗް އޯ އިން ހުއްދަނުދޭ ޕްރޮގްރަސް ގައި އުޅޭއެއްޗަކަށް ހުއްދަ ދީފީމޭ އަދި ނުދެމެކޭވެސް ރާއްޖޭގެ އެފްޑިއޭ އަކުން ނުބުނާނެ. ވަރަށް ސާފު ސަބަބަކީ ރާއްޖޭގެ އެފްޑީއޭއަކީ އަދި އެފެންވަރުގެ ދިރާސާއެއްކުރެވޭފެންވަރުގެ ތަނަކަށް ނުވާކަން. އަދި ބުނަން ތިޔަބުނާ ސައިނޯފާމް ވެކްސިން ބޭނުންކުރަނީ ޔޫރަޕްގެ ޤައުމުތަކުން ހަމައެކަނި ހަންގޭރީގާ. ކޮވިޝީލްޑް ވެކްސިންވެސް ބަހައްޓާގެން ބަލަހައްޓާގެން ތިބީ ޑަބްލުޔު އެޗް އޯ އިން ހުއްދަދެންދެން.
ހަސަނު
12 March 2021
ދުނިޔޭގެ ވަރަށް ގިނަ ގައުމުގާ އެ ވެކްސިން އެބަ ބޭނުން ކުރޭ..
1828
11 March 2021
ނަޝީދު އޯކޭ ދިނީމައި އެޕްރޫވްވަނީ.