ކުޑަހުވަދޫ އެއާޕޯޓުގައި މަސައްކަތްކުރާ ހަ މީހަކު ޕޮޒިޓިވްވުމުން އެ ރަށް މިހާރު ވަނީ މޮނިޓަރިންގެ ހާލަތަށް ގެންގޮސްފައި. މިދިޔަ މަހުގެ 26 ވަނަ ދުވަހުގެ ފަހުން އެ ރަށުގައި ހުރުމަށް ފަހު ދަތުރުކޮށްފި ނަމަ، ކަރަންޓީން ވާން ޖެހޭނެ ކަމަށް އެޗްޕީއޭ އިން ބުނޭ.
ދ.ކުޑަހުވަދޫ ބަނދަރު ސަރަހައްދު: އެ ރަށުން ބަޔަކު ޕޮޒިޓިވްވުމުން އެ ރަށް މޮނިޓަރުކުރަން ފަށައިފި.
17 މާޗް 2021 - 21:47
1 comments
ދ. ކުޑަހުވަދޫ އެއާޕޯޓުގައި މަސައްކަތްކުރާ ބަޔަކު ކޮވިޑް-19 އަށް ޕޮޒިޓިވްވުމުން، މިދިޔަ މަހުގެ 26 ވަނަ ދުވަހުގެ ފަހުން އެ ރަށުގައި އުޅުމަށް ފަހު އެހެން ރަށަކަށް ދަތުރުކޮށްފި ނަމަ އެ މީހަކު ކަރަންޓީން ވާން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އަންގައިފި އެވެ.
ކުޑަހުވަދޫ ކައުންސިލް މެމްބަރު އަހުމަދު ޝާމް "މިހާރު" އަށް ވިދާޅުވީ އެ ރަށު އެއާޕޯޓުގައި މަސައްކަތްކުރާ ހަ މީހަކު ކޮވިޑް-19 އަށް ޕޮޒިޓިވްވުމުން، އެ ރަށް މިހާރު ވަނީ މޮނިޓަރިންގެ ހާލަތަށް ގެނެސްފައި ކަމަށެވެ. އެ މީހުން ކޮވިޑަށް ޓެސްޓުކުރީ ބަލި ޖެހިފައިވާ މީހަކާ ބައްދަލުވުމުން ކަމަށް ވެސް ވިދާޅުވި އެވެ. ނަމަވެސް މިކަމުގެ ތަފްސީލް އަދި ނޭނގޭ ކަމަށާއި ކޮންޓެކްޓް ޓްރޭސިންގެ މަސައްކަތްކުރަމުން އަންނަ ކަމަށް ވިދާޅުވި އެވެ.
"ކޮންޓެކްޓް ޓްރޭސިންގެ ދަށުން 130 ސާމްޕަލް މިހާރު ނަގައިފިން،" ޝާމް ވިދާޅުވި އެވެ.
ރައްކާތެރިވުމަށްޓަކައި ކުޑަހުވަދޫ މޮނިޓަރިންގެ ހާލަތަށް ގެންދިޔަ ނަމަވެސް އެ ރަށު އެއާޕޯޓު އަދި ބަންދުނުކުރާ ކަމަށް ޝާމް ވިދާޅުވި އެވެ.
