ޚަބަރު / ޑރ. މުހައްމަދު މުއިއްޒު، މާލޭގެ މޭޔަރު

މާލޭގެ ގޯޅިތަކެއް ރީތި ކުރުމަށް ޗައިނާ އިން ހަތް މިލިއަން ރުފިޔާ ދީފި

މާލޭގެ ގޯޅިތައް ހިތްފަސޭހަ ތަނަކަށް ހަދަން ޗައިނާއިން ހަތް މިލިއަން ރުފިޔާ ދިނުމުގެ އެއްބަސްވުމުގައި މުއިއްޒު އާއި ވަން ފޫކާން ސޮއިކުރައްވަނީ. މިއީ ހަތް މިލިއަން ރުފިޔާގެ މަޝްރޫއެއް. - ފޮޓޯ: މިހާރު

މުހައްމަދު ޔާމީން، މިހާރު

13 ނޮވެމްބަރ 2016 - 15:37

14 comments

މާލޭގެ ހަތް ގޯޅިއަކާއި ވިލިމާލޭގައި ކުޑަކުދިންގެ ޕާކެއް ހެދުމަށް ޗައިނާ ސަރުކާރުން ހައުސިން މިނިސްޓްރީ އަށް ހަތް މިލިއަން ރުފިޔާގެ ހިލޭ އެހީއެއް މިއަދު ދީފި އެވެ.

ހައުސިން މިނިސްޓްރީން ބުނި ގޮތުގައި އާންމުން ހިތްފަސޭހަކަމާ އެކު ވަގުތު ހޭދަ ކުރެވޭނެ ގޮތަށް ތަރައްގީ ކުރާ ގޯޅިތަކަކީ އުޅަނދުތައް ނުވަދެވޭ ގޮތަށް ދާދި ފަހުން ބަންދު ކުރި ގޯޅިތަކެވެ. މި މަޝްރޫއު ކުރިއަށް އޮތް ހަ މަސް ތެރޭގައި ނިންމާލެވޭނެ ކަމަށް އެ މިނިސްޓްރީން ބުންޏެވެ.

އެ މިނިސްޓްރީން ބުނި ގޮތުގައި މި މަޝްރޫއު ފުރިހަމަކުރާ އިރު، މީހުންނަށް އިށީނދެވޭ ގޮތަށް ބެންޗުތައް ހަދައި ބައެއް ކަހަލަ ކުޅިވަރުތައް ކުޅެވޭނެ އިންތިޒާމު ހަމަޖައްސާނެ އެވެ. އަދި އެ ގޯޅިތަކުގައި އުޅޭ މީހުންނާއި އެ ތަންތަނަށް ޒިޔާރަތް ކުރާ މީހުންނަށް ފޮތް ކިޔޭނެ ގޮތްތައް ވެސް ހަމަޖައްސާނެ އެވެ.

ތަރައްގީ ކުރުމަށް ހަމަޖެހިފައިވާ ގޯޅިތައް:

1- ގުލްއަލާ ގޯޅި

2- އެނބޫ ގޯޅި

3- ޝަހީދު އަލީ ގޯޅި

4- އަލަމާ ގޯޅި

5- ހަލަވެލި ގޯޅި

6- ފަރީދީ ގޯޅި

7- ފުލޫނިޔާ ގޯޅި

ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވީ ގޯޅިތަކާއި ޕާކްގެ ޑިޒައިން ކުރުމުގެ ކުރިން، ގޯޅިތަކުގައި ދިރިއުޅޭ މީހުންގެ ލަފާ ހޯއްދެވި ކަމަށެވެ. އަދި މި މަޝްރޫއަށް ބޭނުންވާ ތަކެތި ގެނެސް، އަންނަ މަހުގެ ތެރޭގައި މަސައްކަތް ފަށާނެ ކަމަށް މުއިއްޒު ވިދާޅުވި އެވެ.

އޭނާ ވިދާޅުވި ގޮތުގައި މި މަޝްރޫއު ކުރިއަށް ގެންދަނީ ހައުސިން މިނިސްޓްރީގެ ޕަބްލިކް ވޯކްސް ޑިޕާޓްމަންޓުންނެވެ. އެއީ މިނިސްޓަރު ވިދާޅުވި ގޮތުގައި ވީހާ ވެސް ހަރަދު ކުޑަ ކުރުމަށެވެ.

މިނިސްޓަރު ވިދާޅުވީ އެ މިނިސްޓްރީގެ ޕަބްލިކް ވޯކްސް ޑިޕާޓްމަންޓުން ދާދި ފަހުން ހެދި އިސްކަންދަރު މައިޒާނާއި ސުނާމީ ބިނާ މައިޒާނަކީ މާލޭގައި ދިރިއުޅޭ މީހުން ބަލައިގަތް ތަންތަން ކަމަށެވެ. އެހެންކަމުން މި ފަހަރުގެ މަޝްރޫއު ކުރިއަށް ދާނީ މިނިސްޓްރީގެ ބެލުމުގެ ދަށުން ކަމަށް އޭނާ ވިދާޅުވި އެވެ.

ތަރައްީ ކުރުމަށް ހަމަޖެހިފައިވާ ގޯޅިތަކުގެ ޗާޓެއް. - ފޮޓޯ: މިހާރު

ރާއްޖޭގެ ރީތިކަން ފާހަގަ ކުރައްވައި ރާއްޖޭގައި ހުންނަވާ ޗައިނާ ސަފީރު ވަން ފޫކާން ވިދާޅުވީ މާލެ އަށް އިތުރު ރީތިކަން ގެނެސްދޭނެ މި މަޝްރޫއަކީ މާލޭގައި ދިރިއުޅޭ މީހުންނާއި ޓޫރިސްޓުންނަށް ލިބޭނެ ވަރަށް ބޮޑު ފައިދާއެއް ކަމަށެވެ. އަދި ހައުސިން މިނިސްޓަރު އިސް ނަންގަވައިގެން މާލޭގައި ދިރިއުޅޭ މީހުންނަށް ގިނަ އަދަދެއްގެ މަޝްރޫއުތަކެއް ހިންގަމުން އަންނަ ކަން އޭނާ ފާހަގަ ކުރެއްވި އެވެ.

"އަޅުގަނޑުމެން މަސައްކަތް ކުރާނަން މާލޭގެ ރީތިކަން އިތުރަށް ދަމަހައްޓަން،" ވަން ފޫކާން ވިދާޅުވި އެވެ.

ހައުސިން މިނިސްޓްރީގައި ބޭއްވި ރަސްމިއްޔާތުގައި މި އެއްބަސްވުމުގައި ހައުސިން މިނިސްޓްރީން ސޮއިކުރެއްވީ މިނިސްޓަރު މުއިއްޒު އެވެ. މި އެއްބަސްވުމުގައި ޗައިނާގެ ފަރާތުން ސޮއިކުރެއްވީ ޗައިނާގެ ސަފީރު ވަން ފޫކާން އެވެ.

ވިލިމާލެ މާލެ ހައުސިން މިނިސްޓަރު ރާއްޖެ-ޗައިނާ ޑރ. މުހައްމަދު މުއިއްޒު، މާލޭގެ މޭޔަރު ޗައިނާ ހައުސިން މިނިސްޓްރީ

14 ކޮމެންޓް, 42 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަންފޫކާން

14 November 2016

މިކަންކަމާ މައުމޫނު ޖޭވަނީ. ސައޫދީ އިންވެސް އެހީދހެނެެ. ޗައިނާއިން ވެސް އެހީދެނީ. ގައުމު ރޮކެޓް ސްޕީޑްގައި ކުރިޔަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިޚް

14 November 2016

މާލެ ރީތިކުރަން ޗައިނާއިން ފައިސާދިން ވާހަކަ ބުނީމަ އަންނަނީ ހިނި، ވެނުމަސް ވެނަށް، ބަލަންތިބޭ ދިވެހިން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުދުﷲ

14 November 2016

މާލޭގެ ހަނި ގޯޅިތަކުން ސަިކަލް ދުއްވާފާ ދާއިރު ހިނގާ މީހުންނަސް އޮތް ބިރުވެރިކަމުން މިއަދުމިވަނީ ސަލާމަތްވުމގެ ކޮޅުމަތިފެނިފަ. ހައުސިންގ މިނިސްޓްރީއިން މިހިންގާ މަޝްރޫޢުގެ ސަބަބުން އަހަރެމެނަނަށް ހާދަ ހިތްހަމޖެހުން ލިބެއޭ. މިހާރު އުނދޯލި ހެއްލާލަންވެސް ހާދަ ފަސޭހައޭ. ސާބަސް ހައުސިން މިނިނސްޓަރަށް. ކުރިއަށް ވަޑައިގަންނަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޔަންމޭން

13 November 2016

ރަނގަޅު!! ގޯޅިއެއް ކީއްކުރަން ޖަންކްޝަންއެއްވެސް ނުވިއްކާލާ ނުބަހައްޓާތި؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑީސީ

13 November 2016

ބަނޑުހަރުވާތީ ޗައިނާއިން އެހީވަނީ..!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފްރޮމްދިސް

13 November 2016

މާލޭގެ ގޯޅިތައް ރީތި ކޮށް މާލެ އަކީ އެއީ ލިޓިލް ސިންގަޕޯރ އަށް ބަދަލު ކޮށްލަނީ އެވެ. ފްރޮމް ދިސް މޫމެންޓް ލައިފް ހޭޒް ބިގަން. ފްރޮމް ދިސް މޫމެންޓް އޮން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައި

13 November 2016

ހައުސިންނާ ބެހޭ ކަންތަށް ހައުސިން މިނިސްޓްްރީ އަކުން ނުކުރޭ މީހާރު ދޯ؟ ދެން ތިކަހަލަ މުނިސިޕަލް ކަންތަށް ނޫން ކަމެއް ހައުސިން މިނިސްޓްރީ އަކުން ނުކުރޭ، އެހެން ވީމަ ކިޔަންވީ "ގޯޅި" މިނުސްޓްރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމްޖަދު

13 November 2016

މުއިއްޒު. ކޮބާހޭ މާލޭ ދުރުމުސްތަގުބަލްގެ ޕްލޭނަކީ. ކޮންޖެސްޝަން ފީއެކޭ ކިޔާފަ ކޮންމެ ސައިކަލަކުން މަހަކު 2000 ރުފިޔާ ނެގީމަ މަގުތަކަށް އަންނަ ލުޔަކީ ކޮބާ. މިކަހަލަ ތާކުނުޖެހޭ ކަންކަމު ތިއުޅެނީ. މާލޭ މަގުތައް ފުޅާކޮށް ނޫނީ ދުވާރު މަތީ ރީއްޗަށް އުނދަގުލެއް ނެތި ހިނގޭނީ ކޮންދުވަހަކުން؟ ގެއިން ނިކުންނަގޮތަށް ވެހިކަލެއްގެ ކުރިމައްޗަށް ނާރާ ވާނެގޮތެއް ނޯންނާނެތަ. ވެހިކަލަށް ނާރާށޭ ކިޔަސް ހިނގާނެ ޕާމޭންެޓެއް ނަމަކަށް އޮތަސް ކަމަކު ނުދާނެ. ކަލޭ ތިދަންނަނީ ހުސްތަންކޮޅު ޕާކު ހަދާށާ ދެންހުރި ތަންތައް ކުއްޔަށްދެން. މިތާނގަ ފަސޭހައިން ހިނގާލާ ނޫޅެވި ތަރައްގީ ކުރާނީ ކިހިނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިދީދީއައްޑޫސިޓީ

13 November 2016

އަނެއްކާ ހައުސިންގ މިނިސްޓްރީ އަށް ސްޓޭޓް މިނިސްޓަރަކު ލެއްވީތޯ؟ ބާރުތައް މަސްހުނި ކުރުމުގެ ހެކި މިފެންނަނީ. މަޖިލިސް މެމްބަރުން އެއްގޮތަކަށްވެސް ނުޖެހޭ، ސަރުކާރު ހިންގުމުގައި އެއްވެސް މިންވަރަކަށް މަޝްޢޫލުވާކަށް. އެހެން ނޫނީ ކިހިނެއްތޯ ވަޒީރު ހާޟިރުކޮށް މަޖިލިސް ތަޅުމުގައި ސުވާލުކުރާނީ. ދެމީހުން ތިބެގެން ކުރިކަމެކޭ މިނިސްޓަރަށް ނިކަން ފަސޭހައިން ޖަވާބުދެވޭނެ.