(1/5)
— Health Protection Agency (@HPA_MV) March 17, 2021
ދ. ކުޑަހުވަދޫއިން ކޯވިޑް-19ގެ ޕޮޒިޓިވް ކޭސްތަކެއް ފެނިފައިވާތީ، 26 ފެބްރުއަރީ 2021 ގެ ފަހުން ދ.ކުޑަހުވަދޫގައި އުޅެފައިވާ އަތޮޅުތެރޭގެ އެއްވެސް ރަށަކަށް ގޮސްފައިވާ ފަރާތެއްވާނަމަ، ވީ އެންމެ އަވަހަކަށް އެރަށެއްގެ ހޮސްޕިޓަލް/ހެލްތް ސެންޓަރަށް އެންގެވުން އެދެމެވެ. pic.twitter.com/J6M76hbmeu
ކުޑަހުވަދޫ އިން ބަޔަކު ޕޮޒިޓިވްވުމުން އެޗްޕީއޭ ކުރި ޓްވީޓެއް
އެޗްޕީއޭ އިން ބުނީ އެ ދުވަހުގެ ފަހުން އެ ރަށުގައި އުޅުމަށް ފަހު ފުރި ނަމަ، އެ މީހަކު އުޅޭ ރަށެއްގެ ސިއްހީ މަރުކަޒަށް ނުވަތަ ހޮސްޕިޓަލަށް އަންގަން ޖެހޭނެ ކަމަށެވެ. އަދި 14 ދުވަހު ކަރަންޓީން ވާން ޖެހޭނެ ކަމަށާއި ކަރަންޓީންގެ މުއްދަތު ހަމަވުމުން، ކޮވިޑަށް ޓެސްޓުކުރަން ޖެހޭނެ ކަމަށް ބުންޏެވެ. އެ މީހަކު ހުރި ރަށެއްގައި ސިއްހީ ހިދުމަތް ފޯރުކޮށްދޭ ތަނަކުން މި ކަން ހަމަޖައްސަދޭން ޖެހޭނެ ކަމަށް ވެސް އެޗްޕީއޭ އިން ބުނެ އެވެ.
މީގެ އިތުރުން، ފެބްރުއަރީ 26 ގެ ފަހުން މާލެ އައި ނަމަވެސް ކަރަންޓީން ވާން ޖެހޭނެ ކަމަށް ބުނެފައި ވެ އެވެ. އަދި 14 ދުވަސް ހަމަވުމުން، މާލޭ ހިޔާ ކައިރި ފްލޫ ކްލިނިކަށް ނުވަތަ ހުޅުމާލެ އަދި ވިލިމާލޭގައި ހުރި ފްލޫކްލިނިކްތަކަށް ދިއުމަށް ފަހު ސާމްޕަލް ނަގައި، ކޮވިޑަށް ޓެސްޓުކުރަން ޖެހޭނެ ކަމަށް ބުނެފައި ވެ އެވެ.
"ނަތީޖާ ނެގެޓިވްވި ކަމުގައި ވިޔަސް ކުޑަހުވަދޫ އިން އަނބުރާ ރަށަށް އައި ދުވަހުން ފެށިގެން 14 ދުވަސްވަންދެން ކަރަންޓީނުގައި ތިއްބެވުމަށާއި، އެރަށަށް ކުރެއްވި ދަތުރުގެ މައުލޫމާތު 1676 އަށް ހިއްސާކުރެއްވުމަށް ދަންނަވަން،" އެޗްޕީއޭ އިން ބުންޏެވެ.
މިހާތަނަށް 21،819 މީހުން ރާއްޖެއިން ކޮވިޑް-19 އަށް ޕޮޒިޓިވްވެފައިވާ އިރު، މިހާރު މި ބައްޔަށް ފަރުވާ ހޯދަމުން އަންނަނީ 2،406 މީހުންނެވެ. މި ބަލި ޖެހިގެން 64 މީހަކު މަރުވެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޒުލާގެ ޖޯކު
18 March 2021
މީކިލހިނެތް ވާކަމެއްތަ. ނަޒުލާ ބުނަނީ ކްލާސްތެރެއިން ކުއްޖަކު ޕޮޒްޓިވް ވިޔަސް މުޅި ކްލާސް ކޮރަންޓީން ކުރަން ނުޖެހޭނޭ..އެކަމަކު ރަށަކުން މީހަކު ޕޮޒްޓިވް ވެއްޖެއްޔާ މުޅި އަތޮޅު ކޮރޮންޓީން..ނަޒުލާ އެބުނަނީ ޖޯކު ކިޔާގޮތަށް މޫދަށްފުއްމާ ލިޔަސް ނުތެމެނީ ކީއްވެހޭ..ޖ އެއީ ފުއްޖަހާ މާ މޫދަށްލިޔަސް ނުތެމޭނެޔޭ. ކްލާސްތެރެއިން ކުއްޖެ ޕޮޒްޓިވް ވިޔަސް މުޅިކްލާސް ކޮރަންޓީން ކުރަންނުޖެހެނީ އެއީ ކްލާސް އެއީ މީހެއް ނޫންވީމައޭ..